عايز كافيه جامد ...أو خروجه جامدة

[gemy215]

معلش ..ممكن اعرف فين مكان كافيه لاكسكاد ده بالضبط ؟

دا قدام مكتبه جامعه اكتوبر بالظبط هوا من برا مش باين اوي هتلاقي كدا صخور ودخله والكافيه جوا شويه بس القعده لزيزه والناس محترمين والخدمه ممتازه من وجهه نظري

[أبو صلاح]

يااااااااااه انا عديت جنب المكان ده كذا مرة وكان نفسي اعرف اسمه ايه ولا تبع ايه بس اتكسفت اسأل .
بس هو مشكلته ان الركنة قدامه بتكون سخيفة والناس بتركن صف تاني والشارع ده بيتعطل بسببهم.
بس هو فعلا مكان شكله حلو من بره.
ان شاء الله اجرب اروح مرة واكتشفه بقي :ob_mak1[1]:

لو عايزة تركني في مكان كويس ادخلي الشارع اللي في ظهر المول ده اللي فيه قسم الشرطة واركني هناك شارع واسع جدا وفاضي
انا عارف المكان ده لان شركتي هي اللي عاملة ديكور مطعم كبير هناك

[elbeheri]

ايه الحلاوة دى ؟؟؟؟؟؟

[I.S.L.A.M]

والله يا جماعة انا خلاص اتعود على القعدة فى (Goal) فى شارع ابو الفداء القعدة هناك ظريفة والجو حلو بس المشكلة فى الركنة بتبقى بعيدة شوية وطبعا قدامة نادى (oun) للتجديف اوعى حد يدخلة لان المكان مش ظريف خالص والخدمة زفت .والحمد لله مش خاطب

[party_0000]

اديها فلوكه في النيل عند عم بندق قدام فور سيزون

[Hondawy_2008]

ارشحلك rain forest Cafe في سيتي ستارز

مطعم ديكوراته جامدة جدا ويعيشك في جو غابات بجد كانك خرجت برة العالم بتاعنا وعايش في مكان بعيد الى جانب المؤثرات الصوتية والموسيقى

الاكل سعره متوسط بس حلو

تجربة جميلة ومكان جديد

أوستااااااااذ

باشا أنا فعلا شفت المكان ده في آخر دور في سيتي هو شكله تحفة بس متهيألي شكل سعره حراق حبتين ياترى تعرف رينج السعر فيه كام لو واحد وخطيبته غدا و درينك ؟

[human]

اديها فلوكه في النيل عند عم بندق قدام فور سيزون

المعادى احسن - جنب فريدايز

[youssefmustang]

افريكا بارك التذكرة بــ 200 جنيه

[MoHaMed HaMeD]

أوستااااااااذ :s_thum1[1]:

باشا أنا فعلا شفت المكان ده في آخر دور في سيتي هو شكله تحفة بس متهيألي شكل سعره حراق حبتين ياترى تعرف رينج السعر فيه كام لو واحد وخطيبته غدا و درينك ؟

+1111111111111111111111111111

[ahmedsamir5edr]

متتابع

[korkor]

فعلا موضوع جميل وممكن ادلى ببعض الاماكن المفيده
1- لو ليك فى الاكل الايطالى ارشحلك كارينوز ليه فرع فى مصر الجديده فى شارع الميرغنى بس اسعاره غاليه شويه بس اكل جامد جدا وهتشبع اخر حاجه ولى فرع تانى تحفه فى نايل سيتى منظر جميل جدا بالذات بليل ( متوسط الاسعار لو اتنيت 140-150 )
2- عندك بقى لو ليك فى جو الشيشه مع سندوتش او حتى طبقى رئيسى فى جراند كافيه برده فى الثوره مصرالجديده اسعاره كويسه وقعدته حلوه وفى فرع فى المعادى على النيل جميل جدا ( متوسط الاسعار لو طبق رئيسى 100-120 للفرد )
3- فى مطعم بقى فى روكسى عند سينما هليوبوليس ترى بون جامد جدا واكله حلو اخر حاجه وتاكل عنده احلى بيتزا ممكن تاكلها فى حياتك واسعاره متوسطه مش غاليه اوى بس ده علاطول زحمه احلى وقت تروح فى وتلاقيه لسه ماتزحمش 5-6 مساءا وابعد عن الخميس والجمعه وسط الاسبوع هيكون فى الجون
4- لو ليك فى المشويات والجود ده فى ستوديو مصر فى مصر الجديده فى شارع الثوره برده جنب جراند كافيه اكله ظريف واسعاره زى كارينوز كده ( نفس المجموعه )
دى بقى محلات الاكل لو عاوز تخرج تتغدى او تتعشى بره فى مصر الجديده طبعا لانى مقيم فى مصر الجديده

بالنسبه لو خروجه سريعه بقى كافيهات وكده ارشحلك الاتى

1- هاريس كافيه فى كذا فرع فى نادى الشمس , الشيراتون وفروع تانيه هو غالى شويه بس قعدته جميله وعندهم براونيز وكاكاو عمرك ما هتدوق زيهم فى اى حته
2- ليبستيك نفس القطعيه بتاعت هاريس ونفس الاماكن تقريبا
3- فى روتسرى فى شارع نبيل الوقاد هو فى اكل وكل حاجه بس اكله مش اد كده هو ظريف فى القعده , عصير كابتشينو وكده .

دى اماكن الخروج مع الزوجات او الخطيبات لو عاوز بقى قهاوى بقى من بتاعه الشباب علشان تعيش دى بقى فى الجزء التانى وعلى الخاص علشان مراتى ماتعرفش انا بروح فين واتقفش

[doc_semsem]

باشا أنا فعلا شفت المكان ده في آخر دور في سيتي هو شكله تحفة بس متهيألي شكل سعره حراق حبتين ياترى تعرف رينج السعر فيه كام لو واحد وخطيبته غدا و درينك ؟
ياترى ياشباب اللى عارف يرد؟؟؟؟؟؟؟؟؟؟؟؟

[doc_semsem]

فكره جامده قوى
ممكن حد يقولى لو راح المطعم الدائرى اللى فوق فى جراند حياة
ايه النظام من حيث الأكل انواعه والأسعااااار وكمان مستوى الخدمة

[eltorky]

1- كافية دوباري داة كافية اوبن أير و شيك اوي في الزمالك عند كنيسة المرعشلي بجانب قصر فرساي و أسعارة كويسة جدا 2- أريوس أو eros داة في أحمدعرابي المهندسين مكان شيك اوي و في جميع انواع الاكل و منيمام 75 للفرد 3- سوليدير أول جامعة الدول العربية نفس نظام أيروس بس أقل شوية في الخدمة والاسعار منيمام 35 جنية 4- وفية مكان لو حد لية في المزيكا الهارد روك في جراند حياة منيمام 75 5- وفي كازينو وسفاري في سفاري اللي علي أول الطريق الصحراوي طريق مصر الاسكندرية منيمام 50 جنية و في أنواع اكل كتير أعدتهم شيك أوي ولو فية أي أستفسار عن الاماكن دية انا تحت أمركم

[mxz911]

اللى بيسأل عن rain forest Cafe : انا رحته مره بس بقالى فتره سنه مثلا .. الاسعار كانت الاكل فى حدود 85 والدرينك فى العشرينات .. مش فاكر ال سيرفس كانت بكام او مش فاكر فيه ولا لا ...

يعنى لو انت وخطيبتك مثلا هتبقى ب 200 ولا حاجه !

عندك برضه فى سيتى ستارز مطعم On the Border ده فى Phase 2 ..اكله لذيذ وحلو ويشبع جامد وهيبقى برضه الاكل نظام Rain Forest Cafe بس السيرفس فيه فى حدود 25 % ( مش عارف 12 % خدمه و12% ضريبه مش عارف ايه )

طبعا انا بتكلم على الاكل الاطباق يعنى وليس الساندوتشات .. والاطباق فOn the border بتبقى زى الفاهيتا مثلا ( ميكس مثلا ) فراخ ولحمه ومعاها رز وفاصوليا حمرا وخضار مشوى و ا لمقبلات زبادى وجبنه رومى مبشوره وسلطه وطماطم سبايسى ..
الوجبه دى بصراحه استاذه واجمد وجبه شفتها ف مطاعم كتير
وزيها برضه فى Chilis اللى ف Nile City هتلاقى وجبه شبه دى بس التانيه حسب ما انا فاكر كانت فراخ بس ( بس مكانش معاها الفاصوليا الحمرا ولا الجبنه المبشوره )

بالنسبه لاقتراح لباقى الخروجات اللى انا بحبها :

بحب الرحلات النيليه .. طبعا مش المراكب المعفنه ام 2 جنيه .. بنروح نركب مركب من نادى المهندسين .. مركب دورين بس تعبان يعنى للامانه بس الرحله بتاعته بجد جامده جدا بيلف بيك ا لجزيره اللى فى النيل والرحله بتعد حوالى ساعه ونص .. وبعد الرحله ممكن تطلع غداء ف اى حته Junk Food وخلاص حيث احنا بنخرج شباب بس ومفيش نظام انى مع خطيبتى وبتاع هيبقى Hardee's مثلا او المطاعم الامريكيه دى المعروفه


ممكن برضه تروح الازهر بارك والقلعه فى يوم بس دى خروجه صباحى عشان تلحق القلعه

لو ليك فى السهر بقى روح عيش فى جو الكوربه .

دى معظم خروجاتى بتبقى بالشكل ده وان شاء الله هزودلك خروجات كتير بس ااما اجى من بره عشان خارج دلوقتى فى مشوار