شكلى كده عندى هاكر على الجهاز...

[ahmad--ezzat]

ياجماعه انا ايميلى بيتفتح كل شويه مش عارف مين الى بيفتحه...غيرت الميل اكتر من مره وكل شويه يتفتح لوحده مش عارف اعمل ؟؟
نزلت كاسبر سكاى انتى هاكر وجيت استبه ظاهرلى الرساله دى...
kaspersky anti hacker cannot be installed on a computer running amicrosoft windows unknown

محدش عنده فكره يا جماعه عن الكلام دة؟؟؟؟؟؟؟؟؟؟؟؟؟؟؟؟؟ والعمل ايه ياترا
ناس قالولى غير ال اى بى بتاع الجهاز وانا مش عارف اعمل ايه بالظيط

[magyver]

المشكة دة كان وااحد حكالي عنها قبل كدة
بس مش عارف عمل اية
كلوا هاايتصلح باذن للة

[noble911]

ركب برنامج فاير وول او شغل بتاع الويندوز

و بعدين باكتر من برنامج انتي فيرس و انتي سباي وير نضف الجهاز

او الحل الاقوي دائما لكنه مزعج و كانك بتبني كل البرامج من جديد
فرمت البارتيشن بتاع الويندوز و نزلها من جديد و اهتم بمضاد الفيروسات و الفايروول و تاكد ان باقي البارتيشنات نضيفة

و اعمل ايميل جديد و باسورد جديد طالما متاكد ان القديم اتسرق

[ahmad--ezzat]

شكرا يا باشا

[speed4speed]

ممكن يكون النت
النت لو فصل ثانيه ممكن يخلى اميلك يطلع و يدخل لوحده ( اعادة اتصال)
و ممكن واحد يكون بيغتت عليك

[Ahmed Selim]

لو عامل auto login على اى جهاز تانى واصل على النت على طول اللى هيحصل كالأتى
هتدخل من الجهاز اللى أنت شغال عليه عادى.....الجهاز التانى هيحصله log out هتشتغل شوية و الجهاز التانى هيحاول يعمل log in و هيطلعك أنت برة......و هكذا.

[M.Osama]

غير الباسورد اولا لانك ممكن تكون دخلت في مواقع الي بتكشف البلوك ودي كل فتره بتفتح ايميلك تبعت منه ايميلات لكل الي عندك

ثانيا نزل نسخة ويندوز ميكونش ملعوب فيها زي مثلا اي بنسمع عنها windows xp sp3 و windows crystal والكلام ده

نزل نسخه windows xp sp2 عاديه خالص او vista عاديه خالص من غير لعب وجرب تنزل الكاسبر تاني

[peregrine]

زى ماقال العضو السابق غير الويندوس ونزل برنامج pc dr
عشان لو عندك سباى وير او ايد وير يشيلة

[Mohamed.Ramah]

غير ال passsword واستخدم kasper او norton انترنت سيكيورتى

[ahmad--ezzat]

انا غيرت الويندوز....مش ملعوب فبها...ونزلت مكافى انترنت سكيورتى ونزلت فاير وال اسمه ashampoo بالاضافه لفاير وال الويندوز والمكافى
وغيرت الميل القديم عملتله (close acount ) وعملت واحد تانى خالص
كده تمام ولا الانتيفيرس تعبان؟

[smsmxxxxxx]

انتا ممكن تعمل الكلام دا كله ويتسرق تانى
لان من الواضح ان اللى بيسرقه كل مرة معرفة وليه مصلحة انه يشوف الايميلات الموجودة
لانه لو هاكر غريب اول حاجة بيعملها بيغير كلمة المرور ويطلب منك فلوس على شكل كارت شحن علشان يدهالك تانى
فانتا اكيد ان ايميلك مهم عليه عروض اسعار او شغل تسويق

او يمكن يكون فى حب قديم بيطاردك

لان ممكن كلمة المرور سهلة زى ارقام التليفونات وتواريخ الميلاد او اسم الشهرة
او حاجة عنك معروف انك بتحبها
او ان كلمة المرور تكون نفس كلمة المرور للمنتديات

فلازم كلمة المرور تبقي صعبة
وفى حاجة تانية مهمة
انتا لما بتشترك فى ايميل بتحط ايميل تانى يتبعتلك عليه كلمة المرور لو نسيتها دا راجعه وغير كلمة السر بتعته

واشهر طريقة بيتسرق بيها الايميلات
هى انك وانتا بتعمل شات مع حد على الماسنجر يبعتلك لنك ويقولك شوف صورى او انضم لمجموعتى او شوف الفيديو بتاعى

ونفس الكلام بيبقي من خلال الايميل ممكن يبعتلك نفس اللينك

فانتا تخللي بالك من اللينك اللى بتدوس عليه بعد ما تفتحه تقرأ العنوان بتاعه بعد ما الصفحة تفتتح هتلاقيه فى الاول كلام معروف زى msnteam او account
وبعد كدة اسم موقع طبعا غير اسم موقع الشركة التى تستخدم الماسنجر بتاعها

وطبعا محتويات الصفحة هتلاقى فيها ان مطلوب انك تدخل كلمة المرور واسم المستخدم


فخللي بالك

على العموم هو حسب معرفتى
ان لو انتا على برنامج شات او فاتح ايميلك ودوست على لينك علشان تشوف تفاصيل عضو اخر او فيديو او تشترك فى مجموعة
مبتحتاجش انك تدخل كلمة المرور واسم المستخدم

ولو ايميلك بتفتحه من اوتلوك وانتا حافظ كلمة المرور
فى برنامج بيطلع كلمة المرور دى لو انتا حد بيستخدم جهازك

-------------
محمد سالم

[amrbakly]

متفكرنيش

انا الأنترنت عندي بتاع فودافون الليميتد، مرة هاكر إبن كلب خلصلي ربع الباندويدث بتاعي في ساعتين 500 ميجا كل ميجا تنطح ميجا و قعدني الشهر كلة متكدر

منهم لله و نفسي افهم بيستفيدوا اية؟ و ساعات بياخدوا حاجات خاصة ممكن تبقي صور مراتك او صور خطيبتك او عيلتك و مفيش عندهم اي نوع من الضمير إطلاقا

فعلا مفروض يتم وضع عقوبة رادعة علشان لو اي واحد عمل عليك هاك يتحبس، ساعتها فعلا حنرتاح من القرف دة

[ahmad--ezzat]

طب والعمل ياشباب....انا عملت ايميل من جهاز تانى خالص ونت تانى خالص...وغيرت الويندوز وحطيط انتيفيرس وكله ....
ربنا يسطر بقا