Tweet
هذا الحوار ، خيالى ، وأى تشابه بينه وبين أى حوار...أو خناقة ....فهو من محض الصدفة البحتة ، وعلى المتضرر اللجوء لمجلس الأمن
زميل 1 :سمعت عن العربية دى قبل كده
زميل 2 :ياراجل هى دى عربية دى.....ده أنا اركب الاوتوبيس النهرى أحسن
زميل 1 :بجد....انت شوفتها وسوقتها وكده؟
زميل 2 :لا....بس شوفتها على النت ....وانت عارف النت بقى .....وقريت كتير أوى عنها ، أنا بقالى حوالى 3 ايام ونص مواراييش شغلانة غيرها ، ده أنا قلبت النت موقع موقع ، وبيج بيج وهوتميل هوتميل لغاية موصلت للرأى ده....حتى شوف ...النت متبهدله ازاى من كتر السيرش
زميل 1 :اه متبهدله اوى...ماههو باين فعلا....طب تصدق بقى انك مبتفهمش فى العربيات ، وشكلك كده سواق كاروو ...وعلى الفيس بوك بس كمان
زميل 2 :أنا مبفهمش فى العربيات وبسوق كارو.....يعنى حتى محصلتش توك توك على الماسنجر .أنا بقى مش هارد عليك وهابقى محترم ومؤدب ..ياريت المشرفين يشوفولنا حل فى العالم ال............ دى.
ويتدخل (زميل 3 ) ليهدئ الاجواء ويصفى النفوس بمصفاه الطماطم
زميل 3 : ايه يازميل منك له...احنا اخوات وميصحش كده
زميل 1 : انت مالك انت متخليك فحالك وبعدين انت ايه اللى جابك هنا ارجع القسم بتاعك.
ويعود الزميل 3 الى القسم الخاص به عملا بمبدأ من خرج من القسم بتاعه اتقل مقداره...حولى كيلو ونص
زميل 2 : لا....لا ..انت زودتها أوى ، انت تعرف انت لو قصادى كنت وريتك
زميل 1 :تورى ....تورى مين ، طب لو راجل ...انزللى المنتدى الاجتماعى ، وهاتشوف هاعمل فيك ايه
زميل 2 : واضح انك مش عارف انت بتكلم مين ، انت متعرفش أنا مين ، هه ، أنا مين ، مين؟
وواضح جدا ان الزميل 2 قدى نسى اسمه بالفعل ويحتاج الى من يذكره
زميل 1 : مستنيك فى الاجتماعى ، عند شروق الشمس
ويتقابل الزميلان العزيزان فى مبارزة اسطورية فى القسم الاجتماعى ، عند بزوغ الشمس ، ليتقاتلا دفاعا كل عن سيارته
زميل 1 :عربيتك فل اوبشن؟
زميل 2 : ها ها طبعا ، ميت فل واوبش كمان
زميل 1 :عربيتك فيها ايه بى اس
زميل 2 : ايه بى اس وبس !!!!!!!!! ايه بى اس و كمان ايه بى دى و ايه اللى بيحصل ده................هاهاهاها
زميل 1 :يا باشمهندس يامحترم......عربيتك تقدر..... تمشى على الحيطة؟
زميل2 :هاها...عربيتى تمشى على الحيطة المايلة....تعدلها....انت بقى عربيتك تقدر تاخد غرزة على سرعة 30 بين عربيتين احداهما تسير بسرعة 90 والاخرى بسرعة 190 .....تقدر....ها
زميل 1 : ياسيد....(هو مش سيد طبعا هو زميل 2 بس ده كناية عن قلة الاحترام).. عربيتى تقدر تاخد غرز أكتر من اللى فى بنطلون حضرتك ، وبدون توقف ، لأنها مجهزة ببكر من المقاس كبير ،دى اتحولت لمكنة خياطة من كتر الغرز اللى بتعملها
زميل 2 :بجد .....طب ده أنا عندى حته قماش جايبها من فترة وعايز افصلها بدله صيفى نص ياقة ومش لاقى حد
زميل 1 :ياراجل طب مش تقول ، ده أنا فى الخدمه ، عدى عليا ارفع المقاسات ويومين وتبقى عندك
ويعود المقاتلان الى اخوة أحباب بعد أن نسيا ماكانا يتقاتلان عليه لانه لايخصهما بأى حال من الاحوال
ويعود المقاتلان الى اخوة أحباب بعد أن نسيا ماكانا يتقاتلان عليه لانه لايخصهما بأى حال من الاحوال
Comment