حد يعرف محلات ملابس رجالى و أطفالى؟

[ahmedelgazzar]

السلام عليكم
حد يعرف محلات ملابس أطفال ياريت تكون فى مصر الجديدة أو مدينة نصر(حاجات نضيفة بس مش مبالغ فى تمنها)
و هل حد يعرف محلات ملابس رجالى سواء كاجوال او كلاسيك (حاجات نضيفة بس مش مبالغ فى تمنها)

شكرا مقدما
جزاكم الله خيرا

[mxz911]

يا باشا انت لو رحت سيتى ستارز فى وقت ال Sale هتلاقى حاجات كتير تعجبك وبأسعار احسن من المحلات العاديه وارخص وخامات انظف بكتير

انا الصراحه مش بشترى غير ف وقت ال Sale بس بظبط كل حاجه وبسعر حلو لان ال sale بيوصل ل 75% فى بعض المحلات .. و50% فى العادى .. او 30% على الاقل

بالنسبه للاطفال معرفش للاسف

رجالى كاجوال او كلاسيك شوف Activ و Reebok و Fila و le coq sportif و Umbro و momo... دول اللى دايما بتعامل معاهم والصراحه وقت ال sale بيكون سعرهم جامد جدا وهيعجبك يا مان وللاسف انا معرفش امتى وقت ال sale بالظبط بس انا عشان بشترى حاجات من سبينس وكده ف باخد لفه بالمره هناك

[M.Mosaad]

بالنسبة للاطفال Kids Park اللي في اخر مكرم عبيد قدام عمر افندي السراج دة احسن واحد و سعرة مناسب و عنده تشكيلات كتير حلوة اسعارة متوسطة مش ضارب في العالي و كمان مش رخيص

بالنسبة للرجالي New Born برضة جميل جدا و اسعارة كويسة خالص يعني القميص في حدود 125 جنيه و البنطلون برضة و بصراحه حاجات شيك جدا و بتعيش كتير و دة ليه فروع كتير اوي في سيتي ستارز جنينه و وسط البلد

[mxz911]

New Born ده انا عمرى ما حبيته ولا حبيت حاجته خالص .. وانا هديك امثله على اسعار المحلات اللى قلتها

MoMo جبت منه قميص ب 100 بعد ال sale .. وهو كان ب 200 جنيه
Umbro اشتريت كذا تى شيرت فى حدود حاجه وخمسين جنيه بعد اما كان سعره حوالى 150 جنيه التى شيرت
Fila التى شيرتات بتبقى فى حدود حاجه وسبعين جنيه
Reebok نفس الكلام مقارب ل Fila
ِActiv عنده البناطيل الجينز ب 80 و ب 140 جنيه

وضيف على ال List .. محل Lois له كذا فرع بس انا اللى بتعامل معاه فى عباس العقاد .. التى شيرتات بتبقى ف حدود 60 بعد الخصم 50%
والبناطيل الجينز من 110 ل 140 بعد الخصم 50% برضه

ولو فكرت فى الكوتشيات عليك وعلى Adidas بس هيكون غالى شويه وال Sale بتاعه اخره زى ما شفت 25% .. يعنى تجيلك كوتش على 350 جنيه مثلا بس مريح جدا ويعيش معاك ويريحك