ما الذى يحدث فى مصر

[momoneer]

هقولكم موقفين حصلوا معايا بعدهم اخدت موقف من برامج التوك شو وكرهت اى برنامج بيناقش مشاكل مصر

1- فى الصيدلية لقيت واحد داخل عليا لهجته مش مصرية سألته انت منين قالى من فلسطين
الشخص ده كان كاره نفسه بيتكلم بأسلوب وحش وعصبى وغريب جدا !!
كان معاه حماته ( حماته اعرفها لأنها من زبائن الصيدلية )
الشخص الغريب ده خرج يجيب حاجة فقعدت اتكلم مع حماته وفوجئت ان هذا الشخص اسرائيلى ( من عرب 48) و هى كتير بتسافر اسرائيل وبيعملوها هناك كويس وكلام فاضى من ده
لما الرجل رجع تانى مراته كلمته على الموبيل من اسرائيل بتقوله هات الدوا الفلانى وكذ وكذا
قالها : دوا ايه و زفت ايه انا قريت ف جرنال ان الدوا بايظ وبيموت الأطفال اجيب ايه دى بلد يتجاب منها حاجة!!!
قالتله طب كلمنى على النت لما تروح
قالها نت ايه وزفت ايه من ساعة ما جيت ها البلد والنت فاصل وبيصلحوه !!!! انتى مش بتشوفى التليفزيون بيقولا ايه عن مصر !!

2 - كنت بتكلم مع كذا شخص من الأردن
وفوجئت انهم بيقولوا انهم لما بينزلوا مصر بيكونوا خايفين يركبوا تاكسى لوحدهم علشان القاهرة اليوم جاب مش عارف ايه
والجريمة منتشرة علشان برنامج ايه جاب ايه
والمخدرات منتشرة والحشيش علشان برنامج ايه جاب ايه
عارفين كل مشاكلنا
بس ما يعرفوش حاجه كويسة عندنا الا شارع الهرم
افتكر ان دية وظيفة الإعلام
تلميع صورة مصر
انا مع نقد الأداء الحكومى
بس بدون تجريح فى الرئيس بتاعنا ولا شتيمة
بدون انتقاص من كيان مصر
بدون تشويه لصورة الشعب المصرى ( اللى برامج التوك شو مطلعينه كله حراميه ومرتشين وقتله وزناه ومغتصبى اطفال)
لأن ده بيجرأ العرب علينا
واحداث الجزائر الأخيرة و انحياز كثير من الدول العربية للجزائر خير دليل

اخيرا انا نازل الانتخابات 2011 ايه رأيكوا ؟؟

[casperinoo]

كنت قريت مره واحد خليجي بيحكي انه كان سافر مصر ووكان متعجب من كمية الملتزمين في مصر وان الحجاب منتشر جدا في مصر والمساجد مليانه عكس اللي بيظهر في الاعلام المصري سواء كان برامج او افلام...اللي بتصور مصر اكنها بلد النصابين والحراميه والرقصات وحاليا الشذوذ

حاجه تانيه شوف كمية العيش اللي بتترمي في الزباله في عربية عندنا في شبرا بتعدي تلم العيش البايت ده الكيلو مش عارف ب 40 قرش حاجه كده علشان الفراخ بتاكله..والله العربيه بتبقي مليانه علي اخرها ..وفي الأخر يقلك ده احنا مش لاقين العيش
او حتي شوف كمية الأكل اللي احنا بنرميها في الزباله..كفيله انها تأكل شخص او شخصين يوميا...بجد احنا اللي عاملين كده في نفسنا

[samcar]

ده فى انهى حتة اتقال الكلام ده
لان مفيش حاجة فى الدنيا اسمها ايراد جهة مخصص لجهة
اى محاسب صغير حيعرف ان ميزانية فيها بند ايراد وبند مصروفات بدون تخصيص يعنى حنلم من هنا وهنا وهنا ونصرف هنا وهنا وهنا لكن مش ممكن يقول حخصص دخل قناة السويس للتعليم والسياحة للصحة ...يبقى عمر موزير المالية حيقول الكلام ده

على فكرة دخل قناة السويس 30 مليار مش 3 مليار

وبرده ده ولا حاجة اذا كان البنزين لوحده دعمه فى ال40 مليار...طارت قناة السويس

احنا مش احسن دولة فى العالم ولا احسن اقتصاد

بس لازم الناس تفهم برده ان الموارد محدودة، بلاش محدودة علشان الناس بتزعل

الموارد محدودة على اد السكان

يعنى الناس دايما بتبص على الخليج

طيب لو بصينا على السعودية مثلا

لو عندك بترول السعودية كله برده مش حتبقى عشر المواطن السعودى من ناحية الخدمات

لانك 80 مليون وهو 6 مليون فنصيب الفرد اقل

ناهيك عن سياسات كتيرة متعودين عليها

بصوا على البنزين 80....السلعة الوحيدة فى العالم (بالاضافة لرغيف العيش فى مصر برده) اللى بترخص بقالها 20 سنة

ايوه 20 سنة بترخص مش ثابتة حتى وطبعا بسبب التضخم

طيب ازاى الناس مش ملاحظة نقطة زى دى

ازاى البترول كان ب16 دولار واللتر ب90 قرش
ولما البترول بقى 140 دولار برده بنفس السعر

يعنى اى سلعة بتغلى اشمعنى دى...انا عارف انى حسمع محاضرات على الغلابة واللى مش لاقيين و...الخ

على عينى وراسى بس هل معنى كده ان السلعة متتحركش خلال 20 سنة

وليه منشوفش الغلابة دول ونديهم الدعم والباقى يدفع

ليه سواق تاكسى بيلهف فى المشوار 20 جنيه وتلاقيه واقف يتخانق على البنزين 80 ولما تركب معاه يحسسك انه بيحط 95

ليه واحد راكبلك عربية قديمة صحيح لكن حاطط في جيبه سجاير ب7 ولا 8 جنيه فى اليوم ويحطلك بنزين 80

طيب فلوس مين اللى بتتصرف على النوعية دى....مهى فلوسى ...الفلوس اللى كانت المفروض تتصرف على تعليم عدل ولا صحة عدلة ولا طرق..بتترمى فى الهوا

قيس بقى على كده..مياه...اللتر يكلفنا اكتر من جنيه ونص وتلاقى الناس فاتحة المياه براحة راحتها...مهى الفاتورة حتجيله كام يعنى...ينفع تشترى ازازة بيبسى وترميها فى الشارع

داخلين على حرب مياه والناس بترمى المياه فى الشارع علشان ترطب الجو:b4_592:

شوف الكهربا بتتكلف كام وبتتباع للمواطن بكام وتلاقى كل واحد فاتح 5 الاف نور فى الشقة وسايبه ونايم

يعنى فى حد يقدر يفتح الموبيل ويسيبه ويمشى علشان مكسل يقفل المكالمة

محدش بينكر الفساد ولا التخبط ولا الكلام ده كله بس محدش يحاول يقنع نفسه اننا اعظم شعب فى العالم والمفروض نبقى اقوى من امريكا لولا الحكومى

احنا احسن شعب لاننا مستحملين العن حكومه- والكلام اللى بتقوله هو نغمة الحكومه الفاشله- لما مش عارفين يصلحوا حاجه واحنا شعب ابن ستين فى سبعين ما نتستاهلش عبقريتهم قاعديمن على نفسنا ليه ما يشوفوا شعب تانى يروحوا يحكموه
سؤال - هو جنابك تبع اى شعب ؟

[Abo_Lina]

و الله أنا شايف موضوع الموارد المحدودة هي حجة البليد قصدي حجة الحكومات العربية
و الله بلد مواردها محدودة يبقى تعمل برامج و مشروعات لزيادة الموارد .. مش تقعد حاطة إيدها على خدها و كل ما تتزنق تزود الضرايب

[ahmed4000]

احنا احسن شعب لاننا مستحملين العن حكومه- والكلام اللى بتقوله هو نغمة الحكومه الفاشله- لما مش عارفين يصلحوا حاجه واحنا شعب ابن ستين فى سبعين ما نتستاهلش عبقريتهم قاعديمن على نفسنا ليه ما يشوفوا شعب تانى يروحوا يحكموه
سؤال - هو جنابك تبع اى شعب ؟

فعلا حجة البليد هى ان المدرس مش كويس
يعنى احنا اقوى واعظم شعب فى العالم لكن مشكلتنا الوحيدة بس فى الحكومة
غيرولنا الحكومة بس واحنا نبقى اقوى من امريكا واوربا على بعض

الشماعة اللى بنريح نفسينا بيها...احنا كويسين بس الحكومة وحشة حنعمل ايه بقى

والله لو جالنا مين واحنا على حالنا ده مش حيعمل معانا حاجة

ومتنساش الحديث

"كما انتم تولوا"

[samcar]

فعلا حجة البليد هى ان المدرس مش كويس
يعنى احنا اقوى واعظم شعب فى العالم لكن مشكلتنا الوحيدة بس فى الحكومة
غيرولنا الحكومة بس واحنا نبقى اقوى من امريكا واوربا على بعض

الشماعة اللى بنريح نفسينا بيها...احنا كويسين بس الحكومة وحشة حنعمل ايه بقى

والله لو جالنا مين واحنا على حالنا ده مش حيعمل معانا حاجة

ومتنساش الحديث

"كما انتم تولوا"

هو حالنا ده مش افراز الحكومه !!!!- يا راجل حرام عليك الشعب ده هو اللى لما السادات ادى له بس نسمه حريه قام وكل اسرائيل - الشعب اللى مسكاه حكومه ارهابيه كل همها رضى الغرب وماما امريكا عايز منه ايه - همه وامانه - بس هو فعلا احنا نستاهل علشان وسطنا اللى بيمالى للظلمه ويبرر افعالهم

[MoToRiZeR]

أه للناس إيد في اللي بيحصل و كل حاجة
بس اما يبقي فيه نظام ماسك البلد بقاله 30 سنة .. ده يجيب يأس لأجدعها شعب.

انا إتولدت و دخلت المدرسة و إتخرجت و صحابي إتجوزوا و ناس من أهلي ماتوا و الصورة اللي متعلقة عالحيطة متغيرتش!

ناس جت و ناس راحت و النظام هو هو .. بقي فيه يأس من التغيير و دخلنا في مرحلة "التكيف" علي الوضع .. و لكن مع الوقت الأوضاع بتصعب أكتر و هيبقي التكيف شبه مستحيل و ده اللي بيحصل اليومين دول .. لحد ما نوصل لنقطة الصدام .. يا يحصل تغيير في حياتنا يا نموت!

[husseinodeba]

المشكلة فيينا كلنا يا اخي
وهو ده سرنا
قال الله عزو وجل

(( لا يغير الله ما بقوم حتى يغيروا ما بأنفسهم))

[ahmed4000]

هو حالنا ده مش افراز الحكومه !!!!- يا راجل حرام عليك الشعب ده هو اللى لما السادات ادى له بس نسمه حريه قام وكل اسرائيل - الشعب اللى مسكاه حكومه ارهابيه كل همها رضى الغرب وماما امريكا عايز منه ايه - همه وامانه - بس هو فعلا احنا نستاهل علشان وسطنا اللى بيمالى للظلمه ويبرر افعالهم

هو السادات ادانا حرية؟ وكمان قبل الحرب علشان كده كلنا اسرائيل وبعدين الحرية دى طارت فجاة؟ لا وبقت الحكومة الحالية بس هى اللى همها رضا الغرب طب وايام السادات كان همها رضا مين؟

على فكرة محدش برر موقف الحكومةو لا دافع عن الحكومة...اللى بنقوله بلاش تعلق فشلنا على عامل خارجى (فقط)

...سقطت ليه؟ الامتحان صعب..المدرس مستقصدنى

مشتغلتش ليه؟ اصلها واسطة
اى شماعة وخلاص لكن احنا تمام التمام... عشرة على عشرة...اعظم شعب فى التاريخ..بنشتغل بايدينا وسنانا...عندنا ضمير مفيش بعد كده...الالتزام والتحضر عندنا ملوش حد...منعرفش حاجة اسمها تخلف ولا اهمال...بنلتزم بالقوانين وبنحترم النظام حتى من غير عقاب

ياااه بس يجلنا واحد تانى فيدوس على الزرار تلاقى البلد بقت امريكا علطول بس معلش بقى حظنا وحش...

[momoneer]

الله ينور يا احمد باشا

[Abo_Lina]

انا إتولدت و دخلت المدرسة و إتخرجت و صحابي إتجوزوا و ناس من أهلي ماتوا و الصورة اللي متعلقة عالحيطة متغيرتش!

هذا ما وجدنا عليه أبائنا

[momoneer]

من ضمن الحاجات الغريبة اللى بتتكرر برضه
امبارح ماشى جنب بتاع الزبالة لقيته بيسمع على الموبيل بتاعه ( قالوا ياما ان القمر عالى وبعيد والملايكه مستحيل تلمسها ايد )
يا حلاوة
معاه موبيل وبيسمع كمان عمرو دياب
ومش اى اغنية لعمرو
لأ دى موسيقى سواى
...
وبلاقى ناس كتير بتشحت ومعاها موبيل
...
بس الناس اللى بتكون محتاجه بجد بتبقى معروفى فى اى حى لاهل الحى
وبينطبق عليهم الايه (يحسبهم الجاهل اغنياء من التعفف)

[ahmed4000]

من ضمن الحاجات الغريبة اللى بتتكرر برضه
امبارح ماشى جنب بتاع الزبالة لقيته بيسمع على الموبيل بتاعه ( قالوا ياما ان القمر عالى وبعيد والملايكه مستحيل تلمسها ايد )
يا حلاوة
معاه موبيل وبيسمع كمان عمرو دياب
ومش اى اغنية لعمرو
لأ دى موسيقى سواى
...
وبلاقى ناس كتير بتشحت ومعاها موبيل
...

بلاش وحياتك سيرة الموبيل دى
مش عارف ايه الشعب اللى نصه تحت خط الفقر بس عندنا فوق ال50 مليون مشترك فى الموبيل!!!!!

ايوه فوق ال50 مليون مشترك؟

وتلاقى سرف واستهلاك خيالى فى التليفونات (يكلم مراته وهى الاودة اللى جنبه مكسل يعلى صوته) الناس مبتعملش حاجة طول اليوم غير انها تتكلم فى التليفون (اوعى حد يقولى شغل...الشعب مش مقطع نفسه شغل...وعلى كده زمان مكناش بنشتغل بقى)

بيزنيس الرنات واللوجاهات والكلام الفاضى ده

بيزنيس العدد..لازم العدة تبقى احدث حاجة وكل شوية تتغير (اخويا عايش فى امريكا ولما ينزل مصر مبيشغلش الموبيل نهائيا وعادى عايش والله ومرة قالى ورينا الموبيل بتاعك كده ورينى ايه البولوفنيك والحاجات دى ..فلما استغربت قالى الحاجات دى مبنسعملهاش) واظن اللى بيسافروا بره حيلاقوا انه ممكن يقعدوا فترة طويلة جدا مع اشخاص ولا يشوفوا موبيلهم ولا يسمعوا رنته 0لانه اداة لا تستخدم الا فى الضرورة)

اومال الناس بتتخانق علشان تاخد رخصة موبيل فى مصر ليه