إستشاره فى شراء مدفن......

[أشرف فتحى]

بدايه....

نعلم جميعا إن كل من عليها فان ويبقى وجه ربك ذو الجلال والإكرام........

وأننا لأدم وأدم من تراب......

خلقنا من تراب وسنعود الى التراب....

أعتذر مبدئيا عن العوده للمنتدى بعد فتره بهذا الموضوع والذى قد يراه البعض غير هام بل ومقبض أحيانا...

إنما فى الواقع فإن الموت حقيقه مؤكده.......

وكلنا سيموت....

ومنذ فتره طويله يراودنى الفكر حول ماذا سيحدث إذا وافتنى المنيه فجأه....

ولم يشغلنى شئ من التجهيزات الماديه والدنيويه أكثر من المدفن او مكان التوريه الاخيره....

وسألت بعض المعارف والاصدقاء فلم أجد لديهم معلومه وافيه شافيه....كما انى سمعت من أحدهم أن المدفن قد يصل سعره الى 40000 جنيه!!!!!!!!!

لا حول ولا قوه الا بالله.....

غرفه تحت الارض...بدون ماء او كهرباء او تجهيزات من اى نوع ب اربعون الف جنيه.....

فالرجاء من إخوانى فى المنتدى التفضل بالإفاده حول هذا الموضوع....

من حيث توافر مكان والاسعار المقترحه والخطوات الواجب إتخاذها لصياغه الشكل القانونى للمكان وحفظ الملكيه للمالك والورثه.....

شاكرا لكم التعاون وداعيا لكم بدوام الصحه والعافيه.....

[maka]

متابع

[Mohamed.Ramah]

بسم الله الرحمن الرحيم (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
صدق الله العظيم

فإن الموت حقيقه مؤكده وربنا يديك طولت العمر

[amr5500]

انا من سنتين سمعت ان المدفن في مدينه نصر وصل ل 180 الف جنيه

[حماده عزو]

أقل مدفن عندنا فى مقابر طنطا بجوار مسجد عواره
القديم المتر 7000 جنيه
والجديد الى فى اخر المدافن ب5000 ولا عزاء للأموات

[Terrible_DaRsH]

هو مدفن ايجار جديد ولا ايه !

يعنى الفقراء لما يموتوا يترموا فى الشارع ! لا حول ولا قوة الا بالله .

ربنا يديك طولة العمر يا استاذ اشرف ..

[m000dy]

اللى اعرفه يا ساده يا افاضل كالتالى
ان متر الارض تقريبا بيعمل ربع جنيه
اييييييييييييوه ومش بهزر والله احنا اشترينا المدفن بتاعنا كده وبالبطاقه
ده بيبقى تبع المحافظه وكل فتره بيفتحوا الباب للحجز والشراء وبيبقى سعرها قليل جدا جدا جدا واللى بيسافر بره القاهره اكيد بيشوف المقابر اللى بره على مدخل المحافظه وكذلك فى اغلب المحافظات
وبقى اتجاه جديد تخصيص اراضى المدافن على اطراف المدن وكل ماتخلص مرحله بيطرحوا مرحله جديده
اما موضوع المدفن ابو 40 الف ده فده موضوع تانى وهو كالتالى
كل منطقة مدافن بيبقى فيها مقاولين بيبنوا المدافن هناك وبتبقى زى منطقة نفوذهم ومحدش يقدر يبنى هناك غيرهم وهمه بيشوفوا الاراضى اللى ماتبنتش وبيجمعوا اصحابها ويشتروا منهم الارض ب 4000 او 5000 ويبنيها ويشطبها ( تقولش الميت هايحس يعنى ولا هاتشفعله نضافة تربته ) ويبيعها للبهوات بالمبلغ ده ويمكن اكتر
مثال
واحنا فى المدافن بنشطب العيون بتاعتنا ( وانا ضدها لانها مش لحد اسلامى لكن التربه الصحراويه تحكم بقى ) لقينا اسطول عربيات داخل والظاهر انه من الناس المستريحه الله يرحمه ويغفر له وماكانوش لاقيين حته يدفنوه فيها وطبعا كل مدافن تلاقى فيها كام حته كده مدافن صدقه ولكن اكمنهم اغراب فمايعرفوش وبالتالى بيسألوا المقاول اللى مرابط على باب المدافن على طول او حد من صبيانه ويقولوله عاوزين حتة ندفن فيها فيعرض عليهم تربه كامله متشطبه بمفتاحها بالمبلغ اللى حضرتك بتقول عليه وفعلا بيشتروا على طول
عرفت بقى حضرتك ليه الاسعار دى وانا بتكلم على اللى شوفته فى مدافن السويس هنا وماعرفش اى مكان تانى بيبقى النظام فيه ايه
وربنا يطول فى عمر حضرتك ويخليك لاهل بيتك وزى ماحضرتك قلت الواحد لازم يعمل للاخره وقمة الايمان بيوم القيامه والدار الاخره هو اعدادها لحين النزول اليها

[peregrine]

معقولة المدفن وصل 40000 جنية!!!؟؟؟ دة تمن فيزة ايطاليا لا يا عم انا اموت واندفن فى بيتنا
هقولهم يدفنونى فى المنور أوفر
بس بينى وبينك انا كنت بفكر جدى فى موضوع وهب أعضائى بعض الوفاة ..صدقة جارية
واللى يتبقى منى يبقو يحتوة فى اى حتة مشهتفرق كتيرر
روحى هتبقى بين ايدين ربنا ساعاتها

[أشرف فتحى]

أشكر جميع الاخوه للإهتمام والمشاركه فى الموضوع......أدام الله عليكم فضله ونعمته....

[أشرف فتحى]

ما زلنا فى إنتظار رأى أصحاب الخبره وما هى الاماكن المتوفره للسؤال عن الإجراءات......والتكلفه النهائيه...

[A7MED_PHARMA]

والله أحسن الواحد لما يموت
أهله يرموه في النيل ..يبقا نفع وإستنفع
نفع : السمك هيلاقي عشاء جاهز
إستنفع : هيوفر 40.000 جنيه ..ويموت وهوا مبسوط انه مادفعش المبلغ ده





.
تحياتي لمصر
حبيبة قلبي ( سابقا)