مصر التي في المسلسلات

[hamdy]

منذ نعومة اظافري و انا احلم بالبنت الحلوة ام شعر اصفر و عيون ملونة هتيجي و تحط اديها في ايديا واحبها

منذ نعومة اظافري و انا احلم بالسيارة البي ام دبليو ام ازاز اسود من جوه

و عندما تعود بصر ي علي مسلسلتنا المصرية ايقنت اننا نعيش في مصر الأونطة

لن تجد في مسلسل عربي البطل يركب الاوتوبيس مثلي
و لن تجده يشتري شقتين فول و حتة بتنجان – البرنجان لناطقي اللغة البلشقية –
لن تجد البطل مثلا يهرب من الديانة مثلي

في مسلسلاتهم لن تجد البطل سمع اصلا عن مترو الانفاق او عن الاتوبيس ابو ابونيه الاحمر
لن تجد البطل يعيش صعلوكا مثلي في المقاهي البلدي و يا كل الكشري و يموت شعرا و عنفوانا
لن تجد البطل يوما يفتح كتب امل دنقل و عبدالوهاب البياتي و هو يحلم بالبنت اياها ام شعر اصفر و عيون خضرا

فجميع ابطالنا في مسلسلات اليوم
امثال : شفت الواد ابو جل في شعره اللي مبلط في الديسكو

البطل عندهم عنده سيارة احدث موديل والتي كان لها الفضل الكبير في التعرف علي محبوبته التي قطعا تملك سيارة مثلها والتي لا تقل جمالا عن السيارة اياها ام ازاز اسود من جوه
افراحهم تقام في فندق جميل من زوي الخمس نجوم و سيف و نسر – دا تقريبا يطلع لواء في الجيش –
البطل هنا كل طموحه ان يتزوج انجي و التي بدورها تحب "علي" – ابن "الريس عبدالواحد الجنايني ":POINTI~2[2]:
ولكن سرعان ما يصبح علي بن الريس عبدالواحد - الكحيان الجعان – من زوي السلطة و المال – وهنا اود ان انوه للقارئ الكريم اني لا تاكلم عن علي عز بتاع اسياخ الحديد – :10D5C8~1107:ولكني اتكلم عن علي اخر – فارجوك متفهمنيش صح -
هنا الجالس خلف التلفاز امثالي يكون عندهم طموح لا يرقا طبعا لعلي بيه فعلي بيه في المسلسل قد وجد مهنة مدير شركة بمنتهي السهولة

ان الدرس المستفاد في تجربتي
ان مصر التي نعيش فيها غير مصر التي مسلسلتنا العربية

انك لازم تتغطي كويس قبل ما تنام

[mada121977]

طيب احنا مش هانروح بعيد
تعال نشوف افلام فتره الاربعينات والخمسينات والستينات
هتلاقى الموظف الحكومى (وهى وظيفه كانت لها هيبتها فى الماضى السحيق ولكن الان لم تعد تساعد صاحبها على اكل العيش الحاف كما يقولون ) ... هتلاقيه أيامها عايش فى شقه جميله وواسعه ويرمح فيها الخيل .. أما الان فالموظف عايش فى غرفه مترين فى مترين وكل سنه ولا سنتين بيغير الغرفه علشان قانون الايجارات الجديد

هتلاقى الموظف فى الافلام القديمه عنده خادمه صغيره تساعد زوجته فى الاعمال المنزليه وتجيبلهم الخضار من السوق .. دلوقتى الخادمه ممكن تعطف على الموظف وتديله حسنه

هتلاقى الموظف رايح شغله فى مواصلات اّدميه وقاعد مستريح سواء فى الترام او الاوتوبيس او حتى الحنطور .. دلوقتى شوف الموظف وهو رايح الشغل ويقعد يستنى علب السردين (الاوتوبيس) بالساعات علشان يوفر شويه من فلوس المواصلات

هتلاقى الموظف فى الافلام القديمه دى بيروح يتفسح فى أماكن جميله على النيل او ممكن يسافر رأس البر ولا جمصه فى الصيف ... دلوقتى الموظف علشان يروح يصيف يبقى هايبيع عفش البيت

هتلاقى الناس فى الافلام القديمه لبسها شيك ولابسين بدل وشكلهم نضيف .. دلوقتى هتلاقى فى الافلام البلطجيه ومسجلين الخطر

هتلاقى الناس فى الفيلم مقدرين قيمه التعليم والوظيفه الحكوميه ... دلوقت بيقدروا اللى يسرق أكتر ويبقى زعيم عصابه

[Mohamed.Ramah]

والله شوف احنا كان ماسك البلد مين ساعتها وشوف احنا عددنا كان قد اية وقيمة الجنية اد اية وبعد كدة نتكلم على اللبس والفلوس والعربية اما ازاز ملون من جوة وكل الحجات الحلوة دة
دا غير ان الاغلبية كانوا بيراعوا ربنا فى شغلهم وفى الشارع وفى البيت

[hamdy]

هدي دي مصر يا جماعة مش جديدة وكل يوم بيعدي بحس انها بتضيق عن الاول اكنها مثلا قميص ولا بنطلون

[نور القمر]

عندنا اكون في مشوار جالسة في السيارة سواء كنت اسوق انا او الى جوار زوجي ويسوق هو واشعر بالتعب والارهاق وهبوط ضغط الدم الذي اصبح يلازمني معظم الوقت واعد الثواني والدقائق لاصل لسريري وارتاح
اتلفت حولي في الطريق لابحث عن اتوبيس نقل عام او ميني باص الجمعية واتأمل وجوه الركاب الواقفين محشورين ببعض والذين تحددت ملامحهم بشكل معين نتيجة الفقر والبؤس وكآبة الحياة التي ليس لها نهاية الا الموت
والله اتأملهم واتخيل نفسي في هذا الباص الى جوار هؤالاء الاشخاص وانا بحالتي هذه من انخفاض ضغط الدم واحمد الله كثيرا كثيرا كثيرا انني لست معهم لانه لن يمنعني من السقوط مغشيا عليَ إلا عدم وجود مكان فارغ بالباص لاسقط فيه وسأظل واقفة بفعل تلاحم الشعب

[Terrible_DaRsH]

مش العلاوة زادت 900 % !! كتر خيرهم بصراحة . بلاش افتراء بقي .

[eng.octooo]

وسأظل واقفة بفعل تلاحم الشعب

اية يانور الكلام دة
طيب الحتة دى انتى عاوزانا نفهمها بتعبير كوميدى ولا حقيقى ولا مجازى ولا شبابى


معلش بس الحتة دى علقت معايا

[egyegy]

افضل تعبير وجدته عما تتحدث عنه هذه الصورة