قرار مصيري وخايف أخدو!!!

[yoko]

زي ما معظم الي في المنتدى عارفين إني طالب في هندسة قسم كهربى بور والحمد لله بحب القسم ده جدا جدا بس دلوقتي معروض عليا إني أتدرب في مركز خدمة بحيث إن لو الشغل كمهندس صيانة عجبني أكمل في الشغل ده (وبكده هبعد عن مجال درستي ١٨٠ درجة) وأنا متأكد إني لو إبتديت أشتغل في العربيات مش هقدر أبعد
فمش عارف أعمل إيه؟؟؟
رأيكوا إيه في الموقف ده بما إننا كلنا مدمنين عربيات زي بعض

[TAMER2020]

يا باشا شوف أنت بتحب أيه و أعمله ده هايخليك ناجح فى حياتك العمليه

[Ralliart]

ازيك يا يوكو هربت انت من الاوتو كروس من غير ما تقول
انا لو مكانك ومركز الخدمه ده كويس هشتغل فيه على طول
بس المشكله تتلخص في ان معندناش في مصر شغلانه محترمه في مجال العربيات يعني مهندس صيانه هيبقى اسمك مهندس بس بعيد كل البعد عن الهندسه وهيبقى شغلك اشبه باسطى ميكانيكي بس على نضيف ومحترم والدليل انها بعيده عن الهندسه انك مش بتاع عربيات اساساً

[Ahmed Nouh]

بص الموضوع يرجع لك انت

انا بدرس حاجه وشغال حاجه وبرغم انى بحب الاتنين الا انى اكيد شغلى فى العربيات بياخدنى جدا من دراستى ( كمبيوتر )

فى بدايه الموضوع اتحمست قوى للشغل وعلشان اثبت نفسى اديتله كل وقتى وكانت النتيجه قاسيه جدا , شيلت سنه كامله منجحتش فى ماده توحد ربنا

وبعد الموضوع ده وقفت لنفسى وقولت هبطل شغل ومش هفكر فيه تانى الا بعد ما اخلص ومش هشتغل فى الجامعه الا حاجه تبع تخصص دراستى

مع الوقت والنصايح من ذوى الخبره لقيت انى ممكن اجمع بينهم بشكل ينجحنى فى شغلى ويخلينى مخسرش دراستى

طبعا الخطه دى مش هتخلينى سريع التقدم فى شغلى بالشكل اللى كنت عليه الاول بس على الاقل هفضل حاجز مكانى وبتعلم منه واعمل علاقات لحد ما اخلص جامعه وبعدين اقرر همشى فى انهى سكه , الفكره كلها ترجع لك انت

متتوقعش فى الاول انك هتبقى منسق بين الاتنين , محتاجه منك وقت وعلشان تتعلمها صح هتخسر شويه فى جانب شغلك او دراستك بس اللى هتخسره هتعوضه سريعا جدا بمجرد ما تكون ظبطت حالك

والاهم من كدا انك تكون واثق ان الشغل ده هيفرق معاك فعلا , يعنى لو التدريب ده هيؤدى انك تتعلم حاجه تنفعك فيما بعد او ممكن لو تفوقت فيه تاخد وظيفه كويسه او اقل الايمان هيعملك علاقات تنفعك فيما بعد يبقى خد المغامره دى بعقلك صح وهتفرق معاك كتير

لو الشغل ده مجرد انك ترضى حبك للعربيات بس ملكش مستقبل فيها ومش هتبقى مميز فى المجال ده ومجرد انه هيأثر على دراستك وخلاص يبقى اقفل الباب ده للأبد

وطبعا لو مش عارف هتبقى الدنيا ايه ادخل فى الشغل بأتفاق انه فتره تجربه بحيث تخلع فى اى وقت حسيت انك توهت ومش لاقى نفسك فيه

واوعى تنسى لو لقيت انك مش هتبقى مميز عن بقيه اللى معاك فى الشغل فى المجال ده يبقى بلاش منه , مش هيبان فى الاول تميزك بس بعد فتره انت الوحيد اللى بتبقى عارف مستواك ايه من اللى حواليك

ربنا يوفقك للخير

[yoko]

يا باشا شوف أنت بتحب أيه و أعمله ده هايخليك ناجح فى حياتك العمليه

انا الحمد لله حابب الحاجتين وده الي مخليني محتار

بس المشكله تتلخص في ان معندناش في مصر شغلانه محترمه في مجال العربيات يعني مهندس صيانه هيبقى اسمك مهندس بس بعيد كل البعد عن الهندسه وهيبقى شغلك اشبه باسطى ميكانيكي بس على نضيف ومحترم والدليل انها بعيده عن الهندسه انك مش بتاع عربيات اساساً

عندك حق بس أنا برده هندسى ولو فكرت زي مانتا بتقول يبقى الكهربى برده ملهاش مستقبل أخرك مهندس صيانة في مصنع ولو حظك حلو هتشتغل في محطة توليد ولو يعني إنت كويس قوي ومعاك واسطة جامدة قوي هتشتغل على حفارات بترول بس مفيش في مصر مصنع محركات كهربى على مستوى إنك تعمل تصميم وكلام من ده وحتى إنك تعمل تصاميم لمصانع والكلام ده كله بيروح لشركات إستشارية أجنبية

فى بدايه الموضوع اتحمست قوى للشغل وعلشان اثبت نفسى اديتله كل وقتى وكانت النتيجه قاسيه جدا , شيلت سنه كامله منجحتش فى ماده توحد ربنا

أنا كنت هدرب في الأجازة بس ومش هشتغل غير لما أتخرج بالذات إني شغال يوم الجمعة والسبت في النادي (مدرب) فمعنديش وقت أعمل حاجة كمان

متتوقعش فى الاول انك هتبقى منسق بين الاتنين , محتاجه منك وقت وعلشان تتعلمها صح هتخسر شويه فى جانب شغلك او دراستك بس اللى هتخسره هتعوضه سريعا جدا بمجرد ما تكون ظبطت حالك

انا فعلا دلوقتي بضغط على نفسي عشان التدريب بس الحمد لله ماشيه

والاهم من كدا انك تكون واثق ان الشغل ده هيفرق معاك فعلا , يعنى لو التدريب ده هيؤدى انك تتعلم حاجه تنفعك فيما بعد او ممكن لو تفوقت فيه تاخد وظيفه كويسه او اقل الايمان هيعملك علاقات تنفعك فيما بعد يبقى خد المغامره دى بعقلك صح وهتفرق معاك كتير

هو إن شاء الله هيفدني لإن مدير المركز نفسة هو الي عايزني وبيقولي لو لقيت نفسك فيه هتشتغل معانا

لو الشغل ده مجرد انك ترضى حبك للعربيات بس ملكش مستقبل فيها ومش هتبقى مميز فى المجال ده ومجرد انه هيأثر على دراستك وخلاص يبقى اقفل الباب ده للأبد

أنا الي خايف منة إن بعد ما أبقى مهندس إستق
بال بعد كده هبقى إيه يعني هل هفضل محلك سر ولا مستقبلها إيه (هل إن ده مش تخصصي في الدراسه هيفرق إني مش هقدر أبقى مدير ورشة أو في الإدارة بعدين!!!)

وطبعا لو مش عارف هتبقى الدنيا ايه ادخل فى الشغل بأتفاق انه فتره تجربه بحيث تخلع فى اى وقت حسيت انك توهت ومش لاقى نفسك فيه

هو ده الي حاصل

واوعى تنسى لو لقيت انك مش هتبقى مميز عن بقيه اللى معاك فى الشغل فى المجال ده يبقى بلاش منه , مش هيبان فى الاول تميزك بس بعد فتره انت الوحيد اللى بتبقى عارف مستواك ايه من اللى حواليك

أنا الحمد لله أي حاجة بحبها ببقى متميز فيه لإني بديله كل مجهودي (ممكن منمش غير ساعتين في اليوم لو ورايا حاجة-في حياتي كلها كده-)

ربنا يوفقك للخير

ءامين يارب

[Ahmed Nouh]

أنا كنت هدرب في الأجازة بس ومش هشتغل غير لما أتخرج بالذات إني شغال يوم الجمعة والسبت في النادي (مدرب) فمعنديش وقت أعمل حاجة كمان

انا فعلا دلوقتي بضغط على نفسي عشان التدريب بس الحمد لله ماشيه

هو إن شاء الله هيفدني لإن مدير المركز نفسة هو الي عايزني وبيقولي لو لقيت نفسك فيه هتشتغل معانا

أنا الي خايف منة إن بعد ما أبقى مهندس إستق
بال بعد كده هبقى إيه يعني هل هفضل محلك سر ولا مستقبلها إيه (هل إن ده مش تخصصي في الدراسه هيفرق إني مش هقدر أبقى مدير ورشة أو في الإدارة بعدين!!!)

هو ده الي حاصل

أنا الحمد لله أي حاجة بحبها ببقى متميز فيه لإني بديله كل مجهودي (ممكن منمش غير ساعتين في اليوم لو ورايا حاجة-في حياتي كلها كده-)

ءامين يارب

يا راجل انت كل ده وبتتكلم على شغل بعد التخرج :) , طيب ما كدا مبقاش فى اى مشكله

لو اشتغلت ولقيت نفسك فى الشغل ده ولقيت ان فعلا مستقبلك فيه هتكمل ولو محصلش نصيب هترجع لتخصصك تانى

طبيعى فى الاول محدش بيلاقى نفسه دايما فى الطريق اللى خطط ليه ولازم تجرب كل الاختيارات المتاحه , انا مؤمن تماما ان كل واحد على وجه الارض دى قدامه فرص النجاح والفشل ومستقبله بيقف على اختياراته والمهم انك متسيبش اختيار متاح بنسبه نجاح ولو ضئيله الا لما تجربه وفى نفس الوقت متتمسكش بأختيار واضح عليه الفشل على أمل انه يتغير

مجال الميكانيكا انت بتحبه ودى لوحدها جزئيه كفيله مع الاجتهاد انها تخليك مميز فيه جدا وده بعيدا عن اى دراسه وانت ما شاء الله يعنى مش جاهل فى الموضوع بالعكس عندك خلفيه , يعنى ببساطه الفرصه دى نسبه نجاحها كبيره ومتتفوتش ويمكن تكون بدايه لاتجاه جديد فى حياتك يغيرها تماما ومتتمسكش بشغل فى مجال درستك لمجرد انك درست كدا

بس مهم قوى ان حته المستقبل فى الشغلانه دى مش واضحه و اكيد حد ليه خبره فى المجال ده يفيدك اكتر لأن لو لقيت ان مستقبلها المهنى فى الاماكن المحترمه زى مراكز الخدمه الكبيره او المصانع واقف على الشهاده العلميه يبقى شيلها من دماغك

وبشكل عام لو انت مفيش قدامك شغل على طول اول ما تتخرج فى مجالك اشتغل فيها لمجرد التعود على الشغل لحد ما يجى فرصه تسيبها

[yoko]

شكرا يا أستاذ أحمد وأنا كده يبقى بعد التدريب الي تبع الكليه (شهر) هاتدرب في المركز ده وشوف الدنيا ماشيه إزاي وهشوف حكايه مستقبل المهنة دي بالتفصيل وهل لازم الشهاده يكون تخصصي ميكانيكا ولا ﻷ
وأنا الحمد لله حكاية التدريب في النادي مديني ثقة بنفسي وومخلياني بتعامل مع شخصيات كتير وعشان كده مش عايز أسيب التدريب مع إنه ضعط عليا بالذات إني ماسك تحت ١٤ سنة لحد ٣ سنين

طالب هندسه

هو كائن نصف حي شبه ميت مخنوق يوميا مطحون دراسيا حياته عبارة عن شيتات متتالية

حلو التوقيع ده وأنا كنت فاكرك راجل كبير
على كده إنت بقى في سنة كام أنا في ٢ كهربى قوى حلوان

[Ahmed Nouh]

شكرا يا أستاذ أحمد وأنا كده يبقى بعد التدريب الي تبع الكليه (شهر) هاتدرب في المركز ده وشوف الدنيا ماشيه إزاي وهشوف حكايه مستقبل المهنة دي بالتفصيل وهل لازم الشهاده يكون تخصصي ميكانيكا ولا ﻷ
وأنا الحمد لله حكاية التدريب في النادي مديني ثقة بنفسي وومخلياني بتعامل مع شخصيات كتير وعشان كده مش عايز أسيب التدريب مع إنه ضعط عليا بالذات إني ماسك تحت ١٤ سنة لحد ٣ سنين

حلو التوقيع ده وأنا كنت فاكرك راجل كبير
على كده إنت بقى في سنة كام أنا في ٢ كهربى قوى حلوان

لا اول مره حد يقولى كدا , شكل العضويه مش مدى على كبير نهائى ده انا حتى عامل مساحات العربيه الالفا شغاله طول النهار روشنه يعنى :)

انا فى 2 وشايل سنه ولله الحمد , IT مش هندسه بتاعت الشعر الواقف ده بس مازلت انتمى لتلك الفئه من البؤساء

[yoko]

لا اول مره حد يقولى كدا , شكل العضويه مش مدى على كبير نهائى ده انا حتى عامل مساحات العربيه الالفا شغاله طول النهار روشنه يعنى :)

انا فى 2 وشايل سنه ولله الحمد , it مش هندسه بتاعت الشعر الواقف ده بس مازلت انتمى لتلك الفئه من البؤساء

يعني مواليد ٩٠ أصغر مني يعني ربنا يكون في عونك
أنا كنت فاكرك كبير عشان شغال في عربيتي:10d5c8~1107:

[Ahmed Nouh]

يعني مواليد ٩٠ أصغر مني يعني ربنا يكون في عونك
أنا كنت فاكرك كبير عشان شغال في عربيتي:10d5c8~1107:

لا مواليد 89 , اصلى ازهرى وواخد 6 ابتدائى :)

[yoko]

أنا كمان ٨٩ بس كنت في السعوديه فأخدت ٦ إبتدائي برده (أو بالأصح لما حولت وأنا في ١ إعدادي من igcse للسعودي خالوني أعيد السنة -قرار من الوزارة عشان مأخدتش ٦ إبتدائي-)

[A7MED_PHARMA]

والله أنا شايف إنك تشتغل إلي بتحبه
ولو بتحب العربيات - زينا كلنا - يبقا استعن بالله
واشتغل
بس العائد المادي مهم طبعا
وخصوصا اليومين دووول

[yoko]

والله أنا شايف إنك تشتغل إلي بتحبه
ولو بتحب العربيات - زينا كلنا - يبقا استعن بالله
واشتغل
بس العائد المادي مهم طبعا
وخصوصا اليومين دووول

أنا مش فارق معايا العائد المادي لحد ما أتخرج على الأقل وأنا حابب الوظيفتين بس خايف إني أبتدي في حكايه السيارات وأنفض للكهربى وفي الأخر ألبس

[HISHAM80]

انا الحمد لله حابب الحاجتين وده الي مخليني محتار

عندك حق بس أنا برده هندسى ولو فكرت زي مانتا بتقول يبقى الكهربى برده ملهاش مستقبل أخرك مهندس صيانة في مصنع ولو حظك حلو هتشتغل في محطة توليد ولو يعني إنت كويس قوي ومعاك واسطة جامدة قوي هتشتغل على حفارات بترول بس مفيش في مصر مصنع محركات كهربى على مستوى إنك تعمل تصميم وكلام من ده وحتى إنك تعمل تصاميم لمصانع والكلام ده كله بيروح لشركات إستشارية أجنبية

أنا كنت هدرب في الأجازة بس ومش هشتغل غير لما أتخرج بالذات إني شغال يوم الجمعة والسبت في النادي (مدرب) فمعنديش وقت أعمل حاجة كمان

انا فعلا دلوقتي بضغط على نفسي عشان التدريب بس الحمد لله ماشيه

هو إن شاء الله هيفدني لإن مدير المركز نفسة هو الي عايزني وبيقولي لو لقيت نفسك فيه هتشتغل معانا

أنا الي خايف منة إن بعد ما أبقى مهندس إستق
بال بعد كده هبقى إيه يعني هل هفضل محلك سر ولا مستقبلها إيه (هل إن ده مش تخصصي في الدراسه هيفرق إني مش هقدر أبقى مدير ورشة أو في الإدارة بعدين!!!)

هو ده الي حاصل

أنا الحمد لله أي حاجة بحبها ببقى متميز فيه لإني بديله كل مجهودي (ممكن منمش غير ساعتين في اليوم لو ورايا حاجة-في حياتي كلها كده-)

ءامين يارب

It is better to find a training in oil&gas or power generation as it will increase you technical knowledge

[yoko]

ما أنا كده كده هتدرب في تخصصي السنة دي وده هيبقى جمبه (في الوقت الفاضي) أنا إتدربت السنة الي فاتت في مصنع وفي شركة حفر (برة مصر)