عاوز اتجوز.............. اة عاوز اتجوز فيها حاجة ؟؟؟

[evoo90]

:o_stupid[1]: 19
ياراجل والله شكلك انت اللى بتهزر
يارجل ال19 دول زود عليهم 10 سنين كمان توصل لعمرى
بس تصدق انت ادتنى امل

طب انت مش فاكر اول ماشوفتك قولتلك ايه ؟؟

[eng.octooo]

evoo90 انا عاوز اعرف انت قلتلة كام شكلك قلتلة 19 ؟؟؟؟؟
بس بجد انت لو ماتعرفهوش تديلة كام سنة ؟؟؟؟؟

[seqoia]

قال رسول الله ـصلى اله عليه وسلم _
(يا معشر الشباب من استطاع منكم الباءة فليتزوج فانه اغض للبصر واحصن للفرج ومن لم يستطع فعليه بالصوم فانه له وجاء)

ربنا ييسر للجميع ويرزقهم بزوجات صالحات وتفهمهم وتسعدهم في الدنيا والآخرة

[M.Osman]

شغال معايا..
جرب تاني كدا:

http://dostor.org/ar/index.php?option=com_.......&task=view&id=40816&Itemid=51

[eng.octooo]

SuccessCre8or
انا سجلت وبرضة بيظهرلى ان الموضوع مش موجود واختار موضوع من القائمة


لو كدة اعمل اقتبال بالموضوع وحطة هنا

[yousef1978]

السلام عليكم ورحمة الله وبركاته

بأمسي على العذابية الغلابة اللي في الموقع
والله اللي مش متجوز واحدة كويسه وطيبة وبنت ناس وبتدلعه وبتهننه كده يبقى واحد مسكيييييييييين وحالته تصعب على الكل

الواحد بيبلغ في سن بين الحداشر سنة والأربعة عشر سنة
ويفضل في التعليم ومأساته الفظيعة لغاية ما يكمل الاتنين والتلاتة وعشرين سنة
وكام سنة جيش
ويطلع من العذاب ده كله يقولوله شوفلك شغلانة حتى لو جبت مصارييفك

ومن سن البلوغ ولغاية التلاتين ولا الأربعين وهو يا عيني محروم من متعة الحياة وبيحلم بالجنس الآخر وبيعاني
أي والله
بيعاني بيعاني بيعاني
ما بين ثمانية عشر عاما وثمانية وعشرين عاما يمرون من عمره وهو ينظر للجنس الآخر خلسه فقط
وكل لحظه تمر عليه وهو محروم
طب ليه


علشان يقولك محتاج يجهز نفسه
ويا سلام على تجهيز النفس
عايزله سنتين علشان يجمع تمن الشبكة وكام سنة علشان العفش وحللي بقى علشان الشقة وممكن الجوازة تتفشكل علشان الستاير ولا لو اختلفوا على القايمة أو ظروف الفرح


عارفين يا جماعة الخير ربنا سبحانه وتعالى يقول بسم الله الرحمن الرحيم

{ وَوَصَّيْنَا الإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِين } َسورة الأحقاف - سورة 46 - آية 15

يعني الواحد لما يوصل سن الأربعين بيكون خلاص وصل لقمة هرم النضوج الجسدي والفكري واللي ما كناش تاب يبقى دي فرصته
بعد الأربعين يبدأ الصحة يصبح في النازل

والاقي ناس تقولك تتجوز على سن الأربعين يعني الواحد يضيع أحلى أيام شبابه وريعانها ونشاطه في الفرجة على التلفزيون ولما يعدي الأربعين يبقى كون نفسه وامن مستقبله وإن شاء الله يتجوز واحدة وبعد كام شهر يبدأ زيارتة للدكاترة ولما ربنا يرزقه بمولود يبقى مش قادر يتواصل معاه يبقى فيه فرق بينه وبين ابنه كام واربعين سنة
غير الولد اللي بعد

ولي الأمر المتخلف اللي بيغلي في مهر بنته بيحسسني زي ما بيكون بيبيع بنته لواحد بالفلوس
وكأن بنته مش هتتجوز زي ما الراجل هيتجوز
وكأن بنته مش هتتمتع بالجواز والأسرة والفرجة والأولاد بإذن الله زي ما عريسها هيتمتع
وكأنه أبوها قادر يجيب الحاجات دي لإبنه مرة واحدة علشان يفرضها على عريس بنته

يا جماعة أنا مش بأدروش ولا بأقول خيالات

والله الذي لا إله غيره الجواز له رزقه

الرسول صلوات الله وسلامه عليه يقول : عن أبي هريرة رضي الله عنه أن النبي صلى الله عليه وسلم قال : (ثَلَاثَةٌ حَقٌّ عَلَى اللَّهِ عَوْنُهُمْ : الْمُجَاهِدُ فِي سَبِيلِ اللَّهِ ، وَالْمُكَاتَبُ الَّذِي يُرِيدُ الْأَدَاءَ ، وَالنَّاكِحُ الَّذِي يُرِيدُ الْعَفَافَ) رواه الترمذي (1655) وصححه ابن العربي في "عارضة الأحوذي" (5/3) ، وحسنه الألباني في "صحيح الترمذي" .

يعني ربنا وعد بإعانتهم ومن أصدق من الله قيلا ومن أوفى من الله عهدا
ومنهم الإنسان الذي يريد الزواج لكي يغني نفسه عن الحرام ويتمتع بالحلال.

ربنا سبحانه وتعالى يقول : بسم الله الرحمن الرحيم (وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ) النور/32
وأخرج عبد الزراق، وذكره القرطبي في تفسيره أن عمر رضي الله عنه قال: عجبي ممن لا يطلب الغنى في النكاح، وقد قال الله تعالى: (إن يكونوا فقراء يغنهم الله من فضله)

يعني ربنا بيأمر بتزويج الأيامى وحتى العبيد والأيتام ووعد بأنه إن كانوا فقراء فسوف يغنيهم الله من فضله


طيب اسأل واحد إتجوز جديد هو صرف كام على جوازته
لو حسبلك اللي صرفه هو نفسه مش هيتخيله
تعالوا نقوم بتجربه وشوفوا الكلام ده واقعي ولا لآ
ولو كل واحد فكر في الجواز وحسب كل حاجة لا يمكن هيفكر يتجوز لآنه مرتبه لمدة عشر سنين مش هيكفيه
لكن الواحد بيبدأ ويحد رجليه على أول خطوة في الجواز ويتقدم لواحدة حلوة بالنسبة له وبنت حلال وأبوها ولا ولي أمرها راجل بمعنى الكلمة
راجل بيفهم وبيشتري راجل ويطلع معاه قدام الدنيا كلها ويقول أنا رفضت ناس كتير إمكانياتهم حلوة لأنهم ما كانوش مناسبين لبنتي لكن وافقت على أخونا ده من غير حاجة لأنه قيمته عندي مش بما يملكه من أموال ولكن بما يملكه من اخلاق وربنا زي ما رزق بنتي وبتاكل وبتشرب في بيت أبوها لغاية ما كبرت ورزق هذا الشاب وبياكل ومبسوط في بيت أبوه ربنا قادر إنه يرزقهم بعد ما يتجوزوا وهيوسعها عليهم

يا جماعة والله صدق رسول الله وهو يعلمنا أن ( التمسوا الغنى في النكاح )

ووالله عن تجربة شخصية
نويت أروح أخطب بالليل فاتصلوا علي في الصبح قالولي الوظيفة اللي كنت مقدم عليها في الإمارات من تسعة شهور تعالى واستلمها
اتجوزت وربنا كرمني بولد رجعت لقيتهم بيقولولي الراتب نزل فيه زيادة
نزلت بعد سنتين أقف مع مراتي وربنا رزقني ببنت ووالله رجعت من افجازة لقيتهم بيقولولي نزلت زيادة في بدل السكن والسفر

لو سألت أي واحد عن المصارييف اللي بيصرفها على عياله في الشهر هتلاقيها أكتر بكتيييييير من مصارييف جوازه
مين اللي دبرله ده كله
ربنا سبحانه وتعالى

حد فيكم شاف واحد إتجوز ولو على البلاط واستمر من غير ما يجيب عفش وكل شوية كمان بيبدل العفش

يا جماعة أنا مستغرب لواحد بيتقدمله بني آدم مسئول
وخد بالك من الكلمة دي كويس : مسئول
يعني واثق إنه مش ممكن يبات ولا يجيله نوم وفيه صحة من غير ما يطلع في البرد يجيب عشاء لمراته وعياله ويوكلها قبل ما ياكل هو
واحد يتقدمله زي كده ويرفضه علشان مش عارف إيه ولا عايز دهب زي بنت خالتها وفرح زي بنت عمتها وفستان زي بنت فلاني
طيب لو لا قدر الله عرفت ان بنتك متجوزه عرفي من واحد هتبص للحاجات دي
لا والله
هيوطي ويبوس على رجل الولد ويقوله سيبك م الكلام الفاضي ده كله وتعالى خدها ولو بشنطة هدومك وهدومها وساعتها لا هيهمه رأي الناس في إمكانيات الولد ولا خلافه

المشكلة الرئيسية مش في أزمة الإمكانيات

المشكلة الرئيبسية في أزمة الرجولة
أزمة شاب مش راجل ومش قد المسئولية
أو أزمة رجل ولي أمر بنت ومش راجل على قدر المسئولية وما عندهوش الشجاعة الأدبية اللي تخليه يواجه بيها الحقائق والمجتمع اللي عايشين فيه

المشكلة مشكلة إيمان بالله سبحانه وتعالى

والله الذي لا إله غيره لي أربع أخوات ولا واحدة فيهم إتجوزت جوازة بسيطة غير لما ربنا فتح عليها وبقت مليونيره
واللي اتجوزت جوازة فخمة أهي ماشية بتكافح هي وجوزها وعيشتهم بتدور بالزق زي ما بقولوا

معلش طولت على حضراتكم
لكن هأختم بمعلومة ظريفة
في الهند في بعض الولايات أهل البنت هم اللي بيجهزوا كل حاجة للعريس من ذهب وعفش وحتى حفل الزفاف وكمان العريس بيشترط عليهم المواصفات

لما سألت واحد هندي هنا وهو مسلم كمان
قاللي ما إحنا بنساعده علشان يبني بيت يؤويه هو وبنتنا لأنه بعد كده العريس هواللي هيشيل المسئولية وهو اللي هيصرف ويشتغل علشان البيت ده


إمتى نتحرر من التقاليد التي لا ترضي الله ورسوله ؟؟؟؟؟؟؟؟؟

[osoliman88]

[QUOTE=casperinoo;3872208686]تخيل بقي لما ربنا يرزقك باللي تفهمك ويبقي اهلها مسالمين جدا علشان عارفين انها عايزاني وماشين في الخطوبه زي الفل .

اللهم أني لا أسالك رد القضاء ولكنني أسالك اللطف يا كريم
دا بقي يا جميل معناه .. الطمي يا انشراح ما اللي راح راح

[eng.octooo]

yousef1978 امتى الكلام دة يحصل ؟؟؟؟ ياريت بس

osoliman88 ههههههههههه لا خليها فكرى وشوفى حل يا انشراح

[Terrible_DaRsH]

yousef1978 مشاركة اكثر من رائعة بارك الله فيك بجد ..

لما تقدم لاختى عريس مسالناش و لا معاه كام و لا هيجيب ايه و لا اى حاجة من الكلام ده , سالنا رجل هيقدر يتحمل المسئولية ؟ كويس ؟ اهله ناس كويسة ؟ و كل اللى كان فى البال هو شخصيته فقط ..

ربنا كرمه و الحمد لله انتهت فترة الخطوبة و الفرح ان شاء الله بعد شهر ..

مشكلتنا فى حكاية الجواز دى مبقتش فى مصر بس , دى الدول العربية كلها بقت تعانى من العنوسة و الطلاق و اكتر من مصر كمان ..

لما يكون اكبر معدل بطالة فى العالم موجود فى الدول العربية , اكيد هياثر على الشباب .

ربنا يكرم الجميع و يرزقه بالانسان الصح .

[moudy88]

بص ياعم اكتوووو خلص انت بس الكليه المهببه اللي اسمها هندسه دي ..وبعد كده اتجوز وشوف حالك ..بس بلاش التفكير دلوقت في الموضوع ده لانه مش وقته وممكن يكون له تاثير سئ على الدراسه ..لانك لازم تعرف ان مستقبلك اهم حاجه
وانا اهه ياسيدي عندي 21 سنه ولسه قدامي سنه ونص واخلص من الكليه المهببه (الهندسه ) ..ومأجل كل حاجه ومش عايز اي ارتباط يشغلني بالي دلوقت مع اني مربط مع واحده ..بس ولا انا ولا هي ولا اهلها ولا اهلي اتكلمو في حاجه ومش هيتكلمو ..الا بعد لما اخلص الكليه ..

[TIMODAX]

لو إنت فعلاً ناوي و عندك الإستعداد و دماغك و عواطفك و نفسيتك مستقرين مش طايشين...
إتكل على الله و لا تقلق...هتلاقي السكك بتتفتح قدامك من حيث لا تدري...
ماتشيلش هم فلوس ولا شقة ولا أي حاجة....المهم نيتك تكون صافية و إيمانك بربنا كبير..بس طبعاً خليك واقعي و إعرف حدودك المادية كويس

i luv u mr nader

[TIMODAX]

انا فكرت في الموضوع ده لقيته مكلكع .. يعني له كذا وجهة .. عندك الأتي


2- البنت نفسها .. إنك تلاقي بنت يكون متوافر فيها إنها بتحبك .. و إن إنت تكون معجب بيها و بتحبها و عاجباك برضه .. و إنها تكون مقتنعة إنكوا ممكن تبنوا حياتكوا مع بعض مش تاخدها قفش كدة و انا عايزة أتجوز دلوقت في المستوي الفلاني يا مينفعش! عايزة تعيشي عيشة بابا .. طب بابا بقاله قد إيه عايش و بيشتغل :d انا لسة عايز أبقي بابا ! Lol
3

اه و تقولك أصل بابا عنده شاليه في الساحل
طب ده راجل اشتغل 35 سنه و في أخر عمره اتنيل و قسط علي 20 سنه و جاب شاليه
ايش اخششني أنا

[eslam_wega]

توبيك روعة بجد
متابع

[حاتم سليم]

انا بحب الحياة والرومانسية

هذا سبب كافى لعدم الزواج من وجة نظر البعض

و البعض الاخر يرى

أنه سبب كافى للزواج !!

و مازال الأمر لم يُحسم ...

[bmya]

انا حبيت بجد مرتين في حياتي اول مره ايما الجامعه وكنت ناوي بعد ما أخلص اخطبها بس الموضوع باظ بعد 4 سنين ارتباط وبصراحه حسيت بعد كده انه كان لعب عيال واني مكونتش حاسبها صححح
تاني مره كانت بالظبط من 5 شهور بنت عارفها اعجبت بها وانا في الوقت ده كنت زي ما بيقولوا جاهز والحمد لله
كنت شغال في مكان محترم جدا معايا عربيتي والشقه موجوده وتمليك الحمد لله كله كان تمام وفعلا اتقدمت واتقبلت ولمده 5 شهور كنا خلاص نعتبر مخطوبين بمعرفه اهلها واهلي ولما جينا بقه نقرأ الفاتحه اتصدمت من شويه حاجات غريبه وعقليات اغرب من اهلها طلبات عبيطه بجدددددددد والموضوع باظ وللاسف انا كنت بحبها والمفروض انها كانت بتحبني بس لقيتها واقفه مع اهلها وباعتني في ثواااااااني
وكانت صدمه جامده اوي لدرجه اني من غبائي قفلت الموبايل وخدت عربيتي وسافرت وفضلت كده هربان مبرودش علي حد ولا بكلم حد لوحدي لحد ما فوقت وطبعا كان فات الاوان والشغل ضاع بوقيت قاعد في البيت ورجعت لنقطه الصفررررر وكل يوم العن اليوم اللي عرفت فيه البنت دي وحبتها وافتكرت انها كانت بتحبني زي ما حبتها طبعا الموضوع كبيير بس بدون دخول في تفاصيل
انا برده نفسي ارجع الشغل او الاقي شغل عشان اعرف اتجوز وعلى فكره معظم اصحابي متجوزين او خاطبين او ناويين
انا بقى بتخنق اوي من الناس اللي متجوزين وبدل ما يحمد ربنا علي النعمه اللي هو فيها لاء تلاقيخ عمال يسب زيلعن اليوم اللي اتجوز فيه ويكره اي واحد ناوي علي جواز مش عارف ليه
بحس انه عرف سائد ان اي واحد متجوز لما يقع تجحت ايده واحد داخل علي جواز او بيفكر لازم يكره في الجواز ويحسسه انه مجنون عشان بيبفكر في كده مش عارف ليه ؟!!
وشكرا يا اكتو علي موضوعات كالجميله
علي فكره انا شريف 25 سنه الا شهر ونص :)