عاوز اتجوز.............. اة عاوز اتجوز فيها حاجة ؟؟؟

[Samah AbdAllah]

بسكوته
بالراحه شويه ..ده بكره صيام
انا عارف ان في بنات كتير بتشتغل ..لكن مش حلم كل واحد انه يتجوز واحده -يكون من ضمن مميزاتها -انها بتعمل
انا - نيابه عن نفسي - محبش مراتي ( لو اتجوزت يعني ) تشتغل او يكون لها اختلاطات مع زملائها في العمل....الا لو هتمسك صيدليتي مثلا
ساعتها مش هتبقا مشكله
لكن مراتي تصحى الصبح تروح تشتغل ..والموظفين اللزجين والناس المريضه نفسيا تقعد تهزر وتاخد وتدي في الكلام ..وكلام من ده
لأ طبعا
انا تفكيري المحدود بيقولي كده.
وانا عارف ان شغل البنت مش عيب ..انا بقول اني محبش الست تشتغل.
وبعدين انتي عممتي الكلام
زمن المرأه الي بتعتمد على عائل ده خلص..كانت دفعه وخلصت
كلامك مش تمام 100 %

.
يعني فعلا في ستات بتشتغل
لكن احنا كشرقيين ..ِشغل الست بيكون مساعد للراجل .لكن مش بيكون مصدر رئيسي لدخل الأسره.

وانا مش عاوز الموضوع يتقلب لقضايا حقوق المرأه
والتمييز العنصري على اساس الجنس..ونعد نقول الست بقت وزيره والكلام ده



.
تحياتي

ربنا يتقبل صيامنا جميعا وكل سنة وانت طيب

بس اسمحلى مفيش ست بتشتغل الا وفلوسها ضايعة عالبيت
ومفيش زوج سايب مراته تشتغل الا عشان يعتمد على دخلها لمساعدته فى البيت
مش هنعمم بس غالبا بنسبة صغيرة طبعا عارفها 99.9%
وشوف انت نفسك قولت ايه
مش هتسمحلها انها تشتغل الا لو هتمسك الصيدلية عندك
يعنى استغلال عشان توفر مرتب موظف
اصلك مش هتديها مرتب اكيد وهتقولها احنا واحد والكلام اللى مش بيأكل عيش ده

وصدقنى نادرا دلوقتى لو لقيت بنت مش بتشتغل او بتفكر تدور على عائل زى ما حضرتك بتقول
ده اهم شئ عند البنات دلوقتى قبل الجواز انها تشتغل وتثبت نفسها ويكون لها دخل ثابت وكويس فى نفس الوقت عشان لو اتخنقت منه او مارتحتش معاه تخلع وهى مطمنة انها هتعرف تتحمل مسؤلية قرارها

منا كنت بعيد ومش راضية اشارك فى الحوار ده من الاول عشان محدش يقول حقوق المرأة والكلام ده
لازم يعنى تعصبونى

[A7MED_PHARMA]

يادي حكايه تثبت نفسها دي.
وانا قولت لو اتجوزت وحبت تشتغل ...تنزل الصيدليه ..عشان تسلي نفسها والإسم انها شغاله.مش عشان أوفر مرتب
.
وبعدين ليه البنت شايفه ان اثبات ذاتها بيكون في الشغل والمرمطه.

[salsola]

يعني فعلا في ستات بتشتغل
لكن احنا كشرقيين ..ِشغل الست بيكون مساعد للراجل .لكن مش بيكون مصدر رئيسي لدخل الأسره.


تحياتي

لالا صدقني احيان كتير اوى بتبقي مصدر رئيسي
يمكن لا انا ولا حضرتك شفنا حاجه زي دي قبل كده
لكن في الاوقات اللي احنا فيها توقع اي حاجه
بس ان الست تبقي مصدر دخل رئيسي دي فعلا موجوده
وبتحصل بس تحت ظروف معينه طبعا


تحياتي

[A7MED_PHARMA]

لالا صدقني احيان كتير اوى بتبقي مصدر رئيسي
يمكن لا انا ولا حضرتك شفنا حاجه زي دي قبل كده
لكن في الاوقات اللي احنا فيها توقع اي حاجه
بس ان الست تبقي مصدر دخل رئيسي دي فعلا موجوده
وبتحصل بس تحت ظروف معينه طبعا


تحياتي

الكلام بيكون في العموم.
اكيد في كده كتير ..بس العموم
ان الراجل هوا العائل..وسواء بسكوته موافقه ولا لأ
الراجل هوا العائل

[Samah AbdAllah]

الكلام بيكون في العموم.
اكيد في كده كتير ..بس العموم
ان الراجل هوا العائل..وسواء بسكوته موافقه ولا لأ
الراجل هوا العائل

لالالالالالالالالالالالالالالا
بسكوتة موافقة ان الراجل هو اللى يتمرمط ويتبهدل
واحنا نقعد فى مكتب مكيف وندى اوامر وبس

[salsola]

الكلام بيكون في العموم.
اكيد في كده كتير ..بس العموم
ان الراجل هوا العائل..وسواء بسكوته موافقه ولا لأ
الراجل هوا العائل

خلاص ياسيدي الراجل هو العائل
هدي نفسك انت بس
براحه عليه يابسكوته

[A7MED_PHARMA]

لالالالالالالالالالالالالالالا
بسكوتة موافقة ان الراجل هو اللى يتمرمط ويتبهدل
واحنا نقعد فى مكتب مكيف وندى اوامر وبس

قهوة سعاتك إيه ؟

[Samah AbdAllah]

قهوة سعاتك إيه ؟

لا ماليش فى القهوة
خليها هوت شيكولت بالكريمة وسوس الشيكولا

[A7MED_PHARMA]

لا ماليش فى القهوة
خليها هوت شيكولت بالكريمة وسوس الشيكولا

اطبخ يا أحمد
كلف يا سيدي.
تم تعديل الجزء الأخير لتصبح
كلفي ياستي(مش هيا الي بتصرف بقا)



.سعيد لمعرفتك

[A7MED_PHARMA]

خلاص ياسيدي الراجل هو العائل
هدي نفسك انت بس
براحه عليه يابسكوته

ايوه كده
الراجل هوا العائل
لو كنتي قلتي كلام تاني غير كده
كان هيكون في كلام تاني
معندناش حريم تمشي كلامها ع الرجاله

[romeo_6887]

يا جماعه انا رأيي
ان اللي قادر و عايز يتجوز يتوكل علي الله
غير كده بلاش و ربنا يوفقنا كلنا

[Samah AbdAllah]

اطبخ يا أحمد
كلف يا سيدي.
تم تعديل الجزء الأخير لتصبح
كلفي ياستي(مش هيا الي بتصرف بقا)



.سعيد لمعرفتك

لالالالالالالالالالالالالالالا
انا مش من دول يا افندم.....
انا بقعد عالمكتب ادى اوامر وبس

تشرفتك بمعرفتك

[R A N A]

انا مقصدتش بناقصات عقل ودين عيب
لكن صفات الرجل أقوى من صفات المرأة..في كل حاجه بما فيها العقل والدين
"كمُل من الرجال كثير..وكمُل من النساء أربع ......."

هو رغم انها في سياق الكلام كانت تشير الي عيب أو نقيصة في الست انها ناقصة عقل ودين بس عشان خاطر حضرتك بس يادكتور هانمشيها وهانعتبر انك مقصدتش انها عيب فيها
بس الموضوع مش موضوع صفات الرجل اقوي او صفات الست اضعف لكن "ليس الذكر مثل الأثنى" بمعني اننا مختلفين عن بعض واختلافنا عن بعض ده سببه اننا نكمل بعض مش نقعد نقطع في شعر بعض يعني وندخل في منافسات ونشوف مين فينا الأقوى اصله مش ماتش مصارعة يعني
وبالنسبة "كمُل من الرجال كثير..وكمُل من النساء أربع ...."
اعتقد ان الكلام ده مينطبقش على رجال العصر الحالي ولا اللي قبليه ولا اللي قبل قبليه حتى ده بينطبق على عصر الصحابة رضي الله عنهم ودي منزلة كبيرة قوي معتقدش ان في رجل يجرؤ يقول انه قدر يوصلها وطبعا مفيش ست تجرؤ تقول انها وصلت لربع صفات الأربع نساء المكتملات رضي الله عنهن

ده طبيعي ..لأن الرجل له القوامه ..يعني مميز عن المرأه بحكم ربنا ..وبحكم طبيعته الي ربنا خلقه عليها.
ده نقطه........."

بالنسبة لمعنى القوامة ناس كتير اوي فاهمة القوامة غلط وانها مجرد شخط ونطر وانا بس اللي كلامي يمشي وانتي لازم تنفذي اوامري مهما كانت وبس لكن في الحقيقة انا مش هاقدر اقول اكتر من اللي اتقال في الرأيين الجايين دول:
ده رأي لفضيلة الشيخ محمد متولي الشعرواي عندما سُئل عن القوامة

سأل فضيلة الشيخ محمد متولى الشعراوي عن قوله تعالى : (الرجال قوامون على النساء بما فضل الله بعضهم على بعض وبما أنفقوا من أموالهم )
فما معنى القوامة عن الرجل على المرأة ؟؟؟
وهل تلك القوامة تفضيل من الله للرجل على المرأة ؟؟

فاجاب فضيلته :
اذا قيل ان فلانا قائم على امر فلان ، فما معنى ذلك ؟
هذا يوحي بان هناك شخصا جالس ، والآخر قائم فمعنى قوامون على النساء .... انهم مكلفون برعايتهن والسعي من اجلهن وخدمتهن ، الى كل ماتفرض القوامة من تكليفات ،
اذا فالقوامة تكليف للرجل .
ومعنى : (بما فضل الله بعضهم على بعض ) ، ليس تفضيلا من الله عز وجل للرجل على المرأة كمايعتقد الناس ،
ولو اراد الله هذا لقال : بما فضل الله الرجال على النساء ،
ولكنه قال : ( بما فضل الله بعضهم على بعض ) فأتى ببعض مبهمة هنا وهناك .... ،
ذلك معناه : ان القوامة تحتاج الى فضل مجهود ، وحركة وكدح من ناحية الرجال ، ليأتي بالاموال يقابلها فضل ناحية اخرى ، وهو ان للمرأة مهمة ، لايقدر عليها الرجال ، فهي مفضلة عليه فيها ... فالرجل لايحمل ولايلد ولايحيض ،
ولذلك قال تعالى فى آية اخرى : ( ولاتتمنوا مافضل الله به بعضكم على بعض ) ، لمن الخطاب هنا ؟؟؟
انه للجميع . واتى بكلمة البعض هنا ايضا ، ليكون البعض مفضلا في ناحية ، ومفضولا عليه فى ناحية اخرى ،
ولا يمكن ان تقيم مقارنة بين فرديين لكل منهما مهمة تختلف عن الآخر .
لكن اذا نظرنا الى كل من المهمتين معا ، سنجد انهما متكاملتان .
فللرجل فضل القوامة بالسعي والكدح .
اما الحنان والرعاية والعطف فهي ناحية مفقودة عند الرجل ؛ لانشغاله بمتطلبات القوامة .
ولذلك فأن الله عز وجل يحفظ المرأة لتقوم بمهمتها ، ولايحملها قوامة بتكليفاتها تلك ، لتفرغ وقتها للعمل الشاق الآخر ، الذي خلقت من اجله .
ولكن الشارع اثبت لنا ان الرجل عليه ان يساعد المرأة .
وقد كان اذا دخل البيت ووجد اهله منشغلين بعمل يساعدهم ، مما يدل على ان مهمة المرأة كبيرة ،وعلى الرجل ان يعاونها .
أن المرأة تتعامل مع اجمل الاجناس على الاطلاق مع الانسان ، فهي تربي سيد الوجود بينما الرجل يتعامل مع الجماد والتراب ، مع النبات والحجر والحيوان .

وده برده رأي دكتور عبد الفتاح إدريس في موضوع القوامة

قوامة الرجل على المرأة في الإسلام ليست مجرد القيام بأمرها أو نهيها، وإنما الاهتمام بأمرها كله والنظر فيما يعنيها ويهمها من أمورها الحياتية والانفاق عليها ورعايتها والقيام على أمرها في حلها وترحالها وصيانتها وحمايتها إن قُصدت بسوء، ورد الاعتداء الواقع عليها حتى تكون عزيزة كريمة ولا تكون مبتذلة.
وهذا يُلقي على ولي أمرها أبا أو أخا أو عم أو زوجا تبعات إضافية قد ينوء كاهله عن حملها وذلك لأنه زيادة أعباء إضافية على أعباء الرجل الحياتية، وكأن الإسلام أراد أن يتحمل الرجل مسئولية أمرها كذلك حتى لا تضيع في هذه الحياة.
وليست القوامة كما يُشاع عنها من أنها أمر ونهي وزجر وتأديب وممارسة للسلطة الذكورية على المرأة كما يدعي بعض جُهال زمننا.

النقطه التانيه
ان الراجل بيكون حر في اختياراته ..يعني ممكن لو تعب في شغله ..يكون عنده شقه أحسن أو عربيه أحسن أو ....أو .....
فاهماني
انما الست
- وعذرا للتشبيه - لازم تختار العائل المناسب الي هتعيش عليه طول عمرها
يعني هيا بتستنا العائل المناسب ( بكل ظروفه الي هتكمل بيها حياتها ) عشان تختاره
يعني دايما الست بتدور على الرجل الافضل ماديا.
وده حقيقي......
إلا من رحم ربي طبعا .
بس انتي عارفه بقا
الحسنه بتخص ..والـــ .........

برده الست ممكن تكون حرة في اختياراتها بإنها مثلا لو حسنت من اخلاقها ممكن تتجوز انسان على خلق لو حسنت من طباعها ممكن تتجوز انسان طباعه كويسة لو حسنت من طريقة تفكيرها وتعليمها وثقافتها ممكن تتجوز واحد مستواه العقلي والفكري كويس ولو حسنت من شغلها هاتلاقي مستواها المادي اتحسن برده وهكذا
لكن مش كل البنات مستنية العائل المادي فقط بدليل ان في بنات اهلها اغنيا وهي معاها فلوس كتير وبرده مش بتتجوز لأسباب اخري غير الظروف المادية وفي بنات ظروفهم المادية متوسطة أو اقل ويرفضوا عرسان ظروفهم المادية احسن بكتير وممكن يجيبلها الشقة والعربية والفيلا كمان لكن لما تلاقي اخلاقه مش كويسة ولا معندوش حتى القدر الكافي من التدين اللي يخليها تأمنه على نفسها واولادها بترفض الجوازة دي وبتتجوز واحد ظروفه المادية على قده بس عنده خلق ودين وطبعاً لازم تكون متقبلاه نفسياً ومرتاحاله (وعلى فكرة الكلام ده واقعي مش من وحي الخيال)

وعلى العكس تماماً تلاقي شاب ظروفه المادية على قده ويروح يتقدم لوحدة غنية واهلها اغنيا ويسيب انسانة تانية مستواها متوسط مادياً لإنه (من وجهة نظره) عايز واحدة تعليه لفوق مش تنزله لتحت وماشي بمبدأ فقير اتجوز فقيرة خلفوا شحاتين
وفي واحد تاني يسيب انسانة عاقلة ومثقفة ويروح يتجوز واحدة دماغها على قدها لإنه (ومن وجهة نظره ايضاً) شايف ان الأولي هاتكون عندها شخصية ومش هايعرف يمشيها على العجين متلخبطوش ومش هايعرف يمارس عقد النقص اللي عنده عليها فيروح يتجوز واحدة دماغها على قدها ويرجع يشتكي انها مبتعرفش تتصرف من غيره وانه مبيعرفش يتكلم معاها في اي موضوع يخصه وتقوله جملة مفيدة.
يبقي برده هنا نقول الحسنة بتخص والسيئة بتعم؟

انا - نيابه عن نفسي - محبش مراتي ( لو اتجوزت يعني ) تشتغل او يكون لها اختلاطات مع زملائها في العمل....الا لو هتمسك صيدليتي مثلا
ساعتها مش هتبقا مشكله
لكن مراتي تصحى الصبح تروح تشتغل ..والموظفين اللزجين والناس المريضه نفسيا تقعد تهزر وتاخد وتدي في الكلام ..وكلام من ده
لأ طبعا

مبدئياً حتى لو إعتقاد ان الست طالما مش بتشتغل يبقي مش هاتختلط بالناس وتقابل النوعيات اللي حضرتك قلت عليها فده إسمحلى اعتقاد خاطئ لإنها ممكن تقابل نوعية الناس دول في كل حتة ممكن يبقي البواب ممكن يبقي سواق التاكسي ممكن يبقي واحد خبطلها عربيتها وهو ماشي ممكن يبقي المدرس اللي بيدرس لولادها لما تروح المدرسة تطمن عليهم ممكن يبقي الدكتور اللي بيعالج ولادها ممكن يبقي حد في السوبر ماركت ممكن برده يبقي حد من الزباين اللي هايشتري حاجة من الصيدلية بتاعة حضرتك لو مسكتهالك (لوحضرتك روحت مشوار مثلا) ممكن يبقي مليون حد الست غصب عنها هاتقابلهم في مواقف الحياة اليومية لكن الست الصح تعرف توقف كل واحد عند حده وتقدر تمنع الناس المريضة دي انها تغلس عليها او تتعرض ليها ومش كل ست أو بنت بتشتغل بتقعد تهزر وتاخد وتدي في الكلام مع زمايلها في العمل بطريقة غير لائقة.

انا تفكيري المحدود بيقولي كده.
وانا عارف ان شغل البنت مش عيب ..انا بقول اني محبش الست تشتغل.
وبعدين انتي عممتي الكلام
زمن المرأه الي بتعتمد على عائل ده خلص..كانت دفعه وخلصت
كلامك مش تمام 100 %

يعني فعلا في ستات بتشتغل
لكن احنا كشرقيين ..ِشغل الست بيكون مساعد للراجل .لكن مش بيكون مصدر رئيسي لدخل الأسره.

وانا مش عاوز الموضوع يتقلب لقضايا حقوق المرأه
والتمييز العنصري على اساس الجنس..ونعد نقول الست بقت وزيره والكلام ده

تحياتي

لا يافندم مش هايتقلب لقضايا حقوق المراة ولا حاجة وربنا ميجيبش قضايا بإذن الله
ومش عشان الست بقت وزيرة فده معناها ان الست دي نجحت لإنها ممكن تكون نجحت تبقي وزيرة لكن فاشلة في بيتها وفي تربية اولادها ورعاية زوجها يبقي ساعتها نجاحها ده مالوش اي قيمة لإنها فشلت في اداء اهم مهمة في حياتها وهي زوجها وأولادها.

وشوف انت نفسك قولت ايه
مش هتسمحلها انها تشتغل الا لو هتمسك الصيدلية عندك
يعنى استغلال عشان توفر مرتب موظف
اصلك مش هتديها مرتب اكيد وهتقولها احنا واحد والكلام اللى مش بيأكل عيش ده

منا كنت بعيد ومش راضية اشارك فى الحوار ده من الاول عشان محدش يقول حقوق المرأة والكلام ده
لازم يعنى تعصبونى

لا يابسكوتة انتي ظلمتي الدكتور هو قال انه ممكن يخليها تمسك الصيدلية مش عشان يستغلها لكن عشان تسلي نفسها بدل ماهي قاعدة في البيت بين اربع حيطان لوحدها يعني وبعدين يعني هي لو خدت المرتب منه هاتعمل بيه ايه ماهي هاتصرفه في البيت برده

يادي حكايه تثبت نفسها دي.
وانا قولت لو اتجوزت وحبت تشتغل ...تنزل الصيدليه ..عشان تسلي نفسها والإسم انها شغاله.مش عشان أوفر مرتب
.
وبعدين ليه البنت شايفه ان اثبات ذاتها بيكون في الشغل والمرمطه.

انا معاك في نقطة ان الست مش لازم عشان تثبت نفسها يبقي لازم تثبت نفسها في الشغل وبس
وانا كمان ضد ان ده يكون المفهوم اللي الست بتشتغل عشانه بس
لكن ممكن تكون بتسلي نفسها بتعمل حاجة تزود مهاراتها بتمارس اللي اتعلمته وقضت عمرها في دراسته عشان متنساهوش وتصبح انسانة مصادر ثقافتها هي التليفزيون ورغي الجيران فقط لا غير.
وعلى فكرة مش كل الشغل مرمطة يعني اصلنا مش هانروح نشغلها في الفاعل ولا هانخليها تلم زبالة من الشوارع يعني
المهم انها تقدر توفق بين الشغل والبيت وانا عن نفسي لو لاقيت ان شغلي هايخليني اقصر في واجباتي ناحية زوجي واولادي هاسيب الشغل وطالما زوجي هايقدر على مصاريف البيت ومش محتاج لمرتبي وطالما زوجي هيقدر يملى عليا فراغي النفسي والمعنوى اللي اكيد هاعاني منه لو قعدت في البيت ان شالله حتى بخروجة (مش شرط معاه ممكن تكون مع واحدة صاحبتي لو هو مش فاضي) او يقعد يتكلم معايا او يخليني اساعده في شغله فخلاص المشكلة هاتبقي اتحلت.

الكلام بيكون في العموم.
اكيد في كده كتير ..بس العموم
ان الراجل هوا العائل..وسواء بسكوته موافقه ولا لأ
الراجل هوا العائل

خلاص الراجل هو العائل موافقين خليه يشيل احنا خسرانين حاجة يعني

الله يسامحكوا عطلتوني عن مكواة البيت اللي ورايا وخلتوني ارغي الرغي ده كله
يالاسلالم بقي انا هاقوم اكمل مكواة وانام بقي شكلي كدة هاصحى المغرب

[yousef1978]

السلام عليكم يا جدعان

والله الحوار ده بيثبتلي إننا ممكن نناقش كل قضايانا بهدووووووووء ورقي ومن غير ما حد يتعدى على الآخر
ويا ريت كل مشاكلنا سواء من ديمقراطية لشفافية لحريات وأزمات طائفية وحقوق المرأة وغيره وغيره كنا نناقشها بهذه الروح الرياضية
النقاش ده بيفتح عيون كل واحد فينا على زوايا أخرى للموضوع يمكن هو مش واخد باله منها

لكن كنت بأتمنى إن النقاش الجميل ده يكون تح قيادة واحد أو واحدة بحيث يديره بمزيد من الحرفية

معلش انا هأغلس عليكم وأكتبلكم بعض آرائي ويا رب يكون كلامي خفيف عليكم

فيه مميزات كتيرة فينا كمصريين واكيد فينا عيوب
سواء العيوب دي كنا مسئولين عنها او مشاركين فيها بطبيعة التواجد في هذا البلد
أنا هأحاول أذكر بعض العيوب او المشاكل ويا ريت نشارك في حلها

1- المجتمع المصري مجتمع أبوي
بمعنى إنه غالبيتنا وخصوصا النساء بيدربوا من نعومة أظافرهم على السمع والطاعة
اسمع كلام أبوك
أسمع كلام امك
لغاية ما نوصل لسماع كلام الأكبر منك وكلام البواب والراجل بتاع اللبن
وده له ميزه إنه بيخلي فيه إرتباط لكن عيبه إنه بيلغي الشخصية لوقت طويل وللأسف الاسرة حاليا ما عندهاش القدرة على توريث الخبرات من الأب والأم وفي النهاية يصل الشاب لمرحلة يكون مطلوب منه أن يستقل بقراره وان يأخذ قراره بسرعة وحسم وأن يكون قرارا صائبا رغم إنه ليس لديه خبره كافية وثانيا متعود طول عمره إنه ينتظر رأي الكبر منه ويستشيره بطريقة تابعة غير مستقلة
زي واحد منع واحد من تعلم العوم طول عمره
وبعدين وهو في وسط البحر رماه من المركب وقاله طيب يا عم ورينا شطارتك بقى مش بتقول انا حر سيبني أعوم براحتي
ويقعد بقى يتفرج عليه وهو بيغرق ولو أنقذه يقوله شفت علشان قلنالك سمع الكلام لآن إحنا خبره عنك وعارفين
يلا بعد كده لما نقولك على حاجة ما تجادلش كتير

أنا عانيت من هذا الأمر للأسف حتى وصلت لمرحلة إني واحد مهندس شحط طويل ومالي هدومه لكن مش قادر يحدد قراره وخايف ومتردد

والحمد لله دلوقتي بأحاول أعمل لأولادي شخصية مستقله وأدربهم على إتخاذ القرار الصحيح بكل استقلال

2- المجتمع المصري للأسف قريب من بعضه قوي
زي ما بيقولوا في علم النفس : مجتمع نهري
وهذا المجتمع النهري يتميز بتلاصقه للنهر وزيادة في الإختلاط والإحتكاك
ده بيولد عندنا عاطفة جياشة بالإنتماء والحب لهذا الوطن
لكن فيه عيوب كتيره
أهمها إن كل واحد بيتأثر بوضع وظروف اللي قدامه
وطبعا اللي قدامه ده قريب منه قوي يعني بينهم في السكن ستة متر هي عرض الشارع وبينه وبين اخته وأخوه تلاتين متر هي طول الشارع وبينه وبين ابن خالته سبعين متر وهي المسافة حتى آخر الشارع اللي وراه
وده بيخلي كل واحد باصص للتاني ولو ما بصش للتاني التاني بيجي قدامه ويقوله لو سمحت بصلي ههههههه
لكن في المجتمعات الصحراوية بيكون الوضع اخف وكل واحد في بيته مستقل كتيييييييييييير عن كده وممكن ينفصل عن المؤثرات الخارجية بشكل أكتر

إمتى بقى إحنا نفض حالة الإشتباك اللي عايشينها دي مش عارف

3- كل راجل بيتمنى في زوجته صفات كتييييييييييييره زي ما الخت رنا قالت والست أكيد بتتمنى كذلك مواصفات كبيره فيه
وطبعا زمان كان الواحد ممكن يتجوز واحدة وما يشفش وشها غير بعد ما يخلف العيل التالت مثلا
لكن دلوقتي مع إنتشار القنوات والأنترنت والإثارة الرهييييييبة التي نتعرض لها فأصبح من الصعب واحد ياخد واحدة ما تكونش عاجباه أو ما تكونش بتثير أمامه إحساسه بأنوثتها الجميله حتى لو مختمرة أو منقبة
أنا على فكره والحمد لله كويس باعرف ربنا ولا أزكي نفسي على الله وعمري ما كلمت أو مشيت مع واحدة غير زوجتي
لكن أنا طبيعتي إن حدودي هي حدود الله
وما دون ذلك فهو حلال أحله الله وأحب أن أتكلم بكل الحرية اللي ربنا ادهاني
لكن بأقولكم إن ما كان في الماضي فراغة عين بالنسبة للرجل أصبح اليوم أقل القليل بالنسبة لإحتياجاته
وكذلك بالنسبة للمرأة
موضوع عش العصفورة والكلام ده ما بقاش مقنع ليها كتير وإن كانت ممكن تقبل بيه علشان تتجوز وتخلص لكن بكره ومع وجود هذا المجتمع المثير حولها أكيد هتحس بالنقص

أكيد هنا البنت بتتحمل كتير من المسئولية
أولا إهتمام المرأة المصرية بنفسها أقل بكثير من أي إمرأة في العالم
يعني أنا بأشوف لبنانيات هنا الواحدة فيهم محافظه على قوامها سواء عدم نحافة أو عدم زيادةة في الوزن رغم إن الواحدة ممكن تكون مخلفة عشرين عيل
لكن المصرية بسم الله ما شاء الله بعد سنة من الجواز - ده إن كانت مش ثمينه في الأصل - تلاقيها ضربت من كل ناحية وتقولك هو عايز إيه مني مش كفاية إني حملت وخلفت وعمالة أتنيل أرضع
هو فاكرني إيه انا هألاقيها منين ولا منين
خلاص مش عاجباه يروح يتنيل يتجوز

أيوة الست صحيح بتتعب لكن دي فطرة الله التي فطر الناس عليها
أنا حاولت أبات سهران مع الولد وهو مريض علشان أريح زوجتي لكن عنيه غفلت صحيت بعد شوية لقيت أمه صاحية وقاعدة بتعمله كمادات
دي قدات ربنا مديها للست اكتر من الراجل
لكن الراجل بيتعب وبيتبهدل في الشغل وفي تحم المسئولية حتى النفسية منها
وصدقوني أصعب شئ هو تحمل المسئولية النفسية
لو الست بتدي لجوزها كل مرتبها أو هو أصلا مليونير لكن مجرد تحمله لمسئولية زوجته وأولاده ويمكن أمه وأبوه وأخته
ده هو التعب الحقيقي إنه يكون حاسس بالمسئولية تجاههم
لكن آخر اليوم عايز يرجع يلاقي زوجته والبيت والأولاد على سنجة عشرة زي ما بيقولوا ويرتاح في البيت علشان ينسى كل تعب الدنيا
أكيد مش كل لحظه وكل يوم
لكن لازم ده يكون الشئ الطبيعي
طبعا فيه مشكلة عندنا
واحدة هتقولي طيب اللبنانيات اللي حضرتك بتتكلم عنهم دول عملوا مأئة عملية تجميل علشان يوصلوا للشكل ده وانتوا حتى مش سامحين بالرياضة للست
أقولها أولا مش كل اللبنانيات بيعملوا عمليات تجميل ومش كلهم لونهم أبيض ومش كل الرجالة بتحب اللون الأبيض وفيه عارضات أزياء أسمر من السمار لكن الإهتمام ممكن يكون بإمكانيات أقل وصدقوني الراجل المتزوج ممكن يتنازل عن الأكل والشرب وحتى غسيل الهدوم وكويها لو الزوجة عوضت ده كله بالإهتمام بنفسها وبعيالها
لكن الصراحة موضوع ممارسة المرأة للرياضة بدون الإخلال بتدينها ده موضوع مهم ويا ريت اللي يقدر يفيدنا فيه
أنا عن نفسي نفسي أجيب لزوجتى عجلة وتتمرن بيها في الشارع بس بدون إسفاف وهي لابسه حجابها لكن مش عارف حكم الدين إيه وكمان ردة فعل أم المجتمع ده إيه
وفكرت إجيبلها عجلة صغيره في البيت تركبها مع الولد لكن مساحة الشقة ما سمحتش
وييجي الدور على الراجل إزاي يلبي طلبات زوجته
طيب لو ما قدرش طبعا مش هنقدر نقوله اعمل ريجيم
دي مقدور عليها لكن هيجيب فلوس منين
شخصية الراجل بقى هتظهر هنا هل هيقدر يحتوي زوجته ويعوضها عن الظروف المادية أو ياخد قرار إنه يروح حتة صحراء ويعيش فيها ويجيب عربية بسيطة ولا يبيع البيت والشقة ويشتري شقة ولا بيت في مكان أرخص ونضيف ويحاول يعمل مشروع
المهم لازم يحاول يتصرف يضحي من أي ناحية
إما يضحي بالمنطقة اللي عايش فيها طول عمره جنب امه واخواته
او يضحي بمصارييفه الشخصية
أو حتى يتعب نفسه شوية ويعملها قرداتي ويبقى واد كلمانجي ويعود نفسه على الكلام المعسول

3- بيقولوا دايما الشاب والفتاه بيحلموا بالفنانين
أنا عمري ما اتمنيت أتجوز واحدة شبه الممثلة الفلانية
الصراحة لا تهويني إلا البنت المحجبة الرقيقة العفيفة اللي فيها رونق العفاف وطبعا تكون مظهرها منظم وألوانها متناسقة يعني تحس فيها بالرقي وكمان يكون وجهها عاجبني
دي اللي كان طول عمري أتمنى اتجوزها
والحمد لله ربنا أكرمني بيها بس مش عايز مراتي تعرف كده لحسن تتفرعن علي
أما اللي طول عمري حلمت أتجوز واحدة زيها وأنا شاب
هي الممثلة نورة
مش علشان الشكل رغم إن شكلها لذيذ
لكن كنت دايما أشوف موقفها وهي بتمثل دور البنت الوفية اللي بتقف مع جوزها وتخفف عنه ومهما حصل تقوله ولا يهمك ربنا بكره هيفرجها انت زعلان ليه طب دا انا والله بأفكر أنزل أشتغل معاك وإيدي على إيدك ونعمل كل اللي تحلم بيه
وبعدين إحنا نبيع حتتين الدهب دول ونفتحب بيهم مشروع
انت أهم عندي من مال الدنيا كلها

كل العبارات دي كنت أسمعها وأحلم إني إيه متجوز واحدة بتقولي كده

يا جماعة إحنا فيه سلاح قوي عندنا جدا يكافح مشاكل كتيره ومش مستغلينه
سلاح الكلام الحلو اللي يريح البال
يا سلام لما الواحد بيبقى مستني مراته تحت البيت وهي تخليه واقف في الشارع نصف ساعة بيكون دماغه هتغلي ولو شافها قدامه هيعلقها فوق الباب من شعرها
لكن لما تنزل وتقوله قبل ما تعمل نفسك زعلان
أنا حبيبك هتزعل من حبيبك بردو
يلا يا كذا روح بوس بابا لحسن شكله كده ناويلنا على نية وحشه ومش هنطلع النهاردة روح يلا قوله ما تزعلش يا حبيبي

شوية كلام وخلاص بس ممكن يطلعوا الواحد من كل مشاكله

لكن اتخيلوا المنظر لو نزلت الزوجة بعد كل التأخير ده والراجل حاسس إن كرامته التهبت
وتنزل تقوله ما تعليش صوتك العيال قرفوني
انت سايبني عماله أخلع في ده وألبس في ده لما هلكوني مش عايز تروح انت حر يلا يا يا ابني خلينا نطلع ما هي عيشه غم

أكيد هيكون المنظر متلف

5-

[A7MED_PHARMA]

شفتوا الرجاله بيعملوا ايه؟
الاخ يوسف بيتكلم كلام صح
وعاقل
ومنطقي