إعـــــــلان

Collapse

.

,
See more
See less

بفكر أتجوز و جاهز, هل من نصيحة؟؟؟

Collapse
X
 
  • Filter
  • الوقت
  • Show
Clear All
new posts

  • #16
    شوف انا هاقول لك نصيحة لو اخدت بيها هتعيش زوج سعيد مدى الحياة عن تجربة شخصية
    كل الناس لما بتفكر فى الزواج تقولك لازم اتجوز اما بنت حلوة مثلا ا ومن عيلة واهلها ناس كلاس والحاج والحاجة مبسوطين منها كل ده كلام جميل للوهلة الاولى لكن لما المواضيع تدخل فى الجد سورى كل ده كلام عبيط فى الطراوة وتبدا تظهر الحقيقة المرة تلاقى نفسك متجوز واحدة غبية قليلة الادب جاهلة وغير مثقفة وتربى العيال تربية بيئة ده اذا كانت تعرف يعنى ايه تربى اطفال
    يا سيدى الفاضل النبى صلى الله عليه وسلم قال فاحظى بذات الدين تربت يداك يعنى ذات الدين لها الاولوية ماذا والا ايدك والارض منها بالبلدى ده الاساس بعد كده لازم تعملها اختبارات تعرف منها دماغها ماشية ازاى يعنى درجة ذكائها وفهمها لما يدور حولها من امور ورد فعلها فى المواقف الصعبة يعنى هى عاقلة بدرجة كافية ولا بتفيص مع اى stress ومهم جدا الثقافة يعنى هى بتقرا ولا لا وبتقرا لمين؟ وبتطبق الاشياء اللى بتقراها وخاصة فى مجال التربية والسلوك الاجتماعى (اياك تقول على باتفلسف انا باتكلم جد والله العظيم)واخيرا مهم جدا الطبخ هى ليها فيه ولا لا ولها وحهة نظر وذوق فى الاكل وعندها فكرة عن مدارس الطبخ المختلفة يعنى الاكل المكسيكى او الصينى او الامريكى ولا واحدة مهيسة زى امها ماتعرفش غير الرز والفراخ
    لو وجدت هذه المواصفات فى امراة اتجوزها فورا لو كانت بنت بواب او فران او حتى عامل نظافة فى الشارع وهتدعيلى طول عمرك
    وسامحنى على صراحتى
    لعمرك مـا الإنسـان إلا بدينـه فلا تترك التقوى اتكالاً على النسب
    فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ

    Comment


    • #17
      المشاركة الأصلية كتبت بواسطة lonedoctor مشاهدة المشاركة
      ومهم جدا الثقافة يعنى هى بتقرا ولا لا وبتقرا لمين؟ وبتطبق الاشياء اللى بتقراها وخاصة فى مجال التربية والسلوك الاجتماعى
      انت بتطلب المستحيل، الثقافة في مجتمعنا منعدمة تماما، الا من رحم ربي، انا فاكر اني كنت بتكلم مع واحدة في الموضوع ده تحديدا، لقيت عينيها فنجلت وبقها بقى مفتوح، وكأني كنت بتكلم بالألماني. واللي قابلتها ولاقيتها فاهمه في الكلام ده كان ليها نظرة مادية سخيفة لمجريات الحياة، و ده عيب قاتل لأي إنسان فما بالك به في إمرأة تريد ان تتزوجها.

      المشاركة الأصلية كتبت بواسطة lonedoctor مشاهدة المشاركة
      واخيرا مهم جدا الطبخ هى ليها فيه ولا لا ولها وحهة نظر وذوق فى الاكل وعندها فكرة عن مدارس الطبخ المختلفة يعنى الاكل المكسيكى او الصينى او الامريكى ولا واحدة مهيسة زى امها ماتعرفش غير الرز والفراخ
      ههههههههههه في الآخر هتقلب رز وفراخ بردو.

      الكسل لا يشترى وإنما هو طبيعة شعوب.
      [CENTER][SIZE=5][COLOR=Blue]شارك في [URL="http://ar.wikipedia.org"]الموسوعة العربية الحرة [/URL]

      [/COLOR][/SIZE][SIGPIC][/SIGPIC]
      [/CENTER]

      Comment


      • #18
        السلام عليكم

        بص يا أخي الفاضل
        يقول النبي صلي الله عليه وسلم" يا معشر الشباب من استطاع منكم الباءة فليتزوج فإنه أغض للبصر وأحصن للفرج" وانت الحمد لله ربنا كرمك وتستطيع يبقي ما تتأخرش
        نصيحتي ليك إنك تتأني في إختيارك لأنه للأسف كل الشباب إلا من رحم ربي بيختار الجميلة.ماشي مش عيب بس ما يكونش ده الأساس لأن أنت كده كده هاتتعود علي جمالها وبعد فترة هاتبقي حاجة عادية بالنسبة لك واللي بيقبي الطبع الكويس والتربية الصالحة.وخد بالك ما تفتكرش إن بيتك مش هايكون فيه مشاكل لازم يكون فيه مشاكل بس الذكي اللي هو يعرف إزاي يدير المشكلة والمشكلة ما تطلعش برة يعني بينه وبين زوجته بس .وخد بالك إن النبي صلي الله عليه وسلم كان فيه في بعض الأحيان مشاكل أو زعل بينه وبين زوجاته لكن كان بيعالج الأمور بحكمة.
        وما تنساش إن طباعها غير طباعك فهي هاتاخد وقت لحد ما تتعود علي اللي انت عايزه.
        وفي الاخر يبقي صلي صلاة استخارة لما تكون ناوي انك هاتتقدم لواحدة وصلي مرتين أو تلاتة علشان تتأكد إن ده إختيار ربنا ليك.وربنا يوفقك

        Comment


        • #19
          المشاركة الأصلية كتبت بواسطة lonedoctor مشاهدة المشاركة
          شوف انا هاقول لك نصيحة لو اخدت بيها هتعيش زوج سعيد مدى الحياة عن تجربة شخصية
          كل الناس لما بتفكر فى الزواج تقولك لازم اتجوز اما بنت حلوة مثلا ا ومن عيلة واهلها ناس كلاس والحاج والحاجة مبسوطين منها كل ده كلام جميل للوهلة الاولى لكن لما المواضيع تدخل فى الجد سورى كل ده كلام عبيط فى الطراوة وتبدا تظهر الحقيقة المرة تلاقى نفسك متجوز واحدة غبية قليلة الادب جاهلة وغير مثقفة وتربى العيال تربية بيئة ده اذا كانت تعرف يعنى ايه تربى اطفال
          يا سيدى الفاضل النبى صلى الله عليه وسلم قال فاحظى بذات الدين تربت يداك يعنى ذات الدين لها الاولوية ماذا والا ايدك والارض منها بالبلدى ده الاساس بعد كده لازم تعملها اختبارات تعرف منها دماغها ماشية ازاى يعنى درجة ذكائها وفهمها لما يدور حولها من امور ورد فعلها فى المواقف الصعبة يعنى هى عاقلة بدرجة كافية ولا بتفيص مع اى stress ومهم جدا الثقافة يعنى هى بتقرا ولا لا وبتقرا لمين؟ وبتطبق الاشياء اللى بتقراها وخاصة فى مجال التربية والسلوك الاجتماعى (اياك تقول على باتفلسف انا باتكلم جد والله العظيم)واخيرا مهم جدا الطبخ هى ليها فيه ولا لا ولها وحهة نظر وذوق فى الاكل وعندها فكرة عن مدارس الطبخ المختلفة يعنى الاكل المكسيكى او الصينى او الامريكى ولا واحدة مهيسة زى امها ماتعرفش غير الرز والفراخ
          لو وجدت هذه المواصفات فى امراة اتجوزها فورا لو كانت بنت بواب او فران او حتى عامل نظافة فى الشارع وهتدعيلى طول عمرك
          وسامحنى على صراحتى

          و الله انا شايف ان الكلام ده زي الفل

          عدا نقطة الطبيخ يعني

          Comment


          • #20
            احمد رجب بيقول :

            تزوج .. انك فى الحالتين ستندم
            د. محمد منير

            Comment


            • #21
              اتجوز وربنا هايكرمك ان شاء الله الجواز نعمة

              هو ايه حكاية الجواز في المنتدى
              مش اقل من 3 او اربع مواضيع بتتكلم عن الجواز، مع اختلاف الموضوع

              على العموم ربنا يتمم بخير للجميع
              بعيد عنك فرة وضربت في المنتدى
              هههههههههههههههه انفلونزا الجواز هههههههههه بس الاصل يكسب انا الموضوع الاول هههههههههه يبقى ان اشاء الله انا هاتجوز الاول هههههه
              [CENTER][B] :penguin4: [/B][B][SIZE=4]
              [/SIZE][/B][/CENTER]

              Comment


              • #22
                كلا كيت عاشر مره

                الجواز

                عاوز رأى شاب من عمرك متجوز

                الجواز ده مش زى البطيخه دى مقوله غلط

                الجواز ده زى الفانوس السجرى اللى جواه العفريت

                عندك الامكانيات تبقى لقيت الفانوس

                ادعك الفانوس(اتجوز) يطلعلك الجنى(العروسه)

                عمرك سمعت عن عفريت طلع لواحد من غير ما يجننه ويؤذيه شر الاذى

                هتقولى علاء الدين هقولك دى خرافه او غلطه عفريت

                لازم العفريت ده هيجننك وينسيك اهلك ويخليك تمشى تكلم نفسك

                فى بعض الحالات (ودى قليله) ومنكرش انى واحد منها

                ربنا بيكرمك بانسانه كويسه تريحك (غالبا هى بتحاول)

                بتتقى الله فيك وبتخليك تحمد ربنا على النعمه دى (انه اكرمك فى زوجتك)

                وتدعى طول العمر لابوها اللى رباها وامها اللى علمتها ازاى تعامل جوزها

                بس يا سيدى على رأى المثل

                فلوس مع ملبوس ما تلزموش(هنا العفريت مبيديش فلوس )

                يعنى برده هتتجنن

                تنام بالليل تحلم بأيام العزوبيه

                تصحى من النوم على عياط ولادك وبعد ما كان اى طفل يضحك فى وشك تشوطه بالشلوت

                تلاقى نفسك مش قادر تنام قبل ما تصحيه ويضحك فى وشك

                تسافر ويكون دى فرصتك تقدم استقالتك علشان ترجع تقعد جنب سيادته

                لو جعان تكسل تقوم تفتح التلاجه

                بس جنابه ممكن يخليك تلف البلد كلها الفجر علشان سعادته طالب تفاحه مش موجوده فى البيت(طبعا على قلبك زى العسل وتقوله تيييييييييييت اليوم اللى اتجوزت فيه)

                طبعا دى العيوب

                فيه بقى مميزان كتير جدا محتاجه اسبوع احكى لك عليها

                بس كفايه ابنك او بنتك لما يضحك فى وشك

                لو كنت متجوز امنا الغوله وعايش فى بلاد يأجوج ومأجوج هتحب دنيتك

                بس اهم حاجه اختار الرفيق قبل الطريق

                يعنى دى رحله عمرك

                اوعى يكون اللى معاك فى الرحله عندك اى اعتراض على اصغر حاجه فيه وتكمل

                ادخل بيتهم وشوف اهلها واسلوبهم فى الحياه

                اى تردد عندك

                انفد بعمرك

                ومتنساش تعزمنا على الفرح وربنا يوفقك

                بس فى الاخر برده (فلوس مع ممسوس)
                (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
                لمجرد أنك تحب الجبن الرومي !)

                Comment


                • #23
                  المشاركة الأصلية كتبت بواسطة musiccairo مشاهدة المشاركة
                  هو الزواج بقى فكره طائشه ؟؟
                  عموما اختلاف الرأي لا يفسد للود قضيه

                  لكن ليه يستمتع بحياته لوحده (ايه المتعه في كدا)
                  مادام في مقدرته انه يستمتع بيها مع شخص اخر
                  :ka_che1[1]:
                  اعتقد ان الزواج من أجمل ما يقرره الانسان
                  وعلشان يعيش حياه مستقره يبقى لازم الاختيار الصحيح اولا
                  ثانيا (التفاهم ) ودي نقطه مهمه جدا
                  ثالثا المستوى الاجتماعي والثقافي والتقارب بين الطرفين
                  رابعا سي السيد زمنه راح يبقى لازم الزوج ينسى التعصب

                  +1111111111111

                  قَالَ لَنَا رَسُولُ الله : «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ». رواه البخاري ومسلم .
                  [CENTER][SIZE=4][URL="http://www.nilemotors.net/Nile/97775-a.html"]:3_3_102[1]:http://www.nilemotors.net/Nile/97775-a.html[/URL][/SIZE][SIZE=4][COLOR=DarkRed]
                  [COLOR=#d10202][URL="http://www.nilemotors.net/Nile/97775-a.html"] [COLOR=DarkRed]شبهـــــــــــــــات و الـــــــــــــــــــرد عليها...[/COLOR][/URL][/COLOR][/COLOR][/SIZE][/CENTER]

                  Comment


                  • #24
                    في بدايات العمر وحينما يبدأ الشاب التفكير في موضوع الزواج يكون الغالب على العقل موضوع قضاء الوطر والمتعة والجانب والعاطفي.. وليس هذا مما يعاب ولا مما ينكر، ولكن مع بداية مشروع الزواج وتكوين الأسرة ووجود الأولاد يوقن الإنسان أن المسألة ليست مسألة لذة وفقط ولا متعة وقضاء وطر وانتهى الأمر وإنما يدرك المرء أن للزواج في الإسلام حكم عليا ومقاصد كبرى ومنافع للنفس والمجتمع تفوق ما يتخيله كثير من الشباب.
                    إن الزواج في الإسلام عبارة عن إقامة مؤسسة أسرية وهي بدورها تكون نواة في المجتمع، ولا يستمتع بالزواج ويتحمل مشاقه عن طيب نفس ورضى خاطر إلا رجل علم مقاصد الشريعة من وراء هذا البناء الذي يستحق وصف الطود العظيم ..
                    ومعرفة مقصود الله تعالى من الزواج يجعل الشباب أكثر إقبالا عليه ورغبة فيه وسعيا وراءه، ونحن هنا نذكر ببعض هذه الحكم والمقاصد ونبين بعضا من تلك الأهداف المرجوة من وراء الزواج ترغيبا للشباب ودعوة لهم أن يسارعوا إليه لينالوا بركته ومنافعه.. ومن هذه الأهداف والمقاصد والحكم:
                    أولا: طاعة الله ورسوله :
                    فقد شرع الله الزواج، وجعله شعيرة من شعائر دينه الحنيف الذي ارتضاه لعباده، وحثهم عليه ورغبهم فيه، وكذلك دعا إليه الرسول الكريم بسنته القولية والعملية، ودعا القرآن والسنة الشباب والرجال إليه فحثهم عليه، وحث أولياء المرأة على تزويجها الكفء الكريم وعدم عضلها وتأخير نكاحها
                    قال تعالى: (فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ)(النساء: من الآية3)، وقال سبحانه: (وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ) (النور:32)، وقال (وَمَنْ لَمْ يَسْتَطِعْ مِنْكُمْ طَوْلاً أَنْ يَنْكِحَ الْمُحْصَنَاتِ الْمُؤْمِنَاتِ فَمِنْ مَا مَلَكَتْ أَيْمَانُكُمْ مِنْ فَتَيَاتِكُمُ الْمُؤْمِنَاتِ)(النساء: من الآية25)
                    وأما السنة الفعلية فقد تزوج رسول الله صلى الله عليه وسلم، وأسس بيتا وأقام أسرا، وأنجب ذرية وأنفق على أهله وعياله ليعلم الناس كيف يكون الأباء والأزواج مع زوجاتهم وأبنائهم.
                    وأما السنة القولية فمنها حديث ابن مسعود في الصحيحين قال صلى الله عليه وسلم: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].
                    وفي صحيح البخاري وغيره: [إذا خطب إليكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض]
                    ثانيا: اتباعا لسنة النبي صلى الله عليه وسلم وهدي المرسلين:
                    فالزواج من هدي الرسل عليهم الصلاة والسلام كما قال تعالى: (وَلَقَدْ أَرْسَلْنَا رُسُلاً مِنْ قَبْلِكَ وَجَعَلْنَا لَهُمْ أَزْوَاجاً وَذُرِّيَّةً )(الرعد: من الآية38)
                    قال الإمام القرطبي عند تفسيرها: "هذه الآية تدلّ على الترغيب في النكاح والحض عليه، وتنهى عن التَّبَتُّل، وهو ترك النكاح، وهذه سنّة المرسلين كما نصّت عليه هذه الآية، والسنّة واردة بمعناها؛ قال صلى الله عليه وسلم: "تزوّجوا فإني مكاثِر بكم الأمم " الحديث...
                    وقال صلوات الله وسلامه عليه كما في حديث الثلاثة المشهور: [أما والله إتي لأخشاكم لله وأتقاكم له، لكني أصوم وأفطر، وأصلي وأرقد، وأتزوج النساء، فمن رغب عن سنتي فليس مني] متفق عليه.
                    فليس التبتل وترك الزواج من دين الإسلام في شيء بل جاء في صحيح البخاري عن عائشة رضي الله عنها: [نهى رسول الله صلى الله عليه وسلم عن التبتل]
                    وفي الصحيحين من حديث سعد بن أبي وقاص قال: [رد رسول الله صلى الله عليه وسلم على عثمان بن مظعون التبتل، ولو أذن له لاختصينا]
                    وفي مجمع الزوائد بسند حسن ـ كما قال الهيثمي ـ عن أنس قال: [كان رسول الله صلى الله عليه وسلم يأمر بالباءة وينهى عن التبتل نهيا شديدا، ويقول: تزوجوا الودود الولود فإني مكاثر بكم الأنبياء يوم القيامة].
                    وروى الحسن عن معاذ أنه قال في مرض موته : زوجوني لا ألقى الله عزبا(انظر تلخيص الحبير)
                    والخلاصة أن الزواج من سنة نبينا الأمين وسنن إخوانه من المرسلين كما أخرج ابن أبي شيبة وأحمد والترمذي، عن أبي أيوب - رضي الله عنه - قال: قال رسول الله صلى الله عليه وسلم: «أربع من سنن المرسلين: التعطر والنكاح والسواك والختان » .
                    ثالثا: إعفاف النفس والزوجة وإشباع الغريزة والفطرة:
                    فقد خلق الله في الإنسان غريزة لا مفر له من الاستجابة لها، لأنها من أقوى الغرائز وأعنفها، وهي - إن لم تشبع - انتاب الإنسان القلق والاضطراب، والإسلام لا يقف حائلاً أمام الفطرة والغريزة، ولكنه يهيئ لها الطريقة الشريفة، والوسيلة النظيفة لإروائها وإشباعها بما يحقق للبدن هدوءه من الاضطراب، وللنفس سكونها من الصراع، وللنظر الكف عن التطلع إلى حرام، مع صيانة المجتمع وحفظ حقوق أهله.
                    ومن هنا كانت حكمة تشريع الزواج؛ فهو الطريق الطبيعي والسليم لمواجهة هذه الميول، وإشباع هذه الغريزة؛ فجعل الله الزوجة سكنا لزوجها وهو كذلك لها، فيسكن كل منهما لصاحبه ليروي ظمأه في ظلال من الحب والمودة والعفة والطهارة وفي رضا من الله ورضوان، فيسكن قلباهما عن الحرام وتسكن جوارحهما عن السقوط في حمأة الرذيلة وعن الانزلاق في مهاوي الخطيئة.. فالزواج يعين أصحابه على غض ا لبصر وحفظ الفرج وصيانة الدين وعفه النفس وكل هذا واضح من خلال وصية النبي صلوات الله وسلامه عليه للشباب بالزواج كما في حديث ابن مسعود الشهير: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].متفق عليه.
                    رابعا: تكثير عدد المسلمين، وإسعاد الرسول الأمين:
                    فقد ثبت عن رسولنا صلى الله عليه وسلم أنه يكاثر بأمته الأمم السابقة ويحب أن يكون أكثرهم تابعا، وقد حث المسلمين على التزوج وإنجاب الذرية الطيبة التي تستحق أن يفتخر بها يوم القيامة .
                    ففي سنن أبي داود والنسائي وصحيح الترغيب والترهيب عن معقل بن يسار قال: [جاء رجل إلى رسول الله صلى الله عليه وسلم فقال يا رسول الله إني أصبت امرأة ذات حسب ومنصب ومال إلا أنها لا تلد أفأتزوجها فنهاه، ثم أتاه الثانية فقال له مثل ذلك، ثم أتاه الثالثة، فقال له: تزوجوا الودود الولود فإني مكاثر بكم الأمم]
                    وفي صحيح سنن ابن ماجه عن أمنا عائشة رضي الله عنها قالت: قال صلى الله عليه وسلم: [النكاح من سنتي فمن لم يعمل بسنتي فليس مني وتزوجوا فإني مكاثر بكم الأمم ومن كان ذا طول فلينكح ومن لم يجد فعليه بالصيام فإن الصوم له وجاء ]
                    وذكر ابن أبي الدنيا في كتابه العيال: عن عمر رضي الله عنه قال: "ما آتي النساء لشهوة، ولولا الولد ما آتي النساء".
                    وعنه أيضا فيه: "إني لأكره نفسي على الجماع كي تخرج مني نسمة تسبح الله تعالى".
                    خامسا: طلبا لذرية تعمر الأرض وتعبد الرب:
                    قال البخاري في صحيحه: باب مَنْ طَلَبَ الْوَلَدَ لِلْجِهَادِ".. وذكر حديث أبي هُرَيْرَةَ رَضِيَ اللَّهُ عَنْهُ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ: [قَالَ سُلَيْمَانُ بْنُ دَاوُدَ عَلَيْهِمَا السَّلام لأَطُوفَنَّ اللَّيْلَةَ عَلَى مِائَةِ امْرَأَةٍ أَوْ تِسْعٍ وَتِسْعِينَ كُلُّهُنَّ يَأْتِي بِفَارِسٍ يُجَاهِدُ فِي سَبِيلِ اللَّهِ فَقَالَ لَهُ صَاحِبُهُ قل إِنْ شَاءَ اللَّهُ، فَلَمْ يَقُلْ إِنْ شَاءَ اللَّهُ، فَلَمْ يَحْمِلْ مِنْهُنَّ إلا امْرَأَةٌ وَاحِدَةٌ جَاءَتْ بِشِقِّ رَجُلٍ.. وَالَّذِي نَفْسُ مُحَمَّدٍ بِيَدِهِ لَوْ قَالَ إِنْ شَاءَ اللَّهُ لَجَاهَدُوا فِي سَبِيلِ اللَّهِ فُرْسَانًا أَجْمَعُونَ]
                    قال الإمام ابن حجر العسقلاني: قَوْله: (بَاب مِنْ طَلَبَ الْوَلَد لِلْجِهَادِ): أَيْ يَنْوِي عِنْد الْمُجَامَعَة حُصُول الْوَلَد لِيُجَاهِد فِي سَبِيل اللَّه فَيَحْصُل لَهُ بِذَلِكَ أَجْر وَإِنْ لَمْ يقَع ذَلِكَ.
                    وبوب البخاري أيضا ( بَاب طَلَب الْوَلَد ).. قال ابن حجر: "أَيْ بِالِاسْتِكْثَارِ مِنْ جِمَاع الزَّوْجَة ، أَوْ الْمُرَاد الْحَثّ عَلَى قَصْد الِاسْتِيلاد بِالْجِمَاعِ لا الاقْتِصَار عَلَى مُجَرَّد اللَّذَّة ، وَلَيْسَ ذَلِكَ فِي حَدِيث الْبَاب صَرِيحًا لَكِنَّ الْبُخَارِيّ أَشَارَ إِلَى تَفْسِير الْكَيِّس كَمَا سَأَذْكُرُهُ . وَقَدْ أَخْرَجَ أَبُو عَمْرو النَّوْقَانِيّ فِي "كِتَاب مُعَاشَرَة الأَهْلِينَ" مِنْ وَجْه آخَر عَنْ مُحَارِب رَفَعَهُ قَالَ "اُطْلُبُوا الْوَلَد وَالْتَمِسُوهُ فَإِنَّهُ ثَمَرَة الْقُلُوب وَقُرَّة الْأَعْيُن، وَإِيَّاكُمْ وَالْعَاقِر" وَهُوَ مُرْسَل قَوِيّ الإِسْنَاد .
                    وقال الماوردي في كتاب نصيحة الملوك ص 66: "وأن ينوي في ذلك كله نية الولد، وأن يتعوذ بالله من الشيطان الرجيم، وينوي في الولد أن الله لعله يرزقه من يعبد الله ويوجده، و يجري على يديه صلاح الخلق، وإقامة الحق، وتأييد الصدق، ومنفعة العباد وعمارة البلاد".
                    سادسا: حماية المجتمع من الآثار المدمرة لترك الزواج:
                    فعدم الزواج لعدم القدرة يؤدي إلى العنوسة، والانصراف عنه إلى غيره يؤدي إلى شيوع الزنا والخنا ولكل منهما آثارها المدمرة على أصحابها وعلى المجتمع: فالعنوسة هم بالنهار وأرق بالليل وتكدير للخاطر وكسر للقلب وحرقة في النفس وحرمان من الفطرة في الرغبة في إطفاء غرائز الشهوة وإشباع غريزة الأبوة والأمومة وتكوين أسرة في مملكة خاصة وغيرها من الأمور التي لا يعرف آثارها إلا من عاناها.. هذا إذا تعفف الشاب أو الشابة ولم يسلك به مسالك الفساد..
                    وأما إن كانت الأخرى وتُرِك الزواج إلى ما حرم الله ففي ذلك هلاك هؤلاء ومجتمعاتهم، فتعصف بهم أمراض الهمجية والإباحية كالزهري والسيلان والإيدز والهربس ومرض التهاب الكبد الفيروسي وسرطان الفم واللسان وغيرها من الأمراض التي تئن من وطأتها المجتمعات المنحلة وتعاني من ويلاتها ما تعاني، بسبب انعتاق الناس فيها من رباط الزواج المقدس، واتجاههم إلى كل لون من ألوان الاتصال المحرّم والمشبوه.
                    سابعا: طلب ثواب الله تعالى:
                    ففي الزواج فضل من الله واسع؛ فهو عبادات متعددة في عبادة، وفي الزواج أبواب واسعة لثواب الله تعالى:
                    ففي إعفاف النفس والأهل صدقة (وفي بضع أحدكم صدقة)، وفي حسن معاشرة الأهل صدقة (خيركم خيركم لأهله)، وفي ملاطفة الأولاد وتربيتهم صدقة، وفي الصبر على السعي في طلب الرزق له ولأولاده صدقة، وفي النفقة على الأسرة صدقة، وحتى في الصبر على موت العيال صدقة، وكلها أمور ثوابها عظيم وأجرها عميم ولو لم يكن من منافع الزواج إلا طلب الأجر والثواب من الله لكان حريا بالعاقل أن يسارع إليه.
                    فيا معاشر الشباب هلموا إلى الخير الذي دعاكم إليه نبيكم: "فمن استطاع منكم الباءة فليتزوج فإنه أغض للبصر وأحصن للفرج "..

                    منقول

                    Comment


                    • #25
                      بص ياباشا
                      مع أني لسه متجوزتش بس انا 100% مع "اظفر بذات الدين" وده عن تجربه

                      Comment


                      • #26
                        توكل على الله ولا تردد ، فالزواج كله خير ، صون وعفاف وألفة ، مودة ورحمة وما أجمل من الأسرة ، ولو لم تقتنع أسأل السيد الوالد والوالدة لما تزوجوا. إذا كانت فى استطاعتك الزواج فاليوم أفضل من الغد فالمشروع لا بد من تنفيذه عاجلا أم أجلا ، فلا تدرى إذا قررت التأجيل ماذ يحدث غدا أنت اليوم شباب ومعك ما يلزمك وعلى قيد الحياة فلا تدرى ماذا تكسب غدا ، أما ما عليك أن تفعله هو حسن الاختيار ولا يغرك المظاهر ، وأعلم أنك قبل أن تجلب زوجة فأنت تجلب أم لأولادك ، من سيكونون أعضاء فى المجتمع ، وأدعو الله أن يعينك فالاختيار لس بالأمر الهين ، ولكن دعواتى لك بالتوفيق
                        يخاطبنى السفيه فأكره أن أكون له مجـــــــــــيب
                        يزيد سفاهة فأزيد حلما كعود زاده الاحراق طيب

                        Comment


                        • #27
                          توكل على الله وربنا يوفقك ان شاء الله
                          واعزمنا بقه ان شاء الله عشان نقرصك في ركبتك ونحصلك في جمعتك هههههههههههههههههه
                          سبحان الله وبحمده سبحان الله العظيم

                          Comment


                          • #28
                            شكرا يا شباب على الأراء القيمة, بس الحقيقة أنا ليا استفسار تاني وهو هل الحب عامل أساسي في اختيار الزوجة؟ يعني هل لازم أكون بحبها وبموت فيها و هل الحب ده بيستمر بعد الجواز؟

                            Comment


                            • #29
                              المشاركة الأصلية كتبت بواسطة a_tantawy7 مشاهدة المشاركة
                              شكرا يا شباب على الأراء القيمة, بس الحقيقة أنا ليا استفسار تاني وهو هل الحب عامل أساسي في اختيار الزوجة؟ يعني هل لازم أكون بحبها وبموت فيها و هل الحب ده بيستمر بعد الجواز؟

                              شوف حب الافلام والمسلسلات ده حب وهمى لا يمت للحب الحقيقى بصلة ويطلق عليه فى الشرع عشق الصور لانه تعلق بالشكل الخارجى فقط دون النظر الى المضمون اما الحب الحقيقى الذى يبدا بالاختيار الصحيح للمراة على ما ذكرناه سابقا ثم ينمو هذا الشعور تدريجيا معكما مع مرور الزمن والعشرة والاولاد وكل هذه الاشياء المشتركة بينكما بالاضافة للاحترام المتبادل وهو شئ اساسى جدا فى العلاقة الزوجية فلو فقد اى طرف احترامه للاخر معناها كل سنة وانت طيب حتى يصبح هناك تناغم روحى شديد بينكما وكانكما روح واحدة تعيش فى جسدين لو وصلت الى هذا المستوى الراقى من المشاعر صدقنى فى هذه اللحظة فقط ستعلم وستتذوق معنى الحب الحقيقى بين الرجل والمراة وسيبك بقى من شغل احمد ومنى ومحى وامال بتاع الافلام كل ده شغل فاضى فى الطراوة لوث الفطر السليمة وافسد العقول والقلوب
                              وتقبل تحياتى
                              لعمرك مـا الإنسـان إلا بدينـه فلا تترك التقوى اتكالاً على النسب
                              فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ

                              Comment


                              • #30
                                المشاركة الأصلية كتبت بواسطة lonedoctor مشاهدة المشاركة

                                شوف حب الافلام والمسلسلات ده حب وهمى لا يمت للحب الحقيقى بصلة ويطلق عليه فى الشرع عشق الصور لانه تعلق بالشكل الخارجى فقط دون النظر الى المضمون اما الحب الحقيقى الذى يبدا بالاختيار الصحيح للمراة على ما ذكرناه سابقا ثم ينمو هذا الشعور تدريجيا معكما مع مرور الزمن والعشرة والاولاد وكل هذه الاشياء المشتركة بينكما بالاضافة للاحترام المتبادل وهو شئ اساسى جدا فى العلاقة الزوجية فلو فقد اى طرف احترامه للاخر معناها كل سنة وانت طيب حتى يصبح هناك تناغم روحى شديد بينكما وكانكما روح واحدة تعيش فى جسدين لو وصلت الى هذا المستوى الراقى من المشاعر صدقنى فى هذه اللحظة فقط ستعلم وستتذوق معنى الحب الحقيقى بين الرجل والمراة وسيبك بقى من شغل احمد ومنى ومحى وامال بتاع الافلام كل ده شغل فاضى فى الطراوة لوث الفطر السليمة وافسد العقول والقلوب
                                وتقبل تحياتى


                                هذا هو رأيي بالفعل و ما اؤمن به تماما

                                و ده مريحني تماما من كلام كتير ملوش قيمة في نظري

                                Comment

                                Working...
                                X