محمود حفناوي..صباح الخير !! (وائل عطية)

[وائل عطية]

أسعدتني بالأمس محادثة هاتفية مطولة بيني وبين الصديق العزيز والأخ الغالي محمود حفناوي
تطرقنا لمواضيع كثيرة لا مجال لذكرها ..وخلاصة المحادثة أنه سوف يمر علينا (بالمنتدى) اليوم لإلقاء التحية على الجميع ..لأنه طبعا الجميع مُفتقدينه ..وكلنا بنقوله كفاية بقى ..أجازتك طولت ..
هو محمود ياجماعة زعلان وحازز في نفسه قوي الكلام اللي اتقال عليه ..وأنا قولتله إن في كلام الواحد بيسمعه ويصدقه وكلام بنسمعه وكأننا لم نسمعه..والكلام اللي اتقال على محمود من النوع التاني اللي مايدخلش العقل أصلاً
ميمو باشا ..معلش بقى في التدبيسة دي قدام حبايبك كلهم دلوقتي .. بجد منتظرينك
أنا عايز أتكلم كتير بس هاكتفي بالكلمتين دول وأسيب الناس ترد على تحيتك ليهم :?

[TAG_Turbo0]

يااااااااااااااه الراجل ده فين من زمان والله ليه وحشة
سيبك يا عم محمود من كلام الناس دول
انا مستنى أشوف أسمك على المنتدى تانى

[اسلام المصرى]

أحلى خبر على الصبح :-) الحمد لله , أنت على بالنا و الله يا أخ محمود ليك وحشة كبيرة جدا! و حشتنا جدا جدا :-) كان نفسنا نشوفك فى المقابلة اللى فاتت.
ان شاء الله ترجع تشارك معانا مرة تانيه :-)
شكرا جزيلا يا أخ وائل على هذا الخبر الجميل , جزاك الله خيرا.

[PRO-DRIVE]

كفايه عليك كدا اوي :twisted: :twisted:

لازم ترجع تاني ;)

[memo_hefnawy]

يا صباح الفل على أحلى أصحاب و أجمل منتدى سيارات فى الدنيا كلها -- أجمل بأعضائه و بالروح الأسرية إللى بجد الواحد إفتقدها كثير و كان حازز فى نفسى أوى البعد عن الناس إللى الواحد بجد طول ما هو بينهم بيحس إنه فى بيته و وسط أهله --

هى تدبيسه يا وائل يا عطية و لينا كلام بعدين

ده ماكنش إتفاقنا إمبارح و قولتلك هاتيجى فى وقتها إن شاء الرحمن بس إنت أحرجتنى و صحيت الصبح على sms من واحد حبيبى بيقولى على الموضوع ده فدخلت عشان ماكنش ينفع ماردش :)

بس بجد يا جماعه واحشنى جدا والله وحده يعلم و إن شاء الله نتقابل كلنا فى المقابلة القادمة بعون الله بدون مقاطعه

محمد باشا تيربو إسلام حبيبى ربنا يباركلكم و شكرا على شعوركم الطيب و إن شاء الرحمن نتجمع على خير فى المقابلة القادمة

إسلام إنت ليك شكر خاص و إنت عارف ليه :) على قد الوقت البسيط إللى شوفنا بعض فيه بس إنت سألت و بعتلى أكثر من مره بجد إنت من الناس إللى الواحد بيعتز بمعرفتهم

شكرا لكل الناس إللى كلمونى أو سألوا عنى فى الفترة الماضية و شكرا أيضا لكل من تذكرنى بالخير وربنا يديم المعروف

[3mr Farrag]

حبيـــــــــــــــــــــــــــــــــــبي ..............ايوا كده اطلع و بان :D
واحشني جدا والله يا حفناوي.........
و اقعد بقي و ماتجريش تاني
و لازم ان شاء الله نشوفك المقابله اللي جايه ;)

[Sharky]

محمود باشا إنت عارف معزتك عندنا أد إيه

كفاية بقى عليك كده و لازم ترجع تانى

[memo_hefnawy]

عمور حبيبى و الله واحشنى إنت كمان و أحمد شاركى من غير ماتقول والله القلوب عند بعضها

ربنا يديم الود و المعروف يا جماعه و إن شاء الله أنا مش رايح فى حته أنا موجود إن شاء الله و شكرا أوى على شعوركم الطيب ده

[Nader]

محمود، ليك واحشة والله، كويس اننا سمعنا عنك مستنينك بقى وكفاية كدة خصام وبعاد.

[memo_hefnawy]

نادر و الله إنت كمان ليك وحشة رغم إنك جنبى فى مدينة نصر و مش بتسأل يا عم نادر ;)

[fahd_628]

محمود باشا انا والله كنت لسه النهاردة حبعت رسالة لكريم اسأله عليك لأنك طولت اوى و واحشنا والله

[وائل عطية]

هى تدبيسه يا وائل يا عطية و لينا كلام بعدين

ياعم ولا تدبيسة ولا حاجة ..طب بذمتك حد يبعدعن الناس الحلوة دي والمشاعر الجميلة دي !!
طبعاً أنا عارف إنه كان غصب عنك .. بس الحمد لله على كده .. وفعلاً مستنين مساهماتك ووجودك اللي مش ممكن نستغنى عنه ..
زي ماقلت في بداية الموضوع الكلام كتير وانت تستاهل كل خير .. وكل الكلام الحلو مش هايكفيك ..
إحنا كده صفحة جديدة إن شاء الله

[Nader]

رغم إنك جنبى فى مدينة نصر و مش بتسأل يا عم نادر

ما انت اللي مختفي يا نجم، حتي مش بتدخل على الماسنجر.

خلاص انت كدة رجعت ومش هنقبل منك اعزار تاني وتدبيسة برضة 8)

[اسلام المصرى]

إن شاء الله نتقابل كلنا فى المقابلة القادمة

يا رب يا رب يا رب.

إنت من الناس إللى الواحد بيعتز بمعرفتهم

الله يخليك القلوب عند بعضيها , أنا كنت ناوى أكلمك أكتر من مره بس كنت متردد ..... و فى نفس الوقت مقدر الموقف , و الحمد لله كنا بنطمن عليك.

[SuMo]

7mdella 3la el-salama ya basha