ارضيات فوق البلاط

[Pharaoh]

يا ترى اية ممكن يتلزق على البلاط ويكون اقتصادى و عملى
يعنى انا عايز بدل ما اكسر البلاط و الزق سيراميك او بدل ما احط سيراميك على البلاط اشوف حل تانى يكون ارخص و عملى فى نفس الوقت

يا ترى حد عنده تجربه ممكن يحكيهالنا؟

[HanyHanyHany]

ممكن تلزق مشمع ارضيات ساده
وممكن تلزق قنالتكس ( رقاقات سميكة من المطاط بمقاس 20*20 سم )
و ممكن موكيت قصير الشعرة بلون مش فاتح ومش غامق
وممكن سيراميك على البلاط القديم بدون تكسيرة مع تركيب اعتاب رخام تحت الابواب

[mohabelnegm]

فى ال dhfزى الباركية كدة و بيركب على السيراميك أو البلاط

[Pharaoh]

ممكن تلزق مشمع ارضيات ساده

وممكن تلزق قنالتكس ( رقاقات سميكة من المطاط بمقاس 20*20 سم )
و ممكن موكيت قصير الشعرة بلون مش فاتح ومش غامق
وممكن سيراميك على البلاط القديم بدون تكسيرة مع تركيب اعتاب رخام تحت الابواب

فى ال dhfزى الباركية كدة و بيركب على السيراميك أو البلاط

الفكرة انى مش عايز اكلف كتير
يا ترى القنالتكس والمشمع و ال hdf دول اخبار اسعارهم اية؟

واقدر اسال عليهم فين

شاكر جدا

[M.Mostafa80]

الفكرة انى مش عايز اكلف كتير
يا ترى القنالتكس والمشمع و ال hdf دول اخبار اسعارهم اية؟

واقدر اسال عليهم فين

شاكر جدا

عشان تركب اتش دى اف هيكلفك انا مركب المتر وصل ل100 بس دا عشان انا جايب الألمانى مش الصينى الصينى بيوصل من 50 ل 75 ج حسب شامل توريد وتركيب وما بيخدش وقت خالص ونظافته سهله بس عايز محافظه من ناحيه موضوع المسح وبصراحه الألمانى افضل بمراحل

[جمال]

الاخوة افادوك بالاحتمالات المتواجدة بالسوق
واعتقد ان ارخصهم و اسهلهم هو تركيب قنالتكس لان سمكه قليل حوالى 1مم والوانه كتير و ممكن تعمل رسومات بيه وتركيبه سهل و لا يحتاج وقت طويل

[ecybrarian]

فينيل...في مربعات (بلاطات) على رسمة باركية معمول من مادة الفينيل...فخم وشيك ونفس ملمس وصوت الباركية..ورخيص وابن حلال وهاتدعي لي....

[جمال]

على فكرة الفينيل هو القنالتكس
الفينيل هو اسم الخامة اما القنالتكس فهى نفس الخامة بس ده اسم الشركة المنتجة ( اول شركة تنتجه فى مصر من السبعينيات )

[Eng_Mostafa_89]

بس انا شايف ان القنالنكس لية طريقة نظافة خاضة عايز لما يتمسح يتمسح بقماشة مبلولة فقط يعنى متدلقش مياة وتشتغل بقى زى البلاط

[Pharaoh]

شكرا يا جماعه ليكم كلكم
غالبا هيبقى القنالتكس
بس حد يقولى اسال عليه فين
الرويعى مثلا؟

[ZALABANY]

شوف يا باشا لسه مركب الفينيل اللي شبه الباركيه اللي هو القناللتكس بلاطات 20 *20 وهايل بجد فعلا مالوش حل أسعاره 19 جنيه للمتر بدون التركيب والصنايعي اللي بيركبه بياخد يوميه 50 جنيه لحد 30 متر اكتر من كده بيتحاسب بالمتر بالنسبه لمادة اللزق في صفيحه ب 45 جنيه ودي الماده السودا ودي ما بتنشفش بسرعه بس شغاله كويس ودي اللي بتعمل عزل الرطوبة والحرارة وفي صفيحه تانيه ماده بيضا بتنشف أسرع ودي الصفيحه غاليه بتعمل حوالي 170 جنيه بس السودا شغاله زي الفل
في شركات كلمتهم عندهم نوعين نوع ب 22 بالتركيب واللزق ونوع ب 24 بالتركيب واللزق
ما تنساش لو هاتعمل أوضة نوم في حافه جلد بتتلزق على نهاية القنالتكس بيقولوا عليها ضهر حيه تجيبها للراجل وهوبيلزق يثبتهالك عشان بتدي شكل كويس وبتحافظ عليه من الميه
دي كل معلوماتي عن الموضوع ولو محتاج اي معلومه تحت أمرك
تسأل عليه عند أي حد بتاع ديكور
ولو عايز صنايعي قلي وانا ابعتلك تليفونه هو راجل شغله كويس

[Pharaoh]

شوف يا باشا لسه مركب الفينيل اللي شبه الباركيه اللي هو القناللتكس بلاطات 20 *20 وهايل بجد فعلا مالوش حل أسعاره 19 جنيه للمتر بدون التركيب والصنايعي اللي بيركبه بياخد يوميه 50 جنيه لحد 30 متر اكتر من كده بيتحاسب بالمتر بالنسبه لمادة اللزق في صفيحه ب 45 جنيه ودي الماده السودا ودي ما بتنشفش بسرعه بس شغاله كويس ودي اللي بتعمل عزل الرطوبة والحرارة وفي صفيحه تانيه ماده بيضا بتنشف أسرع ودي الصفيحه غاليه بتعمل حوالي 170 جنيه بس السودا شغاله زي الفل
في شركات كلمتهم عندهم نوعين نوع ب 22 بالتركيب واللزق ونوع ب 24 بالتركيب واللزق
ما تنساش لو هاتعمل أوضة نوم في حافه جلد بتتلزق على نهاية القنالتكس بيقولوا عليها ضهر حيه تجيبها للراجل وهوبيلزق يثبتهالك عشان بتدي شكل كويس وبتحافظ عليه من الميه
دي كل معلوماتي عن الموضوع ولو محتاج اي معلومه تحت أمرك
تسأل عليه عند أي حد بتاع ديكور
ولو عايز صنايعي قلي وانا ابعتلك تليفونه هو راجل شغله كويس

الله ينور يا باشا
هو انا كلمت شركة اسمها الشايب وقالى عندة نوع مستورد ب 22 ج بالتركيب
والمصرى 25 ج بالتركيب
فى حد كمان ترشحه اشترى منه؟
واية الحافة الجلد دى؟ اجيبها منين؟ واشمعنا لاوضة النوم بس ومش لباقى الشقة؟

شاكر ليك يا باشا

[ecybrarian]

على فكرة الفينيل هو القنالتكس
الفينيل هو اسم الخامة اما القنالتكس فهى نفس الخامة بس ده اسم الشركة المنتجة ( اول شركة تنتجه فى مصر من السبعينيات )

شوف يا باشا لسه مركب الفينيل اللي شبه الباركيه اللي هو القناللتكس بلاطات 20 *20 وهايل بجد فعلا مالوش حل أسعاره 19 جنيه للمتر بدون التركيب والصنايعي اللي بيركبه بياخد يوميه 50 جنيه لحد 30 متر اكتر من كده بيتحاسب بالمتر بالنسبه لمادة اللزق في صفيحه ب 45 جنيه ودي الماده السودا ودي ما بتنشفش بسرعه بس شغاله كويس ودي اللي بتعمل عزل الرطوبة والحرارة وفي صفيحه تانيه ماده بيضا بتنشف أسرع ودي الصفيحه غاليه بتعمل حوالي 170 جنيه بس السودا شغاله زي الفل
في شركات كلمتهم عندهم نوعين نوع ب 22 بالتركيب واللزق ونوع ب 24 بالتركيب واللزق
ما تنساش لو هاتعمل أوضة نوم في حافه جلد بتتلزق على نهاية القنالتكس بيقولوا عليها ضهر حيه تجيبها للراجل وهوبيلزق يثبتهالك عشان بتدي شكل كويس وبتحافظ عليه من الميه
دي كل معلوماتي عن الموضوع ولو محتاج اي معلومه تحت أمرك
تسأل عليه عند أي حد بتاع ديكور
ولو عايز صنايعي قلي وانا ابعتلك تليفونه هو راجل شغله كويس

+111111111111111
افادكم الله

[NaderNabil]

حلو موضوع الفينيل اللي على شكل الباركيه ده

لاقيتلكم شوية معلومات عنه:

الفينيل

لايوجد أرضية ذات تشكيلات منوعة والوان عديدة مثل أرضية الفينيل.

أرضيات الفينيل كل يوم في تقدم جديد سواء بالشكل أو الجودة ..
النظرة العامة لبعض أنواع الفينيل تعطيكِ انطباعا أن هذه الأرضية من الخشب أو السيراميك وذلك نظرا لتقدم صناعته وجعله شبيها جدا للشكل الخارجي لتلك الأرضيات ولكن بتكلفة اقل بكثير ..
الفينيل أنواع .. وأسعاره تتفاوت حسب متانته, فمن الفينيل ماهو سميك ومنه ماهو رقيق جدا وكلما كان أسمك زادت قيمته المادية والمعنوية ( أقصد بذلك أنه سيصبح أجود وأطول عمرا اذا كان سميكا )..

مزايا الفينيل :

1-أنه يمكن وضعه على أي سطحٍ كان ..سواء على البلاط العادي أو على الخشب أو على سيراميك ..
2- دائما يعطي منظر أنه جديد ..
3- سهل التنظيف ..
4- مقاوم لأي بقع منزليه أو سوائل منسكبة ..
5- مناسب لجميع الأجواء ..
6- لاتظهر فيه الخدوش بسرعه وطبعا حسب نوعيته تكون مقاومته للخدوش ..
7- يمتلك أشكال متعددة وألوان كثيرة تشبه الأرضيات الأخرى ..
8- آمن على الأواني الزجاجية في حال سقوطها ..

العناية بالفينيل :

1- تنظيف اي اتربة عليه دوما ..
2- مسحه بلطف وعدم استخدام المنظفات القوية عليه مثل الفلاش وغيره ..
3- يوجد منظفات خاصه للفينيل يمكنكِ استخدامها ولكن في حال اردتي تنظيفه بمايتوفر لديك فلا تستخدمي صابون ذا حبيبات حتى لاتخدشيه واقصد بذلك التايد او غيره بل استخدمي منظفات سائلة ولايوضع منها الانسبة بسيطة بعد تخفيفها جيدا بالماء وتجفيف الارضية جيدا بعد ذلك ..
4- لاتقومي بسحب الاثاث بشده فوق ارضيات الفينيل فهو معرض للخدوش واحيانا الشقوق لو كانت عملية السحب قويه ,,
5- حمايته من اي اقلام او مواد حادة حتى لاتؤثر عليه ..

أرضيات فنيل

· أرضيات الفينيل vinylfloor :

* فينيل كوانداكتيف conductive :-
تستخدم أرضيات ( كونداكتيف conductive) في المستشفيات لامتصاص وتفريغ الشحنات الكهربائية الموجودة داخل غرف العمليات مما يعطي نسبة عالية من الأمان داخل الغرف حتى لا يتأثر المرضى من هذه الشحنات وكذلك الأجهزة الخاصة بالمريض داخل الغرف، ومقاس البلاطة 60 ×60 سمك 2 ملم .

* أرضيات فينيل vinyl :-
أرضيات فينيل أنتي ستاتيك (anti static) & أسطح لامينيت .
ويوجد على شكل رولات 2متر وبسمك 2ملم، ماركة تاركت tarkett صناعة سويدي، خاصة بغرف العناية المركزة، وتعمل علي تسريب الشحنات الكهربائية الموجودة داخل الغرف كما تستخدم لغرف الكمبيوتر وغرف تقوية شبكات ومحطات المحمول

* فينيل استاندرد standard :-

ويستخدم في الاستخدامات البسيطة مثل غرف المرضي – ممرات المستشفيات – معامل التحاليل (رولات 2 متر) والسمك 2 ملم .

* فينيل عادي :-
ويوجد علي شكل رولات 2 متر وبسمك 2 ملم، ماركة لنتكس lintex صناعة بولندي، ويستخدم للمنازل وغرف المعيشة والمدارس والحضانات والمكاتب الإدارية .

* فينيل سبورتس sports :-
ويوجد علي شكل رولات 2 متر وبسمك 4 ملم، ماركة لنتكس lintex صناعة بولندي،
ويستخدم للصالات الرياضية – صالات الجمينازيوم - الحضانات – المدارس، حيث تعطي هذه الأرضيات نسبة عالية من الأمان كما تقلل نسبة الإصابات في مثل هذه الأماكن نظراً لصغر سن الأطفال وممارسة الرياضة وما يحدث في تلك الأماكن الرياضية، ويتوافر بألوان أزرق، أخضر، باركيه.

* فينيل أنتي سلبس antislips :-
ويستخدم فنيل تاركت أنتي سلبس رولات بسمك 2ملم في المكاتب الإدارية وأماكن العمل الموجودة فيها كثرة الحركة ويتطلب فيها أرضيات عالية المقاومة ضد التزحلق وتستخدم أيضا في حمامات الساونا والجاكوزي امنع انزلاق المستخدمين .
ويوجد فنيل على شكل باركيه ماركة تاركت صناعة سويدي رولات السمك 2 ملم، لجميع الاستخدامات ويعطي الشكل الجمالي للباركيه، كما يعطي قوة تحمل عكس الباركيه الطبيعي نظراً لأن الباركيه الطبيعي يحتاج إلي خدمة ورعاية عالية وصيانة دائمة لأنه دائماً يحرص المستخدم على كشطه وتلميعه من حين لآخر حرصاً للمحافظة على الشكل العام، كما أنه غير مقاوم للرطوبة وخلافه ولا يعتبر عازل للرطوبة كالأرضيات الفينيل الباركيه، مما يجعل الأرضية الفينيل الباركيه تتميز بالعمر الافتراضي الأطول والخدمة البسيطة.

[ZALABANY]

الله ينور يا باشا
هو انا كلمت شركة اسمها الشايب وقالى عندة نوع مستورد ب 22 ج بالتركيب
والمصرى 25 ج بالتركيب
فى حد كمان ترشحه اشترى منه؟
واية الحافة الجلد دى؟ اجيبها منين؟ واشمعنا لاوضة النوم بس ومش لباقى الشقة؟

شاكر ليك يا باشا

بص ياباشا النوع اللي أنا جبته ده هو النوع الصيني وهو الأشهر والأرخص وجودته كويسه وخلي بالكان سعر المتر هايختلف من شركه لشركه حسب مادة اللزق الحافه الجلد دي هاتلاقيها في داري الهرم الدور التالت ودي بتحمي نهاية القنالتكس من الميه وغيره
القنالتكس غالبا بيركبوه في اوض النوم والليفينج لأنه ما بيطلعش رطوبه زي السيراميك والبورسلين انا لأني عامل الشقه كلها بورسلين واوضة النوم هي اللي كانت بلاط فعملت النوم بس واستحرمت اني ابوظ البورسلين لكن ما فيش ما يمنع انك تركبه في الشقه كلها انت وزوقك اللي ما يعرفوش هايفتكره باركيه بس هو ميزته انه ما بيطلعش رطوبه ولا حرارة عشان المادة اللي بتلزقع بتعمل كعازل زي القار بتاع الأسفلت كده
أنا اشتريته من شارع فيصل محطة التعاون المحل اسمه سارة للديكور
وهاديلك تليفون الصنايعي اللي جه ركبهولي إسمه عنتر 0124408700
ممكن تكلمه وتسأله على اقرب واحد ليك وهو هايفيدك قله بس من طرف الشيخ محمد اللي ركبتله في فيصل وان شاء الله يعملك شغل كويس