الشبورة نشفت دمى !!!!!

[I.S.L.A.M]

لسه راجع من وسط البلد بعد ساعتين من النكد والملل وحرقة الدم والندم على الفلوس الى دفعتها فى ثمن تذكرة فيلم الالوان الطبيعية وبعد ما وصلت صاحبى لباب الخلق واخد كوبرى 6 اكتوبر وكله تمام ومروح عادى نزلت اخد الدائرى عشان اروح بيتنا فى المريوطية وياريتنى ما طلع الدائرى فجاءة ومن دون صابق انذار لقيت الدنيا ظلمة ومش شايف اى حاجة قدامى غير اضاءة فوانيس الانتظار فى العربيات القدامى انا فعلا مش عارف وصلت البيت ازاى والحمد لله كشافات الضباب الى فى اللوجان عملت شغل بس بجد كنت اول مرة اسوق وانا خايف لا دى اول مره اخاف اصلا من حاجة والكارثة ان انا اصلا مش مأمن بس شعور غريب بالرهبة والخوف اول مره يدخل قلب الواحد والخوف الصراحة كان فى اول 5 دقائق على العربية وبعد كده اتقلب على حياة الواحد وبقى حاسس ان اى غلط من حد جنبة ممكن تخليه يسافر بعيييد والمنظر اصلا يخلى الواحد يقلق بجد الواحد اول مره يشوف شبورة بالمنظر ده يعنى الى كان بفترى على الطريق ماكنش بيزود على 30 كيلو/ساعة والناس مش كانت باينة على الطريق اصلا ومش عارف ازاى هيروحو بيوتهم ومفيش اى حد راضى يقف يحمل لان الواقفة باخبطة وتسمع من حواليك كل شوية فرملة وطرااااااخ ومش عارف ازاى الواحد بكره هينزل الشغل ازاى اصلا وربنا يستر طريق كل الناس .

[eslam_wega]

فعلا والله انا النهردا عشت فترة رعب لا توصف وبحمد ربنا الحمدلله انى اخيرا وصلت البيت
انا شغلى فى مدينة السلام وساكن فى العبور الطبيعى انى باخد الطريق فى 15 او 20 دقيقة بالكتير النهردا وصلت فى ساعة وربع
كان كله تمام لغايت ما وصلت عند اول العبور اقسم بالله العظيم اول مرة اشوف شبورة كدا فى حياتى حتى بتوع النقل والمكروبس الى قلبهم جامد كانوا خيفين يمشوا وكلنا ماشين على اول الغيار التانى وسرعة فى متوسط 20 كليو وساعات 10 كليو الروية معدومة نهائى متر بالعافية وكنت ماشى وراء عربية تانية مشيت بتاع 10 كليو وكنت قربت جدا من البيت اخدت يوترن( وهو واسع جدا عشان صنية كبيرة ) من غير ما اعرف ورجعت تانى لاول العبور وفضلت ماشى وفاكر انى لسة موصلتش وازاء بيا الاقى كرفور فى وشى
قلت لا حول ولا قوة الا بالله
رجعت تانى نفس القصة ومشيت 10 كليو تانى وبردوا كنت هخد نفس اليوترن الى قبل البيت لولا ستر ربنا حسيت ان فى حاجة غلط لفيت ورجعت ومشيت شوية اول ما لقيت اليفطة بتاعت الحى الاول قولت احمدك يا رب ومكنتش مصدق نفسى من الفرحة الحمدلله على كل شيى وبجد تجربة صعبة و مرعبة جدا

[ahmed_h_g]

الحمد لله انكوا وصلتوا بالسلامه

[amr.elsayed]

اااااه شبورة وانا عمال اقول هو الازاز كل شوية يشبر ليه
المهم حمدا لله على سلامتكم وسلامة لوجى وجينا

[magyver]

نفس الكلام حصل معايا بس كان جوة البلد
ومكنتش شاايف اي حااجة
ان اول مرة اشووف حااجة زي كدة لا ومن الساعة 10 كمان

[mahmoud_magdy]

الحمد لله على سلامتكو
العاشر هنا بقى رعب بجد
اول مره تحصل اصلا
الشبوره مش مخلياني اشوف البيت اللي ادامي اللي بيبعد تقريبا حوالي 50 متر مثلا
والرعب اللي بجد بقى ان النور عمال يقطع وييجي
وانا اعد مولع شمعه وصاحي لوحدي
المشكله ان النور مبيقطعش خالص هنا
قطع مع الشبوره فقط

[mohamed_mohsen]

أنا لسه جي من بره حالا
بصراحه المنظر مرعب....ربنا يستر

[lonedoctor]

فيلم ايه اللى بتتفرج عليه ربنا يهدينا ويهديك بس؟

[Haitham10]

الحمدلله انكم رجعتم بالسلامة ياجماعة
انا الشاشه عندي شبرت من كلامكم بصراحه

[som3aa]

انا شوفت شبورة خفيفة شوية عن الكلام دا على طريق المطار الدائرى بليل و كان فى عربيتين لبسوا فى بعض جامد , فعلا شبورة غريبة جدا.

[KSA2011]

هنا فى المنصوره كمان من الساعه 9 حاجه صعبه اوى و الناس كلها مرت بنفس الظروف لدرجه انه فيه ناس كتير اعرفها سافرت مواصلات و سابوا سياراتهم و سمعت كمان انه المواصلات متعطله وماحدش طلع

[human]

فيلم ايه اللى بتتفرج عليه ربنا يهدينا ويهديك بس؟

هوه الارجل ارتكب فعل فاضح ولا افسد فى الارض؟ ولا سرق حد ولا قتل؟!
ولا عذب ناس فى سجون؟ ولا غرق عباره؟ ولا اغتصب حد؟!

[zaza_lanos]

الفيلم معجبكش فى ايه علشان عايز اشوفه

[lonedoctor]

هوه الارجل ارتكب فعل فاضح ولا افسد فى الارض؟ ولا سرق حد ولا قتل؟!
ولا عذب ناس فى سجون؟ ولا غرق عباره؟ ولا اغتصب حد؟!

اكيد انت عارف قصدى لكن بتجادل بغير الحق عموما هى الذنوب بس هى اللى انت ذكرتها ؟
والفيلم ده معروف كلام الناس عليه ووجود مشاهد سيءة جدا حتى انه عميد كلية الفنون اتكلم فى الصحافة انهم بطلوا يرسموا موديلات عارية زى ما ظهر فى الفيلم يعنى النظر اللى النساء العاريات وتحريك الشهوات الكامنة عند الشباب ده شئ عادى جدا؟
وقضية غض البصر التى ذكرت فى سورة النور فى القران يعنى مثلا نعمل فيها ايه طيب ؟
عموما كلنا ذو خطا وانا لا ادعى الايمان واقلل من شان الاخرين وانما هى نصيحة لوجه الله ان تقبلتها فبها ونعمت وان لم تتقبلها فلك مطلق الحرية
وتقبل تحياتى

[Karim_Mohy]

الشبورة زادت جوه البلد وخصوصا في الفجر كانت جاااامدة لدرجة ماتشوفش متر قدامك وكمية شبورة ودخااان مايخلكش تشوف اي حاجة

ربنا يسترها علينا جميعا