Tweet
الحكومة بتسالك نفسك فى اية
موضوع قراتة وحبيت اعرف حتقولو اية ؟؟؟؟
"أيه رأيك لو عملنا لك كوبري من شبرا لغاية الجيزة؟!".
لم يكن ذلك السؤال موجه لي شخصياً بما أنني لا أملك سيارة من الأساس، ولكنه كان لسائق الميكروباص الذي أستقله أعلى الطريق الدائري عند منطقة الوراق، ومن أفراد عاديين يعني مش كمين ولا حاجة كانوا موقفين الطريق..
أما رد السائق فكان: "أنا الخط بتاعي على الدائري، ياريت تعملوا لنا كوبري من شبرا على 6 أكتوبر على طول بدل وقفة المحور" .
بعد السؤال والإجابة أخذ السائق طريقه.. ليتكلم الجالس بجواري: "هما من أمتي بياخدوا رأينا .. هما بيعملوا اللي هما عايزينه سواء أحنا موافقين أو مش موافقين"، وآخر: "كان نفسي يسألوني ويقولولى تحب نزودلك مرتبك"..
حالة من السخط والاحتقان عكستها الردود التي تبادلها الركاب، استمرت إلى أن وصلنا قبل "نزلة أكتوبر" بـ 3كم، ليكتشفوا أنهم مازال أمامهم الكثير من الزحام علشان معالي الدكتور أحمد نظيف (معدي) .. وكان ذلك فرصة للسرحان.. إن أتاحت لك الحكومة فرصة من خلال استطلاع للرأي أن تقول "نفسك في أيه" ...
فياتري هتقولهم أيه؟
Comment