حلم

[A7MED_PHARMA]

انا عارف اني كل شويه اعمل موضوع
بس اعمل ايه في دماغي الي مجنناني
كنت عاوز اغير دماغي دي ..واجيب استيراد
بس الحوض عندي واسع ومش لاقي مخ على مقاسه

.
انا حلمت اميارح حلم مخوفني اوي
لو موضوع تفسير الاحلام ده حقيقي ..مش دجل
ياريت حد يفسرهولي ..او يعرف حد يفسرهولي

............
حلمت اني صحيت من النوم
لقيت بابا وماما لوحدهم في البيت
واخويا محمود مش في البيت ( محمود في تانيه ثانوي)
بابا قالي محمود خلص جامعه وسافر
استغربت اوي..واكتشفت اني نمت لمده 5 سنين
يعني صحيت من النوم لقيت عندي 31 سنه..ونص شعري وقع
نزلت لقيت العربيه متكهنه في الجنينه وأبوابها واقعه
سألت بابا :" طيب الصيدليه اخبارها ايه؟"
قالي بعناها لما انت دخلت في الغيبوبه دي.
ولقيت كل اصحابي سافروا ..ومحدش معايا .
ولقيت البنت الي كنت بحبها ..إتجوزت

.
قلبي مقبوض اوي من يومها

[dode2002]

ربنا يجعله خير
ومتشغلش بالك بموضوع الاحلام

[dr.amr]

جامد قوي الحلم ده
بس في سؤال مبدئيا حلمته امتي؟

[A7MED_PHARMA]

انا حلمت من يومين بالظبط

[magyver]

خييييير انشااااء اللة

[dr.amr]

انا حلمت من يومين بالظبط

لأ انا قصدي يعني بعد الفجر او الظهر وكده ؟
وبعدين بص خد الكلمتين دول فيهم الشفا

قال الشيخ العلامة ابن عثيمين :

[ كل ما يُحْدِث الندم فإنّ الشرع يأمرنا بالابتعاد عنه ، ولهذا أيضا أصول منها: أن الله سبحانه وتعالى قال : (إنما النجوى من الشيطان ليحزن الذين ءامنوا وليس بضارهم شيئاً إلا بإذن الله ) ، والله تعالى إنما أخبرنا بذلك من أجل أن نتجنب هذا الشيء ، ليس مجرد إخبار أن الشيطان يريد إحزاننا ، لا ؛ المراد : أن نبتعد عن كل ما يحزن , و لهذا قال النبي صلى الله عليه وسلم : ( لا يتناجى اثنان دون الثالث ، من أجل أن ذلك يحزنه ) ؛ فكل ما يجلب الحزن للإنسان فهو منهي عنه ,



ثانيا : أن الرسول صلى الله عليه وسلم أمر من رأى رؤيا يكرهها أن يتفل عن يساره ثلاث مرات , ويستعيذ بالله من شرها ومن شر الشيطان , وينقلب إلى جنبه الثاني , ولا يخبر بها أحدا ، ويتوضأ ويصلي , كل هذا من أجل أن يطرد الإنسان عنه هذه الهموم التي تأتي بها هذه الأمراض , ولهذا قال الصحابة : لقد كنا نرى الرؤيا فنمرض منها ، فلما حدَّثَنا رسولُ الله - صلى الله عليه وسلم - بهذا الحديث ؛ يعني: استراحوا ، ولم يبق لهم هم ,

فكل شيء يجلب الهم والحزن والغم فإن الشارع يريد منا أن نتجنبه ,

ولهذا قال الله تعالى :
( فمن فرض فيهن الحج فلا رفث ولا فسوق ولا جدال في الحج ) ،
لأن الجدال يجعل الفرد يحتمي ويتغير فِكْرُهُ من أجل المجادلة ، سيحصل له هم ويلهيه عن العبادة .
المهم اجعل هذه نصب عينيك دائما ؛أي : أن الله عز وجل يريد منك أن تكون دائما مسرورا بعيدا عن الحزن , والإنسان في الحقيقة له ثلاث حالات :
حالة ماضية , وحالة حاضرة , وحالة مستقبلة ؛



الماضيه : يتناساها الإنسان وما فيها من الهموم ؛لأنها انتهت بما هي عليه إن كانت مصيبة فقل : ((اللهم أجرني في مصيبتي واخلفني خيرا منها)) وتناسى، ولهذا نهى عن النياحة ، لماذا ؟
لأنها تجدد الأحزان وتذكر بها.

المستقبله : علمها عند الله عز وجل ،اعتمد على الله ، وإذا جاءتك الأمور فاضرب لها الحل , لكن الشيء الذي أمرك الشارع بالاستعداد له فاستعد له.


والحال الحاضره هي : التي بإمكانك معالجتها , حاول أن تبتعد عن كل شيء يجلب الهم و الحزن والغم ، لتكون دائما مستريحا منشرح الصدر، مقبلا على الله وعلى عبادته وعلى شؤونك الدنيوية والأخروية , فإذا جربت هذا استرحت ؛ أما إن أتعبت نفسك مما مضى ، أو بالاهتمام بالمستقبل على وجه لم يأذن به الشرع ، فاعلم أنك ستتعب ويفوتك خير كثير].

ماتحطش الاحلام في دماغك علشان ماتتعبش انا جه عليا فتره كنت هتجنن فيها بسبب اي حلم بحلمه وكله من الراجل اللي اسمه سيد حمدي ده وصراحه انا مش شايف في حلمك اي حاجه مقلقه الا شعور دفين انك خايف تبقي اصلع وان عربيتك يحصل فيها حاجه رووووووووووووووق ماحدش واخد منها حاجه

[nabaster]

انا حلمت اميارح حلم مخوفني اوي
لو موضوع تفسير الاحلام ده حقيقي ..مش دجل
ياريت حد يفسرهولي ..او يعرف حد يفسرهولي

بص يا احمد

مبدايا تفسير الاحلام مش دجل بدليل تفسير سيدنا يوسف لحلم الرجلين في سورة يوسف

قال تعالى : " يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنبُلاَتٍ خُضْرٍ وَأُخَرَ يَابِسَاتٍ لَّعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ (46)
قَالَ تَزْرَعُونَ سَبْعَ سِنِينَ دَأَبًا فَمَا حَصَدتُّمْ فَذَرُوهُ فِي سُنبُلِهِ إِلاَّ قَلِيلاً مِّمَّا تَأْكُلُونَ (47)
ثُمَّ يَأْتِي مِن بَعْدِ ذَلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلاَّ قَلِيلاً مِّمَّا تُحْصِنُونَ (48)
ثُمَّ يَأْتِي مِن بَعْدِ ذَلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ (49) "

صدق الله العظيم

بس انتا لازم تقوله لحد متخصص في علم الاحلام

مش اي حد يفسرلك حلم خصوصا النصابين كتروا الايام دي

تاني حاجه بقي

لما حد يفسرلك حلم واي كان التفسير متحطهوش في دماغك واسعي وملكش دعوه ومتتكلش علي الي حلمته

يعني مثلا انتا حلمت ان البنت دي اتجوزت

والتفسير قالك انها هتتجوز غيرك

متعتمدش علي الحلم وتسيب بقي الموضوع وتقول اصلي انا حلمت ان هيا اتجوزت

لا مش صح كده

مش يمكن التفسير يكون غلط

وان ربنا بيفكرك بيها وبيقولك رساله انك تسعي مثلا في موضوعها لانك حسيت اهوه باحساس لما ارتبطت وعانيت منه

الخلاصه

شوف حد تثق فيه يفسرلك حلمك بس متبنيش حياتك علي الي هتسمعه

A.Yakout

[ashrafsadany]

ربنا يبارك فيك يا دكتور عمرو اجبت فوفيت

[crazylambada]

اتغطى كويس يا دكتور احمد

[dr.amr]

ربنا يبارك فيك يا دكتور عمرو اجبت فوفيت

ربنا يكرمك

[A7MED_PHARMA]

شكرا ع الردود يا شباب

.
بس انا حاسس - والله أعلم -
إن الأحلام إنعكاس للمخاوف
يعني انا فعلا خايف أصلع
وخايف العربيه يحصلها حاجه
وخايف محمود أخويا يبعد عني ويسافر
وخايف عمري يعدي مني فجأه من غير ماحس

وخايف لما أعدي الـ 30 سنه
وبالذات لما أعدي الـ30

هيبقا عمرك بدء يذحف للنهايه المحتومه
إلي كلنا خايفين منها
سواء كنت مستعد ليها ولا لأ
بتخاف

[MoToRiZeR]

تفسير الحلم واضح يابو حميد زي ما إنت قلت .. إنت خايف من المستقبل و ما يحمله و إن ممكن حاجات محبطة تحصل و العمر يعدي فجأة.

[A7MED_PHARMA]

شفتوا الحصاله فيها كام دلوقتي

وانا صغير كنت بحب أحوش أوي

من حوالي شهر جتلي الفكره دي..رحت جايب علبه فاضيه

وبقيت بحط فيها الجنيهات الفضيه أخر كل يوم بعد ما أقفل شغل الصيدليه.

تخيلوا فيها كام ..تحويشه فكه من شهر









.
.
.
370 جنيه جنيهات فضة ..انا بقيت مليونير ياولاد

أعمل بيهم إيه
أعمل بيهم إيه؟؟؟


أه
أخليهم زي ماهما وأكمل عليهم

وبعد سنه
أجيب عربيه بيتليز لأخويا محمود يروح بيها الدروس بتاعته

[magomago]

دى اضغاث احلام...متقلقش منها
بس فى سؤال مهم ...
لما صحيت بعد 5 سنين اخبار اسعار العربيات والجمارك ايه ؟؟