انا دمى محروق و ممكن ارتكب جريمه انهارده

[zozza]

اقتباس:

المهم انا عايز اعرف مسكتو ولا لسه وعملت فيه ايه ؟؟؟



للأسف لسه ممسكتوش ..... بس انا مش هسيبه لحد معرف هو مين حتى لو هفضل سنه براقب العربيه.
انا هسيب شغلي و أشتغل مخبر من دلوقت ي

[zozza]

المهم انا عايز اعرف مسكتو ولا لسه وعملت فيه ايه ؟؟؟

للأسف لسه ممسكتوش ..... بس انا مش هسيبه لحد معرف هو مين حتى لو هفضل سنه براقب العربيه.
انا هسيب شغلي و أشتغل مخبر من دلوقت ي 8)

[MoToRiZeR]

انا مرة ركنت في مكان عربية تانية تحت البيت لأن كان فيه عربية راكنة مكاني .. قلت استني اما العربية دي تمشي بعد كدة انزل اغير الركنة .. نزلت لقيت العربية مخبوطة من الناحية اللي ناحية الحيطة .. و في مكان غير جدا .. في نص الكبوت !! يعني مش عربية اللي خبطاها اكيد طبعا .. ده حد خبطها بحاجة و بالقصد !

الناس بقت في منتهي قلة الأدب سواء سواقين ميكروباص ولا تاكسي ولا ملاكي ولا مراكب شراعية حتي .. مبقتش فارقة

[tutankhamoun]

حالة الأخلاق لدى المصريين عموما في انعدام يوم بعد يوم
للآسف :shock: :shock: :shock: :shock:
حاجة بقيت زي الزفت و حاجة تقرف بصراحة
أبقى خارج الصبح و أقول يا فتاح يا عليم يا رزاق يا كريم و أول ما أخرج على الطريق تبدأ عفاريت الدنيا تتنطط في وشي بسبب الأغبية اللي على الطريق و الأغبية سواقين التاكسي و الميكروباص اللي بيوقفوا في أي مكان و مهيمهومش مين وراهم
حسبي الله و نعم الوكيل :shock: :shock: :shock: :shock:

[tmz9111]

بص يا سيدى الفاضل

بحر الأذى واسع

لو انت عملت اللى انت بتقول عليه ده متستبعدش ان الشخص ده بعد كدة يولع لك فى عربيتك

الحل ببساطة انك تعرف الشخص ده ، ومتخليهوش يعرف انك عرفته ، واستناله انه يغلط ويركن تحت عمارتك، ويوم ما يعملها ابقى اتنططله على الكبوت والسقف وكسر القزاز والفوانيس وقطعله الأربع فرد كاوتش ورشله العربية اسبراى اسود وادلق زيت فرامل على بوية العربية واخلعله الباكيتات ودش له المرايات ويبقى ساعتها بحقك طبقا للمبدأ اللى هو حاططه ومايقدرش يفتح بقه

يا نهار اسود فيه ايه يا عم سبعاوى ........
على كده انا لو ركنت التوكتوك بتاعى قدام البيت عندك هرجع الاقيه علبة كبريت
هههههههههههههههههههههه
والكاظمين الغيظ والعافين عن الناس ان الله يحب المحسنين

[hatem_badawe]

البواب يا اخواننا هيعمل ايه و لا ايه، أكيد مش هيشتغل 24 ساعة، الحل (الأمثل) يا اخى هو العقل، يعنى لما تعرف الأخ المؤزى ده، روح هات زيارة (حاجة حلوة) و روح زوره و اتبسم فى وشه و عاتبه برفق، يمكن تطلع بصديق و جار مخلص لأنه اكيد مفيش انسان شرير من نفسه، لازم تقدم الخير و لو ما جبش نتيجة يبقى تتجنبه و تبعد عنه لان العند يورث الكفر و مالهوش أخر

يا ريس انت في مصر

يعني الغلاسة واجبة والعين بالعين والمساحة بالمساحة :D :D :D :D

[ابوحميد]

حسبى الله ونعم الوكيل
بس بجد الواحد يعمل ايه لو حصل معاه كدا
انا بتكلم من ناحية عملية
يعنى مثلا لنفرض ان البلكونة بتاعة البيت مش بتطل على العربية وكانت بتطل على حتة مينفعش تركن فيها العربية
هل انام جوة العربية يعنى
انا شايفها مشكلة ملهاش غير حل خيالى وهوا اننا نحط صمغ من نوع شفاف ميبوظش شكل العربية
ويلزق اللى اللى يحاول يؤذى العربية(بقول حل خيالى)
او نكهرب العربية
او نوصل العربية بانذار ونوصله بقنبلة
الحل الوحيد القابل للتطبيقهوا اننا نركب انذار ويكون الحساس بتاعه جامد بحيث اقل لمسة الانذار يشغل السارينة
والحامى هو الله