إعـــــــلان

**SHNORY** · 28-12-2009, 10:48 PM

واحنا بنفكر نرص حجر الشيشة بطريقة متقدمة ومتطورة

هو لما المصريين كانو بيعملوا مظاهرات وبتوصل لدرجه ان فينا ناس بتموت وبتتكسر وبتتحبس
حضرتك كنت فين ؟؟؟؟
بترص حجاره علي الشيشه ؟؟
ولا عايش في بلد تانيه ومعندكش تليفزيون ؟؟؟؟؟؟؟؟
انا كنت داخل اتناقش في الموضوع لحد ما لقيت السطر ده
وعموما حتي لو احنا معملناش فمش علشان هما عملوا احنا لازم نعمل
وكانت عندك مظاهره الفرنسيين كنت نزلت وقفت فيها
ولا يمكن علشان حضرتك كنت في الهرم لفتت نظرك الحجاره علشان مرصوصه من 7000 سنه وقولت لازم تترص بطريقه متطوره وحضاريه
ملحوظه:
احنا اتظاهرنا من كام يوم ورفعنا علم مصر علي عربياتنا
ورصينا العربيات بطريقه حضاريه متطوره

**abou_ruqi** · 28-12-2009, 11:11 PM

إحنا مش بتوع مظاهرات , المظاهرات دي بتاعة الشعوب السيس اللي بتفطر كريب فورماج (عجنة هبلة كده بالجبنة كنت بأكلها هناك)

إحنا خير أجناد الأرض ونحن في الرباط إلى يوم الدين

إحنا اللي حنحارب لما يأذن لنا ربنا (بأن يطيح بالغمة التي نحن فيها على أيدي شرفاء منا)

ونفس الفرنساويين دول هما اللي حيساعدوا عدونا علينا وحايطيعوا الأميريكان بفرض الحصار علينا وقت المعمعة

قول إن شاء الله

**abouelmaggd** · 28-12-2009, 11:32 PM

شارع مراد و الكورنيش مقفولين قفلة زفت ، انا واخد من العجوزة لحد الجيزة فى حوالى ساعة

**Mohamed.Ramah** · 29-12-2009, 12:19 AM

انا ليا عتاب بس على موضوع ان مصر دائما نجيبها فى الموضوع انهم شعب نايم مش بيفكر غيرف فى الشيشة احنا برضوا بادرنا بالموضوع وكنا رافعين علم مصر سواء ملاكى او اجرة بالنسبة لقضية الشعب الفلسطينى فثق تمام ان الارض مش حترجع غير لما المصريين يعملوا مظاهرة التدخل لكسر الحصار المفروض عليهم هو الحل بس لما يبقى فى توحد مع الشعوب العربية كلها حيتم دة

**A7MED_PHARMA** · 29-12-2009, 01:23 AM

المصريين من زماااااااااااان شايلين هم القضيه
مع هم أكلهم ..وهم شربهم ..وهم ضرايبهم ..وهم مصاريفهم ..وهم الغلاء ...وهم المعاناه ..وهم التعليم ...وهم لقمه العيش ..وهم البطاله ...وهم التكدس ..وهم الفقر

ياااااااااااااااااه
المصري ده جبل

**TeXo** · 29-12-2009, 03:25 AM

المشاركة الأصلية كتبت بواسطة dr zezo مشاهدة المشاركة

الحمد لله ..

كل ما يحدث يوما بعد يوم يؤكد لي وجهة نظري ..

ان كل هذه القلاقل ما هي الا ضغوط تمارس علي مصر من قبل ايد موجهة سواء كانت صهيونية او دول عربية اخري

اليوم الفرنسين يتظاهرون في مصر ...

و بالامس يطالبون بمظاهرات امام السفارات المصرية في العالم

و قبل الامس يطالبون بعمل جبهة لمقاطعة البضائع المصرية ...!!

ليكون مصر هي اللي قامت بالمذبحة في غزة من سنة و احنا مش عارفيين ...!!

اساليب سياسية قذرة

و للاسف تنطلي علي البعض منا

نعم مواقف حكومتنا مخزية في احيان كثيرة

لكن معهم حق فيما يفعلوه الان

السادة مناصري حقوق الانسان لديهم عناوين سفارات الكيان الغاصب الذي يحتل و يقتل و يحاصر و يستطيع ان ينظم حملة ضدهم لمقاطعة البضائع او ما يريدوا ان يفعلوه

و لا هو تحميل مصر لمسئولية القطاع بأي شكل و خلاص رمي جتت

و نجي بعد كده لما صاروخ يطلع من غزة يحملوا مصر المسئولية

و احنا غير حماس علي الاقل عندنا اللي نخسره و ممكن يتلوي دراعنا بيه

اضافة الي اننا لسنا في حال يسمح لنا لا بدعم المقاومة و تحمل الضغوط الخارجية او القتال الشامل

و بالتالي هنكون اتاخدنا من الدار للنار زي ما بيقولوا بلا استعداد و لا اي شئ

و المقاومة ملهاش رادع و لا كبير يترد عليه تعمل وفق هواها

فنلبسها لمصر و المصريين و يشربوا بقي

و مصر تمسك في حماس و نقعد نضرب احنا في بعض

و حبايبنا بيتفرجوا علينا

غزة تحت الاحتلال و الحصار الاسرائيلي

من يدخل و يخرج اليها لابد ان يدخل بمعرفة الاحتلال طبقا للقانون

و اي تقصير في حق اهل غزة طبقا للقانون راجع الي الكيان الصهيوني

و عليه فليتفضل المتظاهرين الفرنسين " ذوي الاصول العربية لبعضهم " بالسفر الي تل ابيب و التظاهر هناك في بلاد الديموقراطية

ربنا يباركلك .. حضرتك قولت اللي انا عايز اقوله بالظبط

**PRO-DRIVE** · 29-12-2009, 03:52 AM

السادة مناصري حقوق الانسان لديهم عناوين سفارات الكيان الغاصب الذي يحتل و يقتل و يحاصر و يستطيع ان ينظم حملة ضدهم لمقاطعة البضائع او ما يريدوا ان يفعلوه

فعلا حصل و كل المنتجات اللي طالعه من المستوطنات الاسرائيليه اتحط عليها علامه عشان المشتري يقرر يدعمهم ولا لا

و لا هو تحميل مصر لمسئولية القطاع بأي شكل و خلاص رمي جتت

و نجي بعد كده لما صاروخ يطلع من غزة يحملوا مصر المسئولية

اذا كان كلامك علي الانفاق فا هي اصغر بكتير من ان يعدي منها صواريخ منها دا بعتراف السياسيين المصريين , بعدين هي مصر فيها سلاح عشان تدخله !!

اضافة الي اننا لسنا في حال يسمح لنا لا بدعم المقاومة و تحمل الضغوط الخارجية او القتال الشامل

و بالتالي هنكون اتاخدنا من الدار للنار زي ما بيقولوا بلا استعداد و لا اي شئ

محدش طلب اي حاجه من دي !! كل المطالب ان مصر توافق تفتح المعبر عشان المعونات تدخل غزه !

و مصر تمسك في حماس و نقعد نضرب احنا في بعض

فعلا مصر بتعاقب حماس و بتلو دراعها ! امال مش راضيين ندخل حاجه ليه ؟

و عليه فليتفضل المتظاهرين الفرنسين " ذوي الاصول العربية لبعضهم " بالسفر الي تل ابيب و التظاهر هناك في بلاد الديموقراطية

كان في واحد واقف معاهم امبارح رافع لافته كاتب عليها
I'm Jew not Zionist

**youssefmustang** · 29-12-2009, 06:35 AM

المشاركة الأصلية كتبت بواسطة shnory مشاهدة المشاركة

هو لما المصريين كانو بيعملوا مظاهرات وبتوصل لدرجه ان فينا ناس بتموت وبتتكسر وبتتحبس
حضرتك كنت فين ؟؟؟؟
بترص حجاره علي الشيشه ؟؟
ولا عايش في بلد تانيه ومعندكش تليفزيون ؟؟؟؟؟؟؟؟
انا كنت داخل اتناقش في الموضوع لحد ما لقيت السطر ده
وعموما حتي لو احنا معملناش فمش علشان هما عملوا احنا لازم نعمل
وكانت عندك مظاهره الفرنسيين كنت نزلت وقفت فيها
ولا يمكن علشان حضرتك كنت في الهرم لفتت نظرك الحجاره علشان مرصوصه من 7000 سنه وقولت لازم تترص بطريقه متطوره وحضاريه
ملحوظه:
احنا اتظاهرنا من كام يوم ورفعنا علم مصر علي عربياتنا
ورصينا العربيات بطريقه حضاريه متطوره

ومالك ........*اوى كده على الشعب المصرى وما تقلقش يا اخويا انا كل يوم بعدى على الجامعة وعلى سفارة اسرائيل وعلى سفارة فرنسا وروسيا وعلى الفور سيزون وعندى تلفزيون
وردا على ردك المستفز اللى يخلى اى شخص يشتم ويطرد بره المنتدى
عايز اعرفك حاجة بس انا اتعرض عليا اخش مظاهرة بـ 50 جنيه عشان ايه معرفش تقريبا عشان امن الدولة يمسكونى وانت................* فهمت ليه ايه اللى خلانى اقولك حجارة ومش حجارة يعنى عايزنى اخش المظاهرة بلفوس بيشرو الناس بالفلوس وبيشترو هتافات الناس بالفلوس
وبالمناسبة الحكومة الحلوة لما بعض الناس فكرة تقف مع الفرنسيين دول فى المظاهرة الشرطة طردتهم ومشيتهم عشان خايفين على الفرنسيين قال يعنى لما احنا هنخش المظاهرة هفجرهم وهنموتهم يعنى حتى كده مكنتش هعرف انزل المظاهرة
...... واتمنى ان يكون ردك المرة الجاية مايكونش مستفز كده عشان ماوصلهاش للأدارة وتبقى مشكلة

------------------------
تم حصولك على تحذير لمخالفة القاعدة رقم 13 من قواعد المنتدى
ل ف م

**youssefmustang** · 29-12-2009, 06:38 AM

المشاركة الأصلية كتبت بواسطة M0dY مشاهدة المشاركة

ايه علاقه ده ....
نزلت انا وزميلتى الاهرامات وركبنا الجمل طبعا بعد رعب شديد من الجمل تقريبا عشان اول مرة اركبه وهى تصوت جامد انا لازم انزل يعنى لازم انزل من هنا لهنا بالعافية لما رضيت
بده ....

الفرنسييين هما عاملين مظاهرة قدام سفارة فرنسا ببص لاقيتهم ماسكين اعلام فلسطين ونازلين هتفات طبعا ما تفهمش حاجة من اللى بيقولوهالفرنسيين دمهم اتحرق على اخونا الفلسطنين واحنا بنفكر نرص حجر الشيشة بطريقة متقدمة ومتطورة

بحكى الموضوع من اوله وبدايته بطريقة عشم ومحبة مع اعضاء نايل موتورز
وشكلى كده هيكون اخر موضوع ممكن اشارك فيه فى المنتدى الاجتماعى عشان الناس داخلة عمالة ترمى بالكلام اللى يحرق الدم

**zaza_lanos** · 29-12-2009, 10:08 AM

احنا ورانا مصالح يا عم الحج

**nab!l** · 29-12-2009, 10:16 AM

المشاركة الأصلية كتبت بواسطة zaza_lanos مشاهدة المشاركة

احنا ورانا مصالح يا عم الحج

مصالح والتزامات وبيوت ومسئوليات كتير

Comment

Comment

Comment

إعـــــــلان

.

الفرنسيين عاملين مظاهرة عشان حصار غزة

الفرنسيين عاملين مظاهرة عشان حصار غزة

Comment

Comment

Comment

Comment

Comment

Comment

Comment

Comment

Comment

Comment

Comment