ما هى افضل و اسواء جهة حكومية من حيث خدمة الجمهور وسرعة الاداء

[ahmedelgazzar]

السلام عليكم
أنا أرى ان افضل جهة التجنيد اللى فى الحلمية (شاشة عرض بيانات و سرعة و كله تمام)

أما أسواء جهة فهى شركة المياة كل مره فاتورة مختلفة و 125 نفسهم مش عارفيين حاجات كتير

ايه رايكوا

[Eng. Rafy Samy]

مع احترامي
كله زفت..!
عن تجربة معظمهم

[احمدعبدالعزيز]

مع احترامي
كله زفت..!
عن تجربة معظمهم

+100000000000000000000000000

[I.S.L.A.M]

انا شايف ان حضرتك بتسال السوال بطريقة غلط المفروض السوال يبقى كده
متى اخر مرة قابلت فيها جهة حكومية تقدم خدمة للجمهور؟

[خالد]

أسوأ جهة شركة توزيع الكهرباء بالأحياء
فواتير مضروبة على طول أقل من القيم الحقيقية جداً بمعنى انك تدفع شهرين تلات شهور بين 10 - 15 جنيه بس ، وطبعاً ده مش الأستهلاك الحقيقى بتاعك هوه بيكتبلك الأستهلاك فى حدود 100 - 120 كيلووات بس فى حين أن أستهلاكك الحقيقى بين 300 -350 كيلووات ، وبالتالى كل شهر بيحوش حوالة 250 كيلو ، يقوم يجى بعد 3 شهور ويرزعك الفاتورة المحترمة اللى فيها حوالى 700-800 كيلووات وتدفع حوالى 300 جنيه
طيب السؤال هما بيعمل كده ليه ؟
فكرة شيطانية لأن نظام المحاسبة فى الكهرباء بنظام الشرايح بمعنى أن أول 50 كيلووات أستهلاك سعر الكيلو 5 قروش ، ومن 51- 150 ك السعر للكيلو 11 قرش ، ومن 151- 250 السعر 16 قرش للكيلو ، وبعدين تزيد تبقى بــ 24 للكيلو ، وبعدين 36 قرش للكيلو عند الإستهلاك العالى ، حتى تصل تقريباً لــ 48 قرش
وبالتالى بيدخلك فى شريحة أعلى علشان تدفع 24 أو 36 قرش للكيلو سرقة يعنى عينى عينك ، ولما تروح تشتكى فى الشركة يقولك لحظة بس من فضلك ، القرءاة اللى موجودة فى اللآيصال حقيقية ومظبوطة ولا لأ ؟ تقول مظبوطة يقولك خلاص بس برضه هانخدمك هانقسطلك المبلغ على كل أيصال دفعة
بلد ..............
على فكرة بيعملوا الطريقة دى فى كل الأحياء علشان الأرباح تزيد ، والموظفين ياخدوا مكافآت فى نهاية السنة بدل 30 شهر تبقى 32 أو 35 مثلاً ( الأرقام دى حقيقية على فكرة !!)
يعنى شوفوا الظلم اللى الموظف بيعمله فى الشعب كله علشان حضرته يزيد مرتبه بس فى مكافأة آخر السنة 1500-2000 جنيه زيادة !!!!!!

وأحسن جهة فعلاً القوات المسلحة علشان النظام اللى فيها واللوحات الإرشادية اللى بتوضحلك كل حاجة

[shaddadfalcon1]

السلام عليكم
أنا أرى ان افضل جهة التجنيد اللى فى الحلمية (شاشة عرض بيانات و سرعة و كله تمام)

أما أسواء جهة فهى شركة المياة كل مره فاتورة مختلفة و 125 نفسهم مش عارفيين حاجات كتير

ايه رايكوا

انا قضيت يوم في تجنيد الحلميه ده من اسوأ ايام حياتي
كان كشف هيئه (ظباط احتياط) من الساعه 7 الصبح للساعه 2 بعد الظهر واكتر من 3 ساعات شبه عري في الصاله وفي عز الشتا ومشغليين المراوح علي اخرها

[I.S.L.A.M]

انا قضيت يوم في تجنيد الحلميه ده من اسوأ ايام حياتي
كان كشف هيئه (ظباط احتياط) من الساعه 7 الصبح للساعه 2 بعد الظهر واكتر من 3 ساعات شبه عري في الصاله وفي عز الشتا ومشغليين المراوح علي اخرها

انت بتتكلم فى تجنيد يعنى اعداد كبيرة وكشف مهم وكمان الجيش مش بيبقى فارق معاه حر من برد المهم الشغل يخلص غيرك بيقعد فى الجبل بال30 يوم مش بياكل ولايشرب ولاحتى فى ارسال موبيل
قول الحمد لله ويعنى حضرتك نسيت كل حاجة الجيش بيعملها والناس الى بتشقى فيه عشان تنام اخر اليوم مرتاح فى سريرك انت وعائلتك فى امان وزعلان من 3 ساعات عارى وبتعتبره اسوا يوم فى حياتك يعنى هم مشغلين المراوح عند فيك بالذات روح شوف الرجالة فى العراق عشان معندهمش جيش قوى قعدو كام يوم عراى وايه الى جرالهم والحمد الله ان حضرتك مادخلتش الجيش كنت هتتعب قوى من خشونة فى المعاملة وخدمة على امن وحفظ تراب الوطن.

[Col. Eng. Khaled]

أسوأهم بالنسبة لي (التأمينات)

بداية كل سنة لازم أروح أجيب إثبات إني غير مغطى تأمينيا للتقديم لنقابة المهندسين لصرف

معاش تقاعدي ، الحمد لله على الصحة بشوف ناس صحتهم على قدهم (الغالبية) و الموظفين

بيتعاملوا معاهم معاملة (آسف للتعبير) انت عبد و أنا سيدك .

[نور القمر]

ماشاء الله عندنا في مصر سياسة المساواه في الظلم عداله
عشان كدة تلاقي كل المصالح

[raedegypt]

الحراميه تجدهم موظفين المتعاملين مع الجمهور ( المرور موظفين شباك ومن يرآسهم - مافيا موظفين الجمارك - ادارات الاحياء رؤساء وموظفين - المدرسين- البوابين اقصد السماسرة ) بجد ياريت يتفرض عليهم ضريبه رشاوى وبلطجه 100% من دخولهم