هتقضى ليلة 2010فين؟

[نور القمر]

يا نور مع احترامي لرآيك، ده مكنش موضوع لطرح الاراء اساساً، عنوان الموضوع و محتوي سؤال الاخ العزيز اسلام واضح منه انه مطلبش رأي حد و شكراً

ومع احترامي لك يا دودينو اكثر واكثرهذه هي طبيعة المنتديات عندما يقوم عضو بفتح موضوع معين وقد يكون مجرد موضوع استطلاعي لابد وان يتوقع ان يخرج الموضوع عن مساره وسيجد من الاراء ما يوافقه وسيجد ما يخالفه ولابد من تقبل الرأي والراي الاخر ولن يستطيع احد اياَ كان ان يتحكم في مسار موضوع او ان يتحكم في طبيعة المشاركات وحرية الرأي مكفولة للجميع مادامت في حدود الاداب العامة للحوار
وتحيتي لك

[I.S.L.A.M]

متعملش حاجة يا اسلام بس مكنش ليه لزمة الهجوم و الاستهزاء الجامد ده من حضرتك و من دكتور السنان فى اول الموضوع الموضوع ده خالاص جاب اخره

استاذى الفاضل انا ولا هاجمت واستهزاءت بحد بالعكس الهجوم جاى من الاخوة الاعضاء وياريت تقراء الموضوع من اول مشاركة

و بالنسبة للاخوة المطالبون باغلاق الموضوع، مع احترامي الكامل لرأيكم، و لكن الاولي هو طلب حذف المشاركات الغير متعلقة بالموضوع، حتي لا يصبح تشويه المواضيع وسيلة المعارضون لها لغلقها، فالرجل الفاضل صاحب الموضوع وجه سؤال واضح للفسقة امثالي هتقضوا راس السنة فين ؟ و لم يسأل عن رأي الاعضاء في حلالها من حرامها، اما الاخوة المتقين الورعين المؤمنين مالكي صكوك الغفران فيكمنهم فتح موضوع اخر لبحث مسآلة حلالها من حرامها و لكم جزيل الشكر

+11111111111

هو حضرتك كل كلمة بتتقال في الموضوع بتعتبرها موجهة لك ليه ؟؟؟؟؟
حضرتك طرحت موضوع معين واصبح فيه نقاش وكل عضو بيقول رأيه بغض النظر مين اللي كاتب الموضوع
وصدقني انا لما بدخل موضوع واقراه برد وانا مش عارفه مين اللي كاتبه لان مش مهم مين كاتبه لكن المهم محتواه
ولما لقيت اراء لبعض الاعضاء مش عجباك ومش متوافقة مع رأيك بتتطالب الادارة بغلق الموضوع مع ان الموضوع فيه اراء جيدة وواعية ولم يحدث الى الان اي انحراف عن اداب الحوار

اكيد طبعا موجه ليا لانى صاحب الموضوع اومال هتكون موجه لمين ؟ وكمان يا انسة نور مين قال انى لما لقيت اراء الاعضاء الى مالهاش دعوة بالموضوع اصلا (يعنى مش هتفرق اذا كانت واعية او جيدة لاحد مالانها مش فى الموضوع) طالبت الادارة بغلق الموضوع !! انا طالبت الادارة بالغلق عشان لقيت فى اعضاء طلبو كده فى مشاركتهم ولقيت ان الكلام هياخوذنا لاسلوب مش جيد وبعض الافاضل قامو بالتطاول بالقول وانعمو على انفسهم بالذات الربانية وحكمو علينا بالعذاب فى جهنم والموضوع اتقلب لخناقة لاثبات درجات الايمان مش ان انا اتزنقت فى الكلام او مختلف فى الراى وبرضو كل سنة وانتو طيبين
-دا طبعا غير ان العضو الفاضل الدكتور احمد عبد الغنى كان حصل بينى وبينة اختلاف فى موضوع منذ شهر وحصل هجوم باسلوب ...................... وسعتها علقيت بعدم الرد على اى من مشاركاته بس الظاهر انه عايز يدخل فى اختلاف معايا فى كل الاراء على اعتبار انى من المتاثرين بالاعلام الغربى الكافر.

[dodino2006]

ومع احترامي لك يا دودينو اكثر واكثرهذه هي طبيعة المنتديات عندما يقوم عضو بفتح موضوع معين وقد يكون مجرد موضوع استطلاعي لابد وان يتوقع ان يخرج الموضوع عن مساره وسيجد من الاراء ما يوافقه وسيجد ما يخالفه ولابد من تقبل الرأي والراي الاخر ولن يستطيع احد اياَ كان ان يتحكم في مسار موضوع او ان يتحكم في طبيعة المشاركات وحرية الرأي مكفولة للجميع مادامت في حدود الاداب العامة للحوار
وتحيتي لك

و لهذا وجدت للمنتديات ادارة لحذف المشاركات الغير متعلقة بالموضوع، و الا اصبح من حقي ان الكتابة عن سيارة هيونداي في منتدي المرسيدس طالما لم اخرج عن ادب الحوار، و اهو كله سيارات

[الغزالى]

الموضوع) طالبت الادارة بغلق الموضوع !! انا طالبت الادارة بالغلق عشان لقيت فى اعضاء طلبو كده فى مشاركتهم ولقيت ان الكلام هياخوذنا لاسلوب مش جيد

يا جماعة انا الى طلبت ان اسلام يطلب من الادارة انها تققل الموضوع عشان متحصلش مشاكل وخنقاقات بين الاعضاء وانا مكنش قصدى حاجة غير كدة عشان مطلعش انا لى غلطان فى الاخر

[I.S.L.A.M]

يا جماعة انا الى طلبت ان اسلام يطلب من الادارة انها تققل الموضوع عشان متحصلش مشاكل وخنقاقات بين الاعضاء وانا مكنش قصدى حاجة غير كدة عشان مطلعش انا لى غلطان فى الاخر

يا سيدى حصل خير ومفيش اى مشاكل

و لهذا وجدت للمنتديات ادارة لحذف المشاركات الغير متعلقة بالموضوع، و الا اصبح من حقي ان الكتابة عن سيارة هيونداي في منتدي المرسيدس طالما لم اخرج عن ادب الحوار، و اهو كله سيارات

+111111111111111111111

[I.S.L.A.M]

طب يا حضرات طالما خرجنا من الموضوع الاساسى وداخلين فى مشاركات الحلال والحرام احب اعرف حكم الدين فى النقاب وهو فرض ولا سنة وراى الاخوة الاعضاء فى البنوك ومعاملات القروض وايه رايكم فى سيد ابوحفيظة سمعت ان هو اتجوز وياترى ايه اخر التوقعات لمشكلة الجزائر وياريت لو اى حد عنده اخبار عن درجة الحرارة العظمى فى سويسرا بكره هتبقى كام عشان مش ناوى اروح هناك .

[dodino2006]

أما أنا فأحترم كل آرائك حتى لو اختلفنا فى الكثير منها
وصدقنى لو وحدنا المرجعية للحكم على الأشياء لاتفقنا ولأرحنا أنفسنا جميعا من عناء الجدل

للاسف يا دكتور المرجعية لن تتوحد طالما اصر البعض علي الاخذ بفتاوي الخارج

[ashouhdy]

متعملش حاجة يا اسلام بس مكنش ليه لزمة الهجوم و الاستهزاء الجامد ده من حضرتك و من دكتور السنان فى اول الموضوع لدرجة ان فى واحد شتم وجرى رايح ديزنى لاند روح و اتبسط بس متجرحش بكلامك القال (مرائين) حتى كان سهل يقول مش عارف معنى الكلمة او اسف زى اى راجل اتزنق فى زلة لسان انما رمى الكلمة التقيلة و (طنش) اكنه برىء معملش حاجة وعادى و ياريت تقفلوا الموضوع ده خالاص جاب اخره

انا نفسى افهم هاجمت مييين
دة اسلام بيقول حتروحوا فين راس السنة بنتكلم عن حفلة فى سيتى ستارز
لقينا هجوم عجيب و دعا علينا و ناس بتتحسبن و ناس تقول البلد باظت !! هو فى اييية
اقرى الموضوع من الاول وانت تفهم ..... سبحان الله

[beautiful0mind]

ان شاء الله هصلى

[abogogo]

زملائي في المنتدى ربنا يهديني ويهديكم ويهدي الناس اجمعين الى ما يحبه الله ويرضى

ان الله يحاسب القلوب

[أحمد كمال]

للاسف يا دكتور المرجعية لن تتوحد طالما اصر البعض علي الاخذ بفتاوي الخارج

ممكن تنورنا و تفهمنا يعني ايه فتاوى الخارج؟ هو بقى فيه دلوقتي إسلام إقليمي و انا مش واخد بالي؟ و اللي يقول فتوى بعد كده يقول و على المقيمين خارج حدود الدولة مراعاة فرق العادات و التقاليد؟

[ggggggggg]

انا مستغرب جدا من الناس الي بتتكلم عن ذهابهم لحفلات فيها سكر وحشيش عادب جدا بحجة انهم لن يشربوا او يحششوا ...

بجد الناس دي عايشة في التيه والشيطان يتحكم بهم كما يشاء

[dodino2006]

ممكن تنورنا و تفهمنا يعني ايه فتاوى الخارج؟ هو بقى فيه دلوقتي إسلام إقليمي و انا مش واخد بالي؟ و اللي يقول فتوى بعد كده يقول و على المقيمين خارج حدود الدولة مراعاة فرق العادات و التقاليد؟

فتاوي الخارج هي كل ما يصدر خارج الازهر الشريف، و ما تقلقش علي المقيمين خارج الحدود فقلوبهم داخل الحدود و ملتزمين بالعادات و التقاليد المصرية اللي اتربينا عليها من سنين قبل هوجة الهوس الصحراوي....

[I.S.L.A.M]

انا مستغرب جدا من الناس الي بتتكلم عن ذهابهم لحفلات فيها سكر وحشيش عادب جدا بحجة انهم لن يشربوا او يحششوا ...

بجد الناس دي عايشة في التيه والشيطان يتحكم بهم كما يشاء

متشكرين ياباشا وان شاء الله لما ابطل اعيش فى التيه وافوق من الى انا فيه والغى عضويتى فى جروب فسوق فيس بوك يكون الناس التانية صحيو وبطلو يعوموا فى ماية البطيخ وابتدوا يتزحلقو على القشرة .بس المهم محدش لغاية دلوقتى قالى ايه اخبار درجة الحرارة فى سويسرا عشان نركز فى موضعنا اكتر.

[ggggggggg]

متشكرين ياباشا وان شاء الله لما ابطل اعيش فى التيه وافوق من الى انا فيه والغى عضويتى فى جروب فسوق فيس بوك يكون الناس التانية صحيو وبطلو يعوموا فى ماية البطيخ وابتدوا يتزحلقو على القشرة .

واضح جدا اسلوب ومستوى حوارك قد ايه في درجة متدنية وطبيعي تعتبر كلامي ده اهانة لأنه زي ما انا قلت عايشبن في التييييييييه زي قوم بني اسرائيل