فكرة مش بطالة

[mrwho1982]

السلام عليكم اولا

انا كل يوم باخد المشوار من التجمع الخامس الي مدينة نصر عند مطعم البرج

لو في اي حد يحب يركب معايا من التجمع انا مرحب ومافيش مشكلة

بفكر اشغل توصيلة



اصل انا ليه زميلي كل يوم بيوصل شوية شباب من والي الشغل وبياخد من كل واحد 220 جنية في الشهر

[mrwho1982]

فكرو في الموضوع

[محمد محمد]

فكرة ممتازة.

[menocomp]

أنا شايف ان هى فكرة أكثر من ممتازة وليها مميزات عديدة:
1-بدل ما كل عربية تشيل واحد بس ممكن العربية تشيل خمسة مثلا وبالتالى الزحمة تقل.
2-لو المجموعة اللى حتركب كلهم معاهم عربيات ممكن كل يوم يبقى الدور على واحد منهم.
3-ممكن الناس اللى معهمش عربية بدل ميركبوا مواصلات عامة يدفعوا زيادة شوية ويركبوا عربية ملاكى.

الفكرة جديرة بالاحترام ولكن أهم شئ هو التنظيم التنظيم التنظيم التنظيم التنظيم.

أنا أصحابى اللى فى الكويت عاملين الموضوع دة كل يوم على واحد يعدى على المجموعة ويروحوا الشغل ودة بيقلل المصاريف وبيحافظ على العربية.

أنا عن نفسى عندى عربية ومشوارى كل يوم من الخليفة المامون (مصر الجديدة) لحد مستشفى النيل البدراوى (كورنيش المعادى) ومعنديش مانع ان انا أعمل الموضوع دة, أهم حاجة هى ازاى نقدر ننظم موضوع زى دة.
مستنى ردود اعضاء المنتدى لايجاد طريقة لتنظيم هذا الموضوع.

[محمد محمد]

لازم يبقي فيه التزام بالمواعيد لجميع الأطراف ويبقي فيه حد اقصي للأنتظار ميزدش عن 10 دقائق ويبقي فيه مكان لتجمع الأشخاص خاصة لو كل واحد ساكن في منطقة مختلفة.

[WalidAdel]

نصيحه ابقي خد الفلوس مقدما منعا للاحراج يعني

[mrwho1982]

انا خط سيري التجمع الخامس جنب مدرسة اخناتون الي ميدنة نصر شارع الطيران عند مطعم البرج

[menocomp]

أنا عندى فكرة مش بطالة.
أحنا نحاول نقسم محافظة القاهرة الى مناطق.
حنقول مثلا مثلا ان عدد المناطق فى القاهرة بعد التقسيم حتكون 50 منطقة (مثلا)

والاعضاء اللى موافقين على الموضوع دة من اللى معاهم عربيات حيختاروا من المناطق دية منطقتين الا وهما منطقة المغادرة ومنطقة الوصول فمثلا أنا ساكن فى الخليفة المأمون وبالتالى منطقة المغادرة حتكون روكسى ومنطقة الوصول هى كورنيش المعادى بجوار مستشفى السلام الدولى.

ونعمل منتدى جديد أو حتى قسم فى المنتدى ويستطيع شخص ما التوفيق بين الاعضاء وبعضهم ويجب ان يكون كل الاعضاء من حاملى كارنية عضوية المنتدى للتأكد من الشخصية.و ممكن كمان نحدد سعر للمشوار.

تخيل بسيط للموضوع بعد تفعيلة
ببساطة يدخل على المنتدى ويختار منطقتى المغادرة والوصول والميعاد مثلا , هوبة... يطلعلة جدول بالاختيارات المتاحة يختار احدى الاختيارات.

أنا مبسوط من الفكرة دية وياريت لو حد عندة اى تعديلات عليها يقولنا.الموضوع محتاج شوية تنظيم لتفعيلة وفى النهاية الفايدة حتعم على الكل.
انا لو كنت بفكر بالطريقة دية من زمان كان زمانى بقيت وزير المواصلات.

[mrwho1982]

فين راي الاعضاء علي فكرة الموضوع الكل فيه كسبان