إعـــــــلان

Collapse

.

,
See more
See less

يلا قوم اتصل بينا على 0900 او من اي محمول 0000

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    يلا قوم اتصل بينا على 0900 او من اي محمول 0000

    مع كرهي للمواضيع المنقولة بس يستاهل النقل
    قريت الموضوع ده في موقع حلو وقلت انقلهولكم ونستفيد ونشوف مين فينا ممكن يفكر يعملة
    ---------------------------
    افتح التليفزيون واتفرج.. بس ممكن تتصل؟
    _ _ _ _ _ _ _ _ _ _ _ _ _ _ _ _ _ _ _ _ _ _ _ _

    "حاسس إنك لوحدك؟ حزين ومكتئب وجواك شعور بإن الحياة لونها إسود مخطط بكحلي متلون برمادي؟ بتسمع كتير أغنية "عيد ميلاد جرحي أنا"؟ بتشتري شمع ملون وتولعه يوم عيد ميلاد جرحك إنت وبعدين تقف تغني -مع الديابة الوحدانية- "الأيام الحلوة بتعدي في ثواني"؟

    عرفت "سوسن" وقالت لك إنها بتموت فيك وبعدين شفتها بعينيك -اللي أكلهم الدود- وهي خارجة حاطّة إيدها في جيب "سيد" صاحبك من جنينة الأورمان الساعة 6 بالليل رغم إنها بتقفل الساعة 5 -"الأورمان" مش "سوسن"!-..

    والدك بيبص لك بصة بتحسسك بإنك "هريدي" ولد عمه اللي في الصعيد اللي هيطخه عيارين عشان ياخد بتاره؟.. والدتك دايما بتحط "ورك الفرخة" لأخوك الصغير رغم إنها عارفة إنك مش بتاكل حاجة في الفرخة إلا وركها؟

    نفسك تركب أسانسير في بيتكم -اللي هو دورين بس- عشان تركبه مرة فيحصل فيه عطل فيقع بيك فتيجي لك كسور مضاعفة وتروح المستشفى فترتاح من كل الناس الوحشة دول؟

    ماتترددش.. اتصل بينا على خط "الفضفض فون" على رقم ".........." هنسمعك وهندلعك وهنشخلعك وهنحميك وهنلبسك وهنكسيك وهنطلعك زي الفل كأنك جوزين حمام بالفريك..

    اتصل دلوقتي وفضفض معانا هتلاقينا كلنا بنسمعك.. اتصل بينا على "........" نقول كمان الرقم "........." نعيد كمان الرقم "............" نزيد كمان الرقم "........." ممكن تسمع لنا الرقم "......."!
    _ _ _ _ _ _ _ _ _ _ _ _ _ _ _ _ _ _ _ _ _ _ _ _

    "لو كنت بتدوري على أقصر الطرق إلى شباب الجامعة، ونفسك تعرفي أسهل الطرق لقلب "هاني" و"تامر" و"لؤي" و"ياسر" و"رامي" و"حاتم" عشان "تأنتمي" مع كل واحد فيهم يوم في الأسبوع وتاخدي يوم الجمعة أجازة! -اتصلي بينا على "........."..

    لو كنت بتشعري بالحقد والغل والحسد تجاه صاحبتك "نورا" الجميلة الأمورة الحلوة ونفسك تعرفي طريقة تخليكِ زي القمر وأحلى منها مية مرة اتصلي بينا على "........"..

    لو شفتِ نفسك في المراية فحسيتِ بإنك بتتفرجي على فيلم رعب، ولو مشيتِ في شارع جامعة الدول العربية، فمافيش أي عربية وقفت لك، ولو ركبتِ أتوبيس زحمة فمافيش أي بني آدم طلع عنده ذوق قام وقعدك مكانه، اتصلي بينا على ".........."..

    لو جربتِ كل أنواع الشامبو المستورد والمحلي، واستخدمتِ كل أنواع الزيوت من أول زيت "شل" لغاية زيت "التعاون" وفضل شعرك زي ما هو أنشف من الليفة وهي على الشجر وأخشن من الحجر وهو لسه على الجبل، اتصلي بينا على "........" خط "ياختي فون" للماكياج والجمال والموضة..

    "ياختي فون".. هيروشك وهيأيفك وهيخليكِ أحلى بنات الكون وأرق من كل الكائنات البرمائية والزاحفة.. اتصلي الآن..

    "مع ياختي فون.. هتخلي كل الشباب مجنون"!
    _ _ _ _ _ _ _ _ _ _ _ _ _ _ _ _ _ _ _ _ _ _ _ _

    "أخي الفاضل.. ندرك مصاعب ومشاغل الحياة التي تعاني منها.. وندرك -أخي الفاضل- أنك بكل تأكيد -أخي الفاضل- لديك الكثير من التساؤلات التي لا تستطيع -أخي الفاضل- أن تبوح بها لأحد خوفا -أخي الفاضل- من أن يمثل هذا لك -أخي الفاضل- حرجا أو يثير حولك -أخي الفاضل- بعض من التساؤلات -اللي كده أو كده- أخي الفاضل..

    اتصل بينا على "..........." ونحن في خط "الإيمان الصوتي" سنكون إلى جوارك -الجيم تنطق معطشة كما ينطقها أهل الخليج- وسنجيب عن كل أسئلتك -أخي الفاضل- الإيمانية، وسيتواصل معك -أخي الفاضل- نخبة من ألمع العلماء والشيوخ الذين يسهرون من أجل راحتك -أخي الفاضل- ويسعون دوما إلى معرفة كل ما هو جديد في عالم الفتوى حتى يقدمون لك -أخي الفاضل- آراء وفتوى تتماشى مع صحيح الدين..

    معنا في "خط الإيمان الصوتي".. أنت في القلب.. بس اتصل الأول على "..........."!



    _ _ _ _ _ _ _ _ _ _ _ _ _ _ _ _ _ _ _ _ _ _ _ _

    لو لاحظت هتلاقي إن الإعلانات دي اللي بتقدم خدمة مدفوعة الثمن مقدما عبر الاتصال التليفوني بتركز على ثلاثة خطوط أساسية...
    "المشاكل العاطفية- الموضة والماكياج- الاستفسارات الدينية"..

    وده معناه أن الخطوط الثلاثة دول هم بالفعل أكثر الأشياء التي تشغل بال الشباب اللي هم عادة بيكونوا مستهدفين من الإعلانات دي..
    الشباب.. حضرتك يعني!


    والسؤال المحوري الجوهري هنا:


    هل تثق في الخدمات والنصائح التي تقدم عبر خدمة تليفونية مدفوعة الثمن؟

    ويا ترى جربتها مرة أو مرتين أو عشرة قبل كده؟
    وكانت النتيجة إيه؟

    ممكن تكتب لنا إجابة حلوة كده تحت من غير ما تتصل على أي رقم تليفون!

    جروب ورشة نايل موتورز علي الفيس بوك

    صفحة ورشة نايل موتورز على الفيس بوك

    الكلمات الدلالية (Tags): 0000, 0900, 20, 50, اتصل, الجي, اللي, او, اى, بينا, خدمة, زيت, سير, شار, صوت, طريقة, عربية, على, عن, في, قلب, قول, كل, كيا, محمول, مشاكل, مع, من, مواضيع, مين, نور, هل, هنا, هي, يلا
  • #2
    اسوا حاجة بقابلها دايما
    ارقام الاستعلامات بتاعة السفارات
    0900 برضو
    بس المكالمة بتعمل 20 دقيقة بالميت
    بس برجع احاسب الشغل عليها :twisted:

    بس ايه العساسيل دول يا كيمو
    ربنا يخليهملك
    [SIZE=4][COLOR=darkred][/COLOR][/SIZE]
    ::--لا حيلة في الرزق--::
    ::-- م/باســــم شوقـي--::

    Comment

    • #3
      تعليق واحـــــــــــــد:

      " فــــــــــراغ + جهـــــــــــــل + هبـــــــــــــل ---> يتصيدهم واحد نصاب أو واحد فــتك " :-?
      [IMG]http://www.nilemotors.com/images/Nile_Audi_Memo_2.gif[/IMG]
      [CENTER][COLOR="DarkOrchid"]
      [SIZE="2"]Dont Exhaust UrSelf in Thinking...Just Do what U have 2 Do...God Will Never Forget & Never Neglect[/SIZE][/COLOR][/CENTER]

      Comment

      • #4
        المشاركة الأصلية كتبت بواسطة memo_hefnawy
        تعليق واحـــــــــــــد:

        " فــــــــــراغ + جهـــــــــــــل + هبـــــــــــــل ---> يتصيدهم واحد نصاب أو واحد فــتك " :-?
        +1

        Comment

        • #5
          التوقيع دا لازم يتعمل موضوع اصلا
          يا بيدوووووووووووووو يا جامد



          اما الموضوع الأصلي بصراحة حاجه مستفزة جدا
          الواحد اول ما يسمع اتصل ...يتعصب
          [img2]http://i34.tinypic.com/63zo6s.jpg[/img2]

          Comment

          • #6
            ناس استغلالية للمشاكل الى احنا فيها
            وناس تانية عبط بتصدقهم
            [SIZE=4][COLOR=Blue][B][I][FONT=Century Gothic]تعب كلها الحياة فما عجب الا من راغب فى ازدياد[/FONT][/I][/B][/COLOR][/SIZE]

            Comment

            • #7
              كلام فاضى ولا اثق تماما فى الخدمات والنصائح التي تقدم عبر

              خدمة تليفونية مدفوعة الثمن
              [CENTER]
              [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

              [img2]http://www8.0zz0.com/thumbs/2009/10/06/18/187809311.jpg[/img2]
              [/CENTER]

              Comment

              • #8
                كله هبل :mrgreen: :mrgreen: :mrgreen: :mrgreen:

                -الجيم تنطق معطشة كما ينطقها أهل الخليج

                و اهل الخليج مش بيعطشوا الجيم :mrgreen: :mrgreen: :mrgreen: :mrgreen:
                [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
                [/CENTER]
                [CENTER]<!--EndFragment-->[/CENTER]

                Comment

                • #9
                  ربنا يخليك يا هشا مش من بعد سيجو حاجة
                  -----------------
                  تخيلوا ان في الموضع الاصلي ناس كتير وخاصة عشان تفسير الاحلام
                  يحكوا الحلم يقوم الانسر يعيد عليهم الحلم يقوموا يحوا تاني عشان التاكيد ويقوهم اقطع الخط واتصل كمان كام ساعة يقوم الانسر حاكي الحلمتاني وبعدين التفسير اي هبل في الجبل
                  يسحب منهم بتاع 100 ولا 150 جنية
                  ولا عزاء للمغفلين

                  جروب ورشة نايل موتورز علي الفيس بوك

                  صفحة ورشة نايل موتورز على الفيس بوك

                  Comment

                  • #10
                    انا عمرى ماشفت حد اتصل بالموضوع ده
                    او على الاقل اى احد من اصحابى بنين وبنات
                    سيبك انت الواد بيدو عامل شغل جامد اوى على التوقيع بتاعك
                    ربنا يخليهولك

                    على فكرة ياجماعة انا و كريم اخوات
                    Sometimes to do what is right we should be ready and give up on anything we want even more our dreams

                    Comment

                    • #11
                      انا يا جماعة لى وجهة نظر فى الموضوع ده

                      انا جربت حكاية الاتصال مرة واحدة مع من سيربح المليون

                      و انا احترمت الناس دى لانهم نجحوا فى ان يقنعوا الناس بما يريدون " انا بحترم اى شئ ناجح "
                      و اتصلت بعد ما شفت حلقه و كانت الاسئله اقل ما توصف بالهيافه"كان لسه البرنامج فى اوله" و الراجل كسب 250000 ريال
                      و كنت عاطل و مش لاقى شغل بقالى ما يقرب من السنه
                      قولت اجرب
                      سألونى عن رياضة احمد مظهر المفضله :D :D
                      و طبعا سوف نتصل بك بعدين :shock: :shock: :shock:

                      طبعا لا مجال للوثوق ب 0900 و ما شابه
                      عارفين ليه
                      مش علشان النظام ده سئ و حرامى

                      انما العيب فينا احنا " مشغل الخدمه---و متلقى الخدمه "
                      اكاد اجزم و الله اعلم ان اشياء مثل تلك شغاله بره زى الفل

                      بس عندنا "زى كل حاجه" اخذنا قشور الموضوع و نلم نهتم بالجوهر
                      كل همنا و سيله للكسب السريع و استغلال الناس و اللعب على اوتار الاحتياج و الجهل و الفضا " الناس الفاضيه"
                      و ده عيب مشغل الخدمه
                      اما عيب المتلقى من وجهة نظرى
                      هو الجهــــــــل و العمل بالقول "اهو نجرب ما يمكن تضرب" او بالمعنى الاخر التواكل
                      كمان عيب فينا و هو عدم التفكير المنطقى لحل ازمه
                      كله بيفكر ازاى ابعد و يا سلام لو حد حلاهلى
                      و كمان هناك اخطر عيب و هو المنظره الفاضيه اللى ماليا ناس كتيير و تم استغلالها عن طريق "مثلا اعلانن اصل رنتك مش كووول و البنات سابوك --فقوم اتصل بـ 0900 علشان رنتك الكووول يا و دوبهم يا مذيب " الكيميا حكمت" و ما الى ذالك
                      انا يمكن اتكلمت بعيد شويه عن الموضوع
                      معذره بس اصلى مفقققققوع من تلك الاعلانات

                      نعيب زماننا و العيب فينا
                      و ما لزماننا عيب سوانا
                      [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                      [RIGHT]------------------[/RIGHT]
                      [CENTER][COLOR=blue]بسم الله الرحمن الرحيم[/COLOR][/CENTER]
                      [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                      [CENTER][COLOR=blue]صدق الله العظيم[/COLOR][/CENTER]
                      [CENTER][COLOR=blue]التوبة 105[/COLOR][/CENTER]
                      [COLOR=#ff0000][/COLOR]

                      Comment

                      السابق template التالي
                      Working...
                      X