مناقشة حول فيلم avatar...

[asbeats]

أفاتار

شاهدت امس فيلم افاتار...ولقد ابهرني الفيلم...وودت ان اعرف رأي اعضاء المنتدى ممن شاهدوا الفيلم...


واليكم تحليلي وتقييمي للفيلم...


بداية...لا شك ان الفيلم به قدر كبير من الإبهار البصري وخاصة مع استخدام تقنية 3d التي جاءت لتخدم احداث الفيلم وليس العكس...اي ان استخدامها كان بصورة غير مبالغ فيها على الإطلاق...جاءت كوسيلة وليست كغاية...فمعظم افلام ال 3d تبالغ في اضافة اللقطات التي تشير الى استخدام هذه التقنية-رصاصة في مواجة الكاميرا...طلقة مدفع...يويو...انسان يبصق!!! ...(زي ميكون واحد شاري موبايل جديد وفرحان بيه...كل شوية يسمع الناس النغمات) اعتقد ان المعنى وصل...
في فيلم افاتار تشعر ان التقنية ساعدت على ان يعيش المتفرج داخل الغابات ويقاتل مع ابطاله معنويا وبدنيا...الصورة في منتهى الروعة...لا تشعر ابدا ان هذه الشخصيات مجرد رسوم متحركة...بل كائنات حية يمكن ان تلمسها وتحس بها وتتفاعل معها بكل صدق...

نأتي لقصة الفيلم...
القصة تعتمد بشكل كبير على طبيعة المتفرج ولا تعتمد نهائيا على الكاتب!!!؟؟؟
القصة للمتفرج العادي مفهومة ومحفوظة عن ظهر قلب...ويمكن استنتاجها من اول ربع ساعة...ولذلك قد يراها البعض قصة واهية مكررة...وقد يشعر الكثير من الناس بالملل اثناء المشاهدة...

ولكن اذا دققت النظر اثناء الفيلم واعملت عقلك وقلبك اثناءه وبعده...قد تلتفت الى مثل هذه النقاط...


-الإنسان صار هو العدو...دائما ما تصور الأفلام غزو الأرض عن طريق كائنات فضائية...وهذه من المرات القلائل التي يظهر فيها الإنسان بمظهر الكائن الفضائي الغازي والمدمر للحياة على الكواكب الأخرى...

-الفيلم يوضح ان التقدم في الأرض صار يسير بخطى بطيئة...ويتضح ذلك من استخدام اسلحة تقليدية مثل المدافع الآلية والنابالم والقنابل الحارقة...لا وجود لسيوف الليزر والعناكب المفخخة والقمل المفترس وما الى ذلك من الأوهام التي تدور في عقول الناس...وهذا التفكير من المؤلف اوافق عليه بشدة...

- فكرة عمل افاتار من دمج خلايا بشرية مع خلايا من سكان الكوكب...قد تبدو غريبة وغير منطقية...ولكن نحن نتحدث عن احداث مستقبلية...ونحن ندرك جيدا ان فكرة الإستنتاخ قائمة وموجودة في زمننا الآن...ربما تصل الى حدود اخرى في المستقبل...

- فكرة استنجاد البطل بالآلهة للدفاع عن الكوكب...قد يراها البعض تتعارض مع فكرة التوحيد...وهي بالفعل تتعارض...اذن كيف هاجمت الحيوانات والطيور المقاتلين...هل استجابت الآلهة لنداء البطل؟؟؟...هذه الفكرة تحديدا اراد المؤلف ان يفهمها كل انسان حسب دينه وحسب ما يعتقده...فالبعض قد يرى ان الآلهة استجابت له...والبعض رأى وانا منهم انه دفاع غريزي من الطبيعة عن نفسها...ووضح المؤلف ذلك في بداية دخول البطل في عالم بندورا حين هاجمته الحيوانات فهي كما جاء على لسان البطلة تدافع عن نفسها وعن مناطق نفوذها...وبالتالي الشجرة العظمى التي احترقت لم تستطع الدفاع عن نفسها مثل غيرها

- مشهد سقوط الشجرة ادمى قلبي...والغريب انه عندما بكت الفتاة والدها...وجدت احد الأشخاص في السينما يضحك من صوت بكائها...مثل هذا الشخص لم يفهم الفيلم ولم يعجبه...

نأتي لأهم نقطة في الفيلم...السؤال...هل البطل خائن؟؟؟
بالمنظور العام للحياة هو خائن لبني جنسه البشري...فلقد حارب ضدهم ونصر عدوهم عليهم...ولكن هل الدفاع عن المبدأ يعد خيانة...مثلا هل الجماعات المناهضة لاقامة الجدار بين مصر وفلسطين خائنين...لأنهم ضد ارادة بلدهم...هل البحث عن مصادر وموارد للطاقة يبرر للأمريكيين غزو العراق وافغانستان وغيرها...اسئلة كثيرة تدور في ذهنك بعد التمعن في احداث الفيلم...اسئلة حول مفهوم الوفاء والإنتماء...تظل تدور في ذهنك ولا تجد لها اجابة...إلا اذا خضت نفس التجربة...


في النهاية...تحية لمخرج الفيلم...


تحذير الى الذين يرغبون في مشاهدة الفيلم...اذا كنت تبحث عن مجرد ابهار بصري بغض النظر عن فكرة ومضمون الفيلم...فلا تذهب الى لمشاهدة افاتار...





الأخوة الذين يرون ان دخول السينما ومشاهدة الأفلام حرام...اسألهم ان يدعوا لي بالهداية ان كنت على ضلال

[Ralliart]

فعلاً انا دخلت كريسماس كارول حسيت انهم مبسوطين بال3d وكل شويه يجبلك اكرة الباب ومدخنة المبنى ......... مع ان الفلم قصته كانت حلوه بس معجبنيش الافراط في استخدام ال3d
وان شاء الله اخلص امتحانات واشوف افاتار

[Egyzizo]

طيب والإخوة اللى نفسهم يشوفوا الفيلم وماعندهمش وقت يروحوا سينمات ، مافيش حتة على النت يقدروا ينزلوه منهــــا؟

[asbeats]

طيب والإخوة اللى نفسهم يشوفوا الفيلم وماعندهمش وقت يروحوا سينمات ، مافيش حتة على النت يقدروا ينزلوه منهــــا؟

متشوفش الفيلم احسن.....عشان لو شفته عادي هتندم حيث لا ينفع الندم...

ال 3d حاجة تانية خالص

حاول تدخله مع العيلة او اصحابك

[Egyzizo]

يكونش قصدك انه من الأفلام اللى بيلبسولها نضارة؟؟

[asbeats]

يكونش قصدك انه من الأفلام اللى بيلبسولها نضارة؟؟

بالظبط كده

[ahmedyehia515]

انا شفت الفيلم و قبل ما أقول رأيى فى حاجة مضحكة اوى حصلتلى. انا حجزت فى سيتى ستارز حفلة 1:00 قبلها بساعتين و كنت داخل الفيلم لوحدى ( ايوه انا بأعشق حاجة اسمها السينيما و بحب ادخلها لوحدى، بحس كده انى بدلع نفسى) المهم الراجل ادانى النضارة و التذكرة حطيتهم فى جيبى و قولت اتمشى شوية, لما دخلت الفيلم نسيت خالص موضوع النضارة ده ن حسين ان الصورة مش واضحة قولت غريبة ده سيتى ستارز و كمان الDeluxe يعنى المفروض انضف حاجة. قولت دلوقتى الناس حتشتكى كاه ساكت، مره واحدة كان فى مشهد اضائته عالية ببص على الناس لقيتهم كلها لابسين النضارات افتكرتهم ميتيتن و كنت حموت من الرعب
المهم، الفيلم عجبنى جدأ و فى رأيى المتواضع ده واحد من افلام قليلة أوى اللى بتطلع الغرب على حقيقته و انه مستعد انه يخالف مبادئه من اجل المادة. ال 3D خلى للفيلم طعم تانى و هو معتمد على الفيلم مش العكس، يعنى ال3D موجود عشان يحسسك بالفيلم اكتر بس لو مش موجود الفيلم برده اكتر من الرائع. بعد تقييم العضو asbeats مينفعش اقول حاجة عشان هو كده جاب المفيد. أنا بحب أفلام الأنيماشين أكتر من العادية بس الفيلم ده واحد من افلام قليلة اللى فيه ميكس من العاده و الأنيماشن و ده بيحسسك اكتر ان الموضوع حقيقى.

الفيلم أكتر من رائع و احد الافلام القليلة الموجودة فى السينيما حالياً اللى تستاهل انك تتعب نفسك و تروح تشوفها

[asbeats]

انا شفت الفيلم و قبل ما أقول رأيى فى حاجة مضحكة اوى حصلتلى. انا حجزت فى سيتى ستارز حفلة 1:00 قبلها بساعتين و كنت داخل الفيلم لوحدى ( ايوه انا بأعشق حاجة اسمها السينيما و بحب ادخلها لوحدى، بحس كده انى بدلع نفسى) المهم الراجل ادانى النضارة و التذكرة حطيتهم فى جيبى و قولت اتمشى شوية, لما دخلت الفيلم نسيت خالص موضوع النضارة ده ن حسين ان الصورة مش واضحة قولت غريبة ده سيتى ستارز و كمان الdeluxe يعنى المفروض انضف حاجة. قولت دلوقتى الناس حتشتكى كاه ساكت، مره واحدة كان فى مشهد اضائته عالية ببص على الناس لقيتهم كلها لابسين النضارات افتكرتهم ميتيتن و كنت حموت من الرعب

يا راجل...دي النضارة دي هي اللي عاملة الشغل كله...:b4_444:
المهم متكونش لحقت نفسك على آخر 10 دقايق..:b4_556:

[ahmedyehia515]

يا راجل...دي النضارة دي هي اللي عاملة الشغل كله...:b4_444:
المهم متكونش لحقت نفسك على آخر 10 دقايق..:b4_556:

بص تعالى نحسبها أنا دخلت 10 دقائق متاخر و خدت حوالى 5 دقايق عقبال ما قعدتو خدت وضعى و بدأت أحس بالمشكلة يعنى انا ضيعت 15 دقيقة من الفيلم، طب فى حد داخل الفيلم قريب قديله 5 جنيه و يدخلنى اول ربع ساعة بس

[asbeats]

بص تعالى نحسبها أنا دخلت 10 دقائق متاخر و خدت حوالى 5 دقايق عقبال ما قعدتو خدت وضعى و بدأت أحس بالمشكلة يعنى انا ضيعت 15 دقيقة من الفيلم، طب فى حد داخل الفيلم قريب قديله 5 جنيه و يدخلنى اول ربع ساعة بس

بلاش شغل الفهلوة بتاع المصريين اللي جايبنا ورا ده!!!

انا بعد ما اشتريت النظارات ب 10 جنيه الواحدة...لقيت عيل في الشارع واقف قدام السينما بيقولي عايز نضارات...طبعا هي نضارات بتاعة ناس دخلوا الفيلم ورموها وهو بيلمها وبيبعها...بس بصراحة مسألتوش بكام...

[ahmedyehia515]

بلاش شغل الفهلوة بتاع المصريين اللي جايبنا ورا ده!!!

انا بعد ما اشتريت النظارات ب 10 جنيه الواحدة...لقيت عيل في الشارع واقف قدام السينما بيقولي عايز نضارات...طبعا هي نضارات بتاعة ناس دخلوا الفيلم ورموها وهو بيلمها وبيبعها...بس بصراحة مسألتوش بكام...

طب والله لولا الفهلوة ده كان زمانا روحنا فى داهية من زمان، اتحدى لو فى اى بلد فى العالم ممكن حد يجيله فكرة يعمل كده ، ياخد النضارات و يبيعها و ايه بعد اقل من شهر من بدء موضوع النضارات ده فى مصر. شعب مبدع بس فى الاتجاه الغلط

[Egyzizo]

و ايه بعد اقل من شهر من بدء موضوع النضارات ده فى مصر

شهر ايه يا عم ، أنا فاكر انى دخلت فيلم من دول من ييجى عشر سنين ..

[asbeats]

شهر ايه يا عم ، أنا فاكر انى دخلت فيلم من دول من ييجى عشر سنين ..

بتاع زمان حاجة وده حاجة تانية...
صحيح التقنية تكاد تكون واحدة...بس الإنتاج كان ضعيف...افلام صنعت لخدمة التقنية وليس العكس...ولذلك اندثرت...اما في الوقت الحالي اعتقد انها ستصبح من اساسيات الإنتاج السينمائي العالمي

[A7MED_PHARMA]

انا نزلت الفيلم من على ماي ايجي

الفيلم هايل بكل معنى الكلمه...بخلاف طبعا المؤثرات البصريه والجرافيك
عجبني اوي الفكره العامه ..فكره ان الطبيعه -بكل ما فيها-تغني الكائن الحي عن كل الكماليات المبتكره بفعل الزمن ..يعني القبيله الي في الفيلم ..مكنتش عاوزه حاجه خالص غير انها تعيش وسط الاشجار ووسط الطبيعه .وتستمتع بكل يوم يعدي عليها من غير قلق على فلوس او اسعار اقفال البورصه او .. او ....او ...... .
والمخرج أبدع في تصوير الغابه الي كانوا عايشين فيها ..سحر حقيقي
وفكره خيانه البطل ..دي خيانه للطغيان ..وخيانة الطغيان شرف على صدر الخائن.
البطل هنا حارب الظلم ..سواء كان الظلم من جنسه او من اي جنس تاني.

.
وفكره احب الي اتولد بينه وبين البنت ..هيا -حسب مقاييس البشر - مش هتكون جميله زي انسانه بشريه...بس هنا هررت فكره جمال الروح..البنت كانت روحها جميله جدا .

.
وفكره ان الحيوانات المفترسه حاربت مع القبيله في الحرب الاخيره ..دي كمان فكره واضحه طبعا .." انا واخويا على ابن عمي ..وانا وابن عمي ع الغريب"

.
ولما البنت قتلت الكلاب المتوجشه في نص الفيلم ..كانت زعلانه عليهم جدا ..عشان هيا كانت شايفاهن - على الرغم من وحشيتهم - انهم جزء من العالم الي هيا عايشه فيه .وانهم ماتوا من غير ذنب ..غير ان البطل كان موجود في المكان الخطأ والزمن الخطأ

وان البطل يسيب كل الحياه الي كان عايش فيها
عشان يرجع تاني للطبيعه

.
تفكير صحيح 100 %



.
تقييمي للفيلم ..تحفه فنيه( مش زي فيلم بالالوان الطبيعيه ..)
هي دي الافلام الي تتسمع بجد

[ecybrarian]

فيلم أكثر من رائع,,,انا فكرت كتير اعمل نقد للفيلم على نايل موتورز..بس اترددت احسن يقولوا على باتفلسف على الناس....لكن من الآخر "جيمس كامرون" (المخرج) قدم فيلم جديد من نوعه في افلام الأكشن..ده اول فيلم اكشن يقدم لغة سينمائية راقية تستحق تقدير النقاد. واللغة السينمائية دي حاجة عاملة زي البلاغة في الشعر كدا. والنقاد مش بيعتبروا استخدام التقنيات فن..علشان كده افلام زي "حديقة الديناصورات" وثلاثية "ملك الخواتم" تعد من اسوأ الأفلام من حيث القيمة الفنية، وأفلام مثل "الأب الروحي" تتربع على عرش فن السينما.

"جيمس كامرون" مخرج له اسلوبه المتميز واسلوبه الغريب في اختيار الممثلين..فهو دائما يختار الممثلين المغمورين أو الفاشلين أو إللي فشلوا ويعمل منهم ممثلين بجد...تخيلوا انه اختار "ارنولد شوارزينجر" لفيلم "المدمر" في وقت كانوا بيحطوا دوبلاج امريكاني على صوت ارنولد في الأفلام!!! واختار "ليوناردو دي كابريو" بطلا لفيلم "تايتانك" بعد اختياره اسوأ ممثل في عام 1996!!!!

الفيلم ده علامه في تاريخ السينما وعلشان كده انا مؤيد لتحذير asbeats لما قال "اذا كنت تبحث عن مجرد ابهار بصري بغض النظر عن فكرة ومضمون الفيلم...فلا تذهب الى لمشاهدة افاتار..."