يا ريتني كنت أشتريتك يا طلعت يا مصطفى!!!!!!!!

[أبو_حمزة]

من وجهة نظرى هناك انهيار قادم فى سوق العقارات نظرا لأن اسعار العقارات زادت زيادة رهيبة وغير مبررة وبالطبع معروف ان الارتفاع الحاد يعقبه انخفاض حاد, انا لا اتاجر فى البورصة المصرية لأنى اعتبرها بورصة فاشلة يتحكم فيها روؤس الاموال العربية والاجنبية وكلكم يتذكر ماذا حدث فى الثلاثاء الاسود والسبت الاسود وما اكثر ايام تللك البورصة الغامقة

+1000
قربنا ييجى وقت يبقى كل اللى معاه فلوس اشترى خلاص
ساعتها العقارات ها تهبط
بعد الزيادة الرهيبة و الغير مبررة اللى وصلت 400% فى بعض المناطق لازم السوق ينهار
اصل مش ها يبقى فاضل زباين تانى عشان يشتروا (طبعا الحكومة و الشركات حاطين اكل على اليهود انهم ييجوا و يشتروا لما ولاد البلد تخستعوا)

[Migo123]

اسعار العقارات زادت زيادة رهيبة وغير مبررة

الزياده رهيبه ...... ولكنها مبرره ... ارتفاع اسعار المواد الخام بنسب تزيد عن 100% (حديد- اسمنت- نقل - عماله ...)
وارتفاع اسعار الاراضي ... مبرر بندره العرض مقارنه بالطلب .. وكذلك سياسة الحكومه الرشيده التي تسمح بتملك الاجانب الاراضي .... ونظام المزادات الجديد في ظاهره الرحمه وباطنه العذاب

انهيــــــــــــــــــار سوق العقارات غير وارد حاليا ... ممكن الاسعار تثبت أو معدلات الزياده تقل ولكن الانهار او حتى نزول الاسعار بصورة ضئيله فهو مستبعد (مش مستحيل).......... فمحدش يحلم كتيير :shock: :shock:

[Powert]

اللي تعرفه غلط 100% يا عم باورت
حاول تقرا في الموضوع شويه ............. ولو محتاج حاجه ابقى قولي لو مهتم تعرف

انا بحكم عملي بتابع البورصة ومتابع بعض الاسهم اللي طلعت واللي نزلت ومعلوماتي عن البورصة قليلة

ياريت تقولنا ليه مش حرام

[Migo123]

يا ريت تقول انت هي ليه حرام
عشان في الاصل كل حاجه حلال الا ما ورد نص بتحريمه

[Powert]

انا سألت المديرراح اداني درس في الدين
ودرس في البورصة وقالي ليه مش حرام وقال كل شغلناة وليها مخاطرها

يعني لو انت حاطط فلوسك في البورصة وحصل انهيار في سوق العقارات

ده يبقى مش زنبك وكلام من ده كتيير بقالى ساعة ونص باخد درس

المهم ياريت لو حد عنده معلومات عن البورصة يقولها

علشان كلنا نستفيد بيها

والموضوع ده ياكد كلامك يا Migo123 وشكرا ليك جدا

http://www.mooga.com/fatawa/answers_show.asp?question_id=6540

[Abdallah]

اولا ارتفاع اسعار مواد البناء ايضا غير مبرر لأن اسعار المواد الخام عالميا لم ترتفع مثل هذا الارتفاع الهلامى.
ارتفاع اسعار الاراضى راجع للجشع السائد عند الناس سواء كانوا تجار ام لا بجانب غياب التخطيط الميدانى الطموح من الدولة وهذا ايضا يعتبر ارتفاع غير مبرر.
اكيد حضرتك عارف اناتى ارتفاع غير مسبوق يعقبه انخفاض غير ملحوق ولكن انا بتكلم كلام نظرى - انا بتاجر فى بورصة العملات - ولكن فى الواقع ممكن الموضوع دة ياخدله 10 سنين او اكثر او اقل على حسب السوق وعلى حسب الوضع السياسى , لأن لو حصل اى " عك " سياسى ممكن الدنيا تخرب وربنا هو الحافظ.

[sherif_84]

كلامك مظبــوط 100 % ياعبــدالله باشا

[محمد المشد]

من وجهة نظرى هناك انهيار قادم فى سوق العقارات نظرا لأن اسعار العقارات زادت زيادة رهيبة وغير مبررة وبالطبع معروف ان الارتفاع الحاد يعقبه انخفاض حاد, انا لا اتاجر فى البورصة المصرية لأنى اعتبرها بورصة فاشلة يتحكم فيها روؤس الاموال العربية والاجنبية وكلكم يتذكر ماذا حدث فى الثلاثاء الاسود والسبت الاسود وما اكثر ايام تللك البورصة الغامقة.( اقتباس )
نعم اؤيدك بسبنة 100% فالامر اقتصادى بحت ولا يوجد به عواطف الارتفاع الحاد يعقبة انخفاض حاد ، نعم المقولة مضبوطة 100% 00000 لذا حذارى الجرى وراء السراب خاصة وان السوق متقلب بشكل كبير وعدم وجود الاستقرار بشكل عام بالسوق المصرى
اما بالنسبة للاكتتاب فى اى شركة من الشركات المصرية التى يعلن عنها كنت ارغب من الاخوة قراءة الميزانية الخاصة بالشركة قبل البدء فى الاكتتاب خاصة وان غالبية هذه الشركات مملوكة فى الاساس لافراد ومن مصلحتهم عدم اظهار المركز القانونى للشركة بشكل يوضح مواطن القوة والخلل ، وكلنا يعلم ان هذا الامر من السهل التلاعب به خاصة وانها شركات غير مراقبة من الجهاز المركزى للمحاسبات او اى جهة رقابية حكومية محترمة ! ومن خلال قراءة الميزانية قراءة متأنية يمكنكم ان تقرروا مدى رغبتكم فى الاكتتاب من عدمة

[meza]

أنا برضه حجزت ألف و إدونى 24 :mrgreen:

أصل ناس كتير متفألة بالشركة دى
هى فعلاً شركة محترمة

بس على فكرة حضرتك قدامك فرصة تانية :P

تعالى نشوف إزاى:

أول يوم هتنزل الأسهم فى البورصة ...... أكتر حاجة ممكن السهم يزيد بالكتير 5% ... اللى هوا الحد القانونى فى البورصة المصرية........ فكده ممكن تشترى بسعر مش أغلى كتيير ..... بس ده لو لقيت أسهم .... لأنه صعب فى أول يوم كده ...... بس بعديها الناس هتبتدى تبيع

تانى حاجة شركة طلعت مصطفى عاملة فى الإكتتاب ده حاجة إسمها حساب إستقرار سعر السهم : و ده عبارة عن 50 مليون سهم يكونوا مملوكين للشركة .... و هدفهم إنهم يخلوا سعر السهم مستقر على قد ما يقدروا ...... بس ده هيكون لمدة تلاتين يوم بس من تاريخ طرح الأسهم فى البورصة ....... بعديها السهم هيولع ....... بجد الناس هتموت على الشركة دى :lol:

يلا أبقى طمنى عملت إيه لما الأسهم تتطرح :-)

الكلام ده مش مظبوط ياباشا السهم في اول يوم تداول بيكون غير مقيد الحدود السعريه يعني ممكن يتعدي النسبه السموح بيها وهي 20 % علي اغلب الاسهم خصوصا الاسهم النشطه اما الاسهم الغير نشطه هي اللي نسبه ارتفاعها وهبوطها فقط 5% ( الاتصالات كانت مطروحه بسعر 14.80 وفي اول يوم ليها وصلت الي 30 جنيه ثم هبطت في نفس اليوم ل 23 جنيه
بالنسبه لطلعت مصطفي كشركه عملاقه طبعا متوقع لها نمو كبير جدا خصوصا مع نسبه التخصيص الضعيفه جدا جدا جدا
بس فيه سؤالين انت عاوز تشتري كمضارب ولا كمستثمر ؟؟
وهل انت اصلا بتشتغل في البورصه من زمان ولا دي اول مره ؟؟
لو مستثمر اشتري ومايهمكش لو مضارب ماتندفعش ورا السهم في اول يوم لانه لسه وجه جديد ومش معروف سلوك السهم شكله ايه او حيتم التعامل معاه ازاي من جانب المؤسسات ( صناديق الاستثمار ) والاجانب
لو انت شغال في البورصه من زمان يبقي انت عارف كل حاجه طبعا ومش محتاج نصايح , لكن لو دي اول مره ( انصحك تبيع اسهمك اللي اتخصصتلك وتاخد مكسب وتخلع من البورصه )

ألف شكر يا باشا على النصايح ;)
أنا لسه جديد فى البورصة بقالى شهرين كده :D
بس بحاول أعرف معلومات كتير .... عشان محبش أشتغل فى حاجة مكنش فاهم فيها كل حاجة
عشان كده بقعد أجمع معلومات .... لكن بصراحة ملقيتش حد يقوللى الموضوع على بعضه فممكن تلاقى عندى شوية معلومات ناقصة فى النص

بالنسبالى ... أنا معرفش مضارب ولا مستثمر .... لأنى لسه مبيعتش أى حاجة من اللى إشتريته ... فمعرفش أنا هنجح فى أنهى .... :roll:
كمان قواعد المضاربة لسه متعلمتهاش و مجربتهاش

..... و بالنسبة لكلامك كده معناه إن ممكن نلاقى سهم طلعت مصطفى زاد الضعف فى أول يوم

بس سؤال ..... حساب إستقرار سعر السهم ..... هيقدر يرجع السهم للسعر المتوسط بتاعه .. و لا مش هيقدر . خصوصاً لأن الطلب شديد على السهم زى ما حضرتك شايف ؟؟؟

[meza]

و كمان ممكن حضرتك ... تدينى شوية نصايح .. بخصوص السهم ده ... بعد إذنك ؟ :-)

[bimmeraddict]

و كمان ممكن حضرتك ... تدينى شوية نصايح .. بخصوص السهم ده ... بعد إذنك ؟ :-)

يا ريت ياجماعة فعلا حد ينصحنا انا عاوز أدخل البورصة أنا كمان

[meza]

سهم طلعت نزل إلنهارده فى البورصة :

مجموعة طلعت مصطفى القابضة 11.38 13.58 19.33 122,826,447 1,668,543,536