شبكة تقوية

[Abohmaid]

يا جماعة ارجوا الافادة من اهل الخبرة واصحاب التجربة حيث تقدمت احدى شركات المحمول بعرض لاتحاد ملاك العمارة التى اسكن بها وذلك لوضع شبكة تقوية على سطح العمارة وذلك مقابل مبلغ مادى لم اعلم قيمتة حتى الان

هل يوجد احد عنة اى فكرة عن الموضوع دة ةما هى عيوبة ومميزاتة

برجاء الافادة واسف للاطالة عليكم

[أبو عبدالله]

بص يا سيدي الفاضل
احنا حصل عندنا نفس الموضوع
والحمد لله بفضل الل وقفناه بالمحكمة كمان

أولا أحب ان اقول كلمة صغيره قالها اخ فاضل دكتور في كلية الهندسة وحاصل على الدكتوراه من الخارج ومتخصص في هذا المجال وساكن بجوارنا
المهم اول ما جأنا به للتحكيم قال ::

((((( اي شئ فيه بسنز كبير عمرك ما تعرف تثبت عليه شئ غلط )))))

وده اللي بيحصل في المحمول في العلم كله مش هنا بس في مصر

ولكن المشكلة عندنا في مصر ان القواعد والقوانين الضابطة للشبكات لا يعمل بها وان عمل بها لا تطبق بالحرف وان طبقت بالحرف فهيا اقل بكثير من قوانين الشبكات في الخارج

يعني في الخارج شبكة المحمول يجب ان تبعد عن اي شئ حي مسافة لا تقل عن 600 متر
هنا في مصر يجب ان تبتعد الشبكة عن اي سكن مسافة 20 متر فقط لا غير واقسم بالله في شبكات حتى مش مطبق فيها الكلام ده حتى وشوفتها بعيني واكيد انكم شوفتوا منها

اولا انا لست متخصص في هذا المجال
وانما والحمد لله عندي هوايه فيه
واللي انا اعرفه انه لا يعقل بأي حال من الأحوال ان يقول اي واحد بيفهم في هذا المجال ان الشبكات تاثيرها ضعبف لأن ده تسفيه بالناس
وعلى فكره لو جابولكم شهادات دكاتره في كليات الهندسة والكلام ده
كله تزوير واقسم بالله ومرتشين بيرشيهم علشان يعملو ويكتبوا الكلام ده

وقال لي جاري اللي هو دكتور في كلية الهندسة المنصورة
ان شركات المحمول بتأتي لهم وتبوس ايديهم علشان يعملوا تقارير ويعملو مؤتمرات بأسم كلية الهندسة يقروا فيها ان مفيش ضرر
والحمد لله ان كل الدكاتره في كلية الهندسة بما فيهم الكلية ككل واخدين موقف رافض لشبكات المحمول وده عامل مشكلة للشركات لأنهم كلهم بيقروا بضررها الشديد على جسم الانسان وبالأخص الأطفال في سن التكوين
وهناك مركز ابحاث في جامعة المنصورة اثبت ان لها اضرار خطيرة وبيطلع شهادة بالكلام ده ولكن بمبلغ مش فاكر الف او الف وشويه حاجه زي كده

وعالعموم اللي يقرأ شروط هذه الشبكات هيعرف ان فيها ضرر من كلامهم
حيث انهم يقولوا فيها ممنوع توجيه الشبكات على المدارس والحضانات والمستشفيات لوجود اطفال صغيرة ويكون جسمها في مرحلة التكوين الجسماني مما يئثر على تكوينهم

طيب يا ولاد ..... الذين
البيوت مفيهااش اطفال وله الأطفال في الحضانات والمدارس بس
تناقض غبي وغريب والله

عالعموم انا هقولك لو الموضوع بدأ يمشي تعمل ايه
تروحوا اي جمعيه اهليه وتعطوها شقه في العمارة او قريب منهاكده وكده على الورق بعقد ايجار مضروب وتعملوا انها حضانة تبع الجمعيه بصفه رسميه ولكن مش شرط تكون فعليه وتقدموا الورق بما يثبت ذلك ان في حضانة قريبه على مسافة لا تزيد عن 20 متر من الشبكة
والحضانة تكون بتاريخ قبل التعاقد على الشبكة

لأن القانون لا يسمح بتركيب شبكة على مسافة قريبه من حضانات الاطفال مسافة لا تزيد عن 20 متر
وهذا اقرب دليل انها مضره ولو لم تكن مضره ما فعلوا هذا القانون

ووالله ثم والله ثم والله الشبكات دي كارثة ومصببة للسرطانات للكبار على المدى الطويل ومصببة للصرع للأطفال في طور التكوين والاجنة ايضا في بطون امهاتهم وهذا والله ما كلامي ولكن كلام مختصين من اطباء كبار جدا ومهندسين في كليات الهندسة

ولكن كما قال الدكتور جاري جزاه الله خيرا الجزاك

كل بسنز كبير صعب انك تثبت عليه الغلط

وربنا معاكم واي مساعده لأني لي باع كبير في الموضوع ده والله المستعان

والمشكلة ان احنا مش بنقول انهم مايركبوش ولكن يبقى على مسافات بعيده علشان لا يكون هناك تركيز من الأرسال مركز
ولكن الشركات عارفه ان الشعب مالوش حد وجاهل وهما عاوزين يخفضوا في عدد الشبكات والفلوس اللي هيصؤفها علشان يعمل برج حديدي من على الأرض ويشتري حتة ارض او يأجرها ويصورها ويوصلها كهرباء ويامن عليها علشان محدش يدخلها وده كله علشان يبعد عن المناطق السكنية ولكن هتقول لمين ده تفكير يهود

وهقولكم على الأسعار

عندنا كانوا قالو لصاحب العمارة جاري في الاول قبل ما حد يعرف ولا يحصل اي مشكلة هنديلك 17 الف جنيه في السنة ومش عارف كام خط مفتوح

لما عملنا المشكلة وصلت الفلوس بعد القضايا والكلام ده وصلت

نصف مليون جنيه
لكم ان تتخيلوه

احنا عملنا ايه عملنا حاجه اسمها قاعدة عرفيه على صاحب العمارة من كل سكان المنطقة وحكمنا عليه في الجلسة انه لا ينفذ العقد المبرم معهم ووقف العمل بتركيب الشبكة فورا وتم امضاءه عليها والناس مضت ايضا وهذه تسمى جلسه عرفيه كما يفعلها العرب بسيناء
وتعرض على قاضي المحكمة المختصة بالمنطقة ويقرها ويعطيها الفاعلية القانونية والشرعية لها وتنفذ وبهذا يتم وقفا فورا وبقوة القانون

والله ثم والله حبسنا العمال مرتين في القسم لما كانو بيأتوا يشتغلوا في الشبكة بالليل الساعة الثانية في وسط الليل وفي عز البرد

ولو هما بيعملوا حاجه صح ما فعلو هذا بالليل والناس نيام

مش كده ولا ايه

[Abohmaid]

جزاك اللة خيرا ياأخى على العموم احنا لسة ماوصلناش لموضوع التنفيذ كل اللى حصل مجرد تقديم عرض مقابل 30000 جنية سنويا ولسة اتحاد الملاك هايجتمع لبحث الموافقة من عدمة فانا قولت اما اسأل الاول علشان انا ما عنديش خلفية عن الموضوع

فشكرا لك كثيرا على اهتمامك واستاذنك لو احتجتك فى اى استفسا هابعتلك على الخاص ... لو سمحت

[أبو عبدالله]

انا تحت امرك في اي شئ ان شاء الله

[مصراوي جدا]

الله يكرمك يا ابو عبدالله توضيح رائع للموضوع

احب اضيف نقطة صغيرة اني مرة سمعت في برنامج في الراديو حديث مع مسئول بجح لما سئلوه عن الاضرار مقدرش ينكرها انما عارف قال ايه

قال اصل الاشعاعات اللي طالعه دي زي صوت المايكروفون موجهه وبالتالي يبقى اكيد اقل الناس ضررا هما اللي الاجهزة راكبه على عمارتهم لأنها موجهة ناحية العمارات التانية

شفت البجاحة

[Karim_Monir]

الله يفتح عليك يا ابو عبد الله
فكرتني بشيء مؤلم والله
منه بنت صغيرة تسكن في مدينة 15 مايو والشارع ده كلة حصل فيه امراض بشعة خاصة للصغار اقل من 12 سنة
وبقينا مش عارفين نعمل ايه ونلم فلوس لمين ولا مين لحد واحد زميلنا كان معانا بيزورها شاف الهوائي فوق عمارة قالنا هو ده السبب
وفعلا طلع هوائي من نوع قديم وعلى ما اتذكر ان الهوائيات القديمة بتركب في الاماكن قليلة الكثافة والهوائيات الحدسثة في الاماكن كثيرة الكثافة
طبعا ابو منة وبعض السكان طلعوا رموه في الشارع والشركة قعدت تتحايل عليهم وعرضت مبالغ وتعالج الاطفال وطبعا الكل رفض
ومش عايز اقول ان من ساعة ما شالوة وحالة الاطفال الصحية الظاهرة ارتفعت كثيرا وبطلوا يشتكوا من طنين الاذن الغريب ده

حسبي الله ونعم الوكيل
يحققوا ارباح بالملايين على حساب صحتنا
طب ما تشتري ارض واعمل سور وبرج
تكلفتها هاتبقي اقل من ايجار 3 سنين
بس المشكلة عندهم ان بعض المناطق زي وسط البلد مفيش ارض ومش هايقدر يعمل برج حديد ارتفاعة 60 متر
يجيب اجل الناس اوفر

[IAbdou]

طب لو عملو برج فوف العمارة مش كدة حيكون أفضل ولا أة ؟؟!

[أبو عبدالله]

طب لو عملو برج فوف العمارة مش كدة حيكون أفضل ولا أة ؟؟!

حضرتك طوله اد ايه من سطح العمارة

التصاريح عندهم بتطلع من 15 متر الى 50 متر فوق سطح الأرض
وطبعا هما في الغالب لو فوق عمارة بيخلهم اقل حاجه اللي هيا 15 متر
ولو في برج كبير بيحطه على سور البرج من فوق

يا سيدي بالخارج البرج لازم يبعد عن اي منطقة سكنية 600 متر
انت متخيل الرقم

لأ كمان واحب اقولكم ان الشبكة لو اتحملت بالمشتركين زياده او عاوزينها تخدم منطقة معينه خارج الخدمة في وقت معيين لأي ظرف
بيروحوا رافعين الباور بتاع الشبكة من عندهم بتروح ساعتها قوة الشبكة تزيد علشان تقدر توصل للمكان اللي هما عاوزين يخدموه
وساعتها الناس تنور والله تنور يا جدعان

أقسم بالله انا شغال في المصرية للأتصالات زي ما انتم عارفين
وعندي مهندسين اقسموالي ان في بعض الغرف اللي بيبقى فيها شبكات والأرسال عالي
ان اللمبة النيون بتنور بدون كهربا ولا متوصله بأي شئ تاني
لك ان تتخيل

والدليل على موضوع الكهرباء ده
شوفوا هما بيوصلوا كابل كهرباء سمكه اد ايه مش فاكر والله كام ملي بس لك ان تتخيل كابل الكهرباء ده عاوزينه في ايه بالضخامة دي

وفي نصيحه لأي واحد بيتعرض لهذه الشبكات بجواره
الا وهيا انه لو عاوز يقرفهم
بيبقى في فيوزات تحت اسفل العمارة زي بتاعت الشقة اللي عندك اللي هيا زرار الأوتوماتيك بجوار عداد الكهرباء بتاعهم
افصله وشغله كل شويه علشان تحرقلهم الباور فوق
او افصل الكهرباء عن الشبكة لمدة تزيد عن 6 او 7 ساعات مش فاكر كام بالظبط علشان البطاريات اللي بتشحن فوق وتشغل الشبكة لو مفيش كهرباء تبوظ
كان قايلي عليهم فني من اللي كانو بيركبوا الشبكة وقالي على الموضوع ده لأنه تعاطف معانا
لأن احنا طلعنالهم لما كانو بيركبوا بالليل
وقولتلهم مش هنزل الا لما تنزلوا لأنه فريق فظيع اكتر من 25 واحد
لو سيبتهم ساعتين هتلاقي الشبكة ركبت وخلصت واشتغلت
فظاع في التركيب في ثواني

فلما صممت وقالولي هننزل خلفك
راح مميل عليا فني منهم وقالي متنزلشي الا لما ننزل الاول
لأنك لو نزلت هتلاقي الشبكة دي شغاله بكره الصبح

تخيلوا
اللي شغالين في التركيب عارفين البلاوي اللي فيها ولكن هنقول ايه بس في ضمائر الناس
والله المستعان

[OsKaR]

قال اصل الاشعاعات اللي طالعه دي زي صوت المايكروفون موجهه وبالتالي يبقى اكيد اقل الناس ضررا هما اللي الاجهزة راكبه على عمارتهم لأنها موجهة ناحية العمارات التانية

شفت البجاحة

عذر اقبح من ذنب

[Abohmaid]

الجديد فى الموضوع ان ارتفاع البرج هوة 6 متر وبس......... يابلاش

[tutankhamoun]

طب لو عملو برج فوف العمارة مش كدة حيكون أفضل ولا أة ؟؟!

حضرتك مش كل العمارات تستحمل الأبراج دي و العمارة ممكن تقع

و على فكرة في أوروبا الشبكات هناك ضعيفة لأن بيوتهم قصيرة و مصنوعة من الخشب ( السقف ) و ليس عندهم تكدس سكاني و عمارات كبيرة

لذلك أنا أرى أن تلك الهوائيات التي يتم تركيبها في مصر فوق أسطح العمارات خطر على الصحة العامة

[tmz9111]

خطر على الصحة العامة

[hatem_badawe]

قال اصل الاشعاعات اللي طالعه دي زي صوت المايكروفون موجهه وبالتالي يبقى اكيد اقل الناس ضررا هما اللي الاجهزة راكبه على عمارتهم لأنها موجهة ناحية العمارات التانية

:D :D :D :D :D :D :D :D :-) :-) :-) :-) :-) :shock: :shock: :shock: :shock: :shock: :shock: :shock: