أرجوا من المصريين كلهم بلاش إزعاج في الأماكن و المواصلات العامة

[Mzeid]

أنا أرجوا المصريين كلهم أنهم يبطلوا إزعاج في الأماكن العامة و المواصلات العامة علشان أنا دمي إتحرق خلاص و اكيد فيه زيي كتير ..
لأن بإختصار أنا لما بركب مواصلة عامة أو بقعد في مكان عام و أي حد ربنا يكرمه موبايله يرن و طبعا عامله على اعلى نغمة يطلع الموبايل و يقعد يبص فيه و الموبايل بيقعد يرن و يرن و يسبب إزعاج و البيه لسة بيبص في الموبايل لحد فين ما يقفل أو يرد أو يعمله صامت و الأدهى و الأمر لما واحد موبايله يرن و يسيبه يرن في جيبه .

دة غير اللي بيشغل أغاني على موبايله بصوت عالي و بيزعج الآخرين , لأن للأسف كنت راكب الديزل رايح إسكندرية يوم السبت الماضي و فاتح بذاكر علشان كان عندي إمتحانات تاني يوم الصبح و فيه شخص ربنا يكرمه مشغل أغاني على أعلى حاجة و أنا مش عارف أذاكر لحد ما روحت قلتله يخفض صوت الموبايل .

الكلام دة مش موجه لأي عضو من الأعضاء المحترمين لأني واثق من أنكم بتحترموا الآخرين انا بس حبيت أفرغ الغيظ و الضيق اللي عندي بس .

[factorialx]

دة غير اللي بيشغل أغاني على موبايله بصوت عالي و بيزعج الآخرين , لأن للأسف كنت راكب الديزل رايح إسكندرية يوم السبت الماضي و فاتح بذاكر علشان كان عندي إمتحانات تاني يوم الصبح و فيه شخص ربنا يكرمه مشغل أغاني على أعلى حاجة و أنا مش عارف أذاكر لحد ما روحت قلتله يخفض صوت الموبايل .

في المترو خصوصا تلاقي واحد فرحان بموبايل صيني من أبو إريال و مشغل نشاز بسماعات الموبايل حاجه تعل

[chicobon]

الموضوع ده في كل مكان حتي الناس و هي مشيا بقت تشغل اغاني بي اعلي صوت رجالة و ستات و في الاتوبيس سعات بيبقي مولد كل واحد مشغل حاجة مش عارف بقي فعلا شي مزعج خلاص سماع الاغنية مش بيحلي غير في الشارع

[PRO-DRIVE]

و لما يكون اتنين عمالين يتكلمو في الكوره بصوت عالي و حيتخانقو عشان مين جاب نقطه و مين جاب جول احسن !! :s :s

[MoToRiZeR]

يا ريتها جت عالأغاني .. أمال الشباب الروش اللي مبيحبش يسب الملة و العلة إلا في وسط الناس و يهزروا بأحلي الشتايم .. ولا حتي راجل كبير يبقي راكب مواصلة و واحد يكلمه يقوله حاجة تنرفزه عالموبايل يقوم يفتح وصلة شتايم !

[Mzeid]

أنا نفسي اعرف إيه السبب في الكلام دة ..
لما واحد بيعمل كدة بيفتكر الناس كلها عايزة تعمل زيه ولا إيه مش فاهم
ارجوكم فهموني

[mxz911]

الناس اللى بتمسك الموبايل وتعد مشغلاه وتسمع الناس اللى حواليها دى بصراحه بالنسبالى اقذر فئه فى الشعب وتنتمى ل فئه الشباب السيس البيئه فى ان واحد ...!!
وياريتها اصلا حاجات عدله اللى بيشغلوها .. اللى يشغلك البطيخ البطيخ اصفر ازرق مش عارف جابوله الالوان دى منين و العنب والسمك والبلح مش عارف ايه الهبــــــــــل ده !!!!!!!!!!
ولا اغنيه يعد يقولك جوجو جوجو جوجو !!!

ما كل واحد يجيبله هاندفرى ويشغلها ويسمع ف ودانه وخلاص هو احنا لسه نسمع معاه غصب .. لازم نحارب الظاهره القذره دى

حسبى الله ونعم الوكيل

[Mzeid]

و كمان في المناطق الشعبية تلاقي الواحد فيهم بيتكلم و خصوصا الستات بيسمعوا الشارع كله و هما بيتكلموا

[Terrible_DaRsH]

و الله العظيم انا ساعات بقفش مع صحابي بسبب الموضوع ده ..

اول ما موبايلى بيرن بعمله Silent على طول سواء هرد او لا , اذا كنت فى البيت او بره , لما الاقى حد من صحابي موبايله بيرن و هو قاعد بيتفرج عليه ساعات بكنسل انا علشان يحرم يعملها تانى ..

و لما اركب مترو الاقى واحد سمع اخر العربية هو بيتكلم فى ايه , و ازى العيال و امهم و هكذا .

انا اصلا بطبيعتى بكره الصوت العالى و بتجنن لما الاقى حد بيكلمنى و صوته عالى :(

فانا اضم صوتى لصوتك و ارجوكم بلاش ازعاج ..

[Mohamed.Ramah]

اركب مترو الانفاق وانت تشوف بيعملوا اية مش واحد لا دا 100 وكل واحد مشغل اللى على مذاجة قران واغانى وصوت قطة وكلب ولا جنينة الحيوانات بالظبط وهزار رخم حاجة بحجد تخنق دا غير اللى بيشغل عمرو دياب والتانى ينافسة ويشغل تامر والاتنين بقى يعلو يروح الثالث مشغل اغانى شعبة انا شارب سيجارة بنى الكلام دة الساعة 8 الصبح

[Abo_Lina]

أنا لو بإيدي أمنع إستخدام الموبايل في الأماكن العامة !
كان يوم أسود يوم ما دخل مصر

[dr.amr]

هقول ايه بس هقعد اشتم واقول عقد نفسيه هاخد ذنوب
يلا ربنا يهدي

[حاتم سليم]

حتي الناس و هي مشيا بقت تشغل اغاني باعلي صوت رجالة و ستات ، في الاتوبيس سعات بيبقي مولد كل واحد مشغل حاجة

شعب سعيد ...

[dr.amr]

شعب سعيد ...

اه فعلا
حتي من كتر مافرحوا

[M.Mosaad]

بجد الموضوع دة بقي فعلا صعب اوي
و الواحد بيتحرج انه يكلم حد جنبه يقوبه ممكن الصوت شوية
و المشكله ان في ناس بيبقي معاها هاند فري و مع ذلك مشغل الصوت علشان يسمعك هو بيسمع ايه
و الاخوة بتوع الرنات العاليه و يسيب اللي بيتصل لحد الاخر علشان يرد لانه لازم يسمعك الاغنيه كامله
بجد ثقافه حرمان ملهاش حل