بلاوينا واحنا صغيرين

[الغزالى]

اكيد كل واحد فينا كان بيعمل بلاوى وهو صغير بمعنى خد حجة غالية ضيعها حاجة اتسرقت منة كدة مش قصدى على المواقف الى كنا بنعملها زى الموضوع الى كن معمول
فا يرت الى عندة حاجة يحكى
وانا عن نفسى ها خش الاول
الموقف دة الحاجة لسة مفكرانى بية النهاردة ليو معرفش المهم
وانا صغير كنت تقربيا فى 1 ابتدائى او اكبر حاجة بسيطة فجدى الله يرحمة كان مدمن عجل المهم وبرضو كان بيسب البوابة مفتوحة بيت عيلة بئى المهم فى يوم كنت بلعب فى الشاارع فى عز الظهر وجدى طلع تقربيا ساعتها او كان معاه زبون فى المحل وانا واقف ادام البوابة جة واحد فتح البوابة ودخد العجلة ومشى وانا بكل هبل وعبط بئولهم عمو خد العجلة ومشى عمو (الحرامى ) مش عمى انا جدى سمع كلمة عمو دة وكان ها يتشل بئول على الحرامى عمو بس المهم كلت علقة تمام فى الاخر من الحاجة
يلا الى عندة حاجة يحكى

[Haytham1212]

هههههههههههههههههههههههه

حلوة يا غزالى

بسس انا هكتفى بالمشاهدة

نظرا لشدة البلاوى
التى فعلتها فى صغرى

[aboelnagah]

وانا صغير كنت دايما اعمل حاجات رهيبة تكسير وتخبيط ومصايب وكنت دايما اقول اخويا اللى عمل كده ندالة يعنى

فى مرة قلت لاخويا بابا قالى اطلع قطع كل الزرع اللى فوق ومتخليش حاجة علشان يكبر

جيت انا واخويا خليت الزرع بعد ما كان متر ولا حاجة بقا عامل زى الجرجير

انضربت ضرب اليوم ده كان فله اوى

[KSA2011]

جامده يا غزالى باشا بس انت ذنبك ايه بس ؟ هو انت الى قلت لعمو الحرامى يسرقها ههههههه
انا والله مش فاكر مواقف او بلاوى معينه ليا
لو افتكرت مع انه انا عارف مفيش حاجه مميزه هقول

[الغزالى]

جامده يا غزالى باشا بس انت ذنبك ايه بس ؟ هو انت الى قلت لعمو الحرامى يسرقها ههههههه
انا والله مش فاكر مواقف او بلاوى معينه ليا
لو افتكرت مع انه انا عارف مفيش حاجه مميزه هقول

دكتور محمد واحشنا والله مختفى يا دكتور بئالك فترة كدة اية العربية ها تخدك مننا ولا اية
على العموم ربنا يبارلك فيها بس فين التقرير والصور

[الغزالى]

هههههههههههههههههههههههه

حلوة يا غزالى

بسس انا هكتفى بالمشاهدة

نظرا لشدة البلاوى
التى فعلتها فى صغرى

سمسم حبيبى عامل اية يا عم انت بطل دح بئى واظهر دة الامتحانات على الابواب حتى
المهم قبل ما انسى كل سنة وانت طيب يا معلم بس عايز الجاتوة

[الغزالى]

وانا صغير كنت دايما اعمل حاجات رهيبة تكسير وتخبيط ومصايب وكنت دايما اقول اخويا اللى عمل كده ندالة يعنى

فى مرة قلت لاخويا بابا قالى اطلع قطع كل الزرع اللى فوق ومتخليش حاجة علشان يكبر

جيت انا واخويا خليت الزرع بعد ما كان متر ولا حاجة بقا عامل زى الجرجير

انضربت ضرب اليوم ده كان فله اوى

على كدة انت واخوك بتحبوا بعض اوى اوى ربنا يخليكوا ليعض

[sherif_84]

انا بقى عملت حاجة عمرى ماهنساها أبدا لانها كانت هتولع فى البيت كله وانا عندى 5 سنين كده كنت ماسك ولاعة البوتاجاز وفرحان بيها ودخلت أوضة النوم وجنب السرير وهوب قمت دوست على الولاعة وقامت النار ماسكه فى البطانية ولولا ستر ربنا كان زمان البيت اتحرق واللى نجدنى من العلقة السخنة اللى كنت هاكلها جدى الله يرحمه كان يحبنى جدا جدا ودايما كان يحوش عنى العلق السخنة وفى بلاوى تانية كتير بس كفاية كده ( :

[الغزالى]

انا بقى عملت حاجة عمرى ماهنساها أبدا لانها كانت هتولع فى البيت كله وانا عندى 5 سنين كده كنت ماسك ولاعة البوتاجاز وفرحان بيها ودخلت أوضة النوم وجنب السرير وهوب قمت دوست على الولاعة وقامت النار ماسكه فى البطانية ولولا ستر ربنا كان زمان البيت اتحرق واللى نجدنى من العلقة السخنة اللى كنت هاكلها جدى الله يرحمه كان يحبنى جدا جدا ودايما كان يحوش عنى العلق السخنة وفى بلاوى تانية كتير بس كفاية كده ( :

ههههههههههههه طيب مين الى بيحوش عنك دلوقتى

[yoko]

أنا كنت مهندس من وأنا صغير كان عندي عجله بلاستيك أم ٣ عجلات ومسكت المفك أكبر حته فضلت في العجلة كان وش الفانوس بتاع العجلة

[الغزالى]

أنا كنت مهندس من وأنا صغير كان عندي عجله بلاستيك أم ٣ عجلات ومسكت المفك أكبر حته فضلت في العربيه كان وش الفانوس بتاع العجلة

اية دة يا كوكو هى جريمة قتل (هى عجلة ولا عربية) ولا اية عشان ان تهت منك خالص

[mrwho1982]

كنت في 2 ابتدائي وكنت مقلبظ وكان في واد غتيت اوي اسمو محمد زكي لسه فاكر اسمو

المهم لقيتو ماسك صاحبي الانتيم ونازل فيضرب والواد مش عارف يعمل معاه حاجة علشان كان مودب اوي

المهم في اليوم ده نطيت علي كتف الواد من ورا وههاتك ياعض من رقبتة ومن ايدو ماحدش عرف يطلعو من ايدي غير 2 مدرسين

اتعملي استدعاء ولي امر وفي الاستدعاء كان مكتوب الاحالة لطبيب نفسي

في اليوم ده بابا احترمني احترام

اخدت علقة ولا حرامي الاتوبيسات
:pointi~2[2]::pointi~2[2]::pointi~2[2]::pointi~2[2]::pointi~2[2]:
الناظر من بعدها كان بيبصلي وانا كنت ابرقئلو والعبلو حواجبي

هههه كان فاكرني مجنون بس من ساعتها كولو كش مللك

ساعات لما تتجنن كولو بيعمللك 1000 حساب

[yoko]

اية دة يا يوكو هى جريمة قتل (هى عجلة ولا عربية) ولا اية عشان ان تهت منك خالص

ما أنا عدلتها عشان الخبطة هي كنت عجله فوشيا ب٣ عجلات وكان فيها نور وزمارة وإشارات يمين وشمال

[tabeb]

موضوع حلو
لما كنا بنلعب كرة والماتش يحمي وواحد تاخده الحماسة ويشوط جامد تدخل الكورة مش شباك الجيران وتسمع صوت تخبيط وزعيق وطبعا كنا بنجري
ساعات برضه لما كنت صغير اوي كنت برميلهم الحاجة من البلكونة

مرة برضه مسكت انسان الي كان طويل ودش من المنور

[الغزالى]

كنت في 2 ابتدائي وكنت مقلبظ وكان في واد غتيت اوي اسمو محمد زكي لسه فاكر اسمو

المهم لقيتو ماسك صاحبي الانتيم ونازل فيضرب والواد مش عارف يعمل معاه حاجة علشان كان مودب اوي

المهم في اليوم ده نطيت علي كتف الواد من ورا وههاتك ياعض من رقبتة ومن ايدو ماحدش عرف يطلعو من ايدي غير 2 مدرسين

اتعملي استدعاء ولي امر وفي الاستدعاء كان مكتوب الاحالة لطبيب نفسي

في اليوم ده بابا احترمني احترام

اخدت علقة ولا حرامي الاتوبيسات
:pointi~2[2]::pointi~2[2]::pointi~2[2]::pointi~2[2]::pointi~2[2]:
الناظر من بعدها كان بيبصلي وانا كنت ابرقئلو والعبلو حواجبي

هههه كان فاكرني مجنون بس من ساعتها كولو كش مللك

ساعات لما تتجنن كولو بيعمللك 1000 حساب

لا تمام يا سعادة الباشا انا عايزك فى خناقة جى
اية يا عم فى حدي عمل كدة بس ملاكش بلاوى مع الناظر بعد كدة بعد اما عملت فيها مجنون