مشكله مع سيكيورتى الوندز ارجو المساعده

[michohat]

السلام عليكم ورحمه الله وبركاته

كنت شغال وندز فيستا على اللابتوب الخاص بالشغل و حصل ان زميل لى اراد ان يستعير مني الكمبيوتر فقمت بتأمين ملفاتى الخاصه بانى جمعتهم جوه ملف على دريف معين و وقفت على الملف ده وكلكت يمين واخترت خصائص واخترت تاب السيكورتى وقمت بالغاء البرميشنز من على كل اليوزر اللى موجوده بحيث يتم منع الولوج الى هذا الملف

الايام لفت و جيت بعد كده غيرت الوندز ل 7 بدلا من فيستا و احتجت للشغل اللى كنت قافله جيت ادخل عليه افتكرت انى كنت قافله جيت افتحه زى ما قفلته على الفيستا مش راضى و بيقول لى ممنوع الدخول و لا توجد صلاحيات
اخر ما فكرت فيه دخلت باستخدام اسطوانه الصيانه هيرنز اللى فيها وندز اكس بى ليف و دخلت شيلت وعدلت البرميشنز والملف فتح معايا فرحت شغلت الجهاز عادى ودخلت لقيته فتح الملف اه بس مش فتح الملفات اللى جوه يعنى فى امكانى دلوقتى انى اتفرج بس على شكل الملفات اللى جوه الملف اللى كان مقفول من غير اى امكانيه للنسخ او الفتح

ارجو المساعده

[michohat]

حد يعرف يساعدنى الشغل موجود على الكمبيوتر ومش عارف افتحه

[M.Mosaad]

try to take the owner ship of the folder

[michohat]

هحاول وارد عليك

[Casio2000]

try to take the owner ship of the folder

دي الطريقه

Windows 7 Take Ownership & Grant Permissions to Access Files & Folder

[michohat]

اظن انى عملت حاجه زى كده وبيها قدرت اخليه يورينى اللى جوه ويفتح معايا الملف بس مش عارف اعمل كده بالنسبة للملفات اللى جوه
اللى وصلت له دلوقت انى شايف الفايلات والفولدرات بس مش عارف افتحها ولا انسخها ولا اعمل ليها حاجه

[Casio2000]

كمل الموضوع للاخر - ضروري بعد ما Take ownership انك تكمل الجزء بتاع Grant Permissions عشان تعرف تفتح الملفات

جرب و رد علينا

[michohat]

مشيت الخطوات ولما جيت ادى البرميشنز لليوزر اللى خليته اونر قال لى فيه خطأ و الولوج ممنوع access is denied

[michohat]

الحمد لله بعد ما عملت الخطوات دى قولت اجرب انسخ ملف ملف لمكان تانى ونجحت و نسخت كل الملفات بطريقة فرديه مع انها مش كانت نافعه وانا بنسخهم كلهم مع بعض
الف شكر الحمد لله تم انقاذ الداتا

[Casio2000]

الحمد لله بعد ما عملت الخطوات دى قولت اجرب انسخ ملف ملف لمكان تانى ونجحت و نسخت كل الملفات بطريقة فرديه مع انها مش كانت نافعه وانا بنسخهم كلهم مع بعض
الف شكر الحمد لله تم انقاذ الداتا

الحمد لله - و كويس ان الشغل ماضاعش

[michohat]

الحمد لله ده كان مجهود سنه بالكامل و كان هيضيع وقمه الذل انه كان موجود قدامى ومش عارف افتحه
الحمد لله توبه انى اقفل الملفات من السيكيورتى تانى