اعتذر عن الفتنه

[النوبي]

اولا انا عمري ماتخيلت اني ممكن اضع حجر يكون محور فتنه ولذلك اعتذر الي كل من احس بإسائه من خلالي او من خلال مشاركتي فانا لم اقصد الاسائه ابدا ولم اقصد التلاعب بمشاعر الاخرين او اغضابهم ابدا والله لا اريد الاالحق ولذلك اعتذر عن الفتنه
انا كل اللي اقصده بسيط وواضح وضوح الشمس وهو الحكومه التي لا تمثل راي الشعب لا تستحق ان يقال عن افعالها افعال مصريه ان الافعال الي ترتكبهاحكومتنا تضع صورتنا امام العالم في صوره سيئه حتي اننا لا نستطيع ان نشيد بمصريتنا
لقد خدمت في جيش مصر وافخر اني جندي مصري ولكم يحزنوني مقتل اخ وصديق (كان من الممكن ان اكون مكانه) ولاكن لنرجع الي اسباب الحادث
احد اهم اسباب الحادث هي الجدار الذي تقر بعض الناس بشرعيته بغض النظر عن القضيه الفلسطينيه قضيه القدس الشغل الشاغل لاي مسلم ايا كانت جنسيته
انا اقول ان الحكومه انانيه ولا تريد الا مصلحه الكبار وهي التعتيم وتكبير الدماغ
يعني اسرائيل مدايقه من الانفاق ومش قادره تسيطر عليها من الداخل طيب خلاص نسيطر عليها من الخارج والنتيجه ابن من ابناء مصر راح ودمه في رقبه مين طيب هنحاسب مين اسال نفسك وبعد كده اسال الحكومه اللي مش ممكن تتحرك ولو بعد مليون سنه
الي كل مصري الي كل عربي الي كل مسلم قضيه القدس امانه في رقابكم
فنحن مسلمون قبل ان نكون مصريون

[amrico]

انا مقدر شعور حضرتك والله، واكيد كلنا حاسين بضيق من اللي بيحصل
وهقول لحضرتك اننا اقتربنا بشده من القاع في كل شيئ، اذا مكناش وصلنا للقاع فعلا، لكن لابد بعد الوصول للقاع، هانرتفع تاني وهانرجع احسن بلد تاني، رغم انف كل الكارهين في العالم.
ضاقت ولما استحكمت حلقاتها فرجت
بالنسبة لي انا شايف ان الإنهيار السريع اللي عايشين فيه الأيام دي، هو اكبر دليل على سرعة العودة للطريق الصحيح وتصحيح الأوضاع مرة أخرى.
روق يا راجل وخليك متفائل، وربنا يبعد عنا الفتنة.
بلدنا ذكرها الله عز وجل في كتابه الكريم، و اكيد ربنا مقدرلها الخير في النهاية.

[seqoia]

ربنا يسعدك يا استاذ نوبي وانا باحترم حضرتك جدا

[mnabil1980]

أولا الموضوع دة يدل على انك انسان محترم يا أستاذ نوبى واذا كان على النظام فمعظم المصريين مش راضيين عنه ودى مسؤوليتنا ان احنا نغيره ونوصل لنظام ديموقراطى بيعبر فعلا عن ارادة الشعب ويحقق مصالحه. لكن بلدنا هى بلدنا مهما حصل.

[Mohamed.Raafat]

ولا يهمك يا نوبي
المهم بس ان الناس كلها تفهم اننا اخواااااااااااااااااااااااااااااات
و مهما حصل لازم نستحمل بعض

[معتز]

شكرا على اعتذارك.هى شجاعة فعلا.......

بالنسبة لموضوع الانفاق انا عاوز الفت النظر الى انه ليس المخرج لازمة اخواننا فى غزة.بل هو اقرب الى بزنس
هل تعلم ان هناك رسوم تصل الى 30 الف دولار رسوم ترخيص حفر النفق وتختلف من حيث حجم النفق........ايوة رسوم للنفق.....الانفاق تستخدم لتهريب السلاح الذى تخدم ضد القلسطينين من فتح والمصريين بالاضافة الى الاسرائيلين طبعا....يستخدم لتهريب السلاح الى ومن سيناء لتنفيذ اعمال كلنا نعرفها...تهريب سيارات مصرية مسروقة الى القطاع....وغيرها من التهريب السلبى ...الانفاق لم تستخدم لتهريب الادوية وما فى حكمها مثلا...للاسف كثير من الانفاق كانت بزنس وليس لدعم المحاصرين.....بالمناسبة هذة وقائع من اهل العلم والثقة بالامن القومى....تحياتى

[النوبي]

شكرا على اعتذارك.هى شجاعة فعلا.......

بالنسبة لموضوع الانفاق انا عاوز الفت النظر الى انه ليس المخرج لازمة اخواننا فى غزة.بل هو اقرب الى بزنس
هل تعلم ان هناك رسوم تصل الى 30 الف دولار رسوم ترخيص حفر النفق وتختلف من حيث حجم النفق........ايوة رسوم للنفق.....الانفاق تستخدم لتهريب السلاح الذى تخدم ضد القلسطينين من فتح والمصريين بالاضافة الى الاسرائيلين طبعا....يستخدم لتهريب السلاح الى ومن سيناء لتنفيذ اعمال كلنا نعرفها...تهريب سيارات مصرية مسروقة الى القطاع....وغيرها من التهريب السلبى ...الانفاق لم تستخدم لتهريب الادوية وما فى حكمها مثلا...للاسف كثير من الانفاق كانت بزنس وليس لدعم المحاصرين.....بالمناسبة هذة وقائع من اهل العلم والثقة بالامن القومى....تحياتى

اخي الكريم
اشكر لك ردك المميز ولاكن انا اري الموضوع من وجهه نظر الجانب الاخر (الغرقان بيتعلق بقشايه) واحنا قدمنالهم كتير مش قليل وانا متاكد من ده بس في الفتره الاخير كان فيه تقاعس مننا ناحيه القضيه الفلسطينيه وتوطينها بمعني ان القضيه الفلسطينيه قضيه الفلسطينيين
ابدا قضيه فلسطين هي قضيه كل مسلم
والان نحن نضع للحصار حصار ونعلي الاسوار بسور
وانا اعترف ان ماذكرته اول مره اسمع به ولاكن دي حدودنا وبيتهيالي نقدر نحكمها ولا احنا خايفين اننا نقوي تواجدنا في سيناء ولا انت رايك ايه
(بامانه ردك من احسن الردود التي رددت عليها)

[Col. Eng. Khaled]

ولا احنا خايفين اننا نقوي تواجدنا في سيناء ولا انت رايك ايه

بأستأذن حضرتك بتوضيح شوية للسؤال يمكن أقدر أجاوب

[النوبي]

يعني احنا حدودنا نقدر نحميها كويس مش لازم جدار واحنا لو كثفنا قواتنا عليالاقل هنعرف نسيطر علي الانفاق

[تامر.محمد]

انا مش مع اعتذارك بصراحة
رغم اني مش موافقك في الرأي في الموضوع الاصلي
لكني متفهم اللي دفعك لأخد وجهة النظر دي

و صدقني , كتير مننا من جواهم حاسين بنفس الخزي

[speed4speed]

احترم مشاعك و احترامك و اعتذارك
احنا كلنا كعرب من المحيط الى الخليج ليس لدينا عدو غير اسرائيل
او بالاخص اسرائيل و امريكا وجهان لعملة واحده و انجلترا وراء الكواليس

[Col. Eng. Khaled]

يعني احنا حدودنا نقدر نحميها كويس مش لازم جدار واحنا لو كثفنا قواتنا على الاقل هنعرف نسيطر علي الانفاق

مع الأسف الأليم و بدون الدخول في تفاصيل (ما ينفعش) ، كل إللي أقدر أقوله هو لوجود إلتزام

بنسبة لكل نوع من القوات في كل من المناطق الثلاث (أ ، ب ، ج) لكل منطقة حسب ما هو متفق

عليه .

[النوبي]

مع الأسف الأليم و بدون الدخول في تفاصيل (ما ينفعش) ، كل إللي أقدر أقوله هو لوجود إلتزام

بنسبة لكل نوع من القوات في كل من المناطق الثلاث (أ ، ب ، ج) لكل منطقة حسب ما هو متفق

عليه .

انا عند النقطه دي ومقدرش اتكلم لان دي سياسه وحدود محتاجه علي الاقل واحد مطلع علي القوانين الدوليه

[sh21s]

انا عند النقطه دي ومقدرش اتكلم لان دي سياسه وحدود محتاجه علي الاقل واحد مطلع علي القوانين الدوليه

توزيع القوات المصرية في سيناء يخضع لاتفاقية كامب ديفيد الموقعة في 17 سبتمبر 1978، و توزيع القوات موجود في ملحق الاتفاقية و ليس النص نفسه.
يمكن الاطلاع على النص و الملحق عن طريق هذا الرابط:
نصوص اتفاقية السلام بين مصر واسرائيل إتفاقيه كامب ديفيد

[I.S.L.A.M]

توزيع القوات المصرية في سيناء يخضع لاتفاقية كامب ديفيد الموقعة في 17 سبتمبر 1978، و توزيع القوات موجود في ملحق الاتفاقية

بس احب اطمن حضرتك ان الان يوجد كثير من الاسلحة الحديثة المتطورة فى الجيش الى جعلت الاسلحة المتفق عليها فى الاتفاقية ليس لها اى تاثير فى منعها كقوى فعلية وان عملية السيطرة كاملة بنسبة الف % على كل الاراضى المصرية ولن اقول ان ذلك من تقارير مصرية حتى لا يقول احد (دا كلام حكومة) ولكن اقراء تقارير وزارة الدفاع الاسرائليلة والامريكية على مستوى الجيش المصرى واطلع على انواع الالسحة المستخدة الان وعلى قدرتها الدفاعية وعلى مداها الهجومى الذى يمكن ان يضر ب اى دولة من دول المنطقة فى العمق واسال اى خبير فى الشئون العسكرية .