الفلوس الورق

[mahfouz1983]

مش ملاحظين يا جماعه مدي رداءة الجنيهات والورق يعني دا معناه انهم معدوش بيطبعو جنيه ورق تاني وبعدين لاحظت ان الخمس جنيه الورق مدمرة يعني مش بيطبعو فلوس ورق خالص ربنا يستر

[m7nsh]

انا سمعت من فتره قريبه انهم فعلا مش هيطبعو جنيهات ورق تانى
بس الخمسات معنديش فكره
و كان التعليل ان الجنيهات الفضه متوسط عمرها 15 سنه و الورق مبيكملش 6شهور
انا شايف ان الخطوه الجايه المفروض تبقى " تنضيف " ماده الفلوس الورق ,, لو حد مسك دولار اكيد هيلاحظ فرق الخامه

[Rembrandt]

طبع النقود وضخها فى السوق عملية معقدة شوية مش سهلة كل دولة بتطبع أوراقها النقدية بعدد يتناسب مع انتاجها المحلى بمعنى ان كل حاحة بتصنعها بتحدد قيمتة وبتطبع قصادة ورقة نقدية
لذلك الدول الصناعية الكبرى بتطبع أوراق نقدية أكثر لان أنتاجها المحلى أكثر وعوامل تانية برضو منها أحتياطى البلد من الذهب والعملة الصعبة والفائض من عائدات التصدير
وأى زيادة أو نقصان فى طبع الفلوس وضخها فى السوق بيتسبب فى ركود وانهيار أقتصادى
وبلنسبة للفلوس القديمة من حين لاخر بيتلمو من الاسواق والبنوك وبيتم أعدامهم فى محرقة البنك المركزى وأستبدالهم

[ahmed_h_g]

مش مهم فضه أو ورق
المهم تيجى .

[النوبي]

مش مهم فضه أو ورق
المهم تيجى .

اي والله المهم تيجي هههههههههههههههه

[أبو إياد]

يا جماعه فى نوعيه كده من الحلات النادره مش بتوصل للمستهلك والنوعيه دى تعاملها مع المصانج والجمله وماشبه مجرد رمز فقط لاغير ياعنى المواطن والمستهلك العادى بيستعمل افضل حاجه موجوده تخيلوا بقا لما يجى عليها الزمن وباردو فى ناس بتستعملها

[Mohamed.Ramah]

حيعملوا 5 جنية معدن حتبقى اكبر شوية من الجنية انا مش عارف اية الغباء دة عايشين فى عصر الجاهلية ولا اية بكرة ينزلوا قرار ممنوع استيراد السيارات حصنة فقط

انتهت مصلحة سك العملة من البروفات النهائية لعملة فضية جديدة بقيمة 5 جنيهات.. تم إجراء ثلاث بروفات برسومات مختلفة مثل أبوالهول والكاتب المصري واستقر الأمر علي اختيار رأس نفرتيتي علي ظهر العملة وبلونين مختلفين مثل الجنيه الجديد.

[Everlasting]

حيعملوا 5 جنية معدن حتبقى اكبر شوية من الجنية

المفروض حجم العملة يبقى واحد سواء كانت ورقية أو معدنية، مع تغيير شكلها فقط زي ما بيحصل في الدولار، الدرهم، اليورو وغيرهم.

[Ahmed Nouh]

طيب ايه رأيك ان فى اشاعه ماشيه من فتره كبيره ان اول عمله ورقيه هتبقى ال 20 جنيه وان كل ما تحتها هيبقى فضيات

اول ما سمعتها مكنتش مصدق واهو ال جنيه ظهر والخمسه فى الطريق ومش فاضل غير العشره

طبع النقود وضخها فى السوق عملية معقدة شوية مش سهلة كل دولة بتطبع أوراقها النقدية بعدد يتناسب مع انتاجها المحلى بمعنى ان كل حاحة بتصنعها بتحدد قيمتة وبتطبع قصادة ورقة نقدية
لذلك الدول الصناعية الكبرى بتطبع أوراق نقدية أكثر لان أنتاجها المحلى أكثر وعوامل تانية برضو منها أحتياطى البلد من الذهب والعملة الصعبة والفائض من عائدات التصدير
وأى زيادة أو نقصان فى طبع الفلوس وضخها فى السوق بيتسبب فى ركود وانهيار أقتصادى
وبلنسبة للفلوس القديمة من حين لاخر بيتلمو من الاسواق والبنوك وبيتم أعدامهم فى محرقة البنك المركزى وأستبدالهم

حمد الله على سلامتك , نورت من تانى المنتدى

[Terrible_DaRsH]

اتفو على اللى عمل الفلوس المعدن دى ..

لازم كل يوم يضيع 3 او 4 جنيه من التخلف اللى احنا فيه .

و انا بعلق البنطلون يقع منه كام جنيه فضه يضيعوا مالاقيهمش :) جربت احطهم فى المحفظة بقوا يدخلوا ميخرجوش :(

اكون فى سوبر ماركت اديله 20 جنيه يديلى الباقى كله جنيهات معدن :( كنت فى الاول بتخانق لكن دلوقتى لما باخد الباقى بستعوض ربنا فيه خلاص ..

[Rembrandt]

حمد الله على سلامتك , نورت من تانى المنتدى

الله يسلمك يا أحمد بك

[nabaster]

ولسا ياما هنشوف

وعقبال الـ 10 جنيه

طبع النقود وضخها فى السوق عملية معقدة شوية مش سهلة كل دولة بتطبع أوراقها النقدية بعدد يتناسب مع انتاجها المحلى بمعنى ان كل حاحة بتصنعها بتحدد قيمتة وبتطبع قصادة ورقة نقدية
لذلك الدول الصناعية الكبرى بتطبع أوراق نقدية أكثر لان أنتاجها المحلى أكثر وعوامل تانية برضو منها أحتياطى البلد من الذهب والعملة الصعبة والفائض من عائدات التصدير
وأى زيادة أو نقصان فى طبع الفلوس وضخها فى السوق بيتسبب فى ركود وانهيار أقتصادى
وبلنسبة للفلوس القديمة من حين لاخر بيتلمو من الاسواق والبنوك وبيتم أعدامهم فى محرقة البنك المركزى وأستبدالهم

كفاره يا رايس :)

A.Yakout

[Rembrandt]

[COLOR="DarkRed"]
كفاره يا رايس :)

A.Yakout

حبيبى نابستر ربنا يخليك ومتشكر على السؤال