مساعدة من الاخوات فى المنتدى

[W77]

مساعدة من لامهات تحديدا
انا ابنى عمره شهر و المنطقة السفلية عنده ملتهبة وواخدة شكل البامبرز وبعد الذهاب الى الطبيب نصحنا بعدم استخدام البامبرز واستخدام بعض المراهم وتم الشفاء و الحمد لله
لكن للاسف بمجرد ارتداء البامبرز تعود الالتهايات مرة اخرة خلال يومين على الرغم من تغير البامبرز كل ساعتين تقريبا
الرجاء من صادفها نفس المشكلة ترسل الحل . وشكرا

[M.Mosaad]

مش لازم امهات المنتدي ممكن برضة أباء المنتدي

في كريم كويس اسمه دكتاكورت دة مزيل للالتهابات ( علاج يعني )

و تجيبي كريم سانوسان ( Sanosan) او ( زنك اوليف ) للترطيب و الوقايه و تحطي منه كتير في الاماكن اللي البامبرز بيلمسها يعني و تنشفي كويس مكان التغيير يعني ماتسيبش اي مياه موجودة تجففي كويس

و يستحسن تغيري نوع البامبرز و تجيبي بيبي جوي دة محترم اوي بس لما تلاقيه هاتي منه كمية لاني مكنتش بلاقيه بسهوله

[نور القمر]

مشكلة بتتكرر في الكثير من الاطفال
بعد علاجه من الالتهاب بالمراهم اللي حددها الدكتور ادهن جلده بفازلين طبي قبل كل بامبرز
غير نوع الحفاظة ولو ان بفضل البامبرز عشان خفيف على الطفل وامتصاصه ممتاز لكن اذا كنت بتستخدمه هو غيره للانواع الاخرى المشهورة جايز يكون عنده حساسية منه

في 3 أنواع من الكريمات كان الدكتور واصفهم لبنت اختي كانوا مجديين معاها جدا في نفس المشكلة
بيتاديرم و ديرماتين وفاركوسين كله كريم
وكانت بتستخدم على جلد جاف كخلطة واحدة وعالجها من مشكلة التهابات البامبرز نهائيا