خدمة مهمة من الدمايطة

[mahmoudysf]

بسم الله الرحمن الرحيم
من المعروف ان دمياط مشهورة بالاثاث وكتير منا بيروحو دمياط عشان يشترو العفش
وفيه مننا عندو الخبره وفيه مفيش ودمياط زى اى مكان فيه الصدق عند التجار وفيه الغش
حتى الواحد لو خد معاه نجار احيانا بيبيعو للتجار
واللي بيروح لوحدة ما بيخلصش من السماسره
عشان كدة يا ريت الاخوة الاعضاء من دمياط وخصوصا اللي ليهم خبره فى الاثاث يفيدونا
ازاى نشترى من دمياط وايه افضل الاماكن اللي نشتري منها وازاى اعرف ان العفش سليم ولا لا
وشكر ليكم

[mahmoudysf]

ايه يا جماعه مفيش حد من الدمايطة يقدر يفدنا

[samehafez]

بص يا صديقي عشان متكررشي غلطتي ... لو عاوز اثاث مودرن انسي دمياط ...مش هتلاقي و لو لقيت هتلاقي اسعارة غاليه , لكن لو عاوز حاجات كلاسيك و اويمة و شغل كتير هتلاقي ووباسعار معقولة
للاسف انا مش فاكر محلات في دمياط لاني اتصدمت اول ما رحت عشان كنت بدور علي حاجات مودرن

[إبراهيم.صادق]

فيه قرية في القليوبية اسمها طنان بيقولوا انها مشهورة بالأثاث برضه، بس بصراحة اسمع عنها انما ماروحتش وماعرفش تفاصيل عنها