سؤال فى الموبايل !

[Shocky]

بسم الله الرحمن الرحيم

السلام عليكم ورحمة الله وبركاتة

سؤالى عبارة عن مفاضلة بين جهازين , Nokia N95 8gb , Apple I-Phone

انا كان معايا N95 ,
لكن طبعا فى فروق كتير لصالح N958gb بالنسبة للعادى
الشاشة اكبر , الكاميرا رغم انها 5ميجا فى الاتنين , إلا ان وضوح الصورة افضل فى الجديد
دة بالإضافة لل 8 جيجا ذاكرة داخلية للجهاز (دى المعلومات اللى اعرفها عن N95 8gb)

بالنسبة للـ Apple I-Phone
انا شفت لة فيديوهات كتير جدا على اليوتيوب
اداءة رائع بالنسبة لتصفح الجهاز , تتش سكرين (ميزة مش موجودة فى N95 8gb) , الكاميرا اضعف بكتير من N95 (لإنها 2 ميجا فقط) , سمك الجهاز افضل بكتير من النوكيا (رفيع) , يعيبة عدم وجود ازرار وكلة تتش فقط لأى استخدام

دى المعلومات اللى انا اعرفها عن الجهازين ومازلت محتار بينهم , لإن الاتنين فى نفس السعر تقريبا
وبإختصار اكتر دى الحاجات اللى عاجبانى فى كل جهاز و محيرانى
Apple I-phone : التصفح و تكبير و تصغير الصور و الscroll بيكون عن طريق اللمس
Nokia N95 8gb : التعود بالنسبة لى على ال symbian , بالإضافة للكاميرا

ياريت لو حد فيكم جرب الجهازين يقول , او حتى جرب واحد فيهم , يقولنا تجربتة
واشكركم جداً

صور الجهازين

[meza]

إسمع كلامى
النوكيا نوكيا

أجهزة نوكيا من أكتر الأجهزة المعمرة ....... و بتتحمل الخبطات بطرية عجيب .... ده غير الكفائة

صحيح أبل مغرى عشان شكله ...... بس N95 يتفوق عليه بمراحل ;)

كمان فى عيب فى أبل إنت مش واخد بالك منه
الجهاز مفهوش 3G زى نوكيا
فمش هتقدر تستفاد بمميزات الخدمة دى

[tutankhamoun]

بالنسبة للمقارنة دي
نوكيييييييييييييييييييييييييييييييا بدون كلام
جهاز أبل لو كان أرخص من كدا شوية كان يبقى ممتاز
يبقى توكيل على الله و هات النوكيا

[GoldenManEye]

بص يا سيدى انا معايا الـ N95 وبما إن كان معاك الـ N95 قبل كده يبقى أكيد عارف مميزات الجهاز الكتيرة اللى مش موجودة فى أى فون.

أهم حاجة فى أى فون هى التتش إسكرين بس دى ليها عيوبها عندنا عشان الجو بتاعنا فى الصيف عرق و تراب و وجع قلب!

علشان كده ميكروسوفت عاملة مسابقة عالمية لتطوير الشاشات اللى بتشتغل باللمس لتحسين أدائها وإعتماديتها!

فنصيحة خليك مع نوكيا دلوقتى. ;)

[noble911]

اي فون لا يرقي لمستوي N95
او عايز تقارن قارن مع سوني ايريكسون P1i

http://www.gsmarena.com/sony_ericsson_p1-1982.php

الجديد سعره في السعودية 2000 ريال
و في مصر عند الشتاوي حوالي 3500 مصري
الجهاز منافس قوي ل N95 و الاختيار ليك في الاخر

[OsKaR]

N95 without thinking

[Karim_Monir]

شوف يا شوكي
انا معايا 95 العادي بقالة اكتر من 8 شهور
جهاز عادي جدا
ما تستغربش
جهاز امكانياتة اكتر من البروسيسور بتاعة وبطارية فاشلة على التمن الاجمالي
95 8 جيجا الشاشة كبرت قليللا مش فرق جامد اللون الاسود عامل شغل وزودوا امبير البطارية شوية
لكن في نظري اهم عيوبة ان الميموري بلت ان
يعني يوم ما يحصل اي كوربت في الميموري بخ انسى الجهاز وطبعا من غير ضمان
ابل حلو وناس كتير بتقول علية حلو مسكتة في ايدي حسيت انى ماسك اي بوود مش تليفون
الكاميرا 2 ميجا حلوة مش وحشة ورتعتمد على سطوع للالوان يعوض فرق الريزلوشن
وعلى فكرة الكاميرا في نوكيا احد اهم اسبابا كثرة تهنيجةويعمل ريستارت لوحدة بسببها
ابل حلو لو عايز حاجة تقضي وقت فرجة على فيدوي وتسمع ام بي ثري عشان شاشة 3 بوصة ونص
بس عدم وجود زراير معناه انك لازم تستعمل ايديك الاتنين دوما
انا كنتمحتار زيك بس فكرت في الشركات الاكثر احتراما بقى

http://www.htc.com/product/03-products.htm

يا ريت تتدخل تتفرج على منتجاتها والكونفجريشن الرهيبة وكمان كل اجهزتها في ويندوز موبايل
وارية واكسيوم بدأو ينزلوها
وعلى فكر هيا اكبر شركة بتصنع البوكيت بي سي في العالم وهيا الماني
وهيا اللي كانت بتصنع البوردة والبروسيسور ل معظم اجهزة الاي ميت وPDA
اخر حاجة احب اقولك سيبك من اللي يقولك نوكيا بياع نوكيا رري سيل فاليو عالية
كلة هجص ومش عايز اقولك كنت جايب جهاز بكام ولو اتباع حاليا يتباع بيكام عشان ما تتخضش
حط في دماغك انك تستمع بجهازك بكل قرش فيه لحد الاخر من غير بيع
ربنا يوفقك

[Karim_Monir]

إسمع كلامى
النوكيا نوكيا

أجهزة نوكيا من أكتر الأجهزة المعمرة ....... و بتتحمل الخبطات بطرية عجيب .... ده غير الكفائة

صحيح أبل مغرى عشان شكله ...... بس N95 يتفوق عليه بمراحل ;)

كمان فى عيب فى أبل إنت مش واخد بالك منه
الجهاز مفهوش 3G زى نوكيا
فمش هتقدر تستفاد بمميزات الخدمة دى

ها ها
اعجب كلمة سمعتها على اجهزة نوكيا انها بتستحمل

[BASHAR]

بالنسبة للمقارنة دي
نوكيييييييييييييييييييييييييييييييا بدون كلام
جهاز أبل لو كان أرخص من كدا شوية كان يبقى ممتاز
يبقى توكيل على الله و هات النوكيا

+100

[Hisham_ElFeky]

http://www.apple.com/iphone/specs.html

فيه مشكلة في البولوتوث بتاعه مع اجهزة الموبايل الاخري

[Shocky]

انا مش عارف اقولكم إية والله
اشكركم جدا جدا
والله انا ما توقعتش الاهتمام دة

بشكر حضراتكم جدا على الردود
GoldenManEye
noble911
OsKaR
BASHAR
etch007

وبإذن الله هراجع نصايحكم تانى , واشوف الأفضل , واللى فية الخير يقدمة ربنا
شكراً لحضراتكم مرة تانية
وشكر خاص للأستاذ karim_monir على الرد الوافى , وإن شاء الله هشوف ال HTC , انا شفتة كذا مرة لكن الموقع فى خصائص كتير انا معرفهاش

والسلام عليكم

[meza]

إسمع كلامى
النوكيا نوكيا

أجهزة نوكيا من أكتر الأجهزة المعمرة ....... و بتتحمل الخبطات بطرية عجيب .... ده غير الكفائة

صحيح أبل مغرى عشان شكله ...... بس N95 يتفوق عليه بمراحل ;)

كمان فى عيب فى أبل إنت مش واخد بالك منه
الجهاز مفهوش 3G زى نوكيا
فمش هتقدر تستفاد بمميزات الخدمة دى

ها ها
اعجب كلمة سمعتها على اجهزة نوكيا انها بتستحمل

:D :D :D
هوا حسب تجربتى ... كل أجهزة النوكيا اللى جبتها ... كنت بعمل فيها بلاوى..... و عمرها ما حصل فيها حاجة
ده بالعكس أنا رأيى إن أجهزة ال Touch screen بتبوظ بسرعة ..... و ده عن تجربة لل i-mate
لكن مش عارف ال i-phone إيه نظامه ؟؟؟ بس عيبه الأساسى إن مفهوش 3G

[eng_mkhalaf]

أحسن حاجة عليك وعلى 688 أو البنانة وتشترى دماغك :D :D :D :D

[hesham_tawfiq]

انا اوافق الاستاذ كريم منير فى كل كلامه الاتش تى سى هايل جدا وشكله فى منتهى الاناقه و موديلاته متعدده جدا .
هو هينزل فى فروع رايه كمان اسبوع انشاء الله

[medo_2060]

ازيك يا shocky بما انك عايز تغير نوكيا اولا ما انصحكش ب اي فون لانه ببساطه لا يدعم الجيل الثالث وحرام تدفع فيه مبلغ وهو مش فيه الميزه دي وفي نفس الوقت لو انت غاوي اغاني وترفيه انصحك بيه! لانه نازل معاه ipodفي التلفون نفسه ولو شيلت ثمن الipodمن سعر التليفون هتلاقي ان سعره قليل جدا ولسه معا امكانيات
وفي النهايه الجهاز الوحيد اللي يقدر يبافس n95 وكمان في رايي احسن منه هو(sony ericsson k850)
وعلى فكره امكانياته خطيره جدا والكاميرا بتاعته 5 mega pixel
ودي صور له
[img]


وفي النهايه اتمنى اكون ما طولتش عليك واكون افادتك ان شاء الله