سؤال الى الاخوه المتزوجون

[شريف]

سؤال فارض نفسة علية اليومين دول

هل شريكة حياتك من نفس مجال دراستك و لو الاجابة بنعم فاية كان تاثير التشابة دة عليكم بالايجاب او السلب و اذا الاجابة بلا نفس السؤال؟

اخوكم

مهندس/شريف سمير

[د.محمد الشيخ]

نعم فى نفس المجال
تاثيره نقدر نقول ايجابى لانك لما بتتكلم معاها عن شغلك سواء سلبياته اوايجابياته او لما تكون مخنوق من حاجة فى شغلك مثلا بتقدر تفهمك بسرعة .

[lido_pink2000]

مش شرط المهم تكون فى نفس عمق تفكيرك يعنى ماتكنش انت مفكر و هى سطحية لان لو هى فى نفس مستوى تفكيرك حتحتوى اى موضوع انت بتتكلم فية و دة عن تجربة

[Hany A Fattah]

بص انا عايز اوضحلك حاجه فيه حاجه اسمها النصيب يعنى ربنا كاتبلك اللى هاتكون من نصيبك من يوم ما تتولد
اما من ناحيه نفس المجال ولالأ احب اقولك انه مش هايفرق كتيير وبعدين مع اول سنه جواز هاتلاقى العلاقه بينكم بقت زى بعض يعنى هاتتضربو فى خلاط واحد بمعنى اوضح هاتبقوا شبه بعض فى تصرفاتكم
وربنا يوفقك

[moatazbunny]

سؤال في الجووون بجد يا شريف باشا // وأنا متابع بإهتمام

[samehafez]

لا طبعا .... و كدة احسن بكتير , منعا للخلافات اللي ملهاش لازمة
.....لان الراجل مش مستعد ان مراته تعدل عليه في معلومات في حاجة تعتبر تخصصه و اكل عيشه
الكلام ده بعد عشرة 29 سنة مع والدي ووالدتي ...تخصصاتهم قريبة من بعضها ... علي اساس ان ميكانيكا قوي هم احسن ناس تفهم في الميكانيكا و هم برضة عباقرة في الكهرباء و ان بتوع كهرباء اتصالات اخرهم مفك تست و مكواة لحام ( دا بابا اللي بيقول )

[maged]

كلمة النصيب فى الزواج معناها ان الله سبحانه وتعالى يعلم مسبقا من يوم ولادتك بكل شىء ويعلم انك ستتزوج فلانه لكن هذا ليس معناه ان الله يفرض على الانسان زوجة معينه بل ان الانسان مخير فى هذه الامور لذلك يتحمل نتيجة اختيارة فلا يجب عندما نخطىء فى الاختيار نرجع نقول معلش نصيبك

[Mohamed.Ramah]

انا بقى غير كدة خالص انا عاوز اتجوز علشان اجرب بالمواضيع دة ودة طبعا كمان 5 سنين كدة هههههههههههههههه

[kangaro]

لو زوجتك من نفس تخصصك مش هتعرف تتضحك عليها لما تتأخر بره وتقولها أصل كان في مشكلة في الشغل .. هتفقسك

[Dr Ahmed]

لو زوجتك من نفس تخصصك مش هتعرف تتضحك عليها لما تتأخر بره وتقولها أصل كان في مشكلة في الشغل .. هتفقسك

الحمد لله زوجتى مش طبيبة

[Abo_Lina]

لا أنا تجارة و هي حقوق
و في البيت لا يمكن أتكلم أو أفكر في الشغل .. لازم تفصل

[Ahmed Samy]

زوجتي مش طبية أسنان و مالهاش علاقة بالطب اساسا

بس بقت تفهم في السنان أكتر مني ههههههههه

المهم انها "تكون عايزة تفهمك" و ان انت " تكون عايز توصلها"

[Islam_galal]

{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

من آياته و الآيه هي الإعجاز ، موضوع توافق الزوج و الزوجة (تأمل لفظ "لتسكنوا" من السكينة) لا يمكن تحديده في نقاط مادية و لكن الإنسان مطالب بالسعي و السعي في رأيي نقطتين:
أولا: إتق الله في كل ما يخص المرأة الأجنبية (عفوا تعفكم نسائكم)
ثانيا: الإجتهاد في الدعاء منك و من أبويك بأن يهديك إلي زوجة صالحة تصلح حالك في الدنيا و الآخرة في كل صلاة و في كل حال

هذه النصيحة هي ما وصلت إليه عندما اشتدت بي الحيرة

في النهاية الزوجة الصالحة هبة غالية جدا تغير مسار حياتك إما إلي ... و إما إلي ...

ربنا يهديك إلي زوجة تصلح لك دنياك و آخرتك

[أبو إياد]

بسم الله الرحمن الحيم
الاجابه لا

انا حاسب الى وهى تجاره وقبل زواجى كنت بشتغل فى مجال السيارات وبعد مرور 8 ايام من زواجى فوجئت بخطاب التعيين فى البنك
ومن هنا اعاده ترتيب لحياتنا بشكل مفاجىء لكن مافيش اى نقاش فى مجال العمل نهائى لكن ممكن نتناقش فى اى مسائل تخص السيارات لانها بتفهم كويس جدا فى مجال السيارات وازداد حبها للمجال ده من خلالى

[MTAK]

{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

من آياته و الآيه هي الإعجاز ، موضوع توافق الزوج و الزوجة (تأمل لفظ "لتسكنوا" من السكينة) لا يمكن تحديده في نقاط مادية و لكن الإنسان مطالب بالسعي و السعي في رأيي نقطتين:
أولا: إتق الله في كل ما يخص المرأة الأجنبية (عفوا تعفكم نسائكم)
ثانيا: الإجتهاد في الدعاء منك و من أبويك بأن يهديك إلي زوجة صالحة تصلح حالك في الدنيا و الآخرة في كل صلاة و في كل حال

هذه النصيحة هي ما وصلت إليه عندما اشتدت بي الحيرة

في النهاية الزوجة الصالحة هبة غالية جدا تغير مسار حياتك إما إلي ... و إما إلي ...

ربنا يهديك إلي زوجة تصلح لك دنياك و آخرتك

جزاك الله خيرا
هو ده الكلام
و هى دى الخلاصة