المطبخ هيجننى يانااااااااس

[mado83]

بما ان ده المنتدى الاجتماعى فالزام على كل من يقرا الموضوع انه يدينى رايه فى مطبخى ويقولى ارتبه ازاى لانى لسه بجهز الشقه والمطبخ عندى صغير 1.5×3.5
وللتوضيح اكتر
باب المطبخ فى الحيطه ال3.5 فى اول الحيطه وشباك المطبخ فى نفس الحيطه بس فى اخر المطبخ
ياريت لو فى مهندس ديكور هنا او اى حد عنده خلفيه او اى حاجه عن موضوع التجهيزات ده يفيدنى
لحسن انتو حرين اغير رايى وبلاها جواز ومطابخ
ها

[ehabradwan]

طب ماكده المفروض انك عندك 3.5 فاضيين طالما الباب و الشباك في جهة واحدة صح !

[sab3aawy]

الأمر سهل وبسيط، ال 1.5 متر مش هيسمحولك انك تحط اثاث علىالجانبين، فكدة انت لك جانب واحد فقط تستغله، هتحط البوتاجاز والثلاجة وحوض المطبخ علىالحيطة ال 3.5 اللى لا فيها باب ولا شباك، البوتاجاز 90 سم والتلاجة 70 سم والحوض 90 سم ، يبقى الحسبة 240 ، هتعمل دولايب المطبخ بتاعك فوق وتحت الحوض وتكمل بيها لحد اخر الحيطة سالفة الذكر وبعدين تلف بيها وتاخد ال حيطة ال 1.5 ،يتعمل الدولاب السفلى بارتفاع 90 سم وفوقيه مساحة الرخام اللى ست البيت هتشتغل عليها ، والدولاب العلوى يتعمل بحيث يتعلق ويكون حده السفى على ارتفاع متر ونص من الأرض ، وتسيب الحيطة ال 3.5 اللى فيها الباب والشباك فاضية، او ممكن تعمل فيها دولاب خزين بشرط يتعلق فوق مستوى راسك، يعنى مش أقل من مترين ارتفاع علشان محدش راسه تخبط فيه، واعمل باب المطبخ اوكورديون او جرار

راجع الكروكى المرفق للتوضيح:

[zanativich]

صح يا ابو السباع يا محترم, رسم وشرح وافى , ربنا يديك على اد نيتك
بس انا عندى اقتراح تانى انه يصغر حجم الحاجات شويه يعن البوتاجاز ممكن يكون 60*60 ولو يقدر يكون built in هيوفر المساحة الى تحته كلها
انا عامل عندى كده
و التلاجه تكون صغيره قدر المكان

[NaderNabil]

صح يا ابو السباع يا محترم, رسم وشرح وافى , ربنا يديك على اد نيتك
بس انا عندى اقتراح تانى انه يصغر حجم الحاجات شويه يعن البوتاجاز ممكن يكون 60*60 ولو يقدر يكون built in هيوفر المساحة الى تحته كلها
انا عامل عندى كده
و التلاجه تكون صغيره قدر المكان

+1
أتفق معاك في تصغير حجم الأجهزة...

بس عندي كام سؤال...
حضرتك بتقول ان المساحة تحت المسطح هاتبقى فاضية...طب أحط الفرن فين؟؟؟
تاني حاجة ...هل فيه شركات بتبيع البيلت إن بأسعار معقولة غير فريش؟؟؟ لأني لا أثق في منتجاتهم الصراحة
تالت حاجة... أسعار متر المطابخ تتراوح من كام لكام؟؟؟ لو حاجة محترمة يعني مش أي كلام...و هل فيه شركات أسعارها معقولة؟؟؟(أكيد مش عمرو حلمي مثلاً)

[ahmedsamir79]

بصراحه رسمت سبعاوي 10/10

[Pharaoh]

فى سايت جميل اوى اوى انا رتبت بيه شقتى
www.floorplanner.com
ادخل عليه و ادعيلى
وسبعاوى انا مشفتش زيه بصراحة
قمة الاحترام

[osamaos20022]

+1
أتفق معاك في تصغير حجم الأجهزة...

بس عندي كام سؤال...
حضرتك بتقول ان المساحة تحت المسطح هاتبقى فاضية...طب أحط الفرن فين؟؟؟
تاني حاجة ...هل فيه شركات بتبيع البيلت إن بأسعار معقولة غير فريش؟؟؟ لأني لا أثق في منتجاتهم الصراحة
تالت حاجة... أسعار متر المطابخ تتراوح من كام لكام؟؟؟ لو حاجة محترمة يعني مش أي كلام...و هل فيه شركات أسعارها معقولة؟؟؟(أكيد مش عمرو حلمي مثلاً)

البلتي ان بتاع يونيفرسال ممتاز عن تجربه كنت اول حاجز له في 3/2008 ومن اول المستلمين في 9/2008
اسعار معقوله وخدمه دعم جيده

[mado83]

شكرا ليك ياسبعاوى بجد
بس ليا استفشار صغنطط هيبقى فى مشكله لو حطيت البوتاجاز بعيد عن الشباك والشفاط

[NaderNabil]

البلتي ان بتاع يونيفرسال ممتاز عن تجربه كنت اول حاجز له في 3/2008 ومن اول المستلمين في 9/2008
اسعار معقوله وخدمه دعم جيده

إيه ده ...هو انا لازم أحجز المدة دي كلها ولا إيه؟؟؟؟؟؟؟؟؟
يعني مش أروح المعرض و أقوله عايز واحد يقوم باعتهولي على البيت؟
حتى البوتجازات بقت زي الكيا سيراتو

[sab3aawy]

شكرا ليك ياسبعاوى بجد
بس ليا استفشار صغنطط هيبقى فى مشكله لو حطيت البوتاجاز بعيد عن الشباك والشفاط

العفو يا باشا اى خدمة، بالنسبة لموضوع البوتاجاز مفيش مشكلة اطلاقا انك تحطه بعيد عن الشباك والشفاط، انا عندى حاطه بعيد عن الشفاط ومتجوز بقالى 5 سنوات ومافيش اى مشكلة، بكل الأحوال غطاء البوتاجاز المفتوح على الحائط بيمنع اى ترسبات دهنية او سخونة على الحائط، والشفاط -حتى لو بعيد بيقوم بالواجب فى سحب الادخنة وعدم اتلاف الحوائط، انا عايز اقول لك انى ركبت الشفط حديثا ومكانش عندى شفاط اصلا ومع ذلك مكنتش بعانى من متاعب جمة غير فى اوقات الشواء، ومع وجود الشفاط لم تعد هناك متاعب ، كل اللى عملته انى من حوالى سنة قمت بدهان سقف المطبخ، مع العلم انه لا كان عليه سواد ولا حاجة، لكن طقت فى دماغى انى اغير لونه فقط ، وحتى عملية الدهان كلها لم تستغرق اكثر من ساعة لتركيب اللون والدهان

[mado83]

سبعاوى انته باين عليك جامد
ومن الاخر كده انا مش هسيبك الا لما تعملى شويت حاجات فى الديكورات وفى الحجرات كمان يعنى من الاخر كده هتعملى ديكور وترتيب لشقتى لانى بصراحه اول مره اتجوز

[mado83]

كمل يامعلم لانك انته اللى جبته لنفسك وقولى ارتب الحمام ازاى 1.5×1.5
والباب على جنب مش فى نص الحيطه
وشباك الحمام فى وش الباب
قولى احط الحوض فين والدش والبانيو فين بس اهم حاجه اوعى تنسى الجاكوزى لانى ماتخيلش حياتى من غيره

[zaza_lanos]

الأمر سهل وبسيط، ال 1.5 متر مش هيسمحولك انك تحط اثاث علىالجانبين، فكدة انت لك جانب واحد فقط تستغله، هتحط البوتاجاز والثلاجة وحوض المطبخ علىالحيطة ال 3.5 اللى لا فيها باب ولا شباك، البوتاجاز 90 سم والتلاجة 70 سم والحوض 90 سم ، يبقى الحسبة 240 ، هتعمل دولايب المطبخ بتاعك فوق وتحت الحوض وتكمل بيها لحد اخر الحيطة سالفة الذكر وبعدين تلف بيها وتاخد ال حيطة ال 1.5 ،يتعمل الدولاب السفلى بارتفاع 90 سم وفوقيه مساحة الرخام اللى ست البيت هتشتغل عليها ، والدولاب العلوى يتعمل بحيث يتعلق ويكون حده السفى على ارتفاع متر ونص من الأرض ، وتسيب الحيطة ال 3.5 اللى فيها الباب والشباك فاضية، او ممكن تعمل فيها دولاب خزين بشرط يتعلق فوق مستوى راسك، يعنى مش أقل من مترين ارتفاع علشان محدش راسه تخبط فيه، واعمل باب المطبخ اوكورديون او جرار

راجع الكروكى المرفق للتوضيح:

يا باشا مينفعش الثلاجة جنب البوتجاز
مثلث المطبخ
ثلاجة بوتجاز وحوض
ممكن المطبخ يمشى على حرف L
والاستخدام هيبقى افقى



الله يسامحهم
اللى بيعملوا المبانى ده

[Survival]

هو المطبخ انا عارفه

الحمد لله انا لسه مخلص برضه المطبخ بتاعى قبل ما كان هيخلص عليا
التصميم اللى عمله أستاذنا سبعاوى طبعا جميل لكنى ليا بعض الملحوظات النظرية (لانى مش بستخدم مطابخ لحد دلوقتى)
- وجود التلاجة بجانب البوتجاز وتأثير ده على العمر الافتراضى للثلاجة
- عند فتح باب التلاجة هتبقى الدنيا اتفقلت من الناحيتن و لو حبيت تسيبها كده اعمل حسابك يبقى بابها بيفتح شمال ( المفصلات شمال ).
- وجود البوتجاز فى وش الباب مش مريح للحركة لو فى اكتر من شخص فى المطبخ و اعتقد انه مش أمان فى الحالة دى.
- اهم من كده برضه ايه اللى مقابل لباب المطبخ و هل هو مجروح ولا لاء. لو مجروح يبقى لازم تحط التلاجة فى الاول.
- هل هتستخدم انبوبه (عشان تعمل حسابك لمكانها) ولا متوافر عندك غاز طبيعى.

انا مش عاوز اعقدك من الموضوع بس لازم هتتنازل عن حاجات فى سبيل حاجات تانية و الاختيار فى الاول و الاخر ليك انت
ان شاء الله يبقى مطبخ جميل و هحاول اعملك فكرة و ابعتهالك