بدون تسخين او تجاوز

[w-m-a]

حد سمع او شاف قلة ادب وسفالة طارق دياب بعد الماتش على (القزيرة )ردا على تهنئة نادر السيد للامة العربية بفوز مصر على نيجريا
البيه بقول ان 90% من العرب ما بيفرحوش لفوز مصر وهنى نفسك والمصريين
وان العروبة المصرية ادفنت مع عبد الناصر ؟
بدون تسخين او تجاوز الرد اية ؟؟؟؟

[yahiahelaly]

حسبي الله ونعم الوكيل

[dolly13]

القى نظرة كدة على الصور اللى فى موضوع انا مصرى انت مين والصور هاتبقى ابلغ تعليق على الاخ الهمام اللى مابيفرحش لمصر
وبعدين ماله حق يقول كدة لان الناس دى على قد ماربنا اداها فلوس مادهاش الذكاء والفهلوة والدم الخفيف والاهم التاريخ اللى بياثر فى اى مواطن مصرى
بصراحة احنا اتحشرنا مع العرب غلط والله يسامح اللى كان السبب

[Rembrandt]

طبعا الكلام دة قلة أدب وتجاوز وميصحش مذيع يقولة فى قناة فضائية
بس للاسف دى الحقيقة معظم الدول العربية تنظر للمصرى الان بأزدراء وانة خائن وعميل للصهاينة
طبعا الكلام دة مش من يوم وليلة دة نتيجة تراكمات من أكثر من 40 سنة تم خلالها معاهادات ومقابلات وأتفاقيات سرية ومعلنة من شئنها أضعاف وأذلال الشعوب العربية من أول كامب ديفيد لغاية بناء سور غزة العظيم
واما كلامة عن ان العروبة اندفنت مع عبد الناصر فهو معاة حق رغم بعض أخطاء عبد الناصر الا انة حاول لم شمل الامة اما غيرة فقد تقاعس وتخاذل وتأمر
وللاسف احنا كشعب مصرى مسكيين لا حول لة ولا قوة بنتاخد بذنب حكامنا

[bmya]

ده امته الكلام ده انا بصراحه اصلا شوفت الماتش وقومت مشوفتش التعليق على الماتش لان المذيع ده شكله اصلا سمتفزززززززززز خصوصا بالبدله اللي كان لابسها دي كان شبه الكريم كراميل المحروق

[kangaro]

الصراحة أنا عاتب على نادر السيد (رغم إني باحترمه فعلا) لأنه المفروض كان كلو ألمين فوّقه

[Ahmed Selim]

للأسف نادر السيد من اللعيبة الهادية المحترمة.......ده كان عاوز حد من الناس دى بدل نادر

1- حسام حسن
2- أبراهيم حسن
3- طاهر أبو زيد
4- أحمد شوبير

كانو هيعلموه يمسك لسان ....* كويس بعد كده.

و للأسف هنفضل كده طالما مش بناخد أى موقف أيجابى

و بعدين بروح ........ العرب تعدادهم فى 2007 كان 338 مليون منهم 80 مليون مصرى يعنى المصريين تقريباً 25% من العرب.......مش 10% بس

[mostafabakry]

يا الف خسارة
وصلنا لليوم اللي ييجي واحد زي دا و يقول ان مصر مكروهه من 90% من العرب
بعد ما كان العرب في اي دوله لما يعرفوا ان واحد مصري عندهم يروحوا يجروا عشان يشوفوا المصري دا و يكلموه من كتر حبهم و احترامهم للمصريين اللي كانت سمعتهم بتسمع في كل الدنيا في النضال و الحرية و الثقافة و كل المجالات
بس احنا لازم نبص علي حالنا دلوقتي عامل ازاي

يا جماعة بغض النظر ان احنا مكروهين او محبوبين من العرب احنا حالنا اصبح ازاي حاليا داخل ببلدنا كشعب
بصوا لوضع البلد في فترة الخمسينات و الستينات و بصوله دلوقتي شوف طباع الناس كانت ازاي و شوف الإحترام و الأدب و شوف دلوقتي بقينا ازاي
المصريين اخلاقهم اتغيرت عن الأول بكتير

حاجة اخيرة استفذتني جدا
و انا بتفرج علي الهبل اللي عاملاه قناة مودرن سبورت في برنامج مدحت بيه شلبي و اللي كان بيصور حالة اهالي اللاعب محمد جدو لاعب افتحاد السكندري اثناء ماتش نيجيريا و طبعا محمد جدو صاحب الهدف الثالت و الفرحة الكبيرة و الهيصة اللي حصلت بدون داعي احنا لسه بنقول يا هادي و دا يدوبك اول ماتش ايه لازمة المبالغة دي و كأننا خلاص فوزنا بالبطولة ؟؟؟؟؟؟؟

الحاجة التانية جابوا المنتخب الجزائري في فيديو كليب هما عاملينة و انا حسيت بنوع من السخرية علي هزيمتهم في المباراة الأولي و مشغلين اغنية الشاب خالد بتاعة "عبدالقادر " بصراحة انا اتنرفزت و دمي غلي ليه كدا احنا خلاص موضوع و قفلناه ليه شغل العيال الصغيرة دا الناس دي بتلعب بالنار و مش عاوزة تهدي شوية
يعني مثلا انا لو سعودي او تونسي او موريتاني او صومالي و شفت الكلام دا اكيد مش هحترم لا مصر و لا المصريين
بلاش شماته في حد احنا معرضين اننا نخسر زيهم و علي فكرة من اهم اسباب خسارتنا من الجزائريين في ماتش تصفيات كاس العالم هو نفس الإسلوب القذر دا اعلام اهبل بيلعب بمشاعر الناس وعمالين كل شوية روح 89 روح مش عارف ايه و هنعمل و هنسوي و كلام اهبل خلانا وثقنا في نفسنا اكتر من اللازم و فجر فيهم هما الجزائريين روح الإنتقام و التحدي و لعبوا بشراسة واتغلبنا في الآخر و انضربنا كمان

احنا بنقول اننا اكبر دولة عربية يبقي لازم نبقي باخلاق الكبار و نبقي مسؤولين مش هبالة و قلة ادب و عاوزين الناس تحترمنا و احنا مش محترمين حد و لا حتي نفسنا

و الله العظيم انا قرفان من قلة الأدب دي و لا فيش ظابط و لا رابط اي حد يطلع يتكلم و يعملك فيها مسؤول و هو حمار ابن كلب مش عارف الف من كوز الدرة و تلاقيه خرب الدنيا بكلمتين ولا ليهم لازمة و قعد هو علي تلها

تخلف و جهل مالوش حل

[KSA2011]

يا جدعان مين طارق دياب ده كمان الى هتشغلوا بالكم بيه
انا ما اعرفوش
بس الرك على نادر السيد والى كانوا موجودين فى الحلقه دى
انا فاكر مره محمود معروف كان موجود فى الجزيره و السفير الجزايرى قال كلمه محمود ما سكتلوش و كتم الكل و زعق وعمل هيصه و فى الاخر السفير طلع باس راسه
دول كلاااااااااااب

[A7MED_PHARMA]

ده امته الكلام ده انا بصراحه اصلا شوفت الماتش وقومت مشوفتش التعليق على الماتش لان المذيع ده شكله اصلا سمتفزززززززززز خصوصا بالبدله اللي كان لابسها دي كان شبه الكريم كراميل المحروق

+11111111111111111

كلهم حاقدين على مصر والمصريين
كلهم
.
وبعدين فعلا الغلط على نادر السيد إنه ما إدالوش في جنابه

[Abo_Lina]

دي الحقيقة على فكرة و احنا لسه بنقنع نفسنا بالعروبة و الكلام الفارغ ..
لو فيه عروبة الجزيرة تطرده فورا و لكن كلامه نزل بردا و سلاما طبعا و للأسف كان قدامه شخصيتين ضعيفتين نادر السيد و زكريا مش عارف إيه ..ده لو قدامه شوبير مثلا كان إداه من المنقي خيار

[ahmed_su]

بيناقشوا الموضوع ده على الحياة دلوقتى

[aliabutaleb]

أنا سمعت اللي قاله
فيه جزئية معاه حق فيها
لما نادر قال مبروك لمصر ولكل العرب طلب منه إنه يقول مصر بس
وميتكلمش عن حد غير مصر.
بيتهيألي نادر مكانش المفروض يقول كدة
كان الأولى بنادر إنه يقول له وإنت كمان متتكلمش بالنيابة عن العرب.
ولم يخطئ طارق دياب لما قال إن فيه دول بتتمنى الخسارة لمصر بنفس القدر اللي الناس في مصر فرحت أوي لما الجزائر خسرت أول ماتش
أما في جزئية إن العروبة ماتت مع عبد الناصر فهي وجهة نظره وانا مش شايفه ألزم حد بيها يعني. بالمناسبة انا مقتنع إن مفيش حاجة اسمها عروبة بس من جوايا ممكن أشجع أي فريق عربي بيلاعب فريق آخر بخلاف مصر