أرزل 49 نكتة فى التاريخ (بعد التعديل) الرحمة ياجماعة انا اتقطعت،،،،

[said.d.y]

1. مرة واحد حب طحنو

2. مرة واحد خس حطوه فى السلطة

3. واحد راح السودان بالليل مالقاش حد

4. اتنين بيلعبوا كورة واحد شاط والتانى اتحرق

5. مصوراتى ابنه مات طلع عليه

6. صعيدى نزل محطة الرمل رجله غرزت

7. صعيدى راح لدكتور بلدياته قاله كل ما حط ايدى

على عينى ماشوفش الدكتور خرمله ايده

8. صعيدى غرق مات محروق

9. صعيدى عمل باب زجاج حط فيه عين سحرية

10. صعيدى حب يطور الهليكوبتر شال المروحة

و حط تكييف

11. صعيدى اشترى لابنه الة حاسبة شال منها الزيرو

12. صعيدى عايز نضارة بيسالوه للشمس قالهم لا ليا

13. صعيدى واقف عند الكعبة سمع الادان طلع يدور على جامع

14. صعيدى مسافر يحج بيقول لاصحابه لو شدينا

حيلنا ممكن نرجع قبل العيد

15. واحد خلقه ضاق اداه لاخوه الصغير

16. واحد عداه العيب خد اللى بعده

17. غلس بيعاكس واحدة قالتله حل عنى قالها

فين الاسئلة

18. غلس عينوه فى المطافى غير النمرة

19. مرة واحد دماغه لفت قابلها فى الشارع التاني

20. بيقولو لسكران انت شارب قالهم لا لحية

21. احول بيغمز لبنت دخل فى العامود

22. مرة واحد فك مفترس معرفش يربطه

23. واحد تزوج امرأه بيضه سلقها واكلها

24. مرة واحد راح ماعرفش يرجع

25. صعيدى دخل الجهادية طلع من الجهة التانية

26. واحد سافر المغرب رجع العشاء

27. فرعونى حب واحدة قالها امون فيكى

28. فرعون قعد على قهوة طلب واحد امون

29. احسن خمس حاجات فى الدنيا تلاتة الشاى

والقهوة

30. واحد بياكل لبانة حلف ماينام الا ماتخلص

31. حكم كورة قعد على قهوة طلب واحد صفر

32. الانسان زى البنى ادم لما بيموت بيتوفى

33. واحد بيسال واحد فين محطة العتبة قاله شفنى هنزل فين وانزل اللى قبلها

34. واحد كل يوم يقوم من النوم مستغرب يوم قام مش مستغرب فاستغرب

35. سكران وقع على باب العمارة البواب بيقوله جات سليمة قاله خليها تطلع

36. واحد بيحب يعتمد على نفسه اتجوز واحده زيه خلفوا واد قال للدكتور وسع ايدك انا هاطلع لوحدى

37. واحد غلس عرف رقم موبايل عفريت كل يوم يبعتله مسج فيه اعوذ بالله من الشيطان الرجيم

38. غبى بيقول لواحده اسمك ايه قالتله اسماء قالها يعنى مفيش اسم محدد

39. كسلان بيسالوه لما تصحى من النوم تعمل ايه قال اخد قسط من الراحة

40. واحد كسلان حب يدهن جدار بيته دهن نصه و حط 3 نقطو كتب الى اخره

41. اتنين سكرانين راحو ميتم فالاول بيقول للتانى عزيت قاله لا عالسمنة

42. قصة فيلم:اتنين هنود لقو بنت صغيرة اخدوها وربوها ولما كبرت طلعت امهم

43. واحد ماشى ورا واحدة بيعاكسها بيقولها الجميل وراه مشوار قالتله لا الجميل وراه حمار

44. سكران سايق عربية ابوه بيقوله لف يمين قاله لف انت انا سايق

45. ندل: جورج قرداحى اتصل بيه قاله صاحبك عايز يوصل للمليون قاله قله نايم

46. اتنين مساجين اتفقو يكسروا باب السجن ويقتلو الحارس ويهربوا كسروا الباب مالقوش الحارس قعدوا يستنوه

47. رزل بيقول للبقال عندك سكر قاله اه قاله ربنا يشفيك

48. رزل دبانة مزهقاه قطع لها جنحاتها وقالها خديها كعابى

49. واحد بيقول لسواق التاكس حسابك كام قاله20 اداله 10 قاله بقول 20 قاله انت مش راكب معايا

و اللى عندو نكت ارزل يبقى يورينا

[sek]

هههههههههههههههه

ههههههههههههههههههههههههههه

ايوه كده ارحمنا بس حلوين وغلسين مووووووووووووووووووت

[wesam_salom]

لا وحشين

الموضوع التانى كان احسن

غلاسه بقى

[romeo_6887]

يا رتني ما قريتهم
الموضوع الاولاني عينهم باظت
و التاني برضه باظت ههههههههه

[ams]

ايوه كده
ادينى فرصة اصحح
احم : الصبر مفتاح 14 ^_^

[Eng_Mostafa_89]

ايوه كده
ادينى فرصة اصحح
احم : الصبر مفتاح 14 ^_^

هههههههههههههه
تلاقيك مش هتغلط ابدا فى الجملة دى

[Abdo_Eldesokey]

ايوه كده
ادينى فرصة اصحح
احم : الصبر مفتاح 14 ^_^

ههههههههههههههههههه

جواب نهائي ؟؟

[fox4]

يا رتني ما قريتهم

[I.S.L.A.M]

ههههههههههههههه
فاكر رخامة تفى النور

[sa3dawy]

واللة حلوين !!

[ams]

هههههههههههههه
تلاقيك مش هتغلط ابدا فى الجملة دى

هههههههههههههههههههههه
أكيييييييييييييييد

ههههههههههههههههههه

جواب نهائي ؟؟

ايون
ده سؤال صح
بسم الله
الاجابة
تونس ^_^