Icdl

[lancerevolution]

صباح الخير على أعضاء المنتدى الجامد دا
فى حاجة دايما مضايقانى و بحس بغباء كل لما أفتكرها و ببقى عايز أطلع من هدومى وهى
ال icdl أيوة هى دى
بتضايقنى ليه
لأنى أنا دلوقتى طالب فى قسم حاسبات و هتخرج مهندس حاسبات بإذن الله يعنى الكمبيوتر حياتى ببرامجه بكل حاجة فيه و يجى يقولى لازم تاخد دورة الicdl و بتتطلب كتير يا سلام يعنى انا ما بعرفش كمبيوتر غير لما أخد البتاعة دى طيب حتى لو ما بعرفش ورد و الكلام دا خمس دقايق و هبقى تمام فيه هتقولى أكسس عشان تعمل بيه قواعد بيانات يا جدع دا القسم بيدرس الsql و كل متعلقاته
طيب الباوربوينت خمس دقايق و هظبط الى انا عايزه
و بعدين انا واحد خدت فكره عن الليونكس و هشتغل عليه و كل شغلى هيبقى عليه و مش ناوى أستعمل الويندوز يبقى دى لزمتها إيه
يا جدعان الدورة دى لزمتها إيه لواحد بتاع برمجة و شبكات و قواعد بيانات واحد بيلعب بالكمبيوتر و برامجه"مش أنا بس فى ناس كدا"
يبقى ليه مهندس الحاسبات عايز ال icdl
حد يقولى عشان انا خلاص بفرقع

[النوبي]

بجد حاجه تقرف انا لما شفت الامتحانات بتاعتها استهيفت اروح والله
رغم اني كنت ناوي اخدها علشان انا فاضي مش علشان شغل

[أبو إياد]

دلوقتى باقت شيىء اساسى لمتطلبات العمل فى مجال الحاسب الالى عموما وهى حاجه فعلا تافه جدا و90% منها بتكون عارفها لانها معتمده على السوفت والامتحان تقريبا بـ 50 $ او يمكن اقل

[hazemhassan]

انا مش عارف اخدها ولا مش ضرورية لانى فى البكارليوس تجارة السنادى
هل هتفدنى مع انى بحضر كرسات تانية فى مجال المحاسبة

[ahmedyehia515]

الicdl ضرورية عشان ده معناها انك فعلاً عارف الحاجات ده و المفروض اى واحد ناوى يشتغل تكون معاه عشان الشركة بتكون مطمنة اكتر انك بتعرف تشتغل على الكومبيوتر بطريقة مفيدة غير الالعاب يعنى

و يا جماعة ال icdl ,toefl, elpet, gre,gmat

كلها حاجات تجارية و ملهاش علاقة بإجادتك للموضوع. يعنى مثلاً إزاى الtoefl بيختبرك فى الإنجليزى من غير ما تقول كلمة ولا يعرف انت بتعرف تتكلم ولا لأه.

ده كلها تجارة يا شباب بس لازم برده ناخدها عشان بتسهل حاجات كتير لما تروح تقدم بيكون شكل الcv بتاعك أحسن

[أبو إياد]

يعنى مثلاً إزاى الtoefl بيختبرك فى الإنجليزى من غير ما تقول كلمة ولا يعرف انت بتعرف تتكلم ولا لأه.

بالظبط كده ياباشمهندس الله ينور عليك

[mr_sameh]

طيب ياريت تعرفوني موقع عليه امتحانات icdl علشان انزلها علي الجهاز لان عندي الحكومه بتاعتي مطلوب في شغلها الدوره دي وانا بصراحه عمال ازوغ

[shaddadfalcon1]

بصراحه انا مش بعترف بالحاجات دي ولو في شركه مش هتشغلني الا بالحاجات دي تبقي شركه غبيه ومتستهلش اني اشتغل فيها

الشركه المحترمه اللي تعملي انترفيو وتقدر تعرف اذا كنت كويس ولا لأ
مش بشوية شهادات تحفظلك كلمتين وتكع فيها كان الف وتخدها

انا عندي الوقت والمعرفه الكافيه اني اخد certificates كتير قوي بس بصراحه مش راضي ودي مبدئي

وبعدين يعني ايه ال icdl حاجه تثبت اني بعرف كمبيوتر
االكلام دي لو انا جاي من طب مثلا يعني مليش علاقه بالبرمجه
دي حاسبات يعني ام البرمجه ولا الناس دي فاكره انا الشهاده بنجيبوها من عند بتاع الفلافل

[محمد محمد]

الicdl اسمها الرخصة الدولية لقيادة الحاسب الألي ...يعني مثلا لو انت بتسوق كويس اوي وبتاع مينفعش تروح تقدم علي شغل فيه سواقة بدون رخصة قيادة حتي لو فضلت تعمل خمسات وامريكاني ودريفتات قدام مدير الشغل.

[lancerevolution]

الicdl اسمها الرخصة الدولية لقيادة الحاسب الألي ...يعني مثلا لو انت بتسوق كويس اوي وبتاع مينفعش تروح تقدم علي شغل فيه سواقة بدون رخصة قيادة حتي لو فضلت تعمل خمسات وامريكاني ودريفتات قدام مدير الشغل.

واحد معاه شهادة بتقول إنه مهندس حاسبات يعنى من سنتين ل أربع سنين شغله كله حاسب و برمجةو networking و أنظمة أمن معلومات و قواعد بيانات و تنظيم و بناء الحاسبات و COMPUTER GRAPHICS و بعد دا كله يقوله عايزين شهادى ICDL

يعنى أكنك بتقول لميكل شوماخر هات رخصة سواقة عشان نضمك للفريق بتاعنا

[محمد محمد]

واحد معاه شهادة بتقول إنه مهندس حاسبات يعنى من سنتين ل أربع سنين شغله كله حاسب و برمجةو networking و أنظمة أمن معلومات و قواعد بيانات و تنظيم و بناء الحاسبات و computer graphics و بعد دا كله يقوله عايزين شهادى icdl

يعنى أكنك بتقول لميكل شوماخر هات رخصة سواقة عشان نضمك للفريق بتاعنا

انا كان معايا واحد دكتور في الجامعة الألمانية بيدرس رياضة بحتة بقالوا 10 سنوات كان برضه بيشتري اسكيل كارد علشان طالبين منه الشهادة في الشغل.

[shery103]

انا كنت لسه بتناقش فى الموضوع ده مع ناس معانا فى الكلية
انا فى رابعة حاسبات اصلا ، و كنا بنتريق على حوار ال icdl ده
بس احنا عندنا فى الكلية بيخلونا نمتحنها فى رابعة الترم التانى و بناخدها و خلاص ، بس لا زالت الفكرة بالنسبالنا مستفزة وملهاش اى لزمة

[M.Mosaad]

الشهادة دي بتقول انك بتعرف تستخدم الكمبيوتر يعني بتعرف تتعامل معاه يعني مش جاهل كمبيوتر و هي معموله في كل دول العالم لما بتبجي تسافر بتقول انك مش جاهل بالكمبيوتر يعني بتعرف اساسيات الكمبيوتر زي الوورد و الاكسيل ... و مش معني ان في ناس جامدة في النتتورك او البرمجه هتبقي كويسة في الباور بوينت مثلا فهي مفيدة للناس اللي بعمل اعمال كتابيه علي الكمبيوتر
انا ليا واحد زميلي عبقري جرافيكس و بيعمل شغل لشركات كبيرة جدااا و ميعرفشي شكل الرام مثلا ايه و لا حتي فايدة البروسيسور و لايعرف وورد و لا اكسيل فهي فعلا مفيدة متضرش
و مش كل الناس تعرف ال MCITP او ال CCNA او CCSP لكن معظم الناس تعرف ال ICDL

و بالنسبة للاخ العزيز اللي بيقول ان ال CERTIFICATES ملهاش لازمه اوي اعذرني الكلام اللي في الموكات MOC صعب اوي تعرفه بالشغل العملي يعني بصراحه في فرق كبير اوي بين واحد شغال كويس في النتوورك بايدة و واحد دارس و واخد شهادة بجد مش Dumbs يعني في رايي مفيش مجال للمقارنه و في اي شغل لما بيتقدم 100 مثلا لوظيفة عايزة ISA و Exchange بيتم تنقيه الناس في الاول علي اساس الناس اللي معاها شهادات فيها و بعدين بيتعمل الانترفيو اللي بيتعصروا فيه و بتنقي الناس الفاهمه بجد يعني الشهادة علي الاقل بتفيدك علشان يتم الاختيار و بعدين خبرتك بتبان في الانترفيو ( انا بتكلم علي الشركات الكبيرة اللي بتدفع فلوس مش الشركات الصغيرة اللي بيهمها المرتب القليل الاول )

[ahmedyehia515]

واحد معاه شهادة بتقول إنه مهندس حاسبات يعنى من سنتين ل أربع سنين شغله كله حاسب و برمجةو networking و أنظمة أمن معلومات و قواعد بيانات و تنظيم و بناء الحاسبات و computer graphics و بعد دا كله يقوله عايزين شهادى icdl

يعنى أكنك بتقول لميكل شوماخر هات رخصة سواقة عشان نضمك للفريق بتاعنا

ممكن نضم مايكل شوماخر للفريق من غير رخصة بس لو كسب كل سباقات الدنيا عمره ما حيسوق فى الشارع إلا لو معاه رخصة سواقة فعلاً بغض النظر عن مهنته.

أكيد شوماخر لما يسوق فى الشارع و يكسر الإشارة،لو العسكرى مسكه مش حيقولوا أنا مايكل شوماخر و مش من حقك تطلب رخصة السواقة، حيديهالو و ممكن ياخد مخالفة كمان. إلا طبعاً لو شوماخر سايق فى مصر، ساعتها مش محتاج رخصة

[pro_samir]

أول ما ابتدو يفرضوها على الناس افتكر انهم فرضوها على طلبة البرمجة فى الiti من كام سنة والناس كانو محتجين وعاملين مشكلة لكن فى الأخر خدوها برضو

عموما مش هتخسر حاجة امتحنها وخلاص ، و لو عايز مساعدة فى حجز الأمتحان وكدة ابقى قولى