الاخوه فى وجه قبلى

[zanativich]

رجاء عاجل
انا عندى شغل فى تجع حمادى
مش عارف اروح طيران الاقصر وبعدين مواصلات
ولا قطر ايه الاحسن

[zanativich]

يعنى المسافة من مطر الاقصر ل نجع حمادى اقل ولا من قنا لنجع حمادى
رجاء المساعدة
مسافر غدا

[A.Saad]

من قنا لنجع حمادى 70 كم
من الاقصر لقنا تقريبا زيهم

القطار من هنا لقنا
حوالى 7 ساعات

ممكن تحجز نوم لو مش عايز طيارة
التذكرة من 150 ل 180 تقريبا الدرجة التانية
بالبطاقة
ودى بيكون معاك فيها شخص من نفس النوع
مش شرط تعرفه

[A.Saad]

على فكرة
الترتيب وانت ماشى من القاهرة
بنى سويف
المنيا
اسيوط
سوهاج
نجع جمادى
قنا
الاقصر
يعنى الاقصر هيا الابعد

ولو هتسافر بكرة
حاول تحجز بدرى

[Hossam_Hassan]

طيران و ريح نفسك من مفاجأت القطار

[النوبي]

افضل وسيله حاول تاخد طيران ده حتي فيه تذاكر مخفضه اليومين دول
بالنسبه بعد ما هتوصل الاقصر هتاخد عربيه لنجع حمادي هتوصل في ساعتين او ساعتين ونص

[mostafabakry]

بص يا باشا
لو انت رايح شغل و ملتزم بمواعيد يبقي خليك بعيد عن القطر تماما او انك تسافر قبل ميعادك بيوم عشان لو اتأخرت و دا الطبيعي مايحصلش مشكلة في مواعيد شغلك
دا غير ان القطر بياخد من القاهرة - نجع حمادي حوالي 8 ساعات لو كان ماشي كويس و دا ما بيحصلش ابدا في الوقت الحالي عالأقل تأخير ساعة علي ادني تقدير و احسن الظروف
و بالنسبة لتذاكر النوم تمنها 240 جنيها لأننه بيقطعلك من القاهرة لأسوان
الطيران افضل و اسرع ساعة من القاهرة - الأفقصر و السعر حسب الرحلات و مواعيدها يعني معاك من 200 جنيه لغاية 600 في نفس الرحلة

انت ممكن تديها علي توماس كوك و هما عندهم افضل اسعار للتذاكر

بعد ما بتنزل الأقصر فيه عند اكتر من حل
اولا المسافة 120 كم من الأقصر لنجع حمادي يتاخد حوالي ساعتين و نص عشان الطريق فيه كماين و قرف كتير
الحل الأول : تاخد عربية من التاكسي اللي واقف في باركنج المطار و دول بيبقوا حرامية و بيضربوا في لسما يعني ممكن يقولك 200 -250 جنيه عشان يوصلك نجع حمادي مخصوص نت ممكن تنزل معاه لغاية 120-130 بالكتير

الحل التاني انك تركب عربية ميكروباص من موقف الأجرة بجوار المطار مش بعيد يعني انت تطلع برا المطار و تسأل اي حد علي مكان الموقف هيقولك تركب سرفيس بيعدي من جنب المطار بيروح الموقف و في الموقف هتركب العربيات اللي بتروح نجع حمادي و الأجرة علي ما اظن 5 جنيه يمكن زادت بقت 6 ولا 7 بالكتير

بس ليا سؤال تطفلي شوية لو ميضايقش حضرتك
هو حضرتك رايح شغل في نجع حمادي نفسها ولا رايح مجمع الألومنيوم و لا محطة كهرباء نجع حمادي 500 ك ف ؟؟؟؟