افراح الصعيد اوعى وشك

[D . a .\ AYMAN]

الا هوة تمنة كام صحيح

الكلاشينكوف بيعمل في حدود 15 الف حسب حالته ممكن أقل وممكن أكتر .. وبيتباع عادي لأي حد عايز يشتريه بس طبعا غير شرعي

الالي بيترخص يا باشا لحمايه الاراضي الزراعيه تقريبا علي ما افتكر
وغير كده كميه السلاح الموجوده في الصعيد دي من ايام حرب القناه
لما كانو بيحطوا الاسلحه في براميل ويسيبوها تعوم لحد الناحيه التانيه
وكان فيه براميل التيا بيرميها علي الصعيد
وكل بيت صعيدي فيه اسلحه كتير
وعيب اوي هناك انك متشيلش سلاح
الناس تبصلك علي انك ولامؤاخذه يعني
غير كده بقي الحكومه هناك ليها وضع تاني
لان بيوت الصعيد كلها مترابطه جدا
ويعتبروا قرايب فصعب ان الحكومه تجبرهم علي حاجه
غير ان جزء كبير من افراد الحكومه هناك هما من اولاد البلد والصعيدي مش بيعض في اخوه
ولما بتيجي الحكومه تلم السلاح كل عيله بتطلع حتتين تلاته خربانين وبيقولوا دا السلاح اللي عندنا

الكلام ده الى حد ما صحيح بس ياباشا الآلى لا يتم ترخيصه نهائي ولا لأي فئة في مصر ولا حتى الحرس الجمهوري لو لغرض شخصي .. السلاح الآلي محصور في الإستخدام المهني فقط سواء في الشرطة أو الجيش

يعني فرق الحراسات أو أفراد المباحث أو الجيش طول ماهو في الخدمة أو بمناسبتها لكن بمجرد خروج الشخص اللى كان بيستخدم السلاح ده نفسه من الخدمة يصبح ممنوعا من حمله نهائيا وطبعا دي القواعد العامة المعمول بيها .... لكن بيكون فيه إستثناءات لأن الموضوع برمته سلطة تقديرية للحكومة

طبعا اللي بيحصل ده من ترويع الآمنين وهو حرام شرعا
يعني إيه فرح ينضرب فيه نار أصلا..عشان إيه يعني..اللي حيتجوز ده حيكسب الحرب العالمية مثلا ولا فاكرينه الناصر صلاح الدين
مش ممكن طبعا...دي عادات وتقاليد يجب مراجعتها وضبطها على ميزان الشرع لا الأهواء والأعراف الجارية
كان في واحد صاحبي أصله من الصعيد لما عمل فرحه في مسجد عندنا في وابور المياه بالإسكندرية (منطقة راقية نوعا) أهله ضربوا نار أكتر من اللي في الفيديوهات لما الدنيا ضلمت والرعب كان هو سيد الموقف
أهل المنطقة دي أصلا مابيسمعوش الزعيق والعراك اللي بنسمعه في كل حتة فمبالك بضرب نار بالطريقة دي

بارك الله فيك
مافيش كلام يتقال بعد كده بصراحة
العادات والتقاليد إذا ما وافقت الشرع كان بها وإذا خالفته يجب رفضها وتركها ... مهما كانت


لما بيحصل فرح وفيه هيصة في أي منطقة سكنية في القاهرة أو أي حتة في الدنيا .. أكيد بتصادف إن فيه واحد قاعد بيته مريض .. أو حتى بيصلي مثلا ... أو حتى سليم لكن نفسه في شوية هدوء كل من ساهم في إزعاجه هايشيل ذنبه ... أنا بتكلم عن الهيصة العادية اللى الأفراح

عشان كده الأفراح عملولها قاعات مغلقة وفي أماكن معدة لذلك ... مش وسط منطقة سكنية
وياما كانت بتجيلنا محاضر إصابات خطأ لأطفال ولناس كتير في أفراح الصعيد بالذات وعدد المحاضر اللى أنا شوفتها مش قليل

وعلى فكرة الكلام ده مش في الصعيد بس ده في كل حتة في مصر وعدد المحاضر اللى شفتها أكتر كان في الشرقية .. وسينا بالذات دا غير اللى هما بيداروه على الشرطة ومابيتعملش بيه محاضر أصلا لأنه ماوصلش للموت



وآسف لأخي أحمد ياقوت عن التعبير ده بس لازم أقوله
.. أي حد بيعمل كده يبقى جاهل ومتخلف سواء في الصعيد أو بحري أو أي حتة ... جاهل بتعاليم دينه الذي ينهى عن ترويع الآمنين والمرضى ومراعاة الجار ... ومتخلف عن ركب الحضارة الذي ترك مثل هذه الأفعال وتعلم منها وعلم أنها ليست بالأفعال الصحيحة التي يمكن تربية النشئ عليها

كلمة أخيرة الفرح في الإسلام أساسه الوليمة وفقط وليس من الأفراح ما يتم في هذا الزمن من بهرجة وضوضاء وبذخ نهى عنه الإسلام ونهت عنه الديانات السماوية كلها

[mostafabakry]

يا جماعة انتوا ليه كبرتوا الموضوع كدا

انا صعيدي و من قنا

الللي حابب اوصله للناس كلها هو ان الفيديو دا فعلا بيحصل في بعض الأفراح في الصعيد و اللي غالبا بتكون لحد جامد و من عائلة كبيرة لها نفوذ واسع و غالبا ما بيكون ذو منصب رفيع
يعني ممكن يكون ظابط او وكيل نيابة و لكن افرح كتير ما بيتعملش فيها الكلام دا و بتبقي افراح عادية جدا

دي عادات صعيدية مش اكتر
انا عن نفسي بضايق من التصرفات دي بس و برفضها بشده
بس هي خلاص اصبحت قليله جدا و الشرطة عامله تضييق جامد عالكلام دا و الناس بتاف تطلع سلاح عشان الشرطة ماتخدوش منهم

نيجي بقا للجزء الأهم

اغلبية الناس في وجه بحري سواء القاهرة او الدلتا واخدين فكره عن الصعايدة انهم كائنات طويلة القوام و بشناب طويلة و عمم و جلاليب طويلة سودا و كل حياتهم ضرب نار و ثأر و لا يعرفوا اي حاجة عن العالم ولا عن المدنية الحديثة !!!! و عايشن و بس
يا جماعة الدنيا اختلفت تماما في الصعيد و النهاردة الصعيد غير زمان
النهاردة المدن الكبيرة في الصعيد لا تقل حضارة عن القاهرة بل بالعكس الحياه فيها اجمل و اهدي بسبب قلة الكثافة و نقاء الهواء بيخيليك تستمع بكل اوقاتك دون اي شد عصبي تعالوا نزلوا المنيا او اسيوط او سوهاج او قنا او اسوان و الأقصر و انتوا تشوفوا كم التغيير اللي حصل في الصعيد

و طبعا دا لا ينفي ان الصعيد ما زال محروم من حاجات كتير ولو كان لقي اهتمام من الحكومات المتخلفة اللي تولت الحكم في البلد كان حاله اختلف كتير بس نعمل ايه بقا حظنا كدا

و زي ما بيحصل في افراح القاهرة و بالخصوص المناطق الشعبية و الللي بيتعمل من استخدام السلاح الأبيض في الأفراح كنوع من التقاليع و افراح السواحلية و الإسكندرانية

ما تسيسوش الموضوع و بلاااااااش تشيوا الصعايدة اسباب تدهور احوال البلد هههههههههههههههههه و تقوا ماهو له حق يقعد 30 سنة و يفكر في التوريث !!! يعني هي البلد كلها اتكلمت ووقفت و الصعايدة اللي ساكتين يعني !!!! الأولي بالتحرك هما القاهريين لأنهم ارب ناس لوسائل الإعلام و صوتهم مسموع لكل العالم بعكس الصعيد اللي مدفون

الصعايدة اكتر ناس محتاجة تجديد و دماء جديدة و فكر جديد عشان ينالوا كم اكبر من الإهتمام

و ربنا ينولنا مرادنا

[D . a .\ AYMAN]

اغلبية الناس في وجه بحري سواء القاهرة او الدلتا واخدين فكره عن الصعايدة انهم كائنات طويلة القوام و بشناب طويلة و عمم و جلاليب طويلة سودا و كل حياتهم ضرب نار و ثأر و لا يعرفوا اي حاجة عن العالم ولا عن المدنية الحديثة !!!! و عايشن و بس
يا جماعة الدنيا اختلفت تماما في الصعيد و النهاردة الصعيد غير زمان
النهاردة المدن الكبيرة في الصعيد لا تقل حضارة عن القاهرة بل بالعكس الحياه فيها اجمل و اهدي بسبب قلة الكثافة و نقاء الهواء بيخيليك تستمع بكل اوقاتك دون اي شد عصبي تعالوا نزلوا المنيا او اسيوط او سوهاج او قنا او اسوان و الأقصر و انتوا تشوفوا كم التغيير اللي حصل في الصعيد


و زي ما بيحصل في افراح القاهرة و بالخصوص المناطق الشعبية و الللي بيتعمل من استخدام السلاح الأبيض في الأفراح كنوع من التقاليع و افراح السواحلية و الإسكندرانية

ما تسيسوش الموضوع و بلاااااااش تشيوا الصعايدة اسباب تدهور احوال البلد هههههههههههههههههه و تقوا ماهو له حق يقعد 30 سنة و يفكر في التوريث !!! يعني هي البلد كلها اتكلمت ووقفت و الصعايدة اللي ساكتين يعني !!!! الأولي بالتحرك هما القاهريين لأنهم ارب ناس لوسائل الإعلام و صوتهم مسموع لكل العالم بعكس الصعيد اللي مدفون

الصعايدة اكتر ناس محتاجة تجديد و دماء جديدة و فكر جديد عشان ينالوا كم اكبر من الإهتمام

و ربنا ينولنا مرادنا

ياباشا الكلام ماكانش على الصعايدة بالذات
وأنا وضحت في كلامي إن أكتر المحاضر اللى أنا شوفتها إصابات أو وفيات في الأفراح كانت في الشرقية وسيناء سواء سلاح ناري أو أبيض

الكلام كان عن أي متخلف أو جاهل بيعمل كدا أيا كان منصبه يعني الضابط ولا وكيل النيابة لو عمل كده مانقولش عليه جاهل !!؟

وعموما الضباط ووكلاء النيابة مش هما اللى يعملوا كدا اللى يعمل كدا مش مرتبط بمهنة عشان مانهينش مهن شريفة وبريئة من مثل هذه الأفعال ... واحد معاه فلوس وشايف نفسه ومش مهتم بغيره من الخلائق ولا يستحق منصبه الرفيع إذا كان ذو واحد .. لأنه الأولى بتطبيق القانون مش مخالفته


وبعدين كلام الأخ والزميل العزيز طارق ماكانش المقصود منه برضه إن الصعايدة هما سبب الفساد اللى في البلد ... ولكنه كان شايف إن دي صورة مصغرة من البلد بحالها الفاسد وعدم إهتمام الناس ببعضهم البعض وبالصالح العام قبل مصالحهم وقبل كل شيئ ... صورة مصغرة للجهل والتخلف اللى وصلنا للى إحنا وخلانا نسيب بعض الناس في مناصبها لمدة 30 سنة من غير مايقدموا أي حاجة جديدة للبلد ... الفساد والجهل اللى طال كل فئات البلد مش الصعايدة أو غيرهم

بالعكس أنا شايف إن الصعايدة من أكتر الفئات المترابطة في البلد وإنم كان ترابطهم ده يؤدي الى بعض النتائج المؤسفة وساعتها بتكون مؤسفة جدا كمان زي اللى إحنا شفناه في الفيديو