حوض سمك

[osamaesm]

احلي تحيه لاحلي شباب
ياريت يا شباب اللي عنده خبره في تربيه اسماك الزينه يقولي
انا مش عارف اعمل ايه
جبت حوض سمك واشتريته جاهز الصيني قولت بدل ما اجمع واحد ويطلع بيسرب ولا حاجه
جبت واحد كامل بالموتور والفلتر واللمبه
وجبت سمك اول مره 16 سمكه انواع مختلفه المهم ماتو كلهم ورا بعض
قلت العيب في السمك الصغير مابيستحملش جبت سمك كبير 5 سمكات كبار الواحده قد الكف وررحت جايب موتور اكسجين زياده
ونفس اللي حصل قبل كده ماتو ورا بعض
اخار حاجه جبت 6 سمكات مات منهم 3 جبت غيرهم وعندي دلوقتي 6 سمكات وركبت فلتر تاني وجبت ادويه والاكل بحط قليل ومش عارف اعمل ايه
ياريت لو حدي يفيدني
وشكر واسف علي الاطاله

[النوبي]

بص ياسيدي طبعا لازم لما تشغل الحوض اول مره لازم تجيب مزيل كلور وماتحطش سمك في الحوض الا بعد مرور 24 ساعه
ولما تشتري سمك اشتري سمكه واحده كتجربه مش اكتر من واحده دي هتبقي اختبار للحوض ولو عاشت يبقي تمام وتجيب التشكيله اللي تحبها بس خلي بالك من الانواع اللي بتاكل بعض
ولما تيجي تحط اي سمكه في الحوض ما تحطهاش مره واحده لا انت تجيب الكيس وتسيبه في الميه من 5 الي 10 دقائق علشان تعادل درجه الحراره ولما تحب تحط السمكه تحطها بالميه اللي اشتريتها بيها
ولو احتجت حاجه انا تحت امرك

[NoRmAl]

احلي تحيه لاحلي شباب
ياريت يا شباب اللي عنده خبره في تربيه اسماك الزينه يقولي
انا مش عارف اعمل ايه
جبت حوض سمك واشتريته جاهز الصيني قولت بدل ما اجمع واحد ويطلع بيسرب ولا حاجه
جبت واحد كامل بالموتور والفلتر واللمبه
وجبت سمك اول مره 16 سمكه انواع مختلفه المهم ماتو كلهم ورا بعض
قلت العيب في السمك الصغير مابيستحملش جبت سمك كبير 5 سمكات كبار الواحده قد الكف وررحت جايب موتور اكسجين زياده
ونفس اللي حصل قبل كده ماتو ورا بعض
اخار حاجه جبت 6 سمكات مات منهم 3 جبت غيرهم وعندي دلوقتي 6 سمكات وركبت فلتر تاني وجبت ادويه والاكل بحط قليل ومش عارف اعمل ايه
ياريت لو حدي يفيدني
وشكر واسف علي الاطاله

دا انت قضيت على الثروه السمكيه :))))
و بيموتوا ليه!!!!
أنا كمان نفسى أربى سمك

[Nile_Storm]

ممكن يكون السبب في ان انواع السبب الي بتجيبهم غير متوافقه مع بعضها

[HeMa_LanCeR]

كده الحوض مش مظبوط
فيه حاجه ملوثه
لازم طبعا يكون متغطي من فوق كويس
وتحط مزيل كلور وتجيب الدوا الازرق
وتنضف الجرش كويس جدا
واحسن طريقه تنضيف
اغلي الجرش في مياه سخنه بالملح
وبعدها نضفه بمياه عاديه
ولما ترجعه تاني الحوض املاه وحط المزيل والدواء الازرق
واستني تاني يوم وهات سمكتين ارخص حاجه
وسيبهم وشوف هيحصل ايه

[HeMa_LanCeR]

وكمان في الاوضه اللي هو فيها
ماتحطش برفان ولا ترش اي مبيدات في الجو

[MoOoD]

دا انت قضيت على الثروه السمكيه :))))

هههههههههههه

طيب سؤال لأخى النوبى
انا نفسى أربى سمك من زمان بس معرفش أى حاجه خالص عن السمك
تقدر تقول ان معلوماتى عنه انه مقلى او مشوى او صينيه

وبجد نفسى اربى سمك
تنصحنى بأسماك المياه المالحه ولا المياه العذبه
وايه أسهل
والتكلفه لمصروفات السمك والحوض وأكل والحاجات دى

[Khalid_Mostafa]

احلي تحيه لاحلي شباب
ياريت يا شباب اللي عنده خبره في تربيه اسماك الزينه يقولي
انا مش عارف اعمل ايه
جبت حوض سمك واشتريته جاهز الصيني قولت بدل ما اجمع واحد ويطلع بيسرب ولا حاجه
جبت واحد كامل بالموتور والفلتر واللمبه
وجبت سمك اول مره 16 سمكه انواع مختلفه المهم ماتو كلهم ورا بعض
قلت العيب في السمك الصغير مابيستحملش جبت سمك كبير 5 سمكات كبار الواحده قد الكف وررحت جايب موتور اكسجين زياده
ونفس اللي حصل قبل كده ماتو ورا بعض
اخار حاجه جبت 6 سمكات مات منهم 3 جبت غيرهم وعندي دلوقتي 6 سمكات وركبت فلتر تاني وجبت ادويه والاكل بحط قليل ومش عارف اعمل ايه
ياريت لو حدي يفيدني
وشكر واسف علي الاطاله

شوفي يا علا...
اولاً ماء الحوض بتجبيه من الحنفيه و طبعاً فيه كلور ...يبقي عندك حل من اتنين
-يأما تسيبيه يومين مع تشغيل السخان بتاع الحوض و الأكسجين
-يأما تحطي مزيل الكلور بنسبه معقوله

ثانياً مينفعش اي حد يقلك علي عدد الأسماك الي ممكن تحطيها في الحوض غير لما تقولي علي ابعاد الحوض و قدرة الفلتر و قدرة موتور الهواء

ثالثاً بعض الأسماك تعيش في المياه الباردة مثل الجولد و الكوي و البعض الأخر إستوائي (يعني محتاج سخان) ولا يصح وضع النوعين في نفس الحوض لإختلاف بيئتهم

رابعاً اكاد اجزم ان سبب موتهم هو التغذية الزيادة عن اللزوم فالأكل الزائد بيترسب في القاع و يتعفن و يكون سبب في زيادة نسبة الأمونيا في الماء (فضلات الأسماك مصدر للإمونيا ايضاً)
وهي قاتلة لأسماك

خامساً تغير درجة الحرارة المفاجئ وان كان لا يقتل السمكة في الحال و لكنه يتسبب في مرضها الذي يقودها للموت (تخيلي انك دفيانه وحد دلق عليكي مياه من الثلاجة مثلاً) ولذلك يجب ان تضعي الكيس زي ما هو في الحوض لمدة 10 دقائق وبعدين تفتحيه و تضعي قليل من الماء بتاع الحوض تدريجياً كل دقيقتين في الكيس و اخيراً تطلعي السمكه من الكيس بشبكه و تضعيها مباشرة في الحوض بدون ماء الكيس

سادساً الفلتر المطلوب و موتور الهواء و السخان المطلوب يتوقف علي حجم الحوض

سابعاً مش كل الأسماك يمكن ان تعيش مع بعض و بشكل عام مادامت السمكة اصغر من فم سمكه اخري فهي تعتبر غذاء لها حتي لو كانت نباتية

ثامناً حتي لو كان الحوض كبير ويسع 100 سمكه ، لا يمكن ان نضع الأسماك كلها مره واحده لأنك بذلك بترفعي الحمل البيولوجي مرة واحده و ده بيخلي الفلتر غير قادر علي تحويل هذا الكم المفاجئ.والح هو وضع سمكه واحده كل اسبوع الي ان تصلي للحد الأقصي

انا تعبت من الكتابه و مش فاكر حاجه تاني بس انا تحت امرك في اي معلومه لأني ليا باع طويل في الموضوع ده


MoOoD;3872296124]هههههههههههه

طيب سؤال لأخى النوبى
انا نفسى أربى سمك من زمان بس معرفش أى حاجه خالص عن السمك
تقدر تقول ان معلوماتى عنه انه مقلى او مشوى او صينيه

وبجد نفسى اربى سمك
تنصحنى بأسماك المياه المالحه ولا المياه العذبه
وايه أسهل
والتكلفه لمصروفات السمك والحوض وأكل والحاجات دى[/QUOTE]

انصحك في الأول بالمياه العذبه لأنها الأسهل و الأرخص و الأكثر توفراً
اما عن التكلفة فده يتوقف علي حجم الحوض

[osamaesm]

شكرا يا شباب انا شكلي فعلا قضيت علي الثروه السمكيه
اديني بحاول

[eng.octooo]

ممكن اعرف هوة الحوض الى حضرتك جبتة حجمة قد اية وابعادة وياريت سعرة ؟؟؟ معلش لانى عاوز اجيب واحد من الاحواض الصينى بس مقلق منهم مش عارف لية واية الحاجات الى كانت فية زى الفلتر او السامب او الاضائة او اية بالظبط وشكرا لييك

ونصيحة من مربى قديم ابدا بالسمك العزب وابداء اول شهر بسمكتين جولد او كوى بس علشان تظبط مياة الحوض وتربى بيئة وتكون بكتريا نافعة للسمك

[D . a .\ AYMAN]

هية الأحواض الصيني حاجة نازلة جديدة ... ولا إيه

طب هية أسعارها إيه وممكن ألاقيها فين

أحسن أنا الحوض الزجاج بتاعي إتشرخ من تحت شرخ كبير من حوالي سنة تقريبا ومن ساعتها كبرت دماغي خالص من الموضوع

بس نفسي أرجع أعمله تاني واللى قارفني إني نفسي في حوض متميز ومايكونش معمول بالطريقة المصرية بتاعت لصق الزجاج بالسيليكون دي

بس للأسف الحاجات الجاهزة واللى بيكون نفسي أجيبها بتكون غالية جدا ... يعني أققل حاجة شفتها عجبتني كانت بـ 3000 جنيه

وطبعا إستحالة أدفع المبلغ ده في حوض سمك فقط

[mrwho1982]

سوال فني هو حضرتك جبت سخان ولا لا

[Ghamrawy]

هية الأحواض الصيني حاجة نازلة جديدة ... ولا إيه

طب هية أسعارها إيه وممكن ألاقيها فين

أحسن أنا الحوض الزجاج بتاعي إتشرخ من تحت شرخ كبير من حوالي سنة تقريبا ومن ساعتها كبرت دماغي خالص من الموضوع

بس نفسي أرجع أعمله تاني واللى قارفني إني نفسي في حوض متميز ومايكونش معمول بالطريقة المصرية بتاعت لصق الزجاج بالسيليكون دي

بس للأسف الحاجات الجاهزة واللى بيكون نفسي أجيبها بتكون غالية جدا ... يعني أققل حاجة شفتها عجبتني كانت بـ 3000 جنيه

وطبعا إستحالة أدفع المبلغ ده في حوض سمك فقط

الاحواض الصينى ممتازة و تمنها فيها +بتيجى بالفلتر بتاعها و الاضاءة و الغطا طبعا
و اعتقد ان الحوض اللى ب 3000 ج ده طوله 180 سم و ده مبلغ كويس جدا لحوض ممكن يشيل اكتر من 500 لتر مياه و كمان معاه الترابيزه الشيك بتاعته .

و عموما انا كنت شايف واحد 150x60x48 ب 2700 ج ماركة eightstar و دى ماركة شيك جدا و متينة و معمولة بزمة و الحوض مليان مساطر ازاز لتقوية و زيادة مقاومة الضغط الهايل للمياه و كمان الازاز مقاوم للصدمات و سمك ازاز القاعدة بيوصل ل 12 مم يعنى حوض زى ده عايز 5 رجاله يشيلوه لان وزنه بيعدى ال 160 كيلو .
بالنسبة للاماكن اللى بتبيعه فيه كريزى فيش اللى فى جسر السويس بعد كوبرى التجنيد و المحل ده بتاع سمير شوقى غريب و ممكن تفاصل معاه
و فيه كمان انطوان عزيز اللى فى شارع رمسيس عند المستشفى القبطى (قبليها لو انت نازل من رمسيس لغمرة)

[Nile_Storm]

ارشحلك انطوان عزيز لان حاجاته انضف كتير من سمير
وان كنت مبحبش الاحواض الصيني علي الرغم من ان شكلها احلي
اولا لانها اغلي كتير ثانيا لان اي شرخ فيها الحوض كله باظ لانه كله monoblock بعكس الاحواض المصري بتغير اللوح الي بايظ بس
المهم بس تكون عارف حد كويس يعملهولك بسمك معقول مش زي احواض سوق الجمعه ام سمك 4 ملم و كده

[osamaesm]

انا جبت سخان

بالنسبه للحوض هو مش الاحجام الي فوق خالص
40*30*30
وبيكون كامل بالموتور والفلتر واللمبه ب 320جم