سياراتنا المظلومة فى مصر

[KSA2011]

السلام عليكم
ازيكم يا جماعه
انا بس كان عندى استفسار صغنن هو ليه كل عربيات المصريين يا اما مخبوطه يا اما محكوكه
انا قصتى مع السيارات كانت مع الانسر الى بعتها والحمد لله دخل فيها عربيه داتسون بوظتلى العربيه وهى واقفه مره خدت الجمب اليمين
ومره واحد دخل فى الاكصدام الخلفى دمره
ومره واحد دخل بموتوسيكل فى وش العربيه دمرلى الكبوت و الاكصدام الادمانى ههه
ماعادش حاجه فى العربيه صح
الحمد لله على كل شىء دى حاجات بسيطه
بس فى الحاجات البسيطه دى يعنى العربيه الداتسون عملت جرح طويل فى جمب العربيه وجرح رفيع لما اتعالج البابين و الاكصدام الورانى طبعا اترش يعنى
لما الكبوت اتخبط فيه حته لما اتعدل كله اترش
يعنى شوف لما ترش كبوت عربيه عشان خبطه موتوسكيل متخلف
بعت الانسر لانه كان ظهر فيها مشكله وانا كنت جايبها مستعمله
المهم الحمد لله جبت النترا جديده
وتانى يوم واحد دخل فى المرايه جرحهالى بس الحمد لله
النهارده الصبح وانا نازل فى امانه الله بشيل غطا العربيه لقيت خربوشتين فى الاكصدام الادمانى وماسحين البوهيه طبعا طبعا انا كنت نازل مصدع و بعد الى شفته دماغى ورمت اكتر ورحت الشغل و رجعت البيت علطول ما قعدتش
مين الى عمل فيها كده وهى متغطيه الله اعلم بس فيه حاجه اكيد دخلت فى الاكصدام بس هى ايه الله اعلم لو حد يعرف يقولى
قاعد افكر من ساعتها الواحد ممكن يعمل ايه ؟
انا من النوع الموسوس اوى وبحب احافظ على الحاجه بس كده مش هيبقى ناقص غير انى احط العربيه جمب سريرى
طبعا الى حصل ده خير الحمد لله فيه ناس بترش كبوت بحادثه جامده وبيتبهدلوا فالحمد لله
امبارح وانا فى البنزينه بغسل العربيه ركزت مع كل العربيات الى داخله البنزينه
ولا عربيه سليمه
كروز 2010 اكصدام متجرح و رفرف خلفى مدقوق على البارد
فيه عربيات تحس انها داخله فى بق واحد على راى اللمبى وماشيه واصحابها مش عاملينها
دايما الاكصدامات متجرحه
حسيت انه عربيتك تبقى متجرحه او مخبوطه ده شى طبيعى جداا فى مصرنا الحبيبه
كمان حاجه الناس لما بتلاقى عربيه جديده تحب ترخم عليك تكسر عليك او تعمل غرز ادامك وخصوصا بتوع التاكسيات يعنى عشان عارفين انه صاحبها خايف فبيادبوه !!!
كمان فيه حاجه غريبه على ليه اغلب العربيات الفولكس الباسات اللوجو بتاعها الى قدام مسروق
انا شفت عربيات كتيره جداا بمعدل كل 4 من 5 عربيات لوجو الفولكس مسروق ؟ اشمعنى العربيه دى بالذات ؟ ولا هو بيقع ؟
انا عايز اعرف انت لما تسيب عربيتك سليمه وتنزل تلاقيها كده بتحس بايه ؟
طبعا الحمد لله على كل شىء
بس يا جماعه هى العربيات دى مش فلوس ؟ وكل حاجه بتحصل فى العربيه بتضيع من فلوسها ؟
ياريت كل واحد يفتح قلبه و يقول حلول طبعا مستحيل بس حابب اسمعكم عشان انا ماعادش فيا اعصاب ووصلت لمرحلة انه خلاص كرهت السواقه وعايز ابيع العربيه واجيب عربيه بيجو 504 ووامشى اخبط فى الناس وببلاش وخساره وجع الدماغ وبهدله العربيه
كل سنه وانتم طيبين

[Mohamed.Ramah]

الله يكون فى عونك الحل حضرتك تسافر بالعربية خارج مصر فى حل تانى تركب اكصدامات حديد والله الموفق حل ثالث تركن العربية فى جراش وتغطيها

[Ahmed Nouh]

ده بقى العادى دلوقتى , انا عربيتى الاكصدام اللى قدام مطبق من اليمين والبويه واقعه فى الحته دى وكمان من نص الاكصدام

الباب اللى ورايا شمال خد رزعه محترمه فى نصه واتعمل على البارد وباقى خدوش اثر الخبطه

الكبوت فيه نقره من النص وفيه تقشيرتين دهان

الفانوس اللى قدام شمال واخده بشله من تحت

الفانوس اللى ورا يمين واخد برده شرخ بطول 5 سم فى الجزء الابيض بتاع الاشاره

الشنطه من جنب النمر فيها خرابيش معموله بمسمار من عيل صغير

القائم اللى ورا شمال واخد خربوش محترم جدا بالطول لحد ورا من فوق ودى اكيد بمسمار او مفتاح

المرايات لونها من الحرف راح اساسا

وحاجات كتير بس دى الخرابيش اللى واضحه اوى

انا بقا عمرى ما حكيت العربيه وانا ماشى ابدا ابدا , وبركن عند البيت فى جراج مقفول بس بيركن معاى ناس

يعنى كل الرزع ده يا وانا راكن وعيل بيلعب يا وانا راكن وحد جارى فى الجراج بيحاول يستكشف ابعاد عربيته

كل خربوش جديد اقول هعمله لحد ما لقيت انى استنى وارش العربيه كلها احسن , ومتردد لأنى حاسس انها هتتلط بمجرد ما ارجع بيها من عند السمكرى اذا مدخلش فيها حد فى الطريق اساسا وهو بيحاول يقنع اللى جنبه انى راششها ميتاليك !!

[romeo_6887]

يوم ما استلمت عربيتي الفيرنا
ركنتها تحت العماره عادي
و البلاكونه اللي فوق العربيه
كان فيها عمليات محاره و دهان
و العربيه اخدت نصيبها من الدهان الابيض
و هي كان لونها نبيتي
تاني يوم اتلاقيت الكبوت في نقره
و اكتشفت بعدها ان في طوبه وقعت عليه
مش عارف منين مع اني غيرت مكان العربيه
و اللي ناقص اني اطلعها معايا البيت

[pro_samir]

انا بقا عمرى ما حكيت العربيه وانا ماشى ابدا ابدا

فعلا حاجة تحرق الدم بس الحمد لله

انا برضو كل الحكات اللى معلمة فى عربيتى و هى مركونة وكلها فى بروز الرفرفين اللى قدام و اللى ورا

[KSA2011]

الله يكون فى عونك الحل حضرتك تسافر بالعربية خارج مصر فى حل تانى تركب اكصدامات حديد والله الموفق حل ثالث تركن العربية فى جراش وتغطيها

ياريت والله
انت عارف انا دورت حوالينا على جراج ابدا مش لاقى خالص
احنا عندنا البيت جديد بس للاسف بنينا حائظ بدل باب للجراج و عايز يتكسر وموال بس ربنا يسهل
شكرا

[KSA2011]

ده بقى العادى دلوقتى , انا عربيتى الاكصدام اللى قدام مطبق من اليمين والبويه واقعه فى الحته دى وكمان من نص الاكصدام

الباب اللى ورايا شمال خد رزعه محترمه فى نصه واتعمل على البارد وباقى خدوش اثر الخبطه

الكبوت فيه نقره من النص وفيه تقشيرتين دهان

الفانوس اللى قدام شمال واخده بشله من تحت

الفانوس اللى ورا يمين واخد برده شرخ بطول 5 سم فى الجزء الابيض بتاع الاشاره

الشنطه من جنب النمر فيها خرابيش معموله بمسمار من عيل صغير

القائم اللى ورا شمال واخد خربوش محترم جدا بالطول لحد ورا من فوق ودى اكيد بمسمار او مفتاح

المرايات لونها من الحرف راح اساسا

وحاجات كتير بس دى الخرابيش اللى واضحه اوى

انا بقا عمرى ما حكيت العربيه وانا ماشى ابدا ابدا , وبركن عند البيت فى جراج مقفول بس بيركن معاى ناس

يعنى كل الرزع ده يا وانا راكن وعيل بيلعب يا وانا راكن وحد جارى فى الجراج بيحاول يستكشف ابعاد عربيته

كل خربوش جديد اقول هعمله لحد ما لقيت انى استنى وارش العربيه كلها احسن , ومتردد لأنى حاسس انها هتتلط بمجرد ما ارجع بيها من عند السمكرى اذا مدخلش فيها حد فى الطريق اساسا وهو بيحاول يقنع اللى جنبه انى راششها ميتاليك !!

ربنا يكون فى عونك يا باشا العربيه ما عادش فيها حاجه

[KSA2011]

فعلا حاجة تحرق الدم بس الحمد لله

انا برضو كل الحكات اللى معلمة فى عربيتى و هى مركونة وكلها فى بروز الرفرفين اللى قدام و اللى ورا

حسبنا الله ونعم الوكيل
الحمد لله على كل شىء وربنا يصبرنا

[KSA2011]

يوم ما استلمت عربيتي الفيرنا
ركنتها تحت العماره عادي
و البلاكونه اللي فوق العربيه
كان فيها عمليات محاره و دهان
و العربيه اخدت نصيبها من الدهان الابيض
و هي كان لونها نبيتي
تاني يوم اتلاقيت الكبوت في نقره
و اكتشفت بعدها ان في طوبه وقعت عليه
مش عارف منين مع اني غيرت مكان العربيه
و اللي ناقص اني اطلعها معايا البيت

الطوبه دى يا باشا خدتها فى الكبوت الجديد برضه بس نقطتين صغنين اوى بس من جمب او بميل هتلاقيهم منقرين فى الكبوت
الناس كلها مستويه من بهدله العربيات

[M.Mosaad]

انا خلاص نحست الحمد لله
قعدت علي كدة حوالي 3 او 4 شهور دمي محروق بعد كدة خلاص كل مانزل الاقي خربوش او مفتاح معلم ببقي عادي خالص لما انزل ملقيش حاجة بستغرب

اعتقد ان دة مرض بيبقي عند الواحد لما بيجيب عربيه اسمه الكارفوبيا و الاخوة في الشارع بيعملوا كدة علشان تخف منه يعني لما حد يعدي بمفتاح علي العربيه بطولها و لما عربيه نص نقل تريح عليك و لما عربيه زباله تاخدلك جنب العربيه و لما تبقي واقف في اشارة لابيك و لا عليك و حد يخش في العربيه يدمرلك الفوانيس دة كله بيبقي مقصود علشان تخف من الكارفوبيا فهما كدة بيعملوا شيء كويس علاج نفسي يعني

في اوروبا و الدول المتقدمه الناس بتركن معطم الوقت في جراجات مقفوله و الناس في الشارع بيحترموا المرور كل واحد في حاته محدش بيكسر علي حد و الشوارع مسفلته علي نضيف من غير حفر و المشاة بيحترموا ممتلكات الغير علشان كدة تلاقي نسبة العربيات المخبوطة قليله مساكين معندهمشي حد يعالجهم من الكار فوبيا

[KSA2011]

هههههههههههههههههههه ربنا يشفينى بقى
يلا يا رجاله هقولكم على العنوان عشان تساعدونى

[A_H_M_A_D]

طبعا السبب في إن العربيات في مصر حالتها بصفة عامة مزرية بالمقارنة بأي دولة متحضرة شوية هو الزحمة الرهيبة اللي في بلدنا مقترنة بعدم إتباع القواعد الاساسية للمرور

مثال كده عدم الإلتزام بالحارة أثناء السير , و حب البعض الدخول بعربيته في أي خرم إبره يظهر في الطريق بغض النظر عن اللي ماشي جنبه

حب العربيات إنهم يزنقوا بعض و يكسروا على بعض , محدش بيصبر على اللي قدامه لما يمشي فى أمان الله

الركن في أي مكان صف تاني و تالت مهما كان الشارع ضيق فتكون النتيجه حكة محترمة لأحدى السيارتين الراكنة أو الماشية

ده طبعا غير محتلى الأرصفة من الباعة و أصحاب المحلات اللي يخلوك تضطر تركن في أماكن غير مأمونة و ملطش لأي واحد مش مركز

و مش حاننسى المرضى النفسيين اللي ماشيين في الشارع و اللي بيحبوا دايما إنهم يسيبوا ذكرى ليهم على عربيات الناس اللي لاقيه فلوسها في الأرض , فلازم ينفس عن شوية من أحقاده في صورة رسومات تشكيلية بأي أداه حاده

يعني ده بعض من أسباب الحكات و الخرابيش اللي في العربيات أما الخبطات بقى فدي قصة تانية ...

[KSA2011]

طبعا السبب في إن العربيات في مصر حالتها بصفة عامة مزرية بالمقارنة بأي دولة متحضرة شوية هو الزحمة الرهيبة اللي في بلدنا مقترنة بعدم إتباع القواعد الاساسية للمرور

مثال كده عدم الإلتزام بالحارة أثناء السير , و حب البعض الدخول بعربيته في أي خرم إبره يظهر في الطريق بغض النظر عن اللي ماشي جنبه

حب العربيات إنهم يزنقوا بعض و يكسروا على بعض , محدش بيصبر على اللي قدامه لما يمشي فى أمان الله

الركن في أي مكان صف تاني و تالت مهما كان الشارع ضيق فتكون النتيجه حكة محترمة لأحدى السيارتين الراكنة أو الماشية

ده طبعا غير محتلى الأرصفة من الباعة و أصحاب المحلات اللي يخلوك تضطر تركن في أماكن غير مأمونة و ملطش لأي واحد مش مركز

و مش حاننسى المرضى النفسيين اللي ماشيين في الشارع و اللي بيحبوا دايما إنهم يسيبوا ذكرى ليهم على عربيات الناس اللي لاقيه فلوسها في الأرض , فلازم ينفس عن شوية من أحقاده في صورة رسومات تشكيلية بأي أداه حاده

يعني ده بعض من أسباب الحكات و الخرابيش اللي في العربيات أما الخبطات بقى فدي قصة تانية ...

+111111111

[Eng_Mostafa_89]

أنا ريحت دماغى من موضوع الخبطات دة والعربية راكنة
ضحيت بالجنب الايمن واخلية ديما هوة اللى برة بحيس ان الخساير تكون فى جنب واحد بس ودة لان ساكن قريب من مصلحة حكومة واغلب اللى بيتعاملوا معاها سواقين التاكسي ولك ان تتخيل الركنة لازم يقعد يحضن فى العربية لغاية لما العربيتين يحكوا بعض ودى تكون نهاية الركنة
والجنب الايمن عندى الرفرف اللى فى الخلف واخد حكتين الباب اللى الخلفى حكة الباب الامامى خبطة جامدة شوية الباب الايمن برضة الامامى حكة من الامام الرفرف الامامى حكة برضة

وبعد كدة ربنى كرمنى بنص نقل فى الباب الشمال الامامى وحتة من الرفرف والله وكنت راكن وموسعلة لانى كنت شاكك من البداية انة غبي
واخر حاجة ربنا كرمنى بواحد ابن حلال بمكنة صينى راح داخل عمودى فى الرفرف االشمال الامامى وبهدلة والحمد لله

العربية دى بقالها معايا 11 او 12 سنة عمرها مكان شكلها شوارع كدة بس بينى وبينك بقت بتخلينى عندى حافذ انى ارخم على اى حد بيرمى عليا بقيت ماشي بمبداء ضربوا الاعور على عينة قال خربانة خربانة