يا سلام على مزارع دينا

[mbluethunder]

شكرا م/محمد علاء على التوضيح
أنا مشتغلتش على الفيس بووك قبل كدة ولا سمعت عنة غير فى المنتدى دة من شهر تقريبا بس من كلامك دة شكلة موقع جامد طحن - يبقى أمرنا للة ونخوش من الموبيل خلال العمل ومن جهاز البيت لما أروح مع أنى دة صعب قوى - بس دة بشرط أن فاتورة الموبيل يبقى تدفع من صندوق المنتدى وأمرى للة :-) -بهرج طبعا- أنا رقبتى سدادة فى سبيل المنتدى

مش هاتندم

أنا كنت زي حضرتك كده وكنت مستغرب جدا من الwebsite ده بس مع التعامل معاه كل يوم كنت بكتشف حاجه جديده كل يوم وكان فيه ساعات كنت بكتشف حاجه جديده كل ما أفتح السيت ده

الموضوع ممتع جدا بس عايز صبر شويه بسبب طبيعة وتركيبة ال website ده

[sokasoon]

وجود الصور هناك مع إمكانيات ال website ليها مميزات كتييير جدا والموضع ده هايساعد جامد في حركة المنتدى وإنتشاره

ما قلناش حاجة بس مانمنعش الصور تتحط فى المنتدى علشان نجبر

الاعضاء انها تعمل اكونت فى الفيس بوك علشان تشوف الصور

[أبو عبدالله]

بس بقى عندنا مشكلة جامدة دلوقتي .. الحكومات قررت تتقابل مرة تانية معانا ، وبكدة شكلنا هنحجز دايماً مكان للأسر في كل مرة ..
أقترح المقابلة الجاية تكون في حديقة الطفل بمكرم عبيد بعد العيد الكبير وقبل السنة الجديدة ... مجرد اقتراح .
تقبلوا جميعاً خالص مودتي وتقديري

طب والله كويس وده فكره كويسه وانا موافق على حديقة الطفل اللي في مكرم عبيد

[mido777]

انا و الله متضايق جدا و زعلان انى مقدرتش اجى و اشوف الناس الحلوة دى :(

بس و الله غصب عنى, كنت تعبان و غير كده طلع لى مشوار ضرورى لازم اعمله

انا كان نفسى فعلا اقابل مهندس شريف شاكر جدا و cryptonx و mido777

ده غير حبايبى القدام طبعا

تتعوض قريب ان شاء الله

ان شاء الله يا معاذ تتعوض المره الجاية بس بجد كان يوم جامد جدا

[mbluethunder]

+1

ومش لازم الصور تكون على الفيس بوك بس

ياريت تتحط هنــــــــــــــــــــــــــا باردوووو

علشان اللى مش عامل اكونت على الفيس بوك زى واللى مش عارف يتعامل معاه كمان

يقدر يشوف الصور "مش لازم نفرض حاجة على بعض "

سوكا باشا

الموضوع مش فرض خالص

الموضوع أنه لازم يكون فيه طريقه سهله للتعامل مع الصور

طب تخبل حضرتك إن فيه شخص صور يجي 50 صوره في المقابله ويجي هنا علشان ينزل الصور

هايفضل يعمل attach لكل صوره ويمكن مساحة الصور ماتكفيش أو ال size بتاع الصور مش هاينفع تتحمل على المنتدى وسعتها يروح يحملهم على أي website بتاع صور ويحط ال links بتاعتهم هنا

طب لييييه العذاب ده

دلوقتي فيه website ممتاز بيتعامل مع الصور بكافة أنواعها ومقاستها وبضغطة أيقونه واحده الصور تتحمل كلها عليه حتى لو عندك 1000 صوره

فالموضوع مش فرض بتاتا بس هو إيجاد أسهل الطرق للتعامل مع الصور كذلك إيجاد طريقه فعاله لأنتشار المنتدى

وموضوع ال acount موضوع سهل جدا جدا وبيتعمل في ثواني

[اسلام المصرى]

[/size]
قريتهم بس الصراحة مش فاهم مغزى الفيس بووك اية - وأية إللى ممكن نستفادة لو أتفعل - وأية المشكلة لو الأعضاء شافوا الصور هنا أو هناك المصلحة واحدة - الصراحة القرار دة مش داخل دماغى لحد ما أسمع ردك

خلاص دخلت على الفيس بووك من الموبيل بس دة حاجة صعبة خالص - شكرا يا أسلام على الصور وبما انها صورك فلك الحق أن تحطها فى أى مكان تريد - على العموم أن ختها على الفلاشة وشكرا.
بس أنا مضايق من موضوع الفيس بووك دة وشايفة مشقة - ممكن علشان معمولة بلوك فى الشغل ومعظم وقتى بيبقى شغل ليل ونهار وبكدة هيبقى نص المنتدى بعيد عنى :-(

يا محمد يا حبيبى الرد يكون من كريم منير أو المهندس محمد , العبد لله ملوش كلمه فى الموضوع ده :)
و أعتقد أن المهندس محمد رده كان شامل و وافى.
الصور ملك للجميع مش صورى لوحدى أنا بس! أنا ان كان عليا كنت رفعتها على الموقع هنا ذى ما رفعت صور تانيه كتير قبل كده , أنا بتبع التعليمات , مش معقوله أكون قريت الموضوع بتاع كريم و م. محمد و أعمل عبيط و أرفع الصور هنا فى الموقع هما يقولوا يمين و أنا أخش شمال ;)
الموضوع بسيط يا جماعة الخير و بالعكس الصور هناك حجمها فى متناول الجميع و الموضوع بسيط و سهل محتاج بس شوية تعود و مش لازم تخش كل يوم يعنى ......
سمسم هتلاقى الضغط شديد على السايت يمكن بس فى العادى الموقع ده سريع , بس يمكن على حظك نص العالم كان قاعد عليه.

[mbluethunder]

[/size][/font]

قول 90% من العالم
99.999% من العالم

[Nader]

Nader sorry man I couldn't satisfy my promise to you .

Thanks
Eng.Sherif Shaker

Don't worry man, but i'm waiting:D

[Karim_Monir]

يا جماعة انا لسه داخل بيتنا حالا
المحور كان واقف
بناء على نصيحة دكتور احمد دخلت رماية
وفيصل وما ادراكم ما فيصل ثم الى شبرا الى بيت الحاجة
علقة بكل معاني الكلمة
بس تهون عشان مقابلة اليوم التحفة
بجد انا ادمنتكم
مبروك اول سنة مقابلات مافتنيش منهم غير مقابلتين فقط (رقم قياسي)
اتعرف على شخصيات كتير محترمة ومهذبة
مهندس شريف-ابو عمار -معتز-حمادة عزو-كريم-وناس تانية كتير
-------------
باشمهندس محمد خلف رائد رفع لواء خالف تعرف
شوف يا سيدي
كل مرة بنرفع الصور ونكتب كل مرة اسم كل واحد جديد وكل واحد يقعد يقول تعليقة على الصورة
وننسى اسماء الناس الجديدة ويزعلو ونرجع نعدلها ونرفع الصور من تاني واوووووف
كل ده على فيس بووك بوان كليك
حتى لو السايت محجوب عندك فودافون لايف ببلاش 5 ميجا كل يوم بس اول دخلة بياخدو 1 جنية
يعني مش ازمة
وكمان عشان نعرف صور الحقيقية للناس
وبعد اذنكم عندي اقتراح مش بتاعي بتاع مين يا كيمو مش فاكر والله
دي دعور لكل الاعضاء الفعالة لتغيير النيك نيم لاسمها الحقيقي
عاجبكم النهاردة كل واحد يسال انت مين والنيك نيم ايه
عشان يفتكر مشاركاتة والاسماء طبعا ما بتتطبعش في الدماغ
ومن هنا تبني للدعوة دي
واي حد عايز يغير اسمه يبعتلي او يبعت لمحمود على الخاص باسمه الحقيقي مع كذا اختيار عشان او الاسم مشغول
ونكون حققنا سبق على مستوى المنتديات باننا اول منتدي يتم الاشتراك بالاسم الحقيقي

[Hisham_ElFeky]

ايه الجمال والحلاوة دي كانت جامدة جدا انهارده كل الناس اللي اتعرفت عليهم انهاردة

مهندس احمد وعمرو القاضي (مفيش بعد كده اهو يا عم دكتور احمد سمير قالك سبعاوي باشا
هيكتب تقرير عن السيفيك اقراه وخش علي السيفيك بقلب جامد)

والمهندس شريف وتلبيشة المايفيك الحمد لله ....كان اسلام ماشي كويس انا اللي جبته لنفسي وقولت لشريف سوق انت بقا ويا ريتني ما قلتها) من ساعتها وانا حاسس ان الهوندا سحبها وحش

وماجد migo من الشخصيات اللي تحب تقعد معها

بجد كان يوم جامد جدا...

نسيت اقولوكو علي تلبيشة كريم منير والــ185كيلو وسحبها وحش....بيكلمني وانا في الدواسة طبعا


وتجربة السيتي حج الماهتما.والله زينه والله زينه...بس برضو الستبترونيك ملخباطني بس بسم الله ما شاء الله ...هوندا مبتهرجش


وفي النهاية ..احلي صداقة مع حبيبي بيدووووووووو وهعرفك علي سيجو المره اللي جايه

[Karim_Monir]

يا هشام ربنا يباركلك فيها زي الفل والله روعة
ده انا بقول كدة عشان الحسد طبعا
بس بيني وبينك لولا دمك اللي هرب وخوفك على العربية كنت قفلت عدادها
ربنا يباركلك فيها
--------------
اسلام يا مصري عين العقل يا ريس رفعك على الفيس بووك والله ينور
يا زين اتباعك لقواعد المنتدي
بجد مش تهريج انت مثل يحذى به في الالتزام

[AlmAhAtmA]

ربنا يبارك في صحبتنا و جمعنا
و يجعلنا مجتمعين علي الخير

يا تري العائلات كان رايهم ايه في اليوم

[eng_mkhalaf]

يا تري العائلات كان رايهم ايه في اليوم

عايزينة كل جمعة - أصلهم فاضيين:D

باشمهندس محمد خلف رائد رفع لواء خالف تعرف

واللة الموضوع مش كدة أنا مكنتش اعرف الكلام دة وأستغربت أوى وبما أنى مبعرفشى أعمل حاجة مش مقتنع بيها ودة مسبب ليا مشاكل كتير مع مديرى - فكنت لازم اعرف التفاصيل علشان انفذ الكلام دة ودة مش أنا لوحدى فى أسلام وسوكا
أقول أمر للة ونفذ الكلام دة ومعلشى بقى أن رفعت كام صورة من غير ما أعرف الكلام دة بس أنا رجيعت رفعتهم على الفيس بوك تانى - وحروح أشترى خط فودافون احطة فى الموبيل لما أكون عايز أخوش على الفيس بووك وامر للة :(:(

[Hossam_Hassan]

معلش يا جماعة الخير، أنا مقدرتش أجى بسبب هجوم سربع للأنفلونزا اتحد مع أوجاع ضهرى و مع برد المقطم و جابونى لمس أكتاف بسرعة غريبة و مقدرتش أقوم من السرير و نمت تقريبا 18 ساعة فى خلال ال 24 ساعة اللى فاتوا

[eng_mkhalaf]

إلف سسلامة عليك يا حسام - ربنا يشفيك - القعدة كانت مضلمة من غيرك