الخطوبة موضوع محير فعلا

[Mohamed.Ramah]

دا الحال عند الخطوبة

اذا حاولت تغازل تبقى راجل قليل الادب واذا ماحاولتش متبقاش راجل اصلا
اذا غازلتها تبقى خلبوص واذا ماغزلتهاش تبقى اعمى ومعندكش نظر
اذا زرتها كتير تبقى تقيل ولحوح واذا مزرتهاش كتير تبقى مش مهتم بيها
اذا كنت بتلبس شيك تبقى بتاع مناظر ومقطع السمكة وديلها واذا ملبستش شيك تبقى معفن

اذا جبت هدايا كتير تبقى بتحاول تشتريها بفلوسك واذا مجبتش تبقى بخيل وجلدة

اذا غيرت عليها تبقى قفل واذا مغيرتش تبقى دمك بارد او معندكش دم اصلا

-----------------------------------------------------

فى الخطوبة وشهل العسل هو بيتكلم وهى بتسمع ( احتمال مكسوفة ؟

وبعد سنة من الجواز هى بتتكلم وهو بيسمع ( اكيد تعبت من الكلام اديها فرصة بقى )

وبعد سنين من الجواز هما الاتنين يتكلموا وامة لا اله الا الله تسمع (ودة احتمال وارد لضعف سمع الطرفين ودة الطريقة الثالثة اللى بيلجاو ليها للتعبير عن مشاعرهم او كبتهم اللاشعورى او عن زهقهم من العيال وارفهم

[magyver]

كلامك كلو سلييم مية في المية
امر محير فعلا

[A.Saad]

الستات كدة
مفيش حلاجة تعجبهم

[shaddadfalcon1]

عشان كده بيقولو خير الأمور الوسط يعني لاتتشيك قوي ولا تبقي مش مهتم بلبسك لا تتصل بيها كل 5 دقائق ولا تسيبها بالشهر دايما في المواضيع تتبع حديث الرسول انا مش فاكره بالظبط بس معناه ان المراه خلقت من ضلع اعوج لو حاولت تعدله مره واحده هيتكسر ولو سبته هيذداد اعوجاج

[Abdm]

أفضل حاجة فى كل الكلام دة اللى كلة حقيقى 100 فى 100 . الحل أنك تكون أنسان وسطى فى كل دة لازم تعمل كل اللى أنت قلت علية لازم يتعمل يعنى لازم يتعمل لكن بطريقة وسطية والآعتدال فى كل شىء زينة .وخير الآمور الوسط بلا تقصير ولا زيادة .

[zaza_lanos]

اعمل اللى انتى عايزه
الناس فى البلد ده مش هتبطل كلام
علشان ميشتغلوش ويضيعوا وقت

[ilavm]

لذيذ جدا وفعلا
الخطوبة دي كلها مشاكل

عشان كده احنا نخدعهم ونتجوز على طول

[M.almaghraby]

والله الكلام دا صح....

[hamedo0]

والله من قبل الخطوبه والعالم كله بيسمع

[human]

بص يا سيدى
عشان تستريح ماتحولش تفهم

[Abdm]

لذيذ جدا وفعلا
الخطوبة دي كلها مشاكل

عشان كده احنا نخدعهم ونتجوز على طول

ودية أنا بوجها نصيحة لكل الشباب حاول تجهز نفسك الآول ماديا وتكون نفسك أولا وفى خلال الفترة دية تحاول تدور وتختار كويس على بنت الحلال صاحبة النصيب لآن الآختيار صعب جدا جدا
والآهم تقصر فترة الخطوبة علشان كل ما طالت كل ما المشاكل كترت فكون نفسك الآول قبل الخطوبة علشان فترة الخطوبة تكون قصيرة كبيرها أوى 6 شهور أو سنة مش أكتر ودية نصيحة غالية لكل الشباب والفترة دية مش قصيرة علشان تعرفها فيها لو مكنتش عارفها قبل كدة لآن مشاكل كتير بتحصل بسبب التطويل .وربنا يوفق الجميع

[Usama Nagi]

فعلا الأعتدال في كل شئ مطلوب

[Mohamed.Ramah]

شكرا لكل من شارك نورتوا الموضوع

[Ghost2]

هقولك انا تجربتي باختصار
الموضوع مش صعب خالص يا جماعة ..كل الحكاية الست بتحتاج حاجتين مهمين قبل اي حاجه
1- انك تحسسها انها ست بمعنى انك تديها احتياجاتها كست ودي بتبقى انك تحسسها بالحنية .. وتكون من اهل الوسط في اي حاجه .. يعني لا تكون نحنوح اوي ولا قليل الذوق اوي .. ولا مسرف اوي ولا بخيل اوي .. كده هتبدأ تحببها فيك واحده واحده
2- الحاجه التانيه المهمة اوي انها تحس ان اللي معاها راجل اوي يعني تحس معاك بالامان .. والغيره مهمه طبعا بس متغيرش اوي عشان متحسسهاش انك بتتحكم فيها .. لازم تحس انك متكفل بيها ماديا من الالف الي الياء .. ساعات بتلاقي راجل رامي مصاريف البيت على مراته وشايل ايده من مصاريف البيت ودي موجوده كتير واحيانا بتكون سبب انفصال

بالمتخصر انك تكون متوازن جدا في معاملتك مع الست

[mohamed_kta]

فى مقوله مصريه جميلة أوى بيقول أسأل مجرب و متسألش طبيب :

الله سبحانه و تعالى ليس عليه حقوق للبشر و لكن فى حديث شريف ذكر أنه حق على الله رزق طالب العفه بمعنى أوعى تستنى تكون نفسك و بعدين تتجوز ، و الحاجه المهمة علشان تفضل تحب خطيبتك لما تبقى مراتك بلاش تغلط معاها و انتم مخطوبين أنا عارف إن الواحد بيكون جعان رومانسيه و تنهيد لكن لو تنازلت عنهم شويه قل الزواج ربنا هيمتعك بيهم صح بعد الزواج ، وأسمعها نصيح أخيره فى بيوت كتيره فيها مشاكل لكن فيه بيوت أكتر كلها سعاده بس أكيد السعاده بتيجى لما بيكون فيه ربنا و الفكر الوسطى المعتدل فى البيت و ربنا يكرمك و يسعدك .