هنا يقبل عزاء طلبه هندسة

[yuyu0000yuyu]

ربنا معاك ويوفقك بس ادعيلى انا كمان فى تانيه هندسه بس مدنى ولسالى 3 امتحنات

[factorialx]

إمتحان الخرسانه جه مستحيل المفروض تحل 3 مسائل و ترسم و كل ده في 3 ساعات و الله العظيم أنا كنت فاكر إن فاضل نص ساعه أعمل في الحسابات لقيتهم بيقولو فاضل 5 دقائق فكوا اللوح

الإمتحان ده لو في 5 ساعات مش هخلصه برض :(

[kemo0o]

تصدق فكرتني بأيام الكليه, و الأمتحانات.......... عايز أقولك مش فاكر أي حاجه من مواد كلية هندسه

و الله انا بفكر اطلع الكتب و اذاكر من الأول تاني و أعمل ريفرش....

انت بس ركز في المواد اللي جايه, و ارمي الماده دي ورا ظهرك لأن اللي اتعمل خلاص اتعمل

ان شاء الله تحل كويس في المواد اللي جايه كلها, و تاخد درجات الرأفه في الماده دي بس, هتساعدك شويه

شد حيلك يا هندسه, ماتقصرش رقبتنا كمهندسين قدام الناس, و إن شاء الله تعدي على خير و صافي...

ايه هما المادتين اللي فاضلينلك يا باشا؟؟؟

والله انا كمان رجعتلي ذاكرة المادة دي !! ياااااااااااااااااه على الرخامة بتاعت مسائلها !!
الحمد الله عدت على خير

[m7nsh]

ليه بس الغم ده
لسه برده امبارح راجع من امتحان اعوذ بالله ,, دوائر برده بس مش كهربيه ,, دوائر الكترونيه
الدكتورين عملو الصح معانا ,, واحد منهم محدش كان بيحضرله طول السنه و كنا بناخد كورسات فى معاد المحاضره جاب سؤال بيقول مش عارف لو عدلنا بشكل معين فى الدايره يقوم يحصل ايه زى منا كنت شارح فى المحاضره ؟؟ ههههه
ربنايستر
انت سنه كام و قسم ايه يا يوكو ؟
اخوك 3 اتصالات

[Mohamed.Ramah]

بصراحة الجامعة بتاعتنا فيها شوية داكترةكلهم عبقرية ومواهب فى وضع الامتحانات حسبى الله ونعم الوكيل
جامعة حلوان
حاسس بيك والله ومقدر شعورك حاول بقى تركز فى باقى المواد وربنا يعدى الترم دة علينا على خير

[Ralliart]

متفكرنيش انا مخبيين عليا اللي انا نيلته في الامتحان امبارح
مع اني بحب الماده دي structure بس عندنا دكتور ....... بيتخانق مع واحد بيدي دروس ومصر انه يعند معاه ويجيب مسائل صعبه عشان بتاع الدروس ميعرفش يحلها للطلبه (على اساس ان احنا اللي هنحلها) وكل شويه يرسم مسأله تعقيد ويقولنا خلو الكلب ابن الـ..... يحلهالكم
مع ان مفيش غير 8 بالكتير بياخدو معاه (انا منهم )
والله امتحان ممكن الواحد يغمى عليه من منظره :تخيل لما يجيبلك 13 ورقه اسئله ويقولك حل على قد ما تقدر في 3 ساعات !!! ده كفايه منظر الورق ومنظر الرسومات التعقيديه
والله عمري ما دخلت امتحان وانا اقصى امنياتي اني اجيب نص الدرجه
واللي حطلنا الجدول انسان عايز ينتقم مع اننا عملنا جدول مقترح وكل الدفعه مضت عليه بس ده مصر اننا نمتحن بالجدول العقيم بتاعه
والله انا كرهت الكليه دي وكرهت العيشه على اللي عايشينها !

[yoko]

شكرا على مروركم كلكم
ويا Moh.Abdelbaset أنا تانيه كهربى حلوان وياما حصلي الموقف بتاع إن تيجي حاجات ملغيه

وواضح إن كل الناس الإمتحانات مطلعى عنها وأنا برده جالي إمتحان إلكترونيكس زي الزفت (بالنسبة لإني باور)
والله يكون في عون بتوع مدني أنا الstructuer السنة الي فاتت نجحت فيها بالظبط على نص الدرجة الإمتحان جه رخم وأنا كنت الحمد لله شاطر في الماده وكنت عارف الحل بس إتخنقت لإننا سألنا الدكتور وقالينا إستحاله تيجي ده إنتو كهرباء وجابها قمت كاتبله مفتاح الحل وسبت الإمتحان ومشيت (في لحظة تهور مني)

والمادتين الي فاضلينلي هي رياضة (أخر رياضة هاخدها ومفيش تاني لحد ما أتخرج) وتحويل طاقة وأكيد كل بتوع كهربى عارفين دي عاملة إزاي

[tahayt]

ولا يهمك يا هندسة اخوك ميكانبكا 2000 و ياما الواحد حصل معاة كدة و خليك عارف ان فى كلية الهندسة لو العملية ماشية بحساب الدرجات ماكنش حد نجح ,لسة فى اعادة توزيع للدرجات و وضع اوفر هو الضرب فى فاكتور لو لزم الامر
و نصيحة من اخ مجرب حاول تهتم بدراستك و تتخرخ و انت فاهم صح عشان دة صدقنى بيفرق معاك بعد كدة و حاول تزود مستواك فى الانجليزى و لو عرفت تتعلم لغة تانية يبقى ممتاز , و الله انت عندك وقت و مجهود مش هتعرف تعملة بعد كدة
و عايز اقول لطلبة الهندسة عموما ان المهنة بتاعتنا دى من اكتر المهن اللى فبها تفاوت فى العمل من جهة المرتبات و والله مستوى المهندس العلمى و مهاراتة الشخصية(لغات , كمبيوتر) ممكن يفرقوا معاة جداااااا
و ربنا معاكم

[yoko]

شكرا وفعلا أنا عارف حكاية الفاكتور دي والسنة الي فاتت زودوا الطلبه ٢٠٪ في إمتحان الرياضة عشان نسبه السقوط تبقى ٢٠٪ بس ﻷغن قبليها كانت نسبة السقوط ٤٦٪ وأنا إن شاء الله هبتدي كورسات السنه دي (ده غير التدريب أو الإتنين كل سنه)

[korkor]

مش مهم يايوكو ركز فى اللى جاى انا عاوز اقولك حاجه مهمه انا بقالى اكتر من عشر سنين متخرج من الكليه باستخدم تقريبا مايوازى 5 % من اللى درسته بس فى الكليه لما بتشتغل بتكتشف ان الشغل مالوش دعوه بالكليه خالص وترجع تزاكر تانى علشان تفلح فى الشغل بصراحه حاجه تزهق وربنا يكون فى عون كل طلبه هندسه

[yoko]

مش مهم يايوكو ركز فى اللى جاى انا عاوز اقولك حاجه مهمه انا بقالى اكتر من عشر سنين متخرج من الكليه باستخدم تقريبا مايوازى 5 % من اللى درسته بس فى الكليه لما بتشتغل بتكتشف ان الشغل مالوش دعوه بالكليه خالص وترجع تزاكر تانى علشان تفلح فى الشغل بصراحه حاجه تزهق وربنا يكون فى عون كل طلبه هندسه

يا رب وأديني قاعد بذاكر أهو
probabilities
curve fitting
numerical analysis
وبشد في شعري

[Abdo_Eldesokey]

يا راجل حرام عليك .. السؤال سهل جداً ... ده حتى الراجل مترجملكوا كلمة Fault

يعني عداه العيب وقزح

كان نفسي أحل السؤال بس للأسف ثقافتي 2-Phase بس

[yoko]

يا راجل حرام عليك .. السؤال سهل جداً ... ده حتى الراجل مترجملكوا كلمة Fault

يعني عداه العيب وقزح

كان نفسي أحل السؤال بس للأسف ثقافتي 2-Phase بس

ههههههههههههههههه
ده حتى في الac الي هيا فازة واحده حطلنا مسأله resonance طلعت من نافوخنا

ومصيبة الراجل ده لو كتب حته عربي في السؤال تعرف إن السؤال فيه ...........

[م/مصطفى محمود]

خير يا يوكو ، كلها سنتين ونص وتخلص من الدكاترة وقرفهم

والحمد لله راجع النهردة من أمتحان بدأنا نذاكر المادة أمبارح (لا يتعدى ساعة مذاكرة) ودخلنا حلينا زى الفل D: (مادة أختيارى والدكاترة بيتسابقوا علشان يشوفوا مين هيخلى كل الطلبة تدخل المادة بتاعتة D:)

المهم سيبك من الأمتحانات ، دخلت رُبوكون حداكم ولا لأ ؟؟!! لو مدخلتش حاول تروح وتشترك بجد مُفيدة ليكم جدا جدا جدا جدا جدا

اللى أعرفة أن فى نص السنة هيتعمل فرق جديده (فى عندكم فريق بيأهل الناس ويدعمهم علشان المسابقة أسأل علية المفروض عملوا ندوة أول السنة)

وبالتوفيق ودعواتك علشان عندى مادة Vibration يوم السبت الجاى ونفسى أعدى فيها بجد (والله خااااااااااايف منها جدا وبحلم بيها دور سبتمبر )

[moudy88]

اخوك الشهيد في تالته اتصالات ...وامتحنت 5 مواد ومتبقي 2 ...والحمد لله اتضبطنا بكل ماتعنيه الكلمه ..وعالفكره انا اخدت منهج السيركت بتاعك ده في اولى اتصالات وفاكر مسائل ال 3 phase ودائرة الرنين resonance ...وشيلتها وامتحنتها تخلف وبرضه شليتها.. ونجحت بالرافه في الاخر ..

وعندي يوم السبت circuit وsystem بس دول منهجهم مختلف عن منهج اولى