أفضل مكان ممكن تجيب منه بدله فى القاهرة ؟؟

[Terrible_DaRsH]

حوار فاشل جدا , كنت هجيب بدلة من جولدن مان و عجبتنى جدا و كان سعرها 675 جنيه , بالصدفة شفتها فى محل فى وسط البلد ب 400 جنيه و هى هى البدلة بنفس الخامة , بعدها لفيت محلات مصر كلها مالقتش بدل شبابي خااااااااااالص .

و الحمد لله الفرح اتأجل , لسه هنزل اخد جولة تانية برده و ممكن تكون بره القاهرة كمان :((

[egyptawy2010]

فى 6 اكتوبر بجد بدل جمده موووووت روح وشوف بس

فين فى اكتوبر

[mmans]

فين فى اكتوبر

فى المنطقة الصناعية فى كذا محل جامديين و بنص التمن

[A.Saad]

فين فى اكتوبر

عندك كمان تيد لاموند
المصنع بعد ليلة القدر امام الاهرام

[eng/muhamad]

ياريت يا جماعه حد يقول انواع البدل
و يوصف الشكل و ياريت لو فى صور
عشان انا نفسى اعرف انواع البدل
يعنى فى ناس تقول هات بدله كلاسيك
و ناس تقول هات بدله شبابى و اسبور
و فى بدله موديل المانى و فى اسبانى
عاوز افهم الحاجت دى معل انا مليش فى البدل اوى

[mohamed_kta]

انا روحت كونكريت عندنا فى أكتوبر و كمان فى كام مصنع كده فى أول المنطقة الصناعيه لاقيتهم كويسيين لكن ترددت كثيراً الاسعار فى تيد لاموند المنطقة الصناعية تبدأ من 400 - 700 و كونكريت من 800 : 2000 بس بصراحه البدل hand made عند كونكريت ملهاش حل المهم شوفت واحد صاحبى هناك و أقنعنى بتيد لاموند قماش و التفصيل عندهم و اقسم أن البدله هناك بحوالى 400 : 500 اللى نفسها بتتباع جاهزه بـ1000 بصراحه أغرانى السعر و رحت أجرب و أدعولى

[hesham_tawfiq]

فيه معرض لتد لاموند عنده حاجات احسن من معرض المنطقه الصناعيه بس محل محدش قليل جدا حد يكون عارفه موجود فى المحلات اللى عند جهاز المدينه اودام بوابة النادى الرئيسيه عدل

[mado83]

guy laroche
اول عباس العقاد على الشمال
فى العماره اللى فيها شركه بايونيرز هتدخل وهتدعيلى وهتجيب بدله تجنن
وماتلفش كتير فى المحلات الى ب400 و250 و600 لان كلهم زى بعض
حدد انته عايز تشتريها ليه عشان مناسبه او فرح مثلا خليك مع المكان ده
اما لو كانت بدله للبهدله والشغل يبقى عليك وعلى وسط البلد
لو تعرف الممر اللى فيه محل داندى اللى على ناصيته لطفى فى شارع طلعت حر فى الممر ده محلات بدلها حلوه وب250ج
وهيا هيا اللى ب400 وب600
انما فى guy laroche الوضع هيختلف تماما حتى لو مش بتفهم فى البدل هتحس بالفرق لوحدك