بين الشعبين المصري و الجزائري

[medo_2060]

امال يلزمنا نعرف مين "اليهود " ولا" الامريكان" اعتقد ان دول بيحبونا جدا صح!!!

التعليقات بتاعت الجزائريين اللي انا نقلتها تثبت عكس ذلك و ان فيهم ناس كويسه جدا

حتي لو فيهم ناس مش كويسه ,الاوروبيين اتحدو من زمان رغم وجود خلافات بينهم برضه

وبعدين متنساش ان احنا اللي بدأنا و رمينا الاتوبيس بتاع المنتخب الجزائري بالطوب في مصر , و لو سمحت متقوليش دي تمثيلية, علشان في دلائل كتير بتقول انها مش تمثيليه خالص و اعتقد ان الناس اللي بتفكر و مبتاخدش ارائها من مدحت شلبي و شوبير و خلافه عارفين انها مش تمثيليه

انا مقولتش نعرف اليهود والامريكان ومعروف العدواه بينا وبينهم وعلى الاقل عدوك معروف لكن الى انت بتقول عليه حبيبك بيطعنك فى ظهرك يبقى الاتنين زى بعض
وبعدين حضرتك شكلك متعرفش التاريخ مش عشان كام رد حضرتك جبتهم دول 1% من الشعب هناك الناس دى بتكرهنا طول عمرهم وارجع بالتاريخ لاى ماتش واى حد بيروح هناك مصرى وموقف الحكومه معاهم حتى وانا معاك ان اننا رمينا اتوبيسهم بالطوب بس هما بيعملوا اكتر من كدا ودى مش اساس المشكله اساس المشكله ان الناس دى طول عمرهم بيحقدوا علينا وبنكرههم واحنا عاملين نقول الكبير والاصوات كانت بتتكلم كتير بطريقتك قبل الماتش زى احمد المسلمانى والجلاد وغيرهم وبعد الماتش اتغيرت كل حاجه لازم بقى بعد عن مقوله احنا الكبير
اذا كنت انت راضى ان واحد يكرهك ويهينك وانت تقوله بحبك وبيننا العروبه فدى حريتك الشخصيه

[Ahmad Aboul Fotouh]

وبعدين حضرتك شكلك متعرفش التاريخ مش عشان كام رد حضرتك جبتهم دول 1% من الشعب هناك الناس دى بتكرهنا طول عمرهم وارجع بالتاريخ لاى ماتش واى حد بيروح هناك مصرى وموقف الحكومه معاهم

لا انا عارف التاريخ كويس.. وكمان رحت هناك و اتعاملت احسن معامله من الشعب و الجهات الرسميه صدقني انا بتكلم جد

سيبك من جمهور الكوره هنا و هناك و دور علي الباقي هتلاقيه كويس
خليك عقلاني و فكر كويس انته بينك و بينهم اخوة الدين والعروبه اللي هيه اقوي من اي حاجهو هيه اللي ربنا هيحاسبك عليها.
ارجوك اتوسل اليك لا تنخدع بالتمثيلية التحريضيه اللي بينفذها اليهود و غيرهم في تفكيك الأمه
سيبك من الصحافه بتاعتهم و دور علي الشعب

[medo_2060]

لا انا عارف التاريخ كويس.. وكمان رحت هناك و اتعاملت احسن معامله من الشعب و الجهات الرسميه صدقني انا بتكلم جد

سيبك من جمهور الكوره هنا و هناك و دور علي الباقي هتلاقيه كويس
خليك عقلاني و فكر كويس انته بينك و بينهم اخوة الدين والعروبه اللي هيه اقوي من اي حاجهو هيه اللي ربنا هيحاسبك عليها.
ارجوك اتوسل اليك لا تنخدع بالتمثيلية التحريضيه اللي بينفذها اليهود و غيرهم في تفكيك الأمه
سيبك من الصحافه بتاعتهم و دور علي الشعب

صدقنى اقسم بالله انا بقولك الكلام دا وانا فى غايه الحسره والاسى
عمرى ماكنت اتوقع انه يجى اليوم الى اقول فيه الكلام دا على المفروض انهم اخواتى فى الاسلام قبل العروبه وانا والله مش منخدع بالاعلام وعارف ان الاعلام عندنا وحش زى عندهم وشلبى والناس الى معاهم فلوس وبيطلعوا يهجصوا ومعندهومش مقومات تأهلهم يبقوا مذيعين ابدا بس الى مزعلنى ان عندنا ناس مثقفين وكبار البلد وناس زيك كدا بيتكلموا صح بس للاسف مفيش حد بيتكلم كدا من الطرف المقابل لا حكومه ولا شعب ولا مثقفين يعنى للدرجه دى كل البلد علينا!
المسأله ببساطه زى العلاقه بينك وبين مثلا ابن خالك (اخوك وقريبك من الدرجه الاولى) لو قعد علطول يشتم فيك وبيكرهك هيجى وقت توقف معاملتك الكويسه ليه
بعد كل مهاجمتهم وحقدهم علينا وعلى العكس بيحبوا الفرنسيين ولاجئين فى بلدهم وبيتكلموا لغتهم الى هما احتلوهم وقتلوا المليون شهيد الى هما رمز ليهم شوفت قمه الغرابه!
انا كنت اتمنى الامور ترجع زى ماهى لو كان حد من هناك من جهه رسميه اعتذر وقال ان الموضوع كان مفبرك لكن لا حياه لمن تنادى وفى النهايه الى بيكره مصر وبيكرهنا مش هنطبطب عليه واسف فى اللفظ طز فيه

[تامر.محمد]

يا جماعة الموضوع باختصار زي ما اتقال في اول صفحة بالظبط

القصة ان الحكومة و الاعلام عايزين ضرب النار
عندنا و عندهم

فيه ناس بتتعصب و بتصدق الكلام ده , برده عندنا و عندهم

ربنا يرحمنا و الله
من اللي عندنا و اللي عندهم

[Ahmad Aboul Fotouh]

يا جماعة الموضوع باختصار زي ما اتقال في اول صفحة بالظبط

القصة ان الحكومة و الاعلام عايزين ضرب النار
عندنا و عندهم

فيه ناس بتتعصب و بتصدق الكلام ده , برده عندنا و عندهم

ربنا يرحمنا و الله
من اللي عندنا و اللي عندهم

الله ينور عليك
ياريت نفهم بقه

[M.ABDEEN]

ربنا يهدي ويصلح الحال ............وفي الاخر كورة
صغيرة الناس بتموت بعض وبتشتم بعض علشانها

[Ahmad Aboul Fotouh]

طيب ايه رأيكو في مقطاعة وزارة الثقافة الجزائرية والناشرين الجزائريين لمعرض القاهرة الدولي للكتاب..ده عقل مثقفيين برضه؟؟؟

مهو احنا قولنا الشعب حاجه و هما حاجه تانيه
الشعب نفسه كويس