Tweet
السلام عليكم
النهارده كنت راكب مع واحد صاحبى فى العربية بتاعته و كنا فى شارع جانبى (شارع مدرسة الريادة)المهم هناك فى بلدوزر بياخد الرملة من حته و يرميها فى حتة تانية لسببآ ما!!!!
و إحنا ماشيين و بنعدى من جنبه و ده راح كاسر العجل اللى قدام علينا , صاحبى ربط فرامل و العجل كله وقف مكانه و العربية اتزحلقت و خبطت فى العجلة بتاعة البلدوزر ... طبعآ الأضرار كانت واضحة جدآ ( رفرف يمين و إكصدام و فانوس و حجر الماتور اتأذى) بس الحمد لله الموتور سليم و مفيش مشكلة فى الميكانيكا.. الموضوع أتلم و إن شاء الله هنشوف التكاليف كام و هندفع صاحب البلدوزر التكلفة و ربنا يسهل خصوصآ ان اللى كان سايق البلدوزر ماكانش معاه رخصة من أساسه
لكن نرجع نقول الحمد لله على كل شىء و قدر أخف من قدر و الحمد لله محدش فينا اتأذى بخربوش
و مش مهم ان سواق البلدوزر عيل صغير و و لا يملك رخصة سواقة من الأساس.. و نييجى للمهم
فضلت انا واقف جنب العربية و راح صاحبى على الأول الشارع لقى ظابط مرور بيحكيلوا على اللى حصل قاللوا انا مليش دعوة روح لنقطة الشرطة ..راح لنقطة الشرطة قالوا ان رئيس الوحدة مش موجود و ما ينفعش يطالعوا حد يعاين إلا لما ييجى...رجع تانى للعربية كان بعض الأصدقاء وصلوا
قلنا نكلم بوليس النجدة على التليفون قالوا هيبعتوا حد يشوف العربية .. ساعة و التانية مفيش حد جه و إحنا شغالين بالتليفون و الرد انهم جايين فى السكة... فين وفين لما لقينا وسطة عشان يبعتلنا حد يشوف العربية و جه عسكرى و أمين شرطة فى ظرف ربع ساعة!!!!يعنى مفيش حد بيتحرك إلا لما تكلم وسطة؟؟
يا ريت لو حد عايز يشارك برأيه يجاوب على السؤال ده
لا قدر الله لو واحد حصلتله مصيبة او مشكلة كبيرة .. يتصرف إزاى و يكلم مين ؟؟
و ربنا يكفينا و يكفيكوا شر الطريق
و يا ريت كل واحد و هو نازل من بيته و يقول( اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ)
و دعاء ركوب السيارة (سبحان الذي سخر لنا هذا وما كنا له بمقرنين )
النهارده كنت راكب مع واحد صاحبى فى العربية بتاعته و كنا فى شارع جانبى (شارع مدرسة الريادة)المهم هناك فى بلدوزر بياخد الرملة من حته و يرميها فى حتة تانية لسببآ ما!!!!
و إحنا ماشيين و بنعدى من جنبه و ده راح كاسر العجل اللى قدام علينا , صاحبى ربط فرامل و العجل كله وقف مكانه و العربية اتزحلقت و خبطت فى العجلة بتاعة البلدوزر ... طبعآ الأضرار كانت واضحة جدآ ( رفرف يمين و إكصدام و فانوس و حجر الماتور اتأذى) بس الحمد لله الموتور سليم و مفيش مشكلة فى الميكانيكا.. الموضوع أتلم و إن شاء الله هنشوف التكاليف كام و هندفع صاحب البلدوزر التكلفة و ربنا يسهل خصوصآ ان اللى كان سايق البلدوزر ماكانش معاه رخصة من أساسه
لكن نرجع نقول الحمد لله على كل شىء و قدر أخف من قدر و الحمد لله محدش فينا اتأذى بخربوش
و مش مهم ان سواق البلدوزر عيل صغير و و لا يملك رخصة سواقة من الأساس.. و نييجى للمهم
فضلت انا واقف جنب العربية و راح صاحبى على الأول الشارع لقى ظابط مرور بيحكيلوا على اللى حصل قاللوا انا مليش دعوة روح لنقطة الشرطة ..راح لنقطة الشرطة قالوا ان رئيس الوحدة مش موجود و ما ينفعش يطالعوا حد يعاين إلا لما ييجى...رجع تانى للعربية كان بعض الأصدقاء وصلوا
قلنا نكلم بوليس النجدة على التليفون قالوا هيبعتوا حد يشوف العربية .. ساعة و التانية مفيش حد جه و إحنا شغالين بالتليفون و الرد انهم جايين فى السكة... فين وفين لما لقينا وسطة عشان يبعتلنا حد يشوف العربية و جه عسكرى و أمين شرطة فى ظرف ربع ساعة!!!!يعنى مفيش حد بيتحرك إلا لما تكلم وسطة؟؟
يا ريت لو حد عايز يشارك برأيه يجاوب على السؤال ده
لا قدر الله لو واحد حصلتله مصيبة او مشكلة كبيرة .. يتصرف إزاى و يكلم مين ؟؟
و ربنا يكفينا و يكفيكوا شر الطريق
و يا ريت كل واحد و هو نازل من بيته و يقول( اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ)
و دعاء ركوب السيارة (سبحان الذي سخر لنا هذا وما كنا له بمقرنين )
Comment