لأصحاب النوم الخفيف ::طلب::

[Rembrandt]

متحاولش انك تستخدم السدادات دى او اى أدوية عشان تأثيرها على المدى البعيد مش لطيف
أنا كان عندى نفس المشكلة وعن تجربة الكمونيل لة مفعول السحر وتقدر تجيبة بسهولة من عند العطار وطعمة حلو زى الينسون وموصوف لعلاج الارق هية كوب قبل النوم وان شاء الله تجيب نتيجة

[Haitham10]

اخوانى الاعزاء شكرا علي المساعدة
هحاول اشوف موضوع السدادات دة والكمونيل

[magomago]

عن تجربة الكمونيل لة مفعول السحر

هو كاموميل ولا الكمونيل ده حاجه تانيه ؟


............

[Rembrandt]

هو كاموميل ولا الكمونيل ده حاجه تانيه ؟


............

أعتقد ان اسمة الصحيح هو كاموميل

[asbeats]

نصيحة...
لو مفيش سبب عضوي او نفسي للأرق...


مهم جدا...تظبط موعد نومك اليومي....يعني تعمل حسابك تنام كل يوم الساعة 10 او 11 بالليل...وتصحى على الساعة 5 او 6 مثلا....وتجنب نهائيا نوم العصاري"القيلولة"

كل خلية في جسمك هتدعيلك....ومع الوقت هتلاقي نفسك بتنام الكام ساعة دول بعمق...وجسمك هيبقى مرتاح وذهتك صافي بشكل غير عادي....

بالمناسبة...انا بعمل كده...وخلاص الناس اتعودت اني صعب ارد على الموبايل او اخرج بعد 11 او 12 بالليل...الا لظرف طارئ

مشي الدنيا على دماغك ومتخليش الدنيا تمشيك...

[Haitham10]

مشي الدنيا على دماغك ومتخليش الدنيا تمشيك...

يسمع منك ربنا ... انا اخري اشرب مياه فقط
ويمكن اكتب في المنتدى هنا .... دة الي علي دماغي بمشيه ولله الحمد علي كل شئ :)

[Terrible_DaRsH]

نصيحة...
لو مفيش سبب عضوي او نفسي للأرق...


مهم جدا...تظبط موعد نومك اليومي....يعني تعمل حسابك تنام كل يوم الساعة 10 او 11 بالليل...وتصحى على الساعة 5 او 6 مثلا....وتجنب نهائيا نوم العصاري"القيلولة"

كل خلية في جسمك هتدعيلك....ومع الوقت هتلاقي نفسك بتنام الكام ساعة دول بعمق...وجسمك هيبقى مرتاح وذهتك صافي بشكل غير عادي....

بالمناسبة...انا بعمل كده...وخلاص الناس اتعودت اني صعب ارد على الموبايل او اخرج بعد 11 او 12 بالليل...الا لظرف طارئ

مشي الدنيا على دماغك ومتخليش الدنيا تمشيك...

ده احسن حل فعلا , لانى كنت بعانى من المشكلة دى و جربت حاجات كتير ..

[mando_07]

وحياتك بحط الغمامة والسدادات (فرنسى اصلى ) وبعتم الشقة كلها وبقفل الشبابيك والباب (بخليها بعيد عنك تربه) وبرضة ما بنامش اكتر من تلات اربع ساعات بالعافية ولو نمت ساعة المغربية راحت الليلة كلها وعلى فكرة باشرب لبن وكركدية وينسون ولو حكمت كراوية وبرضة والدكتور قال الميلاتونين هو المسئول مش عارف غدة كزرية صنوبريه (مهلبية...صيادية.....) بس

وأنا نفس الكلام وساعات ابقى هموت من التعب ومش مركز واخش أنام معرفش خالص بقوم افضل قاعد ولا أنا عارف أعمل حاجة ولا نايم

[mohamedbook]

أعتقد ان اسمة الصحيح هو كاموميل

الكموميل دة هو الشيح البابونج

من الاخر كدة شكلك بتفكر كتير في كل كبيرة وصغيرة ودة بيشغل الدماغ
ياريت متفكرش عشان دماغك متشتغلش وخصوصا لما توصل البيت