ممكن كاس الامم لفه من احمد حسن

[human]

انا مش فاهم ازاى ياخد الكاس لشركه خاصه؟ و يتصور بيه كمان و يبقى دعايه؟
هوه ايه الحكايه انا موش فاهم
هو الكاس بتاع مصر ولا بتاع احمد حسن ولا ايه الموضوع
و برضه لما بيتكلم اصبح بيتكلم اكنه صاحب المنتخب نفسه

طيب انا عايزه لفه و لو ينفع ييجى و معاه جدو البيت عشان اتصور معاهم بالكاس
ولا هوه بيروح للى بيدفع بس؟ ولا ايه النظام يا مصر؟
و كاتبين ان تكريم و انضمام احمد حسن من ناتج الشراكه اللى بينهم و بين الاهلى
طيب الكاس ماله يروحلهم ليه؟ ده بتاع مصر ولا تبع الاهلى
كله دخل فى كله ولما تشوفه قوله

الخبر من فيلجول



أقامت شركة فودافون استقبالا ضخما في مقرها بالقرية الذكية احتفالا بالعميد الجديد للكرة المصرية أحمد حسن.

وأعرب حسن عن سعادته الكبيرة بالتعاون مع "فودافون مصر" والمشاركة في كافة الأعمال المتعددة التي تقوم بها.

وأكد حسن أن "فودافون" دائما ما تنحاز لكل المشروعات المفيدة والتي تبث السعادة فى نفوس أفراد الشعب المصري وأنه فخور بانضمامه إلى كوكبة من زملائه من لاعبي كرة القدم.


وحضر حسن إلي مبني الشركة ليشارك موظفي فودافون الاحتفال الذي أقاموه في تعبير منهم عن فرحتهم بسفيرهم. وكانت مفاجأة كبيرة للموظفين إذ احضر الكأس معه مما أضاف بهجة كبيرة على كل الحاضرين.

وكان حسن قد وقع عقدا للشراكة مع "فودافون مصر" لينضم بذلك إلى قائمة طويلة من اللاعبين تضم محمد أبو تريكة ومحمد بركات ووائل جمعة وعماد متعب وحسني عبد ربه قبل كأس الأمم الإفريقية.

وحصل حسن على لقب أفضل لاعب في الدورة، التي فاز الفراعنة بلقبها، كما رفع رصيده من المباريات الدولية إلى 172 لقاء، ليتخطى الرقم القياسي السابق للمباريات الدولية في إفريقيا والمسجل باسم حسام حسن.


ومن جانبه أعرب المهندس حاتم دويدار الرئيس التنفيذي لشركة فودافون مصر أن توقيع عقد شراكة مع لاعب بحجم أحمد حسن يعد إضافة قوية لفودافون والاعمال التي تقوم بها الشركة.

وأوضح دويدار أن انضمام حسن إلى مجموعة اللاعبين أبو تريكة ومتعب وجمعة وعبد ربه يؤكد مدى اهتمام "فودافون مصر" بالتعاون مع اللاعبين الذين يشعرون بنبض الشارع المصري ويعبرون عن مواقفهم المساندة للجماهير في كل مجالات الحياة.

وتأتي هذه الشراكة استكمالا للعلاقة الوطيدة ما بين النادي الأهلي وفودافون التي تتميز بالتاريخ الطويل والاستمرارية.

وساعدت الشراكة النموذجية بين فودافون والنادي الأهلي منذ بدايتها على تحقيق النادى الأهلي لإنجازات تاريخية منها على سبيل المثال فوز النادي الأهلي ببطولة الدوري المصري خمس مرات متتالية منذ 2004 وحتى الآن

[نور القمر]

هو كل اللي شغالين في فودافون بنات ولا ايه

ملاحظتش كمان لما استلم الكاس كان متبت فيه ازاي ومش عايز يسيبه لحد من زمايله
كانت حركة عيالي و ناقصة اوي وخصوصا انها ظاهرة على كاميرات الفضائيات

[yse]

اصله ليه في التلت........
ههههههههههههههههههههه

[human]

هو كل اللي شغالين في فودافون بنات ولا ايه

ملاحظتش كمان لما استلم الكاس كان متبت فيه ازاي ومش عايز يسيبه لحد من زمايله
كانت حركة عيالي و ناقصة اوي وخصوصا انها ظاهرة على كاميرات الفضائيات

هوه كده من المره اللى فاتت برضه مسك الكاس و مش عايز حد يمسكه و كانوا بيزقوا بعض
و المره ديه حتى حسن شحاته لما بيتصوروا كلهم مع بعش احمد حسن رامى نفسه عشان المعلم ماسك الكاس و هيموت و ياخده منه
شغل عيال
بس ياخد الكاس و يلف بيه ديه بقى اسمها ايه
و الدين و الاخلاق بيقول ان كاس الدوله تستفاد بيه استفاده شخصيه كده
المصيبه ان كل واحد محسسك انه امام جامع

[kh_talaat]

المنفسنييييييييييييييين بيشجعوا مصر ............. واحنا معاهم

[nabaster]

اشك انه الكاس الحقيقي

ممكن يكون ماكيت ليه

لاكن صعب اوي ياخد الكاس يتمشي بيه كده

A.Yakout

[human]

اشك انه الكاس الحقيقي

ممكن يكون ماكيت ليه

لاكن صعب اوي ياخد الكاس يتمشي بيه كده

a.yakout

هوه الكاس زى ما مكتوب فى الخبر

و بعدين احمد حسن مايشلش كاس لعبه او تقليد ممكن يحصله حاجه - ده سعاده البيه الكبير راعى منتخب مصر :)

المنفسنييييييييييييييين بيشجعوا مصر ............. واحنا معاهم

مين المنفسنين دول انا ولا هوه؟

[أحمد كمال]

هو احمد حسن كده يموت في الظهور الاعلامي

فانلة 170 في استراحة الماتش

الكاس بيمسك فيه مش عايز يسيبه

يوم ماتش غانا ...... كمية كور يشوطها من نص الملعب ....... البيه عايز يجيب جول من 50 متر ....... حرام عليك يا أخي ........ الناس عالقهوة شتمت فيه شتايم

[human]

هو احمد حسن كده يموت في الظهور الاعلامي

فانلة 170 في استراحة الماتش

الكاس بيمسك فيه مش عايز يسيبه

يوم ماتش غانا ...... كمية كور يشوطها من نص الملعب ....... البيه عايز يجيب جول من 50 متر ....... حرام عليك يا أخي ........ الناس عالقهوة شتمت فيه شتايم

اه يا ابو كمال
حكايه الفانله فى وسط الشوط كانت نستفزه جدا

انتوا كمان شتمتوا اصلى سمعت الناس بتقول كلام نوتى عليه برضه قلتلهم يا حماعه ده كابتن مصر بلاش الكلام النوتى انا سمعت بعد كده اصوات غريبه صعب تتكتب و ناس جايبه سيره حاجات مش كويسه

[nabaster]

هوه الكاس زى ما مكتوب فى الخبر

و بعدين احمد حسن مايشلش كاس لعبه او تفليد ممكن يحصله حاجه - ده سعاده البيه الكبير راعى منتخب مصر :)

الكلام الي في الخبر ممكن يكون حته سيما كده منهم

دعايه للشركه يعني

A.Yakout

[human]

الكلام الي في الخبر ممكن يكون حته سيما كده منهم

دعايه للشركه يعني

a.yakout

الله اعلم بس انا ليا باللى مكتوب :)
"وكانت مفاجأة كبيرة للموظفين إذ احضر الكأس معه مما أضاف بهجة كبيرة على كل الحاضرين.
"

[kh_talaat]

يا جماعة

دة كابتن منتخب مصر

عميد لاعبي العالم

افضل لاعب في دورة كاس امم انجولا 2010

وأحد اهم عناصر الفوز بالكأس اللي كلنا فرحنا بيه وكدنا الأعادي يبقى لما الراجل يفرح بنفسه شويه نقوم نقول عليه كدة !!!


ومزعلش مني يا human دي مجرد دعابه

[momo10000]

معلش يا جماعه كلة يهون عشان مصــــــــــر !!!!!

[human]

يا جماعة

دة كابتن منتخب مصر

عميد لاعبي العالم

افضل لاعب في دورة كاس امم انجولا 2010

وأحد اهم عناصر الفوز بالكأس اللي كلنا فرحنا بيه وكدنا الأعادي يبقى لما الراجل يفرح بنفسه شويه نقوم نقول عليه كدة !!!


ومزعلش مني يا human دي مجرد دعابه

الكلام ده غلط
1- هوه موش عميد لاعبى العالم هوه عميد لاعبى مصر و غالبا افريقيا
2- الفوز اللى حققناه ليس بسبب تألق لاعب و لكن التألق جماعى لجميع اللاعبين
3- دايما ينسب فضل المنتخب للمدرب و المدير الفنى زى الافلام تنسب للمخرج عشان اللعيبه دول الادوات بتاعه المدرب
4- ليس مبرر ابدا ان يدخل الخاص فى العام و السبب انك ناجح يعنى لو انت بطل العالم تقف فى الاشاره برضه زيك زى غيرك
5- فيه تربح من شئ لا يملكه تربح معنوى و الكاس لا يملكه اللاعب لانه ملك لمصر و لو استحل لنفسه شئ يبقى يشاركه فيه جميع اللاعبين اللى حققوا البطوله 3 مرات عشان نحتفظ بيه للابد

[أحمد كمال]

مفيش عميد غير حسام حسن .......


منقول من مقال عمر طاهر بالدستور:

هو عميد واحد فقط في تاريخ الكرة المصرية (حسام حسن)، مع احترامي لأحمد حسن الذي يستحق كل تقدير لما يتمتع به من روح عالية وأخلاق رفيعة في الملعب، لكن برضه حسام هو العميد لأنه معجزة كروية عابرة للأجيال، يكفي أن حسام حسن نجح فيما فشل فيه أحمد حسن وهو أن يذهب بنا إلي كأس العالم بضربة رأس وهدف صحيح مش مجاملة من حامل الراية، يكفي أنه لم يحرز أبدا هدفا في نفسه وهو خطأ يحول أكبر عميد في العالم إلي موظف إداري في الأرشيف.

حسام حسن هو العميد لأنه ليس ملكا لناد واحد فهو ابن الأهلي الذي قاد الزمالك للبطولات قبل أن يدخل البهجة علي قلوب جمهور الاتحاد الذي غادره إلي بورسعيد ليعيد إلي هذا الجمهور العظيم ثقته في نفسه، حسام حسن هو العميد لان اللاعبين الذين يقفون له انتباها في التدريبات كانوا زملاءه منذ فترة بسيطة في المنتخب، هو العميد لأنه من النادر أن يتحدث عن نفسه وإنجازاته (لم يكن أحمد حسن موفقا بعد انتهاء الشوط الأول من ماتش الكاميرون عندما لم يقدر أن فريقه متعادلا بالعافية ومحاصرا بضراوة في نصف ملعبه ومع ذلك فكر في أن يحتفل بمجده الشخصي بأن رفع فانلة الـ170 أمام الكاميرات في أثناء خروجه للاستراحة، الفرق بينه وحسام حسن في مثل هذه اللحظة أن حسام بكل إخلاصه التام لفريقه الذي لا يوجد فيه مساحة لذرة تفكير في المجد الشخصي كان ممكنا أن يحطم هذه الكاميرات)، هو العميد لأنه آخر لاعب في الجيل الذي لم يمسك نصف مليون جنيه علي بعضهم ولم يبن أبراجا سكنية ولم يفكر في استثمار محبة الجميع له في عمل مباراة اعتزال يجني من خلالها كام مليون (موضوع عدم اعتزاله أصلا يعطيني شعورا أنه قد يعود إلي الملاعب مرة أخري وهو قادر ويعملها)، حسام حسن العميد لأنه اللاعب الوحيد الذي لم يستطع الجزائريون أن يمسوه بسوء ولا حتي بتبريقة عين ولو كان موجودا في أم درمان لم يكن المنتخب الجزائري ليقهرنا مثلما فعل لاعبوه مع أحمد حسن في بداية الماتش، هو العميد لان العمادة ليست بأرقام المباريات ولكن بإجماع المصريين (تخيل كام في المائة من المصريين قد يقبلون بعد كام سنة أن يحمل سيد معوض مثلا لقب عميد لاعبي مصر؟)، لقب العميد الذي يحمله حسام حسن سيظل ملتصقا به مثلما التصق بعبد الحليم لقب العندليب صحيح أن عمرو دياب حصد الميوزك أورد عدة مرات بينما لم يخرج حليم من مصر إلا للعلاج لكن من المستحيل أن يسحب عمرو اللقب من حليم واخترع لنفسه لقبا جديدا (الهضبة)، لذلك فلا عميد إلا العميد حسام حسن وعلي أحمد حسن أن يبحث عن رتبة أخري، يمكنه مثلا أن يصبح (مقدم) الكرة المصرية.

بالمناسبة أنا لا أناصر حسام حسن لأنه يدرب الفريق الذي أشجعه ،كنت سأقول الكلام نفسه حتي لو كان أحمد حسن نجم الزمالك، فحسام حسن نوع من اللاعبين محبتهم عابرة للانتماءات مثل أبوتريكة والخطيب وحسن شحاتة وحمص وعلي أبو جريشة، وبالمناسبة أيضا أعتقد أن عبدالواحد السيد لن يري الملعب ثانية في عهد الكابتن حسام وأود أن أذكر الكابتن حسام أن عبدالواحد هو الذي جري ناحية احمد حسن حاملا له فانلة الـ170( وربنا يقدرنا علي عمل الخير).